ئەڤرۆ نیوز ، زنار تۆڤی :

رۆژنامەکا لەندەنی ئاشكرا كریە، کو نوری مالكی جێگرێ سەرۆک كۆمارێ عێراقێ و سەرۆكێ هەڤپەیمانیا دەولەتا قانوونێ ژ ترسا هندێ کو ئیران پێگەهێ خۆ ل عێراقێ ژ دەست نەدەت، دڤێت ئەیاد عەلاوی بۆ پۆستێ سەرۆك وەزیران كاندید بكەت، چونكی عەلاوی كەسەک نینە کو راستەوخۆ سەر ب ئەمریكا ڤە بیت.

رۆژناما” ئەلعەرەب ” یا لەندەنی بەلاڤە كریە، ئیران هەڤرکیا دەمی و بەستنا هەڤپەیمانیێ دناڤبەرا پێكهاتان دکەت د زووترین دەمدا، چونكی ل دووشەمبیا بوری مایك پۆمپیۆ وەزیرێ دەرڤە یێ ئەمریكا ستراتیجیەتا نوو بەرامبەری تەهرانێ راگەهاند و گوتیە، دێ گرانترین سزایان ب سەر ئیرانێدا سەپینین و دێ دەستوەردانێن وێ ل عێراقێ راوەستینین و دڤێت ئیران رێزێ ل سەروەریا عێراقێ بگریت.

ئەڤ ستراتیجیەتا نوو یا ئەمریكا و چركرنا بزاڤێن وێ وە ل ئیرانێ و هەڤپەیمانێن وێ ل عێراقێ كریە، کو ب لەزەکا زۆر بزاڤا دروستكرنا مەزنترین هەڤپەیمانی و فراكسیۆنا پەرلەمانی بدەن، داکو كەسەکێ نێزیکی ئیرانێ ببیته سەرۆك وەزیرێن عێراقێ ، بۆ ڤێ مەبەستێ ژی قاسم سولەیمانی فەرماندێ فەیلەقا قودسا سوپایێ پاسداران هەر زوو گەهشتە بەغدا بۆ هندێ کو رێکێ ل دروستبوونا حوکمەتەکا دوور ژ ئیرانێ بگریت.

وێ رۆژنامێ گوتیە ، قاسم سولەیمانی گوتیە سەركردێن شیعان ، هەکە هەر نەشێن حوکمەتا تەمام یا نێزیكی ئیرانێ دروست بكەن ، پێدڤیە ئەیاد عەلاوی سەرۆكێ هەڤپەیمانیا وەتەنیە و سەرۆك وەزیرێ بەرێ یێ عێراقێ وی پۆستی وەربگریت.

بۆ ڤێ مەبەستێ قاسم سولەیمانی ل دەمێ سەرەدانا خۆ دا بۆ بەغدا ل گەل ئەیاد عەلاوی سەرۆكێ هەڤپەیمانیا وەتەنیە كۆمبوویە، بۆ هندێ کو ژ عەبادی و سەدری دوور بێخیت، چونكی پلانا سەدری و عەبادی بۆ دانانا حەیدەر عەبادی ب تەمامی دژی ئیرانێ یە، چونكی عەبادی خوە نێزیکی سعوودیێ و ئەمریكا دکەت، ژێدەران دووپاتی ل هندێ کریە، کو ئارمانجا قاسم سولەیمانی رێگریكرنە ل سەركەفتنا عەبادی و سەدری بۆ پێكئینانا حوکمەتا نوو ل عێراقێ، لەوما ئەو عەلاوی كاندید دكەن بۆ سەرۆك وەزیران.

ئەڤرۆ نیوز ، زنار تۆڤی :

شاندێن هه‌ڤپشكێن پارتی دیمۆكراتی كوردستان و ئێكه‌تیا نیشتیمانی یا كوردستانی ئه‌ڤرۆ چارشەمبی 23 گولانا 2018 ل به‌غدا كۆمبوون و وان راگه‌هاندیە ، کو ئه‌ڤ سه‌ره‌دانا وان یا راوێژكاریه‌.
ئەڤرۆ هەردو شاندێن پارتی و ئێكه‌تیێ ل به‌غدا كۆمبوون، سه‌ره‌دانا لایەنان ژبۆ پێكئینانا حكومه‌تا نوو یا عێراقێ گۆتوبێژ كرن.

پشتی وێ كۆمبوونێ ژی هه‌ر ئێك ژ خسرۆ گۆران و خالد شوانی ئه‌ندامێن شاندێن پارتی و ئێكه‌تیێ د پرێسكۆنفرانسه‌كی دا راگه‌هاند ،کو سه‌ره‌دانا شاندێن ئێكه‌تی و پارتی بۆ به‌غدا و لایەنێن عێراقی، ب تنێ ژبۆ هایداربوونێ یه‌ ل سه‌ر بۆچوونێن لایەنێن سیاسی یێن عێراقی.

هه‌روه‌سا گوت ژی ، كۆمبوونێن پارتی و ئێكه‌تیێ دێ ل گه‌ل لایەنێن كوردستانی ل هه‌رێما كوردستانێ ل قۆناغا بهێت ده‌ست پێ كه‌ن ب ئارمانجا پێكئینانا تیمه‌كا هه‌ڤپشك ژبۆ گۆتوبێژێن پێكئینانا حكومه‌تا نوو یا عێراقێ.