ئه‌ڤرۆ نيوز، فاتما مزوورى:
په‌یڤدارا كۆشكا سپی سارا سانده‌رز راگه‌هاند، ئه‌گه‌ر روونشتنا د ناڤبه‌را دۆناڵد تره‌مپ سه‌رۆكێ ئه‌مه‌ریكا و كیم جۆنگ ئون سه‌رۆكێ كۆریا باكوور دێ هێته ئه‌نجام دان، ژ ئالیێ خوه ڤه وان هه‌موو ئاماده‌كاری یێن پێدڤى كرنه.
سانده‌رز هه‌روه‌سا گۆت ژی، ب نێرینا سه‌رۆك تره‌مپ دانوستاندنێن نها د ناڤبه‌را هه‌ردو ئالیان دا ب ئاوایه‌كێ باش ب ڕێڤه دچن و وان روونشتنێن كو نوكه د ناڤبه‌را ئه‌مه‌ریكا و كۆریا باكوور دا هه‌نه ئاماژه‌یێن گرنگن ژبۆ پێشكه‌فتنا تێكه‌لی یێن هه‌ردو ئالیان و ئه‌و شاندێ كو نوكه ل سه‌نگافورن هه‌موو ئاماده‌كاری یێن پێدڤى ژبۆ گۆپیتكا هه‌ر دو سه‌رۆكان كرنيه.
سانده‌رز ئاشكه‌را ژی كر كو كیم یۆنگ چۆل كو به‌رپرسه‌كێ پله بلندێ كۆریا باكووره دێ ل گه‌ل مایك پۆمپیۆ وه‌زیرێ ده‌رڤه یێ ئه‌مه‌ریكا كۆم بيت.
هه‌تا نها ژی نه‌هاتیه ئاشكه‌را كرن كا روونشتنا 12ى خز‌یرانێ كو د ده‌ستپێكی دا هه‌ردو وه‌لات ل سه‌ر رێكه‌فت بوون دێ هێته ئه‌نجام دان یان نه.
به‌رێ ژی سه‌رۆكێ ئه‌مه‌ریكا د نامه‌یه‌كێ دا ژبۆ كیم جۆنگ ئون راگه‌هاندبوو كو دێ ئه‌و روونشتن هێته هه‌لوه‌شاندن، به‌لێ دێ ده‌رگه‌هـ بۆ هه‌ر روونشتنه‌كا دى يێ ڤه‌كرى بيت و ئه‌و روونشتن دێ ل ده‌مه‌كێ دى هێته ئه‌نجام دان.
نيشاندان
