ئەڤرۆ نیۆز، رێوار مزیری:‏

بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا ‏دھۆکێ بۆ ئەڤرۆ نیۆز دیار کر کو تەرمێ وەلاتیەکێ 67 سالی دوھی 26 ‏گۆلانا سالا 2018ێ ل دەمژمێر 6:00 ئێڤاری د ناڤ مالا وی دا ل باژێرێ ‏دھۆکێ ھاتە دیتن.‏

رائیدێ مافپەروەر ھێمن سلێمان، بەرپرسێ پشکا پەیوەندی و ‏راگەھاندنێ ل رێڤەبەریا پۆلیسێن پارێزگەھا دھۆکێ ئاشکرا کر کو پشتی ‏پۆلیس ب ھەبوونا تەرمێ زەلامەکی ھاتینە ئاگەھدارکرن ئێکسەر ‏گەھشتنە جھێ بوویەرێ و دەست ب ڤەکۆلینێ کر و دیاربوو کو ئەو تەرم ‏یێ زەلامەکێ 67 سالی یە ب ناڤێ محەمەد عەبدولرەحمان سەعید کو د ‏ناڤ مالا خوە دا ل تاخێ شەھیدان یێ باژێرێ دھۆکێ گیانێ خوە ژ دەست ‏دایە و گۆت: “تەرمێ وی بۆ نۆشداریا داد ل دھۆکێ ھاتە رەوانەکرن داکو ‏ئەگەرێن دروست یێن گیان ژدەستدانا وی بھێنە زانین کا وی خوە کوشتیە ‏یان کەسەکی ئەو کوشتیە”.‏

ناڤھاتی ئاماژە دا وێ چەندێ کو پەرێن ڤەکۆلینێ بۆ ڤێ بوویەرێ ژ ‏ئالیێ پۆلیسێن بنگەھێ داسنیا ڤە ھاتینە ڤەکرن. ‏

ئه‌ڤرۆ نيوز، نيوار محه‌مه‌ سه‌ليم:

ئه‌ڤرۆ نيوز:

ب مەرەما دوڤ چونا سەقایێ ئەنجامدانا ئەزمونێن قوناغا 12 ئامادەیی وزانینا کێم وکاسیێن ھولێن ئەنجامدانا ئەزمونان ئەڤرو سپێدێ 27-5-2018 به‌ھزاد عه‌لی ئادەم جێگرێ پارێزگەرێ دھوکێ وعومه‌ر عه‌لی تاھر رێڤەبەرێ گشتی یێ پەروەردا پارێزگەھا دھوکێ ب وەکالەت وچەند سەرپەرشتێن پەروەردەیی سەرا ئامادەیێن ( ئالا وشالین) دا وژنێزیک سەحکرە رەوشا قوتابیان دەمێ ئەزمونێن گشتی ئەنجامدەن.

د کونگرەکێ روژنامەڤانیدا جێگرێ پارێزگەرێ دھوکێ گوت: ئەم ھاتینە دا ژنێزیک سەحکەینە رەوشا قوتابییان دەمێ ئەزمونان ئەنجامدەن ب خوشحالیڤە مە سەرەدان کرن ومە چ کێماسی نەدیتن کارەب بەردەوام ھەیە ئێمناھیا ھولا یا پاراستیە وسەرکەفتن بو قوتابیێن پشکدار خواست.

رێڤەبەرێ گشتی یێ پەروەردا پارێزگەھا دھوکێ ب وەکالەت گوت: ئەزمون ل سەر ئاستێ 10 پەروەردا دھێنە ئەنجامدان و سوپاسیا ھەموو ماموستا ولایەنان کر یێن بوینە ھاریکار بو ئەنجامدانا ئەزمونا تایبەت کارگێریا پارێزگەھێ وپولیسێن ئێمناھیێ .

ھەروەسا گوت: ئەڤرو ئەزمونێن پولا 12وسوبەھی ئەزمونێن پولا 9 یێن نیشتمانی دێ ھێنە ئەنجامدان وسەرکەفتن بو پشکدارا خواست .

33 هزار و 342 قوتابی ل قوناغا 12 ئامادەیی و 34 هزار و 112 قوتابی ل قوناغا 9 بنەرەتی ل سەر ئاستێ پارێزگەھا دھوکێ ئەزمونێن دوماھیا سالێ ئەنجامدەن و هزار و 121 بنگەهـ بو ئەنجامدانا ڤێ پروسێ هاتينه‌ دابينكرن

ئەڤرۆ نيوز: ‏

پشکا چاڤدێری و سلامەتیا خوراکی ل رێڤەبەریا ‏کارۆبارێن خوە پارستنا ساخلەمیێ ل پارێزگەھا دھۆک، ‏ھوشداری دانە وەلاتیان کو شەربەت و شریناھی یا ناڤێ ‏تەزیاتیێ و مێژو ل سەر نەبینت نەکرن.‏

عصمەت سەلمان وەیسی رێڤەبەرێ پشکا چاڤدێری و ‏سلامەتیا خوراکی ل رێڤەبەریا کارۆبارێن خوپارستنا ‏ساخلەمیێ ل پارێزگەھا دھۆک بۆ رۆژناما ئەڤرۆ گۆت: ‏ب مەرەما پتر پاراستنا ساخلەمیا وەلاتیان ل ھەیڤا ‏رەمەزانا پیرۆز تیمێن مە رۆژانە ل دانێ سپێدێ و دانێ ‏ئێڤاری و دو تیم ب شەڤ بەردەوام دووڤچوونا بازاری ‏دکەن، گەلەک جە ھاتینە ھوشداریکرن، جە ژی ھاتینە ‏سزدان ب کوژمەکێ پارەی، ھندەک جە ژی ھاتینە ‏داخستن.‏

عصمەت ژ خەلکی خواست ژی کو شراناھی و ‏شەربەتێن ل ھەیڤا رەمەزانێ سەر عەربانا و سەر جادا ‏دھێنە فرۆتن، پێدڤی یە خەلک تەماشە بکەتێ کا ‏ژێدەرێ وی شریناھی وێ شەربەتێ ژ کیڤە یە و ناڤێ ‏تەزیاتیێ ل سەر نەبیت بلا نەکرن، چونکو زانیاری ‏ھەنە ھندەک شریناھی و شەربەتێ ل مال دروست ‏دکەن، ھەموو رێنمایێن ساخلەمی تێدا نین لەوما ‏دووڤچوون یا ل سەر دھێتەکرن.‏

گۆت ژی: ھەما مەزانی مالەکا شەربەتێ یان شریناھی ‏دروست کەت و ل بازاری دھێتـە فرۆتن ب فەرمانا ‏دادوەری دێ چینە وێ مالێ دا و دێ پێرابوونێن ‏قانوونی ل گەل ھێنە وەرگرتن، سالا بووری ئەڤە ‏زێدەگاڤی یە ھەبوو ،لێ ئەڤ سالە ھەتا نوکە روونەدایە.‏