ئه‌ڤرۆنيوز:
نه‌خوه‌شیا ده‌روونى ب نه‌خوشیه‌كا گران و ئالوز دهێته نیاسین و رۆژانه ل نه‌خوه‌شخانا ئازادى كه‌سێن نه‌خوه‌شیێن ده‌روونى هه‌ین ب رێژه‌كا بلند دهێنه دیتن و نوشداره‌ك ژى ئه‌گه‌رێ هاتنا ڤێ نه‌خوه‌شیێ دیاردكه‌ت.
عه‌دنان ئه‌سعه‌د سه‌رۆكێ پشكا ده‌روونى ل نه‌خوه‌شخانا ئازادى بۆ نوش نیوز دیاركر “رۆژانه پتر ژ نه‌خوه‌شیا ده‌روونێ يا تێكچوونا (ره‌فتارێن مرۆڤى یان هزرا مرۆڤى، یان هه‌ست و سوزێن مرۆڤى) نه ئه‌ڤجا دبیت ئه‌و هه‌رسێ پێكڤه تێك بچن، یان ئێك ب تنێ تێك بچیت و نه‌خوه‌شیا ده‌روونى دروست ببیت”..
عه‌دنانى دياركر كو نه‌خوه‌شیا ده‌روونى بۆ گه‌له‌ك ئه‌گه‌ران د زڤریت، لێ هنده‌ك ئه‌گه‌ر هه‌نه د سه‌ره‌كى نه وه‌كور(جینات و كارتێكرنا مرۆڤى و تایبه‌تمه‌ندیا مرۆڤى) ئه‌گه‌رن ئه‌ڤ نه‌خوه‌شیه دروست بیت و ژ لایه‌كێ دی ڤه (ئه‌و كه‌سێن فێربوويى بن وه‌كو خوانده‌وار بن ئه‌و پتر د دوورن ژ نه‌خوه‌شیا ده‌روونى و ئه‌و كه‌سێن نه‌خوێنده‌وار نێزیكترن بۆ ڤێ نه‌خوه‌شیێ”.
خوياكر ژى” نه‌خوه‌شیا ده‌روونى ل ده‌ف هه‌ژاران زێده‌تره ژ مرۆڤێن زه‌نگین، دیسان شه‌ر ژى ئه‌گه‌رن بۆ ڤێ نه‌خوه‌شیێ و ئه‌گه‌ره‌كێ دیتر یێ هاتنا نه‌خۆشیا ده‌روونى هه‌ر جوره‌كێ قه‌یرانێ بیت وه‌كو قه‌یرانا نوكه.
ناڤبرى ئه‌و چه‌نده دا زانين كو رۆژانه نێزیكى (100) كه‌سان سه‌ره‌دانا شیره‌تكاریا نه‌خوه‌شیێن ده‌روونى ل نه‌خوه‌شخانا ئازادى دكهن و پتریا وان كه‌سان د ژیێ د ناڤبه‌را (15 هه‌تا 35) سالیێ دانه و گۆت: “هیڤیا مه ژ هه‌موو كه‌سان ئه‌وه خوه ژ هزركرنێ و هزرێن كوور و خراب دوور بكه‌ن دا تووشى نه‌خوه‌شیا ده‌روونى نه‌بن”.
نيشاندان
