فەرسەت‎ ‎سۆفی‎ *

ل‎ ‎گۆری‎ ‎ھەموو‎ ‎پێڤەر‎ ‎و‎ ‎بەرپرسیاریان‎ ‎ھەڤپشک‎ (‎تچامنی‎) ‎دکەڤیتە‎ ‎ستویێ‎ ‎کابینەیێن‎ ‎حوکمەتێ،‎ ‎ب‎ ‎شێوەیەکێ‎ ‎ھەڤپشک‎ ‎ژی،‎ ‎خوەدی‎ ‎دەستەەفتان‎ ‎دەردکەڤیت،‎ ‎لۆژیک‎ ‎وێ‎ ‎چەندێ‎ ‎قەبوولناکەت‎ ‎د‎ ‎دەسکەفتان‎ ‎دا‎ ‎شەریک‎ ‎بیت‎ ‎و‎ ‎د‎ ‎کێموکاسیان‎ ‎داژی‎ ‎تەریک‎. ‎

د‎ ‎ھەوا‎ ‎ھەلبژارتنان‎ ‎دا‎ ‎گەلەک‎ ‎ب‎ ‎رژدی‎ ‎کار‎ ‎ل‎ ‎سەر‎ ‎وێ‎ ‎چەندێ‎ ‎دھێتەکرن،‎ ‎کو‎ ‎پێشینەیێن‎ ‎حوکمەتێ‎ ‎وەک‎ ‎دەستکەفتێن‎ ‎تاکەکەسی‎ ‎بۆ‎ ‎بەرێز‎ ‎سەرۆکێ‎ ‎لیستا‎ ‎ھەڤپەیمانی‎ ‎بھێنە‎ ‎چەسپاندن،‎ ‎د‎ ‎دەمەکێدا‎ ‎ئەم‎ ‎وەسا‎ ‎دبینین‎ ‎کو‎ ‎دڤیا‎ ‎ئەڤ‎ ‎گەنگەشەیە،‎ ‎د‎ ‎دەمێ‎ ‎ھەڵبژارتنێن‎ ‎کوردستانێ‎ ‎دا‎ ‎ھاتباکرن‎ ‎نە‎ ‎یێن‎ ‎بەغدا،‎ ‎دڤیا‎ ‎ئەو‎ ‎بەرێز‎ ‎بەحسا‎ ‎کریارێن‎ ‎خوە‎ ‎یێن‎ ‎بەغدا‎ ‎بکەت،‎ ‎د‎ ‎وێ‎ ‎دەمی‎ ‎دا‎ ‎کو‎ ‎پۆستێن‎ ‎گرنگ‎ ‎و‎ ‎کارێگەر‎ ‎ل‎ ‎وێرێ‎ ‎ھەبوون‎. ‎

بەلێ‎ ‎بۆ‎ ‎دەرێخستنا‎ ‎راستیان‎ ‎بزاڤێ‎ ‎دکەین‎ ‎ب‎ ‎پشتەڤانیا‎ ‎دیکومێنتێن‎ ‎یاسایی‎ ‎و‎ ‎بەڵگەیێن‎ ‎حاشاھەلنەگر‎ ‎راستیا‎ ‎پێدانا‎ ‎پێشینەیان‎ ‎بۆ‎ ‎رایا‎ ‎گشتی‎ ‎رۆنبکەینەڤە.

1- پێشینەیا‎ ‎خانۆیان‎: ‎

د‎ ‎کابینەیا‎ ‎پێنجێ‎ ‎دا‎ ‎ژ‎ ‎مادەیا‎ ‎‏١٢‏‎ ‎یا‎ ‎یاسایا‎ ‎بۆدجە‎ ‎ژمارە‎ ‎‏٣‏‎ ‎یا‎ ‎سالا‎ ‎‏٢٠٠٨‏‎ ‎دا‎ ‎ھاتیە‎ ‎جێگیرکرن،‎ ‎ئەڤە‎ ‎ژی‎ ‎دەقێ‎ ‎وێ‎ ‎مادەیێ‎ ‎یە‎ “‎سولفەیا‎ ‎خانۆبەران‎ ‎بۆ‎ ‎ھەڤوەلاتیان،‎ ‎دێ‎ ‎ل‎ ‎گۆری‎ ‎رەوشەکێ‎ ‎ھێتە‎ ‎خەرجکرن‎ ‎کو‎ ‎وەزارەتا‎ ‎دارایی‎ ‎دەستنیشان‎ ‎بکەت‎”. ‎ھەر‎ ‎ل‎ ‎دووڤ‎ ‎دەرچوونا‎ ‎ڤێ‎ ‎قانوونێ‎ ‎ل‎ ‎رۆژا‎ ‎‏٢٠٠٨‏‎/‎‏٥‏‎/‎‏٢٠،‎ ‎وەزارەتا‎ ‎دارایی،‎ ‎رێنمایی‎ ‎بۆ‎ ‎خەرجکرنا‎ ‎سولفەیا‎ ‎خانۆبەران‎ ‎دەرکریە‎ ‎و‎ ‎کۆژمێ‎ ‎‏١٢‏‎ ‎ملیۆن‎ ‎دیناران‎ ‎بۆ‎ ‎سەنتەرێ‎ ‎پارێزگەھان‎ ‎و‎ ‎نەە‎ ‎ملیۆن‎ ‎دینار‎ ‎بۆ‎ ‎قەزا‎ ‎و‎ ‎ناحیان‎ ‎دیارکریە،‎ ‎ئەڤجا‎ ‎د‎ ‎کابینەیا‎ ‎شەشێ‎ ‎دا‎ ‎ل‎ ‎گۆری‎ ‎پرۆژەیاسایا‎ ‎بۆدجەیا‎ ‎حوکمەتێ‎ ‎کو‎ ‎بۆ‎ ‎پەرلەمانی‎ ‎ھاتیە‎ ‎رەوانەکرن،‎ ‎ھەمان‎ ‎دەقێ‎ ‎بۆدجەیا‎ ‎‏٢٠٠٨ێ‎ ‎ھاتیە‎ ‎دوبارەکرن،‎ ‎بێی‎ ‎دەستکاریکرن‎ ‎کو‎ ‎ل‎ ‎سەری‎ ‎مە‎ ‎ئاماژە‎ ‎پێدایە.

‎ژ لایێ‎ ‎پەرلەمانیڤە‎ ‎وەک‎ ‎خوە‎ ‎ھاتییە‎ ‎پەسەندکرن‎ ‎و‎ ‎بوویە‎ ‎یاساڤە‎. ‎د‎ ‎یاسایا‎ ‎‏٢٠١٠ێ‎ ‎دا‎ ‎ھەمان‎ ‎دەق‎ ‎ھاتیە‎ ‎دوبارەکرن،‎ ‎لێ‎ ‎ب‎ ‎ھندەک‎ ‎زێدەیڤە‎ ‎ئەو‎ ‎ژی‎ ‎ژ‎ ‎ئەگەرێ‎ ‎زێدەبوونا‎ ‎داھاتێ‎ ‎ھەرێمێ،‎ ‎ژلایێ‎ ‎پەرلەمانێ‎ ‎کوردستانێ‎ ‎ڤە‎ ‎‏١٥‏‎ ‎ملیۆن‎ ‎دینار‎ ‎ب‎ ‎یەکسانی‎ ‎بۆ‎ ‎پارێزگەھان‎ ‎و‎ ‎قەزا‎ ‎و‎ ‎ناحیان‎ ‎ھاتە‎ ‎دیاریکرن‎. ‎ئەڤجا‎ ‎سالا‎ ‎‏٢٠١١‏‎ ‎بوونە‎ ‎‏٢٠‏‎ ‎ملیۆن‎ ‎دینار‎ (‎ئەڤە‎ ‎د‎ ‎دەمەکی‎ ‎دایە‎ ‎ل‎ ‎گۆری‎ ‎نڤیسینا‎ ‎ژمارە‎ ‎‏٢٧٦٥‏‎ ‎یا‎ ‎رۆژا‎ ‎‏٢٠١١‏‎/‎‏٣‏‎/‎‏٨‏‎ ‎ب‎ ‎ئیمزایا‎ ‎سەرۆک‎ ‎وەزیرێن‎ ‎کابینەیا‎ ‎شەشێ‎ ‎ھەر‎ ‎‏١٥‏‎ ‎ملیۆنێن‎ ‎سالا‎ ‎بەرێ‎ ‎ھاتبوونە‎ ‎دیارکرن،‎ ‎لێ‎ ‎پەرلەمانی‎ ‎د‎ ‎دەمێ‎ ‎گەنگەشەیا‎ ‎یاسایا‎ ‎بودجەدا‎ ‎کرنە‎ ‎‏٢٠‏‎ ‎ملیۆن‎ ‎دینار‎) ‎و‎ ‎سالا‎ ‎‏٢٠١٢‏‎ ‎ل‎ ‎سەردەمێ‎ ‎کابینەیا‎ ‎حەفتێ‎ ‎بۆ‎ ‎پارێزگەھا‎ ‎و‎ ‎قەزاو‎ ‎ناحیان‎ ‎‏٢٠‏‎ ‎ملیۆن‎ ‎و‎ ‎بۆ‎ ‎گوندان‎ ‎‏٢٥‏‎ ‎ملیۆن‎ ‎دینار‎ ‎ھاتنە‎ ‎دیارکرن،‎ ‎ئەڤە‎ ‎ژی‎ ‎د‎ ‎مادەیا‎ ‎‏١٤‏‎ ‎و‎ ‎‏١٥‏‎ ‎یا‎ ‎قانوونا‎ ‎بۆدجەیا‎ ‎ژمارە‎ ‎ھەشت‎ ‎یا‎ ‎سالا‎ ‎‏٢٠١٢ێدا‎ ‎ھاتیە‎ ‎جێگیرکرن.

2- پێشینەیا‎ ‎کشتوکاڵی‎ :

‎گەلەک‎ ‎ب‎ ‎روونی‎ ‎د‎ ‎ماددەیا‎ ‎‏١٣‏‎ ‎یا‎ ‎قانوونا‎ ‎بۆدجەیا‎ ‎ژمارە‎ ‎‏٣‏‎ ‎یا‎ ‎سالا‎ ‎‏٢٠٠٨‏‎ ‎دا‎ ‎د‎ ‎سەردەمێ‎ ‎کابینەیا‎ ‎پێنجێ‎ ‎دا‎ ‎ھاتیە‎ ‎جێگیرکرن،‎ ‎لێ‎ ‎کابینەیا‎ ‎شەشێ‎ ‎ژ‎ ‎قانوونا‎ ‎بۆدجەیا‎ ‎سالێن‎ ‎دووڤ‎ ‎دا،‎ ‎ب‎ ‎تنێ‎ ‎ئاماژە‎ ‎ب‎ ‎وێ‎ ‎ھاتیە‎ ‎دان‎ ‎کو‎ ‎دێ‎ ‎بەردەوامبن‎ ‎ل‎ ‎سەر‎ ‎پێدانا‎ ‎پیشینەیا‎ ‎کشتوکاڵی‎ ‎و‎ ‎ب‎ ‎کۆژمەکێ‎ ‎پارەی‎ ‎ژ‎ ‎بۆدجەیێ‎ ‎بۆ‎ ‎ھاتیە‎ ‎تەرخانکرن

3- ‎پێشینەیا‎ ‎ھەڤژینێی‎: ‎

ل‎ ‎گۆری‎ ‎یاسایا‎ ‎ژمارە‎ ‎‏١٧‏‎ ‎یا‎ ‎سالا‎ ‎‏٢٠١٠ێ‎ ‎یاسایەکا‎ ‎تایبەت‎ ‎ب‎ ‎ناڤێ‎ ‎یاسایا‎ ‎ھەڤژینێی‎ ‎ل‎ ‎ھەرێما‎ ‎کوردستانێ‎ ‎دەرکەفت،‎ ‎ئەو‎ ‎قانوون‎ ‎ژ‎ ‎لایێ‎ ‎رێژەیا‎ ‎قانوونی‎ ‎یا‎ ‎ئەندامێن‎ ‎پەرلەمانێ‎ ‎کوردستانێ‎ ‎ڤە‎ ‎ھاتبوو‎ ‎پێشکێشکرن‎ ‎ل‎ ‎گۆری‎ ‎پەیرەوێ‎ ‎ناڤخوە‎ ‎یێ‎ ‎پەرلەمانی‎ ‎ھەر‎ ‎‏١٠‏‎ ‎ئەندام‎ ‎پەرلەمان‎ ‎و‎ ‎زێدەتر‎ ‎دشێن‎ ‎پرۆژە‎ ‎یاسایەکێ‎ ‎پێشکەشبکەن،‎ ‎ژ‎ ‎بەر‎ ‎وێ‎ ‎چەندێ‎ ‎پێشینەیا‎ ‎ھەڤژینێی‎ ‎دەستکەفتێ‎ ‎سەرەکی‎ ‎یێ‎ ‎فراکسیۆنا‎ ‎ھەڤپەیمانیا‎ ‎کوردستانی‎ ‎یا‎ ‎پارتی‎ ‎و‎ ‎ئێکەتیێ‎ ‎بوویە‎ ‎کو‎ ‎ژ‎ ‎‏٥٩‏‎ ‎ئەندامان‎ ‎پێکھاتبوون‎. ‎ئەڤجا‎ ‎کابینەیا‎ ‎شەشێ‎ ‎ژ‎ ‎پرۆژەیا‎ ‎بودجەیا‎ ‎سالا‎ ‎‏٢٠١١دا‎ ‎د‎ ‎بڕگەیا‎ ‎چار‎ ‎یا‎ ‎مادەیا‎ ‎‏١٥دا‎ ‎ژبەر‎ ‎رۆنیا‎ ‎ڤێ‎ ‎قانوونێ‎ ‎گۆژمێ‎ ‎دو‎ ‎ملیۆن‎ ‎و‎ ‎‏٥٠٠‏‎ ‎ھزار‎ ‎دیناران‎ ‎دیارکرن،‎ ‎پاشی‎ ‎پەرلەمانی‎ ‎کرنە‎ ‎پێنچ‎ ‎ملیۆن‎ ‎دینار‎ ‎و‎ ‎بۆ‎ ‎کەسوکارێن‎ ‎شەھیدان‎ ‎ژی‎ ‎کرە‎ ‎بەخشین،‎ ‎نەکو‎ ‎قەر‎.

4- ‎ل‎ ‎گۆری‎ ‎قانوونا‎ ‎ژمارە‎ ‎دو‎ ‎یا‎ ‎سالا‎ ‎‏٢٠١١‏‎ ‎ب‎ ‎ناڤێ‎ ‎قانوونا‎ ‎سندۆقا‎ ‎پشتەڤانیا‎ ‎پرۆژەیێن‎ ‎بچووک‎ ‎یێن‎ ‎لاوان‎ ‎کو‎ ‎ژلاێی‎ ‎رێژەیا‎ ‎قانوونی‎ ‎یا‎ ‎ئەندامێن‎ ‎پەرلەمانی‎ ‎ڤە‎ ‎ھاتبوو‎ ‎پەسەندکرن‎ ‎و‎ ‎بسەر‎ ‎حوکمەتێدا‎ ‎ھاتیە‎ ‎سەپاندن‎ ‎نەکو‎ ‎ژ‎ ‎لایێ‎ ‎کابینەیا‎ ‎شەشیڤە‎ ‎ھاتبیتە‎ ‎پێشنیازکرن،‎ ‎ئەوچەند‎ ‎ژی‎ ‎حەتا‎ ‎قەیرانا‎ ‎دارایی‎ ‎ل‎ ‎سالا‎ ‎‏٢٠١٤‏‎ ‎یا‎ ‎بەردەوامبوو‎.

5- ‎قانوونا‎ ‎ژمارە‎ ‎‏١٤‏‎ ‎یا‎ ‎سالا‎ ‎‏٢٠١١ێ‎ ‎یاسایا‎ ‎جێبەجێکرنا‎ ‎ھێزێن‎ ‎ئاسایشا‎ ‎ناڤخۆ‎ ‎یا‎ ‎عیراقێ‎ ‎ل‎ ‎ھەرێما‎ ‎کوردستانێ‎: ‎ئەڤ‎ ‎یاسایە‎ ‎ددەمەکێدا‎ ‎دەرچوویە‎ ‎کو‎ ‎ژیێ‎ ‎کابینەیا‎ ‎شەشێ‎ ‎بدووماھی‎ ‎ھاتبوو‎ ‎و‎ ‎پرۆژە‎ ‎ژلایێ‎ ‎پەرلەمانتارانڤە‎ ‎ھاتیە‎ ‎ئامادەکرن‎ ‎و‎ ‎پێشکێشکرن‎ ‎و‎ ‎پەسەندکرن،‎ ‎کو‎ ‎بوویە‎ ‎ئەگەرێ‎ ‎زێدەکرنا‎ ‎مووچەیێ‎ ‎ھێزێن‎ ‎ئاسایش‎ ‎و‎ ‎پۆلیسان‎. 6- ‎کورتیئینانان‎ ‎بۆدجەی‎ ‎و‎ ‎قەرێن‎ ‎حوکمەتی‎: ‎ژ‎ ‎کۆما‎ ‎داھاتێ‎ ‎حوکمەتا‎ ‎ھەرێما‎ ‎کوردستانێ‎ ‎ل‎ ‎سالا‎ ‎‏٢٠٠٩ی‎ ‎کو‎ ‎ژ‎ ‎بەغدا‎ ‎ھاتبوو‎ ‎ب‎ ‎تنێ‎ ‎نێزیکی‎ ‎ھەشت‎ ‎ترلیۆن‎ ‎و‎ ‎‏٨٠٠‏‎ ‎ملیار‎ ‎دیناران‎ ‎بوو‎ ‎و‎ ‎ل‎ ‎گۆری‎ ‎مادەیا‎ ‎دو‎ ‎یا‎ ‎قانوونا‎ ‎بۆدجە‎ ‎یا‎ ‎ژمارە‎ ‎ھەشت‎ ‎یا‎ ‎سالا‎ ‎‏٢٠٠٩‏‎ ‎و‎ ‎ھەر‎ ‎ل‎ ‎گۆری‎ ‎ھەمان‎ ‎قانوون‎ ‎حوکمەتا‎ ‎ھەرێما‎ ‎کوردستانێ‎ ‎د‎ ‎سالا‎ ‎‏٢٠٠٩‏‎ ‎دا‎ ‎چو‎ ‎کورتیئینانەکا‎ ‎بۆدجەی‎ ‎نەبوویە‎. ‎

لێ‎ ‎د‎ ‎بۆدجەیا‎ ‎سالا‎ ‎‏٢٠١٠‏‎ ‎دا‎ ‎و‎ ‎سەردەمێ‎ ‎کابینەیا‎ ‎شەشێ‎ ‎کۆیا‎ ‎داھاتێ‎ ‎حوکمەتا‎ ‎ھەرێمێ‎ ‎کۆ‎ ‎ژ‎ ‎بەغدا‎ ‎ھاتبوو‎ ‎زێدببوو‎ ‎بوو‎ ‎‏١١‏‎ ‎ترلیۆن‎ ‎و‎ ‎‏٥٠٠‏‎ ‎ملیار‎ ‎دیناران،‎ ‎ئەو‎ ‎ژی‎ ‎ژ‎ ‎ئەگەرێ‎ ‎بلندبوونا‎ ‎بھایێ‎ ‎پەترۆلێ‎ ‎و‎ ‎ھەر‎ ‎ل‎ ‎گۆری‎ ‎مادەیا‎ ‎ئێکێ‎ ‎یا‎ ‎قانوونا‎ ‎بۆدجەیا‎ ‎سالا‎ ‎‏٢٠١٠‏‎ ‎کو‎ ‎کابینەیا‎ ‎شەشێ‎ ‎ھنارتیە‎ ‎پەرلەمانی،‎ ‎‏٨٠٠‏‎ ‎ملیار‎ ‎دیناران‎ ‎قەردار‎ ‎بوویە‎ ‎و‎ ‎بۆدجە‎ ‎تووشی‎ ‎کورتیئینانێ‎ ‎بوویە‎. ‎ل‎ ‎گۆری‎ ‎بڕگەیا‎ ‎دو‎ ‎یا‎ ‎مادەیا‎ ‎دو‎ ‎یا‎ ‎قانوونا‎ ‎بودجە‎ ‎ژمارە‎ ‎شەش‎ ‎یا‎ ‎سالا‎ ‎‏٢٠١١،‎ ‎ئەڤ‎ ‎کۆژمە‎ ‎د‎ ‎دەستپێکا‎ ‎ساڵا‎ ‎دووێ‎ ‎یا‎ ‎کابینەیا‎ ‎شەشێ‎ ‎یا‎ ‎ساڵا‎ ‎‏٢٠١١ێ‎ ‎بلندبوویە‎ ‎بۆ‎ ‎ئێک‎ ‎ترلیۆن‎ ‎و‎ ‎‏٥٦٤‏‎ ‎ملیۆن‎ ‎دیناران،‎ ‎د‎ ‎دووماھیا‎ ‎سالا‎ ‎‏٢٠١١‏‎ ‎و‎ ‎دەستپێکا‎ ‎‏٢٠١٢‏‎ ‎دا‎ ‎واتە‎ ‎ل‎ ‎گەل‎ ‎تەمامبوونا‎ ‎کابینەیا‎ ‎شەشێ‎ ‎کورتیئینان‎ ‎و‎ ‎قەرێن‎ ‎حوکمەتێ‎ ‎بلندبووینە‎ ‎بۆ‎ ‎دو‎ ‎ترلیۆن‎ ‎و‎ ‎‏٤٤‏‎ ‎ملیار‎ ‎و‎ ‎‏٨٤٧‏‎ ‎ملیۆن‎ ‎دیناران.

*‎ئەندامێ‎ ‎فراکسیۆنا‎ ‎پارتی‎ ‎ل‎ ‎پەرلەمانێ‎ ‎کوردستانێ

ئه‌ڤرۆ نيوز، لەزگین جوقی:

رێڤەبەرێ نڤیسینگەھا رزگارکرنا رەڤاندیێن ئێزدی دیارکر کو سێ زارۆيێن دێ یێن ‏ئێزدی ل سوریا ژ دەستێن تیرۆرستێن داعش ھاتنە رزگارکرن.‏

حسێن قائیدی، رێڤەبەرێ نڤیسینگەھا رزگارکرنا رەڤاندیێن ئێزدی بۆ ئەڤرۆ نیوز ‏دیارکر کو سێ زارۆيێن ئێزدی ب ناڤێ (ع) د ژیێ 17 سالیێ دا خەلکا تل قەسەب و (ف) ‏د ژیێ 16 سالیێ دا خەلکا تل عه‌زیر و (ب) د ژیێ 15 سالیێ دا خەلکا شنگال ژ دەستێن ‏تیرۆرستێن داعش ژ وەلاتی سوریا ھاتینە رزگارکرن.‏

ئاشکەرا کر کو ب پشتەڤانیا نڤیسینگەھا سەرۆکێ حوکمەتا ھەرێما کوردستانێ ھەتا نوکە 3278 رەڤاندیێن ئێزدی ژ دەستێن تیرۆرستێن داعش یێن ‏ھاتینە رزگارکرن ‏و گۆت: “پرۆسیا رزگارکرنا رەڤاندیێن ئێزدی یا بەردەوامە ھەتا ئێک کەس ما بیت ئەم دێ ‏کار کەین”.‏

ئەڤرۆ نيوز:‏

سەرۆکێ باژێرڤانیا رۆڤیا بۆ رۆژناما ئەڤرۆ دیار کر کو بەری دو سالە ئەڤ پرۆژە ژ‎ ‎لایێ ‏وەزارەتا ئاڤەدانکرنێ ڤە بۆ کۆمپانیەکا تورکی ھاتبوو دان کو ئەو کۆمپانی وی پرۆژەی ‏دروست بکەت، لێ ژ ئەگەرێ وێ قەیرانا ئابووری یا سەر ب ھەرێما کوردستانێ دا ھاتی ‏کۆمپانیێ خوە ڤەکێشا و دبێژیت: نوکە پرۆژە ھاتیەدان بۆ کۆمپانیا كاڤين گرۆپ و دەست ‏ب قووناغێن دەستپێکی ھاتیە کرن.‏

ئەمین عەلی عەزیز، سەرۆکێ باژێرڤانیا رۆڤیا ئاشکرا کر کو ئەو پرۆژێ جووتسایدێ رۆڤیا ‏بۆ پرا چەمەی ب مەزنترین پرۆژە ل سنوورێ قەزا بەردەڕەش دھێتە ھژمارتن و درێژاھیا ‏وی 25 کیلۆمەترن ل گەل پێنج ئوڤەر پاسێن مەزن و گۆت: “دەستپێکا کاری دێ سایدەکێ ‏نوو ھێتە دروستکرن ل دووڤ شێوازەکێ نوو، پشتی ب دووماھیک ھاتنا سایدێ ئێکێ دێ ‏دەست ب سایدێ دویێ ژی ھێتە کرن، ئەو سایدێ کەڤن ھاتیە دروستکرن دێ ھێتە ‏خرابکرن و دوبارە سایدەکێ نوو دێ ھێتە دروستکرن”.‏

سەرۆکێ باژێرڤانیا رۆڤیا ئاماژەب وێ چەندێ ژی کر کو کار ل سەر پرۆژێ جووتسایدێ ‏روڤیا بۆ چەمەی د قووناغێن دەستپێکێ دایە و بڕیارە د نێزیکی دو سالان دا پرۆژە تمام ‏ببیت و بکەڤیتە د خزمەتا وەلاتیان دا و رێیا نیڤدەولەتی بھێتە خوشکرن و گۆت: “دەمێ ‏دەست ب دروستکرنا سایدێ ئێکێ دھێتە کرن، رێک ناھێتە گرتن و ھاتنوچوونا وەلاتیان ‏دێ یا ئاسایی بیت ل سەر سایدێ کەڤن”.‏

ئه‌ڤرۆ نيوز:‏

ئەندامەکا لیژنا پەروەردێ و خواندنا بلند ل پەرلەمانێ کوردستانێ ئاشکرا کر کو ل دۆر ئاریشا ‏قوتابیێن ماستەر و دکتۆرایێ دێ وەزیرێ خواندنا بلند گازی کەنە پەرلەمانی و گۆت: “غەدر ل ‏دەرچوویێن ماستەرێ ھاتیەکرن”.‏

شوکریە شێخانی، ئەنداما لیژنا پەروەردێ و خواندنا بلند ل پەرلەمانێ کوردستانێ بۆ رۆژناما ئەڤرۆ ‏ئاشکرا کر کو گەلەک بزاڤ بۆ چارەکرنا پرسا وان کەسێن ئاریشا ناڤونیشانێن زانستی ھەی ھاتینەکرن ‏، چەندین جارا ئەو دگەل وەزارەتا خواندنا بلند و ڤەکۆلینێن زانستی کۆمبووینە، وەزارەتا خواندنا ‏بلند چەندین مەرج داناینە بۆ خودانێن باوەرنامێن ماستەرێ، بەلێ نەشیاینە ئەڤان مەرجێن وەزارەتێ ‏بجە بینن و گۆت: “مە وەکی لیژنا خواندنا بلند پێشنیارەک بۆ لیژنێ کریە، بەلێ مخابن پێشنیارا مە ‏نەھاتە وەرگرتن، لەوڕا مە لبەرە وەزیری خواندنا بلند و ڤەکۆلینێن زانستی گازی بکەینە پەرلەمانێ ‏کوردستانێ و ھووردەکاریا بدەتە مە بۆچی غەدر ل ئەڤان کەسان دھێتەکرن”.‏

ناڤھاتیێ ئاماژە دا وێ چەندێ کو وەزارەتا خواندنا بلند مەرجێ ئالسی دانایە کو پێکھاتیە ژ ‏ئەزموونەکا دژوار یا نێڤدەولەتیە و دڤێت قوتابی نمرا وی ژ پێنجێ کێمتر نەبیت، زۆربەیا قوتابیان ‏چەندین جاران پشکداری د ئەڤێ ئەزموونێ داکریە و نەشیاینە سەرکەڤن، ب تایبەتی ل وانەیێن ‏مرۆڤایەتی وەکی کوردی و عەرەبی شەریعە و فەلسەفە، ئەڤێن ماستەرێ دھێنە وەرگرتن دڤێت نمرا ‏وانا ژ پێنجێ کێمتر نەبیت و یێن دکتۆرایێ ژی ژ شەشێ کێمتر نەبیت و گۆت: “مە پێشنیار کریە بۆ ‏قوتابیێن ماستەرێ ببیتە چار و بۆ دکتۆرایێ ببیتە پێنج، دووڤ دا ناڤونیشانێن زانستی ب قوتابیا ‏بھێتەدان، چونکی ل پتریا وەلاتێن جیھانێ وەسا دھێتە بجھکرن و دڤێت ل کوردستانێ ژی وەسا بیت”.‏

ئەڤرۆ نیوز:

پشتی ل دەسپێکا ڤێ حەفتیێ ئەڤرۆ نیوز بابەتەک بەلاڤکری ل دور وێ چەندێ کو بۆ رۆژەکێ جەمال کۆچەر ئەندامێ جڤاتا نوونەرێن عیراقێ یێ خولا بوری بەرامبەر ئێک رۆژا کارکرنێ پێنج ملۆن دینار وەرگرتینە، ناڤبری ئەڤ چەندە رەتکر و داخوازا روونکرنەکێ کر.

ئەڤرۆ نیوز د وی بابەتی دا، پشت بەستن ل سەر نڤیسارەکێ کربوو کو ژ زاردەڤێ وەزارەتا پەروەردێ ل عیراقێ هاتبوو بەرهەڤکرن، بەلێ ناڤبری دا زانین کو ئەڤە تشتەکێ چێکریە و ل دژی وی هاتیە دروستکرن.

لەورا ئەم ب ناڤێ مالپەرێ ئەڤرۆ نیوز داخوازا لێبۆرینێ ژ بەرێزی و خواندەڤانێن هێژا دکەین.

ئه‌ڤرۆنيوز:

مه‌سرور بارزانى ئه‌ندامێ مه‌كته‌با سياسى يا پارتى دكه‌رنه‌ڤاله‌كێ پارتى ل زاخۆ يێ پشته‌ڤانيا ليستا پارتى 184 راگه‌هاند، ئه‌و شوره‌شێن ل ده‌مێن بۆرى مه‌ كرين بۆ ئيمتياز وپۆستان نه‌بوو وبۆ بده‌ستڤه‌ئينانا مافێن كوردان بوو.

مه‌سرور بارزانى گۆت” ژلايێ سه‌رۆك بارزانى هاتم وسلاڤ بۆ خه‌لكێ زاخۆ يێن هه‌ين”.

مه‌سرور بارزانى دياركر ژى” ل 12 ئه‌يارێ كو دێ چنه‌ سه‌ر سندووقێن ده‌نگدانێ ده‌نگ ب ليستا 184 يا پارتى بده‌ن دا هه‌وه‌ بپارێزيت”.

ل دۆر ريفراندۆمێ، گۆت” ريفراندۆم بۆ وێ چه‌ندێ بوو كو ده‌نگێ هه‌موو خه‌لكێ كوردستانێ بگه‌هيته‌ جيهانێ وريفراندۆم ب سه‌ركه‌فت وئه‌وێن دبێژن ريفراندۆم شكه‌ستن يا ئيناى، وان ب خوه‌ شكه‌ستن يا ئيناى، ل گه‌ل وێ چه‌ندێ گه‌له‌ك بزاڤ هاتن كرن كو ريفراندۆم نه‌هێته‌ ئه‌نجامدان، به‌لێ مه‌ چو چاره‌ نه‌بوون سه‌ره‌راى هه‌بوونا چه‌ندێن رێگريان ل برده‌م پرۆسێ كو مه‌زنترين ئاسته‌نگ ل به‌رده‌م ريفراندۆمێ خيانه‌تا 16 ئوكتۆبه‌رێ بوو”..

مه‌سرور بارزانى گۆت ژى” ئه‌و كه‌سێن دژايه‌تيا پارتى دكه‌ن، پێدڤيه‌ بزانن كو تاكه‌ حزب به‌رگريێ ژ نيشتمانى بكه‌ت پارتى يه‌ وچه‌ند بزاڤان ژى بكه‌ن پارتى بشكێنن، نه‌شێن وپێدڤيه‌ دڤان هه‌لبژارتنان دا ژى نيشا هه‌موويان بده‌ين كو پارتى ناشكێت”.

رۆهنكر ژى” شه‌رێن سحێلا وپردێ ومه‌خموور به‌لگه‌نه‌ كو پارتى چاوان كوردستانێ دپارێزيت وپارتى دخوه‌شى ونه‌خوه‌شيان دا ل گه‌ل خه‌لكى دابوو وئه‌وێن دخوازن پارتى بشكێنن، دڤێن خه‌ونێن نه‌حه‌زان بده‌ستڤه‌بينن”.

دياركر”هه‌كه‌ پارتى نه‌با، ئه‌و كه‌سێن ئه‌ڤرۆ ب زمانێ كوردى ره‌خنێ دگرن، دا ئه‌ڤرۆ ب زمانێ عه‌ره‌بى ستران وهوزانان بۆ داگيركه‌ران بێژن وخيانه‌ت چو جاران ناهێته‌ ژبيركرن”.

دووپاتكر ژى”پارتى هه‌لگرا سه‌ربخوه‌يا كوردستانێ يه‌ وئه‌وێن دژايه‌تيا سه‌ربخوه‌يا كوردستانێ دكه‌ن، قه‌بوول دكه‌ن ب سه‌رشوورى بژين، به‌لێ پارتى وێ چه‌ندێ قه‌بوول ناكه‌ت”.

ئاماژه‌ دا” پارتى سه‌روه‌ر بيت، رێ ناده‌ين چو لايه‌نه‌ك ره‌وشتێ كوردستانێ تێك بده‌ت، وپارتى ده‌ستهه‌لات بيت، ئارامى وئاڤه‌دانى يا هه‌ى وكوردستان يا پاراستى يه‌، راسته‌ كه‌موكورى ل كوردستانێ يێن هه‌ين، به‌لێ سه‌حكه‌نه‌ باژێرێن دى يێن عيراقێ بكه‌ن وبزانن ئه‌و دچاوانن، له‌وما ئه‌وێن دخوازن كوردستان بكه‌ڤيت، دخوازن كوردستان ژى وه‌كو باژێرێن دى يێن عيراقێ لێ بهێت وچو پشكێن دى يێن عرياقێ ژكوردستانێ پێشكه‌فتى تر نينه”.

ئەڤرۆ نیوز، ئازاد نسری:
پشتی نێچیرڤان بارزانی سەرۆکوەزیرێن ھەرێما کوردستانێ و فەرھاد ئەمین ئەترووشی پارێزگەرێ دھۆکێ سەرەدانا مالێن وان وەلاتیان کرین یێن ژ بەر لەھیان زیان گەھشتینێ و ژ نێزیک ھایداری رەوشا وان بووین، نێچیرڤان بارزانی بڕیار دا کۆژمێ 350 ملیۆن دیناران بۆ بھێتە تەرخانکرن.

پارێزگەرێ دھۆکێ ژی دوپات کر کو ھەر کەسەکی ل دووڤ زیانێن گەھشتینێ پارەی بدەنێ و ھەر ئەڤرۆ ئەڤ پارە ب رێیا قائیمقامیان ل سەر زیانڤێکەفتیان ھاتە بەلاڤکرن.