ئه‌ڤرۆ نيوز:
پشتى كومبوونا وان ل سلێمانيێ، گۆران و يه‌كگرتوو و كومه‌ل و هه‌ڤپه‌يمانيێ راگه‌هاندن كو ئه‌و ئه‌نجامێن هه‌لبژارتنان ره‌ت دكه‌ت.
د راگه‌هاندنا هه‌ڤپشكا گۆران و يه‌كگرتوو و كومه‌ل و هه‌ڤپه‌يمانيێ دا هاتيه: ئه‌م هه‌موو پروسا هه‌لبژارتنان و ئه‌نجامێن وێ ره‌ت دكه‌ن و ب ئه‌نجامێن وێ پابه‌ند نابين.
ئه‌ڤرۆ نيوز:
سه‌رۆك وه‌زیرێن هه‌رێما كوردستانێ په‌يامه‌ك ل دۆر ره‌وشا سلێمانيێ به‌لاڤ كر و داخوازكر هێرشێن سه‌ر مه‌كۆیێ سه‌ره‌كی یێ ته‌ڤگه‌را گۆرانێ ل سلێمانیێ بهێنه راگرتن.
د په‌یامه‌كێ دا نێچیرڤان بارزانی دلگرانییا خوه ژ تێكدانا ئارامیا باژارێ سلێمانیێ نیشان دا و داخوازكر هه‌ر ئێكسه‌ر ته‌قه‌كرن ل سه‌ر باره‌گه‌هێن حزبان ل وی باژاری بهێته راگرتن و هێزێن ئه‌منی ب به‌رپرسیاریێن خوه راببن و باره‌گا و بنگه‌هێن هه‌مو ئالیان بپارێزن.
ئه‌ڤرۆ نیوز:
بزاڤا گۆران و هه‌ڤپه‌یمانییا دادپه‌روه‌ری و دیمكراسی راگه‌هاند، سیسته‌مێ ئه‌لكترۆنی یێ ده‌نگدانێ ل سلێمانیێ هاتییه هاككرن (ئانكو تۆشی هێرش و ده‌ستكاریێن ئه‌لكترۆنی بوویه).
هه‌روه‌سا ئێكگرتوویا ئیسلامی یا كوردستانێ و گۆرانی ژی دیار كر كو وێ گومان ل سه‌ر ئه‌نجامێن سیسته‌مێ ده‌نگدانا ئه‌لكترۆنی هه‌یه و داخوازا ڤاڤارتنا ده‌ستی دكه‌ن.
ئه‌ڤه د ده‌مه‌كی دایه كو ل گۆری ئه‌نجامێن نه‌فه‌رمی و ده‌ستپێكی گۆرانێ ده‌نگێن خوه كێم كرینه.
ئه‌ڤرۆ نيوز:
ئه‌ڤرۆ سپێدێ هه‌لبژارتنێن گشتى ل عيراقێ و هه‌رێما كوردستانێ ده‌سپێكرن و ليسته و قه‌وارێن سياسى و به‌ربژار دێ هه‌ڤركيێ ل سه‌ر 328 كورسيێن جڤاتا نوونه‌رێن عيراقێ كه‌ن.
ب گۆره‌ى پێزانينێن ب ده‌ست ئه‌ڤرۆ نيوز كه‌فتين رێژا پشكداريێ د ده‌نگدانێ دا ل پارێزگه‌ها دهۆكێ ب ڤى ره‌نگى بوويه:
دهۆك: 150.498 ده‌نگده‌ر ئانكو 65.03%
زاخۆ: 92.872 ده‌نگده‌ر ئانكو 60.49%
ئاكرێ: 62.202 ده‌نگده‌ر ئانكو 72.42%
ئامێديێ: 45.166 ده‌نگده‌ر ئانكو 73.65%
به‌رده‌ره‌ش: 40.979 ده‌نگده‌ر ئانكو 71.94%
سێمێل: 47.546 ده‌نگده‌ر ئانكو 58.87%
شێخان: 31.066 ده‌نگده‌ر ئانكو 66.94%
ب ڤى ره‌نگى ديار دبيت كو سه‌رجه‌مێ گشتى يێ ده‌نگدانێ ل پارێزگه‌ها دهۆكێ 470.329 ده‌نگده‌رن ژ سه‌رجه‌مێ 716.300 كه‌سان و ب ڤێ چه‌ندێ ژى دبيته رێژا 67.05%ێ.
ل پارێزگه‌ها دهۆكێ 716 هزار و 300 كه‌سان مافێ ده‌نگدانێ هه‌يه و ل سه‌ر 256 بنگه‌هـ و 1664 ويستگه‌هان هاتينه به‌لاڤكرن و د ده‌نگدانا تايبه‌ت ژى دا 50 هزار كه‌سان مافێ ده‌نگدانێ هه‌بوو. ده‌رباره‌ى ئاواران ژى 200 هزار كه‌سان مافێ ده‌نگدانێ هه‌يه و 61 بنگه‌هێن دانگدانێ بۆ هاتينه دابينكرن.
ئه‌ڤرۆ نیوز، نه‌وزاد هلۆرى:
وه‌كو هه‌ر ده‌ڤه‌ره‌كا عیراق و كوردستانێ پروسا ده‌نگدانێ ل سنوورێ قه‌زا ئامێدیێ و ناحیا شێلادزێ ب رێڤه‌دچیت، چاڤدیر ژى دده‌تن دیاركرن كو هه‌تا نها چوو سه‌رپێچى نه‌هاتینه‌كرن و تنێ هه‌ند كێشه ژ لایێ كومسیوونێ به‌رامبه‌ر ده‌نگده‌ران هاتینه‌كرن.
چاڤدێرێن نه‌حكومى و لایه‌نێن سیاسى دده‌ن دیاركرن كو هه‌تا نوكه چوو كێشه و سه‌رپێچى ژ لایێ لایه‌نێن سیاسى به‌رامبه‌ر ده‌نگده‌ران نه‌هاتینه‌كرن به‌لێ كێشه دسیسته‌مێ كومسیوونێ و وه‌رگرتنا مورێ دا هه‌یه و دخوازن كو د چه‌ند ده‌مژمێرێن داهاتى دا ئه‌ڤ یه‌ك بهێته چاره‌سه‌ركرن.
دیسان دخوازن كو ده‌نگده‌ر ل سه‌ر هه‌موو بنگه‌هان بهێنه دابه‌شكرن داكو قه‌ره‌بالغى درۆست نه‌بیت و بگوره‌ى ئاخفتنا وان بنگه‌هـ هه‌یه 370 ده‌نگان بخوڤه دگریت و بنگه‌ه ژى هه‌یه زێده‌تر چوار هزار ده‌نگده‌ر هه‌نه.
ژ لایه‌كێ دن ڤه ده‌نگده‌ر دده‌ن دیارن كو ئه‌وان دكه‌ش و هه‌وایه‌كێ ئازاد دا پشكدارى دپرۆسه‌یا هه‌لبژاردن و ده‌نگدانێ كریه و چوو كڤاشتن ژ ئالیێن سیاسى ل سه‌ر نینه و ب ئازادانه ده‌نگى بو ئه‌وێ لیست و به‌ربژارى دده‌ن كو دخوازن ل به‌غدا به‌ره‌ڤانیێ ژ مافێ وان بكه‌ت.
ئه‌ڤرۆنيوز، سه‌باح زوهێر
به‌رپرسێ كۆمسيۆنا هه‌لبژارتنان ل قه‌زا ئاكرێ بۆ ئه‌ڤرۆنيوز دياركر كو ده‌نگدان ل قه‌زا ئاكرێ ب شێوه‌كێ رێكوپێك هاته ئه‌نجامدان تنێ ل ده‌ستپێك ل دو قوتابخانان كێشا ته‌كنيكى هه‌بوو لێ ب زووترين ده‌م هاته چاره‌كرن.
ناڤبری گوت” دووماهى ئه‌نجامێ رێژا پشكداريا ده‌نگده‌ران دپرۆسا هه‌لبژارتنان دا ل قه‌زا ئاكرێ گه‌هشته 73%”.
ئه‌ڤرۆنيوز:
به‌رپرسه‌كێ وه‌زاره‌تا ئه‌وقافێ وكاروبارێن ئاينى ل هه‌رێما كوردستانێ ئاشكرا دكه‌ت ژئه‌گه‌رێ وێ چه‌ندێ كو سندووقێن ده‌نگدانێ ل وه‌لاتێ سعوديێ نه‌هاتينه دانان، دده‌نگدانا گشتى دا ب هزاران عومره‌كار كو نوكه ل وى وه‌لاتى نه، ژمافێ ده‌نگدانێ بێ به‌هر دبن.
مه‌ريوان نه‌قشبه‌ندى، رێڤه‌به‌رێ په‌يوه‌نديان وپێكڤه‌ژيانى ل وه‌زاره‌تا ئه‌وقاف وكاروبارێن ئاينى راگه‌هاند” ل ده‌نگدانا گشتى دا بۆ هه‌لبژارتنێن جڤاتا نوونه‌رێن عيراقێ، ب هزاران وه‌لاتيێن عيراقێ وهه‌رێما كوردستانێ ژمافێ ده‌نگدانێ بێ به‌هر دبن”.
مه‌ريوانى دبه‌رپه‌رێ تايبه‌ت يێ خوه دا ل سه‌ر تۆرا فه‌يسبووكى رۆهنكر ژى” ژبه‌ركو كۆمسيۆنا بلند يا هه‌لبژارتنان ل عيراقێ بنگه‌هێن ده‌نگدانێ ل سعوديێ نه‌ڤه‌كرينه، ب هزاران عومره‌كارێن عيراقێ وب سه‌دان عومره‌كارێن هه‌رێما كوردستانێ كو نوكه ل وى وه‌لاتى نه، ژ مافێ ده‌نگدانێ بێ به‌هر بوون”.
ئه‌ڤرۆنيوز:
ل دۆر كێشا چه‌ند ئاميرێن ده‌نگدانێ ل هژماره‌كا بنگه‌هێن ده‌نگدانێ ل سه‌رانسه‌رى عيراقێ، كۆمسيۆنا بلند يا هه‌لبژارتنان ل عيراقێ رۆهنكرنه‌ك ده‌ركر.
موعته‌مه‌د موسه‌وی، ئه‌ندامێ جڤانا كۆمسياران ل كۆمسيۆنا بلند يا هه‌لبژارتنان دكۆنگره‌كێ رۆژنامه‌ڤانى دا گۆت” ئه‌و كێشه وئاريشێن ل ده‌مێ ده‌نگدانێ رووداين گه‌له‌ك دكێمن وب وى شێوه‌ى نينهن كو ده‌زگه‌هين راگه‌هاندنێ به‌لاڤ دكه‌ن”.
گۆت ژى” كۆمسيۆنێ تيمێن سه‌خبێركرنێ يێن هه‌ين ل هه‌موو بنگه‌هێن ده‌نگدانێ تاكو ل ده‌مێ روودانا هه‌ر حاله‌ته‌كێ ب شێوه‌كێ ب له‌ز وان كێشان چاره‌سه‌ر بكه‌ن”.
ئه‌ڤ داخۆيانيێن وى به‌رپرسێ كۆمسيۆنا بلند يا هه‌لژارتنان دده‌مه‌كى دانه كو ل چه‌ندين بنگه‌هێن ده‌نگدانێ ل هه‌رێما كوردستانێ وعيراقێ كێشه دئاميرێن ده‌نگدانێ دا دروست بوون وبوونه ئه‌گه‌رێ قه‌ره‌بالغێ ل ويستگه‌ه وبنگه‌هێن ده‌نگدانێ وپرۆسه ب ب له‌ز ب رێڤه نه‌چيت.
ئه‌ڤرۆ نيوز:
ئه‌ڤرۆ سپێدێ هه‌لبژارتنێن گشتى ل عيراقێ و هه‌رێما كوردستانێ ده‌سپێكرن و ليسته و قه‌وارێن سياسى و به‌ربژار دێ هه‌ڤركيێ ل سه‌ر 328 كورسيێن جڤاتا نوونه‌رێن عيراقێ كه‌ن.
رێژا پشكداريكرنێ ب ره‌نگه‌كێ به‌رچاڤ ل پارێزگه‌ها دهۆكێ يا كێمه و ب ره‌نگه‌كى هه‌كه وه‌سان ب رێڤه بچيت ناگه‌هيته 70%ێ.
ب گۆره‌ى پێزانينێن ب ده‌ست ئه‌ڤرۆ نيوز كه‌فتين رێژا ده‌نگدانێ هه‌تا ده‌مژمێر 4:00ى ئێڤارى ل پارێزگه‌ها دهۆكێ ب ڤى ره‌نگى بوويه:
دهۆك: 111.481 ده‌نگده‌ر ئانكو 48.60
زاخۆ: 69.906 ده‌نگده‌ر ئانكو 55.53
ئاكرێ: 44.727 ده‌نگده‌ر ئانكو 52.08
ئامێديێ: 39.494 ده‌نگده‌ر ئانكو 64.40
به‌رده‌ره‌ش: 29.478 ده‌نگده‌ر ئانكو 51.75
سێمێل: 39.812 ده‌نگده‌ر ئانكو 49.29
شێخان: 28.807 ده‌نگده‌ر ئانكو 62.7
ب ڤى ره‌نگى ديار دبيت كو سه‌رجه‌مێ گشتى يێ ده‌نگدانێ ل پارێزگه‌ها دهۆكێ هه‌تا ده‌مژمێر 4:00، 387.027 ده‌نگده‌رن ژ سه‌رجه‌مێ 716.300 كه‌سان و ب ڤێ چه‌ندێ ژى دبيته رێژا 57.35%ێ.
نيشاندان