سه‌ره‌كى نووترين نووچه

به‌رپرسه‌كێ له‌شكريێ حزبا به‌عس وه‌غه‌ركر‌

19/05/2018 14:17

457

ئه‌ڤرۆنيوز:

ده‌زگه‌هێن راگه‌هادنێ ل عيراقێ به‌لاڤكر كو شه‌ڤا بۆرى به‌رپرسه‌كێ له‌شكريێ رژێما به‌عس ل زيندانێ ڤه‌ ژ ئه‌گه‌را جه‌لتا مێشكى گيانێ خوه‌ ژ ده‌ست دا.

فه‌ريق ئێكێ يێ روكن (ئه‌ياد فته‌يح خه‌ليفه‌ ئه‌لراوى) فه‌رماندێ گاردا كۆمارى يا عيراقى وسه‌رۆك ئه‌ركانێن له‌شكرێ عيراقى ل سه‌رده‌مێ حزبا به‌عس دزيندانێ ڤه‌ تووشى جه‌لتا دلى دبيت وپاشى دهێته‌ ڤه‌گوهاستن بۆ نه‌خوه‌شخانا يه‌رمه‌ك ول وێرێ گيانێ خوه‌ ژ ده‌ست دا.

ئه‌ياد ئه‌لراوى ل سالا 2003 هاتبوو ده‌سته‌سه‌ركرن وحوكمێ زيندانيكرنا هه‌تا هه‌تايى ل سه‌ر هاتبوو سه‌پاندن.

دیارترین ئەو کەسێن د ھەلبژارتنان دا خوسارەت بووین

19/05/2018 13:22

2744

ئەڤرۆ نیوز، نەوزاد ھلۆری:

پشتی راگەھاندنا ئەنجامێن دوماھیێ یێن جڤاتا نوونەرێن عیراقێ ، ھژمارەک ژ کەساتیێن ناڤدار ل عیراقێ دەرنەچوون کو دناڤ وان دا سەرکردە و کەسانێن بناڤ دەنگ و بالادەستێن عیراقێ نە و ھندەک ژی ژ وان رولەکێ بەرچاڤ ھەبویە د شکاندنا رژێما بەعس ل سالا 2003.

ئەو وەزیرێن دەرنەچوويی:

- نافع ئەلواسی، وەزیرێ ئاکنجیبوون و و باژێرڤانیان ل عیراقێ
– عەدلا حەمود، وەزیرا ساخلەمیا عیراقێ
– سەلمان جەمیلی، وەزیرێ پلاندانان و بارزگانیا عیراقێ
– حەیدەر زومێلی، وەزیرێ داد یێ عیراقێ

بەربژارێن خوسارەت بووین:

- حەنان فەتلاوی، سەرکردا دیار یا رەوتا ئیرادە
– سەلیم جبوری، سەرۆکێ جڤاتا نوونەرێن عیراقێ
– موسیر جەدل مشعان جبوری
– حەیدر مەلا
– موفق روبێعی
– حەسەن عەلەوی کەساتیێ دیارێ سیاسی ل عیراقێ
– مەحمود مەشھەدانی
– مەیسون دەملوجی
– خالد ئەسەدی
– ھەمام حەمودی
– عەباس بەیاتی
– مەحمود حەسەن
– عەلی عەلاق
– سادق رەکابی
– عەزیز کازم عەلوان
– محەمەد کاش
– عامر خوزاعی
– رحیم دەراجی
– جاسم محەمەد جەعفەر

ريحانێ چه‌ند ده‌نگ ئينان و ل كيش پارێزگه‌هێ بۆ په‌رله‌مانتار

19/05/2018 10:30

9340

ئه‌ڤرۆ نيوز، نيوار محه‌مه‌د سه‌ليم:

ئه‌ڤرۆ سپێدێ زوو ئه‌نجامێن دووماهيێ يێن هه‌لبژارتنێن جڤاتێن نوونه‌رێن عيراقێ ژ لايێ كۆمسيۆنا بلندا سه‌ربه‌خۆيا هه‌لبژارتنان هاتنه‌ راگه‌هاندن و ب فه‌رمى ريحان حه‌نا بۆ ئه‌نداما جڤاتا نوونه‌رێن عيراقێ.

ئه‌مير يوسف ژ جڤاتا مللى يا كلد و ئاشوور و سريانى راگه‌هاند كو پشتى ئه‌نجامێن گشتى يێن فه‌رمى هاتينه‌ راگه‌هاندن ديار بوو كو ريحان حه‌نا ب ره‌نگه‌كێ فه‌رمى ل سه‌ر پارێزگه‌ها كه‌ركووكێ بۆ ئه‌نداما جڤاتا نوونه‌رێن عيراقێ ل سه‌ر كه‌ركووكێ ب رێژا 5458 ده‌نگان ل سه‌ر ليستا جڤاتا مللى يا كلد و ئاشوور و سريانى.

د روودانەکا ترافیکێ دا ترۆمبێلەک دبیتە دوو پارچە

19/05/2018 10:10

874

ئەڤرۆ نیوز ، زنار تۆڤی :

موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا خویاکرن:کو د روودانەکا ترافیکێ دا ل جادا مالتایێ شۆفێرێ ترۆمبێلەکێ برینداربوویە.

ناڤهاتی زێدەتر گوت:ل دەمژمێر ١٢:٤٥ خولەکی شەڤا ئەینی ل سەر شەمبی ١٩/٥/٢٠١٨ ل سەز جادا مالتایێ و ل نێزيك مزگەفتا كێسته روودانەکا ترافیکێ روودایە و ئەگەرێ ڤێ روودانێ شوفێری كونترۆل ل سەر ترومبێلا خوە نەمایە لەوما وی ترۆمبێلا خوە ل پەرژانێ رەسیفی دایە و ژ ئەگەرێ ڤێ چەندێ ترومبێلا وی دبيته دوو پارچە و ئەو ژی برینداربوویە.

ب ڤیدیۆ: ژ بەر رەمەزانێ وەلاتی ب شەڤ گیایی ب ترپانێ ددرن

19/05/2018 09:55

548

ئەڤرۆ نیوز، نەوزاد ھلۆری:

بەردەوامبوونا بارانان و ھاتنا رەمەزانێ بویە سەدەم کو پشکەک ژ وەلاتیێن سنوورێ ناحیا شێلادزێ ب شەڤ بچنە دورینا گیایی ، و شەڤبێریێن خوە ب کاری و سترانان ببورینن.

دیارکر کو باران بەردەوام بوون ھەتاکو ھەیڤا رەمەزانێ ھاتی و پشتی بوویە رەمەزان ژبەر روژیێ ئەو نکارن ب روژ بچنە گیایی و بو ئەڤرۆ نیوز گوت: (ئەم کومەکا کەس کو ھەموو کەس و کارێن ئێکین ب زوبارە ھاریکاریا ھەڤدوو دکەین بو گیا دورینێ ، و دورینا گیایی ژی ب داس و ترپانێ یە ، و نھا ب شەڤ دچینە گیایی و ھەتا نێزیکێ وەختێ پاشیڤێ دێ چینە دورینێ پاشان دێ دەستان ژێ بەردەین و دێ تێرا خوە گیایی دورین).

سامی ئەحمەد ئەو ژی وەکو پالە ھاتیە ھاریکاریا وان بۆ ئەڤرۆ نیوز گۆت: (ئەڤرۆ وەکو پالە ئەز ھاتینە ناڤا زوبارێ و کاروبارێن بڤی رەنگی پێدڤی یە ب زوبارە بھێنەکرن ژ بەرکو ب کەسەکێ و دوان ناھێنەکرن و ئەڤرۆ دورا وی ی و دبیت سوبەھی دورا من بیت).

کو ب ترپانێ گیا ددوری بۆ ئەڤرۆ نیوز گۆت: (ئەو کەسێ کو ب ترپانێ گیایی د دوریت پێدڤی یە کەسەکێ شارەزابیت ئەگەر دی َخوە بریندارکەت، و دیسان پێدڤی یە ئەو جھێ کو گیایی ب ترپانێ دھێتە درین جھەکێ راست بیت و چوو بەر و کەندوکیر تێدا نەبن و مرۆڤ دشێت ب ترپانێ شوونا سێ یان چوار کەسان گیایی بدریت کود بیتە نێزیکێ 100 گورزێن گیایی).

ئه‌نجامێن دووماهيێ يێن هه‌لبژارتنان هاتنه‌ راگه‌هاندن

19/05/2018 02:33

2406

ئه‌ڤرۆ نيوز:

ئه‌نجامێن دووماهيێ يێن هه‌لبژارتنێن په‌رله‌مانێ عيراقێ ئه‌ڤ شه‌ڤه‌ ژ ئاليێ كومسيونا بلندا سه‌رخويا هه‌لبژارتنان ل عيراقێ هاتنه‌ راگه‌هاندن، و ئه‌نجام ب ڤى ره‌نگى بوون:

پارتى ل هه‌ولێرێ 8 كورسى، ئێكه‌تي 2 كورسى، نه‌وه‌ى نوێ 2 كورسى، گوران كورسيه‌ك، هه‌ڤپه‌يمانى بۆ ديموكراسى و دادپه‌روه‌رى 1 كورسى، كومه‌ل كورسيه‌ك.

ل سلێمانيێ گوران 4 كورسى، نه‌وه‌ى نوێ 2، هه‌ڤپه‌يمانى بۆ ديموكراسى و دادپه‌روه‌رى 1 كورسى، كومه‌ل 1 كورسى، پارتى 1 كورسى،

ل دهۆكێ، پارتى 10 كورسى، يه‌كگرتوو 1 كورسى.

پارتی ( ٢٦ ) کورسی مسوگەر کرن ( ١٠ ) ل دھوک ( ٨ ) ل ھەولێر( ٦ ) ل نەینەوا( ١) ل سلێمانیێ( ١ ) ل بەغدا برینە دگەل( ٢ ) کوتا ژی کو سەر ب پارتی ڤەنە ل دھوک و ھەولێرێ کۆ دبیتە ( ٢٨ ) کورسی.

كۆمسیۆن:داخوازيا جوداكرنا 5% ژ ده‌نگێن هه‌لبژارتنان هاته‌ ره‌تكرن

18/05/2018 23:54

278

ئه‌ڤرۆنيوز:

ل دووڤ نڤيساره‌كێ ئه‌ڤۆ ئه‌ينيێ 18/5/2018 كۆمسيۆنا بلند يا هه‌لبژارتنان ل عيراقێ، ب برياره‌كا جڤاتا كۆمسياران، داخوازيا جوداكرنا 5% ژده‌نگێن هه‌لبژارتنێن جڤاتا نوونه‌رێن عيراقێ ب ده‌ستى هاته‌ ره‌تكرن.

كۆمسيۆنا هه‌لبژارتنان بريار ژى دايه‌ هه‌ر كيانه‌كێ سياسى كۆپيه‌كا ئه‌لكترۆنى ژ ئه‌نجامێن ويستگه‌هێن ده‌نگدانێ بۆ هه‌لبژارتنێن جڤاتا نوونه‌ران وه‌ردگريت.

ئه‌ڤ بريارا كۆمسيۆنێ ب فه‌رمانا كارگێرى يا هژمار 3375 ل ئه‌ڤرۆ ئه‌ينيێ 18/5/2018

هاتيه‌ به‌لاڤكرن ب ئيمزايا رياز به‌دران سه‌رۆكێ ئيدارا هه‌لبژارتنان ل كۆمسيۆنا بلند يا هه‌لبژارتنان.

بريارا ئێكلاكه‌ر يا ئه‌ڤرۆ يا كۆمسيۆنا هه‌لبژارتنان دده‌مه‌كى دايه‌ كو چه‌ند كيانێن سياسى كو دڤان هه‌لبژارتنان دا هاتينه‌ دووراندن، نه‌رازيبوونا توند ده‌ربريه‌ ل دۆر هه‌بوونا سه‌خته‌كاريان.

یۆئێنێ داخوازکریە حوکمەتەکا فرە لایەنی ل عێراقێ بھێتە پێکئینان

18/05/2018 21:09

107

ئەڤرۆ نیوز ، زنار تۆڤی :

نەتەوێن ئێکگرتی داخواز ژ لایەنێن سیاسی یێن عێراقێ کریە،کو ب قانوونێ کێشێن خوە ل سەر ئەنجامێن ھەلبژارتنان چارە بکەن و ب زووترین دەم حوکمەتەکا فرە لایەنی پێکبینن،کو هەموو نەتەوە پشکداریێ تێدا بکەن.

ستیڤان دۆجاریک پەیڤدارێ سکرتێرێ گشتی یێ نەتەوێن ئێکگرتی داخواز ژ ھەموو حزب و لایەنێن سیاسی یێن عێراقێ کریە، کو هەتا ئەنجامێن فەرمی و دوماهیێ یێن ھەلبژارتنێن پەرلەمانێ عێراقێ دهێنە راگەھاندن، ئاشتی و ئارامیێ بپارێزن و ب زووترین دەم ژی حوکمەتەکا فرە لایەنی پێک بینن.

وێنێن وان ل گه‌ل ئه‌ردۆگانى خەلک‌ و ناڤه‌ندێن وەرزشی یێن ئه‌لمانی تۆره‌ كرینه‌

18/05/2018 20:57

373

ئەڤرۆ نیوز ، زنار تۆڤی :

پشتی وێنێن هه‌ردوو یاریکەرێن هه‌لبژارتیێ ئه‌لمانیا مه‌سعۆد ئۆزل و ئێلكای گۆندۆگانی ل گه‌ل سه‌رۆكێ تۆركیا ره‌جه‌ب تەییب ئه‌ردۆگانی به‌لاڤبووین ، ڤێ چەندێ نه‌رازیبوونه‌كا ته‌مام ل سه‌ر ناڤەندێن وەرزشی یێن وی وەلاتی کرینە و جادایا وەرزشا ئەلمانی گەلەک تۆرە کریە، د راپرسیه‌كێ دا کو ژ لایێ رۆژناما دی فلێت یا ئه‌لمانی ڤه‌ هاتییه‌ كرن کو تێدا 36% داخوازا دوورخستنا هه‌ردوو یاریكه‌ران ژ هه‌لبژارتیێ ئەلمانیا د مۆندیالا رۆسیا دا كریە.

هەروەسا د راپرسیه‌كا دی دا نێزیكی 70% یێ خەلکێ ئەلمانی نه‌رازیبوونا خوه‌ ل سه‌ر ڤێ دیدارێ دیاركریە و ده‌نگ ل سه‌ر وێ چه‌ندێ دایە ، کو ئه‌ڤ جۆره‌ كۆمبوونه‌ دناڤبه‌را وەرزشڤانێن ئه‌لمانی و كه‌سێن سیاسی نه‌یا درۆسته‌.

د به‌رامبه‌ر دا ب تنێ 7% ئه‌ڤ چه‌نده‌ ب تشته‌كێ نۆرمال وه‌رگرتیە، ژلایه‌كێ دیڤه‌ راهێنه‌رێ هه‌لبژارتیێ ئه‌لمانیا ل سه‌ر ڤی بابه‌تی د داخویانیه‌كا تایبه‌ت دا دیاركریە ، کو وی هزر دڤێ چه‌ندێ دا نه‌كریه‌ و هه‌ردوو یاریكه‌ر بۆ مۆندیالا رووسیا هاتینه‌ گازیكرن.

ئه‌ڤرۆ کۆمسیۆن دێ ئەنجامێن دووماهيێ يێن ھەلبژارتنان راگه‌هينيت

18/05/2018 15:08

397

ئه‌ڤرۆنيوز:

برياره‌ ئه‌ڤرۆ ئه‌ينى 18/5/2018 كۆمسيۆنا بلند يا هه‌لبژارتنان ل عيراقێ ئه‌نجامێن دووماهيێ يێن هه‌لبژارتنێن جڤاتا نوونه‌رێن عيراقێ رابگه‌هينيت ودبيت گوهۆرين د خشتێ هێز ولايه‌نان وهژمارا كورسيان روو بده‌ت.

رۆژناما (الحياه‌) يا له‌نده‌نى به‌لاڤكر، ئه‌ڤرۆ ئه‌ينيێ كۆمسيۆنا بلند يا هه‌لبژارتنان ل عيراقێ دێ ئه‌نجامێن دووماهيێ و100% ده‌نگێن هه‌لبژارتنێن جڤاتا نوونه‌رێن عيراقێ كئه‌وێن ل رۆژا 12/5/2018 هاتينه‌ ئه‌نجامدان، به‌لاڤكه‌ت.

نيشاندان 1...1,000 2,000 1,4791,4801,481 2,480...3,022 زێده‌تر

لاپه‌ر 1,480 ژ 3,022