ئەڤرۆ نیوز ، زنار تۆڤی :
حەسەن رووحانی سەرۆكێ ئیرانێ د پەیوەندیەكا تەلەفۆنی دا ل گەل ئیمانوێل ماكرۆن سەرۆكێ فرنسا دووپات كریە، كو ئەو رێككەفتنا ئەتۆمی یا ئیرانێ ل گەل ولاتێن زلهێز ئیمزا کری جهێ گفتوگۆكرنێ نینە،ل وی دەمێ سەرانێن ئوروپی ب پێدڤی دزانن،کو چەند پرسێن دیتر یێن گرێدایی ب فراوانخوازێن ئیرانێ و پرۆگرامێ وێ یێ مووشەكی پێدڤیە بهێتە بەحس كرن.
مالپەرێ سەرۆكاتیا ئیرانێ ژ رووحانی ڤەگوهاستیە كو رێككەفتنا ئەتۆمی یان هەر پرسەکا دیتر ب وێ پاساوێ ب هیچ شێوەیەكێ مایێ گفتوگۆكرنێ نینە و ئیران قەبوول ناکەت.
مایك پۆمپیۆ، وەزیرێ دەرڤە یێ ئەمریكا د سەردانەکێ دا بۆ ریاز و تەلئەبیب و عەمانێ، بەحسێ چەند پرسێن گرنگ كر ژ وانا یێن گرێدایی ئیرانێ و رێككەفتنا ئەتۆمی یا ل گەل ئیرانێ،کو ئەمریكا یا رژدە ل سەر گوهۆرینا وێ کو ب شێوەیەكێ مسۆگەر ئەمریکا دێ وێ کەت،کو ئیران نەبیتە خودانا چەكێ ئەتۆمی.
نيشاندان