ئه‌ڤرۆ نيوز:
ئەندامەکێ خولا بەرێ یا پەرلەمانێ عیراقێ ئاشکراکر کو ھەر پوستەکێ بۆ کوردان ل بەغدا بھێتەدان بۆ پارتی دکەڤیت چونکی مەزنترین کوتلا کوردی یە، باشترە ئەڤجارە پوستێ سەرۆک پەرلەمان کورد وەربگرن و یێ وی پوستی وەربگریت دڤێت ئەندامێ پەرلەمانی بیت.
محسن سەعدون ئەندامێ خولا بەرێ یا پەرلەمانێ عیراقێ بۆ رۆژناما ئەڤرۆ گۆت: د دستورێ عیراقێ دا، کوتلا مەزن حوکمەتێ دروست دکەت و سائیروون کەتلا ئێکێ یە و ئەڤە ل گەل ھەر سێ کوتلین نەسر و فەتح نەشێن حوکمەتێ دورست بکەن، و ھەموو خەلک دزان ھەر دو کوتلێن ھادی عامری و مالکی پشتەڤانی ولاینگرێن ئیرانێ نە، بەرامبەر کوتلا عەبادی گەلەک کەساتیێن سونە ل گەل ھەنە و پێشبینی دھێتەکرن ل گەل کوتلا سەدری حوکمەتێ دروست بکەت.
محسن سەعدون، نوکە کوردستانێ پتر کورسی پارتی برینە و بارێ گران ل سەر ملێن وێ یە و پێشتر ژی پارتی ھەر گازی دکر بینە ئێک چ کوتلا گوھداری نەدکر، نوکە نێزیک نیڤا کورسیێن ھەرێمێ پارتی برینە و پتر فەرمان دەستێ پارتی داینە و مەرجەع سەر پارتی یە و ئەو دێ سەرکێشیا کوردان کەت ل بەغدا و دڤێت ئەڤ جالە ل گەل وان کوتلا روونە خار و رێککەفتنێ بکەین، یێن کو بشێن مافێن دستوری یێن کوردستانێ بجھبینن و روونە خار و ئارمانجا مە ئەو بیت ل گەل وێ کوتلێ دورست بکەین و پێدڤی یە ئەڤ جارە کوتلا کوردی ھەموو مافێن خوە وەربگریت وەک خولێن بوری نە کەت.
ھێشتا گۆت: پێشتر چووینە بەغدا مە ھەڤپەیمانیا کوردستانی ھەبوو ژ پارتی و ئێکەتی دھاتە پێکئینان و ل بەغدا ئێکەتیێ سەرکێشی دکر و بەرامبەر ل کوردستانێ پارتی نوکە ئەڤە نەمایە، و کەسەک ل گەل مە نەھاتینە و مە خواست ھەلبژارتنان ل گەل ئێک بین کەسەک رازی نەبوو، ھەر پوستەکێ بەر ب کوردان بکەڤیت چ سەرۆک کۆمار بیت یان سەرۆکێ پەرلەمانی ل بەغدا دێ بۆ پارتی بیت چونکە ئەو لیستا ئێکێ یا سەرکەفتی یە و ئەو دێ ھەلبژێریت.
محسن سەعدون ئەو ژی گۆت: پێشبینی دکەم خولا داھاتی کورد داخازا پوستێ سەرۆکێ پەرلەمانی بکەن، چونکە چەندین خولە پوستێ سەرۆک کۆمار د دەستێ کوردان دایە و چ دەستھەلات نینە، بۆ کوردان باشترە پۆستێ سەرۆکێ پەرلەمانی، چونکە ھەموو بڕیار و قانوونێن سیاسی ل عیراقێ ژ پەرلەمانی دەر دکەڤن، دڤێت ئەڤجارە کورد داخازا ڤی پۆستی بکەن.
محسن سەعدون ئەو ژی گۆت: ھەر کەسەکێ بیتە سەرۆک پەرلەمان دڤێت ئەندامێ پەرلەمانی بیت و دەرڤە نابیت بیتە سەرۆک پەرلەمان، سەرکرداتیا کوردستانێ ژی دزانیت پۆستێ سەرۆکێ پەرلەمانی باشترە و دڤێت ئەزموونەکا سیاسی و قانوونی و دەستوری ھەبیت ھەتا بشێت وی پۆستی برێڤەبەت.
سەعدونی ئەو ژی گۆت: کوتلا سائیرون ھەموو پێکھاتێن عیراقێ ب خوە ڤە دگریت کورد عەرەب شیعە سنە و شوعی و کەسایەتی و پتر خەلکی دەنگدایی پێخەمەت دروستکرنا گوھورینەکێ و ئەڤ کوتلە نە قومی و مزھەبی یە، پەیوەندیێن پارتی ل گەل سەدر گەلەک دباشن و ئەڤە 13 سالە ل بەغدا چ جارا کوتلا سەر دژی کوردان نەبوو و مە پەیوەندی ھەبوون، سەدەر سەردانا کوردستانێ کربوو بەری چەندین سالان و دڤێت ئەڤە ل بەر چاڤ بھێتە وەرگرتن و چ جاران دژی کوردان نە راوستیایە وەک مالکی و جەعفەری و عەبادی ل ڤێ دووماھیێ و ھەتا ل سەر ریفراندوومێ عەمار حەکیم ژی جوداھی ھەبوو لێ تەیار سەدر جوداھی بەرامبەر کوردان ھەبوو.
نيشاندان
