ئه‌ڤرۆ نيوز:
ڤێ هه‌يڤێ مووچێ وه‌زاره‌تا ناڤخۆ و هێزێن يه‌كێن پاسه‌وانى ب گۆره‌ى سيسته‌مێ نوو يێ پاشكه‌فتى هێته به‌لاڤكرن، رێڤه‌به‌ريا گشتى يا ديوانا وه‌زاره‌تا ناڤخۆ رادگه‌هينيت كو پاشكه‌فتێ يه‌كا پاسه‌وانى د ناڤبه‌را 39% بۆ 50% دا هاتيه كێمكرن.
نووترين نووچه
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
- ل ئیراقێ هندەك هێز بۆ دژایەتییا قەوارەیێ هەرێما كوردستانێ یێن دروست بووین
- پشتەڤـانیێ ل بزاڤێن سـەرۆک بارزانی بۆ رۆژئاڤـایێ کـوردستانێ دکـەین
- سەرۆك بارزانی دوپاتی ل ئێكڕێزییا ئالیێن كوردی ل سووریێ كر
- حوكمەتا هەرێمێ ب زەلالی پێگیرییا ب رێككەفتنێن ل گەل بەغدایێ كری
- دڤێت دەستهەلاتا دادوەری رۆلێ خوە د دابینكرنا شایستەیێن دارایی یێن هەرێما كوردستانێدا بگێڕیت
سه‌ره‌كى نووترين نووچه
جڤاتا سه‌ركردایه‌تیا ئێکەتیێ ب توندی هێرشێ دکەنە سه‌ر فوئاد مه‌عسوومی
ئەڤرۆ نیوز ، زنار تۆڤی :
ژێدەرەکێ ژ ئێکەتیا نیشتمانیا كوردستانێ ئاشكرا كریە،کو كۆمبوونەکا نهێنی یا حزبا وان هاتیە ئەنجام دان و هەموو د هەڤرا بوون ل سەر هندێ کو فوئاد مەعسووم بۆ پۆستێ سەرۆک كۆماری نەهێتە كاندید كرن، چونكی چوو نەكریە بۆ پاراستنا بەرژەوەندیێن كوردان و مافێن دستووریی یێن هەرێما كوردستانێ ل بەغدا.
وی ژێدەری بۆ بەغداد ئەلیەوم گوتیە،کو سەركردایەتیا ئێكەتیێ د كۆمبوونەکێ دووپات كریە،کو هەموو گەهشتینە وێ بریارێ،کو جارەکا دیتر فوئاد مەعسوومی بۆ پۆستێ سەرۆک كۆمارێ عێراقێ كاندید نەكەن، چونكی مەعسوومی شكەستن ئینایە ژ بەرگری كرن د بەرژەوەندیا كوردان دا ل بەغدا،جۆدا ژ هندێ ژی كەسایەتیەکێ ب هێز نینە و نەشیایە جهێ مام جەلال پر بكەت.
زێدەتر گوتیە،د وێ كۆمبوونێدا كۆسرەت ڕەسوول جێگرێ ئێکێ یێ سكرتێرێ گشتی و بەرپرسێن بالێ بنەمالێ ئامادە ب بوون و هەموو ل سەر دووبارە كاندید نەكرنا مەعسوومی د هەڤرا بوون و چوو كەس بۆ جهێ مەعسوومی كاندید نەكریە.
250 هزار کەس دێ چاڤدێریا هەلبژارتنێن عێراقێ کەن
ئەڤرۆ نیوز ، زنار تۆڤی :
كۆمسیۆنا بلند یا سەربەخۆ یا هەلبژارتنان ئاشكرا دکەت،کو دێ 250 هزار چاڤدێرێن نافخۆ، چاڤدێریا پڕۆسەیا هەلبژارتنان كەن و گرێبەست ل لەگەلدا هاتیە ئەنجامدان.
ژێدەرەک ژ كۆمسیۆنا بلند یا سەربەخۆیا هەلبژارتنان ئاشكرا دکەت،کو بۆ چاڤدێریكرنا پڕۆسا هەلبژارتنان، كۆمسیۆنێ ل گەل 250 هزار چاڤدێرێن نافخۆ گرێبەست كریە،ئەو چاڤدێرە هەموو دێ كارێ خوە ئەنجام دەن و یێن هاتینە دابەشکرن ل سەر 45 هزار بنگەهێن هەلبژارتنان ل سەرانسەری عێراقێ.
هەروەسا گوتیە،کو كۆمسیۆن ب تنێ پشت ب راپۆرتێن وان چاڤدێران نابەستیت، بەلكو ژ بلی وان 250 هزار كەسان،دێ رێکێ ب رێكخراوێن جڤاکێ مەدەنی و حزبێن سیاسی و دەستەیێن نێڤدەولەتی دەت،کو چاڤدێریا پڕۆسەیا هەلبژارتنان بکەن، ئەڤە ژبلی راپۆرتێن كەنالێن میدیایی.
ل 12 گولانێ دی هەلبژارتنێن خولا چارێ یا پەرلەمانێ عێراقێ ب پشکداریا 206 لیست و قەوارێن سیاسی كو حەفت هزار كاندیدان هەنە هێتە ئەنجامدان،بۆ ب دەستڤەئینانا 329 كورسیێن پەرلەمانێ عێراقێ كو دێ 24 ملیۆن وەلاتی دەنگێ خوە دەن.
ژبه‌ر ڤى ئه‌گه‌رى، به‌رپرسێ لقێ ئێك ده‌ستخوشیێ ل خودانێ چایخانه‌كێ دكه‌ت
ئه‌ڤرۆ نيوز:
پشتى چایخانه‌كا مللى ب ناڤێ (چایێ مه‌تینا) دناف بازارێ دهوكێ دا وێنێن پتریا شه‌هیدێن شه‌رێ دژى رێكخراوا تیرورستى یا داعش هه‌لاویستین، ئه‌ڤرو ژبو دیتن و ده‌ستخوشى لێكرنێ، سه‌ربه‌ست تروانشى به‌رپرسێ لقێ ئێكێ پارتى سه‌ره‌دانا چایخانا ناڤهاتى كر و ژلایێ خودانێ چایخانێ و خه‌لكى ڤه هاته پێشوازى كرن.
د سه‌ره‌دانا خودا بو چایخانا مللى، سه‌ربه‌ست تروانشى به‌رپرسێ لقێ ده‌ست خوشى ل ( مه‌تین جمعه) خودانێ چایخانێ كرن و خوشحالیا خو ب دیتنا جهه‌كێ بڤى ره‌نگى نیشان دا.
ژلایێ خوڤه (مه‌تین جمعه) دیاركر وه‌كو وه‌فاداریه‌ك ژبو خوینا شه‌هیدان رابویمه ب كومكرن و هه‌لاویستنا وێنێن شه‌هیدان، و هه‌روه‌سان په‌یداكرنا جل و به‌رگ و كه‌ل وپه‌لێن شه‌هیدان دناڤا چایخانا خودا.
ب ئه‌گه‌رێ په‌قينا مینه‌كێ وه‌لاتیه‌كێ گیانێ خوه ژ ده‌ست دا
ئه‌ڤرۆ نیوز، نه‌وزاد هلۆرى:
ئێڤاره دره‌نگى یا ئه‌ڤرۆ ل سنورێ قه‌زا چومان پێ وه‌لاتيه‌كى كه‌فته سه‌ر مینه‌كێ و ل ده‌ما ته‌قینا مینێ ئێكسه‌ر گیانێ خوه ژ ده‌ست دا.
عه‌ميد (عیماد رێكانى)، به‌رپرسێ به‌ره‌ڤانیا باژێرى ل قه‌زا سۆران بۆ ئه‌ڤرۆ نیوز گۆت” ئه‌ڤرۆ ئێڤارى ل چیایێ گومه‌ندیل ل سنوورێ قه‌زا چومان پێ وه‌لاتیه‌كى دكه‌ڤیته سه‌ر مینه‌كێ و ئه‌و مین ب وى ڤه د په‌‌قیت و ئێكسه‌ر گیانێ خوه ژ ده‌ست دده‌ت”.
زێده‌تر گۆت” ناڤێ وى وه‌لاتى حه‌يده‌ر حه‌سه‌نه و ژدایكبوویێ سالا 1978 و خه‌لكێ قه‌زا چومانه وكارمه‌ندێ زێره‌ڤانیێ سنورى بوو ل قه‌زا رانیێ ، تیمێن به‌ره‌ڤانیا باژێرى ل قه‌زا چومان و پولیسێن چومان ته‌رمێ وى زڤراندیه و بۆ نوشداريا داد ل سۆران ره‌وانه‌كریه “.
رێژا بارانێ د 12 ده‌مژمێرێن بوورى دا
ئه‌ڤرۆ نيوز:
كه‌شناسيا هه‌رێمێ، دياركريه كو 12 ده‌مژمێرێن بوورى دا، ئه‌ڤ رێژا بارانێ ل سه‌رانسه‌رێ پارێزگه‌هێن هه‌رێمێ باريه
سلێمانى 1.0 ملم
دهۆك 9.5 ملم
پیرمام 1.6 ملم
زاخۆ 1.0 ملم
كركوك 1.2 ملم
دووز 13.0 ملم
بامه‌رنی 2.6 ملم
كه‌لار 1.0 ملم
مه‌یدان 2.0 ملم
كانى ماسی 0.2 ملم
مانكیش 0.8 ملم
پێنجوێن 0.2 ملم
باتوفه 28.6 ملم
رۆهنكرنه‌كا بله‌ز ژ وه‌زاره‌تا په‌روه‌ردێ
ئه‌ڤرۆنيوز:
وه‌زاره‌تا په‌روه‌ردێ ل هه‌رێما كوردستانێ رۆهنكرنه‌كا بله‌ز ل دۆر بێهنڤه‌دانا سوباهى سێشه‌مبى به‌لاڤ دكه‌ت.
وه‌زاره‌تا په‌روه‌ردێ ر خوه دا دبێژيت” ل دۆر سوباهى سێشه‌مبى ئێكێ ئه‌يارێ، هنده‌ك ده‌زگه‌هێن راگه‌هاندنێ ب شاشى ڤه ئاگه‌هداريا مه به‌لاڤكريه”.
دياركريه ژى” ده‌وام دێ ل دووڤ خشتێ ئه‌زموونان بيت ل هه‌ر قوتابخانه‌كێ، ئانكو هه‌كه قوتابخانه‌كێ پێشتر ول خشتێ ئه‌زموونێن خوه‌دا ل سێشه‌مبى 1 ئه‌يارێ دانابيت، ئه‌زموون دێ ل ده‌مێ خوه هێته ئه‌نجامدان، به‌لێ هه‌كه قوتابخانه‌كێ چو ئه‌زموون دوێ رۆژێ دا (1 ئه‌يارێ) دانابيت، بۆ وێ قوتابخانێ بێهنڤه‌دان وده‌وام نينه”.
وه‌زاره‌تا په‌روه‌ردێ دوێ رۆهنكرنا خوه دا خوياكر ژى” سه‌باره‌ت سلێمانيێ وهه‌له‌بجه وگه‌رميان وراپه‌رين، ئه‌و دێ پێگير بن ب بريارێن په‌روه‌ردێن خوه”.
ئاگاداريه‌ك ل په‌روه‌ردا دهۆك سه‌باره‌ت بهێنڤه‌دانا ئێكێ ئه‌يارێ
عه‌بادی ل ئيرانێ دهێته قه‌ده‌غه‌كرن
ئه‌ڤرۆنيوز:
ئيران رێ ناده‌ت ل باژێرێ قوم بانگه‌شا هه‌لبژارتنان بۆ حه‌يده‌ر عه‌بادى بهێته كرن ب به‌هانه‌يا وێ چه‌ندێ كو ريبات ل ستوويێ عه‌بادى يه.
سايتێ به‌غداد نيوز يێ عيراقى به‌لاڤكر كو ليستا عه‌بادى خواست ل باژێرێ قوم يێ ئيرانى بانگه‌شا هه‌لبژارتنان بكه‌ت، چونكى هژماره‌كا مه‌زن يا ئاوارێن عيراقى ل وى باژێرێ يێن هه‌ين ، به‌لێ ژئاليێ ده‌ستهه‌لاتدارێن وى باژێرێ رێگرى لێ هاته كرن.
سايتێ ناڤبرى به‌لاڤكر، ليستا هادى عامرى ژى بانگه‌شا هه‌لبژارتنان ل باژێرێن ئيرانێ دكه‌ت، به‌لێ رێگرى تنێ ل بانگه‌شا ليستا عه‌بادى هاتيه كرن.
دياركر ژى كو ليستا نه‌سر كو عه‌بادى سه‌رۆكاتيا وێ دكه‌ت چه‌ندين جاران نامه بۆ به‌رپرسێن باژێرێ قوم يێ ئيرانى هنارتن، به‌لێ بزاڤێن وان دبێ مفا بوون، به‌هانه‌يا به‌رپرسێن ئيرانى ژى ئه‌وبوو كو عه‌بادى دوێنێن خوه دا ريبات گرێدايه.
هه‌ر ژ ده‌ستپێكا هه‌وا بانگه‌شا هه‌لبژارتنێن جڤاتا نوونه‌رێن عيراقێ دياردبيت كو ئيران پتر گرنگيێ ب هه‌ڤپه‌يمانيا فه‌تح ب سه‌رۆكاتيا هادى عامرى دده‌ت، كو ئه‌و هه‌ڤپه‌يمانيه ژ ميليشيێن حه‌شدا شه‌عبى پێك دهێت، هه‌كار ژى ئه‌وه كو حه‌يده‌ر عه‌بادى په‌يوه‌نديێن باش ل گه‌ل ئه‌مريكا يێن هه‌ين، له‌وما ئيران ناخوازيت عه‌بادى دهه‌لبژارتنان دا ب سه‌ركه‌ڤيت.
به‌پرسه‌كێ مه‌زن يێ حه‌شدا شه‌عبى هاته كوشتن
ئه‌ڤرۆنيوز:
به‌رپرسه‌كێ بلند يێ حه‌شدا ئه‌ڤرۆ دوشه‌مبى 30/4/2018 گيانێ خوه ژ ده‌ستدا پشتى دوهى ته‌قه لێ هاتيه كرن. ئه‌ڤرۆ ژبه‌ر گرانيا برينا خوه، گيانێ خوه ژ ده‌ست دا.
ده‌زگه‌هێن راگه‌هاندنێ يێن عيراقى به‌لاڤكر، دوهى ل باژێرێ به‌غدا ته‌قه ل (قاسم زوبێدى) به‌رپرسێ داراييا حه‌شد شه‌عبى هاته كرن وئه‌ڤرۆ ژبه‌ر سه‌ختيا برينا خوه گيانێ خوه ژده‌ست دا.
ئه‌و به‌رپرسێ حه‌شدا شه‌عبى كه‌سه‌كێ نێزيكى هه‌ر ئێك ژ هادى عامرى سه‌رۆكێ ليستا فه‌تح وئه‌حمه‌د ئه‌سه‌دى په‌يڤدارێ حه‌شدا شه‌عبى.
نيشاندان
WP Facebook Auto Publish Powered By : XYZScripts.com