ئەڤرۆ نيوز:
وەزیرێ دەرڤە یێ روسیا سیرگێی لاڤرۆڤ راگەھاند کو سووریا پێدڤی ب چەکێن مودێرن ھەیە دا بشێت ئەسمانێ خوە ب پارێزیت و بەری نھا مە گەنگەشە ل سەر فرۆشتنا سارۆخێن پێشکەفتی بۆ سووریێ کربوو، مە بریار دایە ئەم ساروخان بدەینە سووریێ و گۆت: (ئارمانجا مە ژ دانا ڤان چەکان بۆ ھندێ یە دا سووریە بشێت خوە ل ھەمبەر ھەر ھێرشەکا ئەسمانی ب پارێزیت).
ل ئالیێ دی ھەتا نھا بەرپرسێن ئەمریکی ل دۆر ڤی بابەتی چو داخۆیانی نەداینە و ئیرانێ ژی پشتەڤانیا خوە بۆ ڤێ پێنگاڤا روسیا دیار کریە.
ئەڤرۆ نیوز ، زنار تۆڤی :
وه‌زاره‌تا دارایی و ئابووری یا حوکمه‌تا هه‌رێما كوردستانێ دایە دیارکرن،کو ل ناڤه‌راستا حه‌فتیا بهێت دێ ده‌ست ب دابەشكرنا مووچه‌یێ هەیڤا شوواتێ یێ فەرمانبەران کەت.
هەروەسا وه‌زاره‌تا دارایی و ئابووری یا حوکمه‌تا هه‌رێمێ دیارکریە،كو پشتی گه‌هشتنا پاره‌یێ مووچه‌یێن فه‌رمانبه‌رێن هه‌رێمێ ژ به‌غدا، وه‌زاره‌تا دارایی ل ناڤه‌راستا حه‌فتیا بهێت دێ ده‌ست ب دابەشکرنا مووچه‌یێن فه‌رمانبه‌ران كه‌ت.
دیسا گوتیه ژی: خشته‌یێ دابەشکرنا مووچه‌یێن هەیڤا شوواتێ دێ وەکی خشتێ هەیڤا كانوونا دویێ بیت،كو دێ ژ هه‌ردو وه‌زاره‌تێن په‌روه‌ردێ و ساخله‌میێ ده‌ست پێكه‌ت.
ئەڤرۆ نیوز ، زنار تۆڤی :
ڤەکۆلینەکا زانستى كو ته‌ركیز خستیه سه‌ر په‌یوه‌ندیێن نڤستنێ و كێشا زارۆیان و سنێلەیان و پێگه‌هشتیان ده‌ردئێخیت،کو ب گشتى د هه‌موو ژیان دا كێمخه‌ویێ و دره‌نگ نڤستن د شه‌ڤاندا مه‌ترسیا قه‌له‌ویێ زێدە دکەت.
ئەڤ ڤەکۆلینە ل سه‌ر 3500 كه‌سان دناڤبەرا سالێن 1994-2009 هاتیە ئه‌نجامدان،هەروەسا ژ بلی قه‌له‌ویێ ئه‌ڤ ڤەكۆلینه زیانێن دره‌نگ نڤستن و كێمخه‌ویێ ئاشكرا دکەت،کو پێکهاتینە ژ زێدەبوونا مه‌ترسیا نه‌خۆشیێن دلی و جه‌لتێ هه‌روه‌سا خه‌مۆكیێ و نەرێکیا هۆرمۆنان.
شارەزا ئاماژێ ب هندێ دده‌ن كو پێدڤیە پشتی ژیێ پێنج سالیێ‌زارۆ بۆ ماوێ 9,5-12 دەمژمێر بنڤن د رۆژێدا، هه‌روه‌سا پێدڤیە کەسێن پێگه‌هشتی رۆژانه 6-8 دەمژمێران بنڤن و ژ ڤێ كێمتر دێ مه‌ترسیا ساخلەمیێ دروست کەت.
ئەڤرۆ نیوز ، زنار تۆڤی:
دکتۆر موسه‌نا ئه‌مین ئه‌ندامێ سه‌ركردایه‌تیا ئێكگرتوویا ئیسلامیا كوردستانی و سه‌رۆكێ فراكسیۆنا ئێکگرتوو ل پەرلەمانێ عێراقێ د دیدارەکێدا بۆ ئەڤرۆ نیوز دا دیارکرن:کو سووند خوارنا وی یا دستوری بۆ ئه‌ندامەتیا په‌رله‌مانێ عێراقێ مانا باوەریێ نینە ب ئێکپارچه‌یا ئاخا عێراقێ،ئەز سووندێ بۆ هندێ ناخۆم،کو ئێک پارچه‌یا ئاخا عێراقێ ژ عێراقیان بپارێزم، به‌لكو سووندێ بۆ هندێ دخۆم،کو ئاخا عێراقێ ژ ده‌رڤەی عێراقێ بپارێزم،دیسا ل چو جهێن سووندا دستوری دا بەحسێ ئێکپارچەیا ئاخا عێراقێ نەهاتیە کرن.
د.موسه‌نا ئه‌مین زێدەتر گوتیە،ریفراندۆم تاوان نه‌بوو،هەتا بێژین بۆچی هاتە ئه‌نجامدان یان ژی نه،هەکە مە ژ چونە ژی ئه‌نجام دابیت، كێشه نینە،لێ كێشه ئه‌وه،کو ده‌ستهە‌لاتدارێن عێراقێ كریە تاوانەک بۆ گه‌لێ كورد.
موسه‌نای جه‌خت ل هندێ كریه،کو وی باوەری ب ئێک پارچه‌یا ئاخا عیراقێ نینه و گوت هه‌ر كه‌سێ باوەری ب سه‌ربه‌خۆیا كوردستانێ هەبیت،وی باوەری ب ئێكپارچه‌یا عێراقێ نینه،ئه‌ڤه گوتنا من نینه و گوتنا هه‌موو حیزبانە، به‌لێ ره‌نگه ئەز وێرەکتر بم،کو ڤێ گوتنێ ب راشكاوانه دبێژم،ئه‌ڤە باوەریا سیاسیه و هیچ بەرۆڤاژیەک نینه،ل توركیا كورد سووندێ ب مەزنیا ملله‌تی دخون و باوەری ژی ب ده‌وله‌تێ و سه‌ربه‌خۆیا كوردان هه‌یه.
ناڤهاتی گوت ژی :لدووڤ ماددێ (٥٠) ژ دستورێ هه‌میشه‌یی یێ عێراقێ،دەمێ كاندیدەک رێژه‌یا ده‌نگێن پێدڤی دئینیت بۆ ئه‌ندامەتیا په‌رله‌مانێ عێراقێ،دڤێت سووندا ده‌ستوری ب ڤی شێوه‌ی بخوت سووند ب خودایێ مه‌زن،ئه‌رك و به‌رپرسیارەتیا قانوونی ب دلسوزی جێ به‌جێ بكه‌م و پارێزگاریێ ل سه‌روه‌ریا عێراقێ بكه‌م و به‌رژه‌وه‌ندیا گه‌لێ وێ ل به‌رچاڤ بگرم و شه‌ونخونیێ بكه‌م بۆ سلامه‌تیا زه‌ڤی و ئەسمان و ئاڤ و سامان و رژێما دیموكراتی و فیدرالیا وێ و كار بكه‌م بۆ پارێزگاری كرنێ ل ئازادیا گشتی و تایبه‌تی و سه‌ربه‌خۆیا دادگەهێ و پابه‌ندبوون ب جێ به‌جێكرنا قانوونان ب ئه‌مانه‌ت و بێلایه‌نی،خودێ شاهده ل سه‌ر ئه‌وا ئەز دبێژم.
د.موسه‌نا دبێژیت ژی، سه‌روه‌ریا ئاخا عێراقێ،ئانکو نە ئێكپارچه‌یا ئاخا عێراقێ یه،ل چو جهان ئه‌و سوونده بەحسێ ئێکپارچه‌یا ئاخا عێراقێ ناكەت،ئەز سووند دخۆم کو ئاخا عێراقێ بپارێزم،ژ دوژمنێن ده‌رڤە نه‌كو ژ گه‌لێن عیراقێ بخۆ،کو مالا وانە،هەروەسا هەکە عێراقیان ڤیا بكه‌نه دو یان سێ پارچه مالا وانە،د.موسه‌نای گوت ژی،ئەب عێراقێ ژ عێراقیان ناپارێزم ئه‌وێن وێ ره‌خنا سووندێ ل من دگرن،ئەو ب خۆ پاشكۆیێن ده‌ولەتێن بیانی و ده‌ره‌كینە.
د.موسه‌نای دیارکریە کو،عێراقی ب خوە پابه‌ند نه‌بووینە ب سووندا دستوری و گوت ژی بۆ عێراقیان سیستەمێ فیدرالی و دیموكراتی یێ پاراستیه،لێ عێراق ب خوە یا بوویە دارده‌ستێ وەلاتێن بیانی.
ناڤهاتی گوت ژی، نابیت سه‌ربه‌خۆیی جهێ ئاخفتنێ بیت، چونکی دەربرینێ ژ كه‌رامه‌تا ملله‌تەکێ د‌كەت،به‌لێ مه باوەریەکا ته‌مام هه‌یه كو تاكه چاره‌سه‌ری و ئیستیحقاقا كوردان سه‌ربه‌خۆیی یه،به‌لێ هەتا وی دەمێ پشکەک بین ژ ڤێ جوگرافیێ و ڤێ ده‌ولەتێ پێدڤیه ئەم نوونه‌رهێن ب هێز یێن خوە ڤرێکەینە به‌غدا،داکو به‌رگریێ ژ كه‌رامه‌ت و مافێ مە بكەن.
راگه‌هاند ژی ڤەگەریانا مه بۆ به‌غدا یا هندێ یە کو،ئەم نه‌شیاینه سه‌ربه‌خۆ بین،هەکە رۆژەکێ ژی ئەم نە دماینە ل بەغدا،نوکە ژی کو مافێن مە ل به‌غدانە دڤێتت ئەم بچینه به‌غدا و پارێزگاریێ ل مافێن گەلێ کوردستانێ بكه‌ین.
ئه‌ڤرۆ نيوز:
دچارچوڤێ وان چالاكیێن لقێ دهوك یێ سه‌ندیكا هونه‌رمه‌ندێن كوردستانێ ئه‌نجامده‌ت ئه‌ڤرو ئێڤاری 25/4/2018ل هولا كونفرانسا ب ئاماده‌بونا فه‌رهاد ئه‌مین ئه‌تروشی پارێزگه‌رێ دهوكێ وسه‌روكێ زانكویا دهوك وچه‌ند به‌رپرسێن حزبی وئیداری وره‌وشه‌نبیری وهونه‌رمه‌ندان ئاهه‌نگا به‌لافكرنا به‌رهه‌مێ كلیپا (كاروانێ پیروز) هاته ئه‌نجامدان.
لبه‌راهیێ هوزانڤان موئه‌ید ته‌یب هه‌لبه‌سته‌ك پێشكێشكر وچه‌ند به‌رپه‌ره‌كێن خه‌بات وتێكوشانا بارزانیێ نه‌مر به‌رچاڤكرن ، هه‌روه‌سا ئاماژه دا وان ره‌وشه‌نبیر ونڤیسكار وناڤدارێن جیهانێ یێن كو به‌حسێ بارزانیێ نه‌مر كری كو وه‌كو سومبوله‌كا گه‌شه ددیروكا كوردایه‌تی دا .
پاش دیمه‌نێن كلیپێ هاتنه نیشادان .
بڤێ هه‌لكه‌فتێ پارێزگه‌رێ دهوكێ په‌یڤه‌كپێشكێشكر وگوت: بارزانیێ نه‌مر كه‌سایه‌تیه‌كا گرنگ یا ڤی سه‌رده‌می بویه ، هه‌تا ئه‌ڤرو ژی كه‌سایه‌تی وكاریزما رولێ هه‌ره مه‌زن دبینن بو سه‌ركردایه‌تیا خه‌لكی ژبه‌ر هندێ ژیملله‌تێ كورد وكوردستانی شانازیێ دێ ب ڤێ دیروكێ به‌ت ب تایبه‌تی شانازیێ ب بارزانیێ نه‌مر دبه‌ین كو سه‌ركردایه‌تیا هه‌موو ملله‌تێ كورد وئه‌و شوره‌شێن هاتینه كرن كریه .
هه‌روه‌سا گوت: رولێ سیاسی ودبلوماسی یێ سه‌ركردایه‌تیێ تایبه‌تی جه‌نابێ سه‌روك بارزانی گه‌لك هاتیه دیتن هه‌روه‌سا رولێ كاك نێچیرڤان بارزانی سه‌روكێ حكومه‌تا كوردستانێ زور یێ كارا وگرنگه كو شیایه لڤێ دوماهیێ وان هه‌موو ئاسته‌نگ وقه‌یران ده‌ربازكه‌ت وسه‌نگا كوردا ل سه‌ر ئاستێ ده‌وله‌تی ژی ڤه‌گه‌رینیت وكارابكه‌ت .
پارێزگه‌رێ دهوكێ گوت : راسته شاشی وگازنده دده‌ستهه‌لاتێ دا هه‌نه لێ ئه‌ڤه وێ چه‌ندێ دیارناكه‌ت كو چ نه‌هاتیه كرن وه‌كو هنده‌ك دبێژن ، چونكو ئه‌و ئارامی وئازادی ودیموكراتیا ئیرو ل كوردستانێ هه‌ی هه‌موو ب خه‌بات وتێكوشانێ هاتیه ده‌ست وئه‌گه‌ر ئه‌ڤ ئازادیه نه‌بایه چاوا هنده‌ك قه‌وارێن سیاسی شیاینه دماوێ دوو سێ سالێن كێم دا ژماره‌كا به‌رچاڤ یا كورسیان بده‌ستڤه‌بینن.
وگوت: پێدڤی ئه‌م شانازیێ بڤێ دیروكا خو ببه‌ین وژبیرنه‌كه‌ین كو بارزانیێ نه‌مر ب هه‌موو دلسوزیا خوكار وخه‌بات كریه كو ملله‌تێ كورد بگه‌هیته مافێن خو ، ل دوماهیێ ده‌ست خوشی وپیروز باهی ل ستافێ كاری كر یێن كو خو وه‌ستاندی وبه‌رهه‌مێ كاروانێ پیروز چێكری.
پاش هه‌لبه‌ستڤان ئه‌دیب چه‌لكی رونكرن دانه سه‌ر گرنگیا به‌رهه‌می وهزرا ئاماده‌كرنا به‌رهه‌می وئاریشه وئاسته‌نگێن هاتینه پێش وته‌كه‌زك كو سه‌ربورا كاروانێ پیروز ئانكو ده‌ربازبونا بارزانیێ نه‌مر بو سوڤیێتا جاران نوكه وه‌كو به‌رنامه‌كێ سه‌ربازی ل زانكویێن موسكو وته‌هران وپاریس دهێته خاندن وسوپاسیا هه‌موو لایه‌نان كر یێن بوینه هاریكار بو ئاماده‌كرنا كلیپێ .
پاش ستران بیژێ كلیپێ رێكێش سه‌یرانی سوپاسیا هه‌موو لایه‌نان كر وخواست ئه‌و بشێت به‌رده‌وام ڤان جوره به‌رهه‌مان پێشكێشكه‌ت.
ل دوماهیێ كلیپا كاروانێ پیروز ل سه‌ر به‌هره‌ڤبویا هاته به‌لافكرن.
به‌رهه‌مێ كاروانێ پیروز ژلایێ هه‌لبه‌ستڤان ئه‌دیب چه‌لكی هاتیه نڤێسین وژلایێ سترانبێژن رێكێش سه‌یرانی هاتیه گوتن وحسێن حسن ده‌رهێنان كریه وب سپونسه‌ریا شێخ سمیع بارزانیوهه‌ڤكاریا سه‌ندیكا هونه‌رمه‌ندان ورێڤه‌به‌ریا ره‌وشه‌نبیری هاتیه به‌رهه‌م ئینان.
كلیپا كاروانێ پیروز ل دور ده‌ربازبونا بارزانیێ نه‌مروپتر ژ500پێشمه‌رگێن كومارا مه‌هاباده ژكوردستانێ بو ئێكه‌تیا سوڤیێتا جارانه
ئه‌ڤرۆ نيوز:
حه‌يده‌ر عه‌بادى، سه‌رۆك وه‌زيرێن عيراقێ و سه‌رۆكێ هه‌ڤپه‌يمانيا نه‌سر ب سه‌ره‌دانه‌كێ ئه‌ڤ شه‌ڤه سه‌را سلێمانيێ دا و د گوتاره‌كێ دا راگه‌هاند، ئه‌و دێ ل گه‌ل حوكمه‌تا هه‌رێما كوردستانێ كێشان چاره كه‌ت.
عه‌بادى ل هوتێل گراندملینیۆم ل سلێمانيێ پشكدارى د رێوره‌سمێن ناساندنا به‌ربژێرێن هه‌ڤپه‌يمانيا خوه كر و چه‌ند چالاكى برێڤه‌چوون.
ئه‌ڤرۆنيوز:
وه‌زيرێ كاروبارێن شه‌هيدان وئه‌نفالكريان ل هه‌رێما كوردستانێ راگه‌هاند، كۆمبوون هاتينه كرن بۆ دابينكرنا پارچێن ئه‌ردى وده‌ست ب به‌لاڤكرنا وان.
محه‌مه‌د سالح، وه‌زيرێ وه‌زيرێ كاروبارێن شه‌هيدان وئه‌نفالكريان دداخۆيانيه‌كا رۆژنامه‌ڤانى دا دياركر”بريار ژئاليێ جڤاتا وه‌زيرێن هه‌رێما كوردستانێ يا هاتيه ده‌ركرن بۆ به‌لاڤكرنا پارچێن ئه‌ردى ل سه‌ر 10 هزار كه‌سوكارێن شه‌هيدان وزيندانيێن سياسى”.
دياركر ژى” بۆ وێ مه‌ره‌مێ كۆمبوون ل گه‌ل وه‌زيرێ باژێرڤانيان وسه‌رۆكێن باژێرڤانيان هاتيه كرن بۆ دابينكرنا پارچێن ئه‌ردى وده‌ست ب به‌لاڤكرنا وان”.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ راگه‌هاند، هه‌ر ده‌نگده‌ره‌كێ كارتا خوه يا ده‌نگدانێ بفرۆشيت ب 15 سالێن زيندانكرنێ دێ هێته سزادان.
عه‌لى قادر، به‌رپرسێ ئۆفيسا هه‌ولێرێ يا كۆمسيۆنا بلند يا هه‌لبژارتنان ل عيراقێ گۆت” هه‌ر كه‌سه‌ك كارتا ده‌نگدانێ بفرۆشيت، ب گۆره‌ى قانوونا سزادنا عيراقى ب 15 سالان دێ هێته زيندانكرن”.
عه‌لى قادر بۆ ئاژانسا ئه‌نادۆل يا توركى گۆت ژى” ل دووڤ قانوونا بكارئينانا به‌لگه‌نامێن فه‌رمى ئه‌و برياره يا هاتيه دان ول ئه‌گه‌رێ هه‌ر كرين وفرۆتنه‌كێ ب كارتا ده‌نگدانێ ئه‌و كه‌سه دي تووشى سزادانێ بيت وسزايێ وى ژى زيندانكرنه بۆ ده‌مێ 15 سالان”.
ئاشكراكر ژى” ل رۆژا ئه‌نجامدانا هه‌لبژارتنان دا، هه‌ر كه‌سه‌ك بچيته دناڤ بنگه‌هێ ده‌نگدانێ دا وژبلى كارتا ده‌نگدانا خوه، كارته‌كا دى دگه‌لدا بيت، راسته‌وخوه ژئاليێ هێزێن ئه‌منى ڤه دێ هێته ده‌سته‌سه‌ركرن وهێته هنارتن بۆ دادگه‌هێ، ب هه‌مان شێوه دێ سزايێ 15 سالێن زيندانكرنێ ل سه‌ر وى ژى هێته سه‌پاندن”.
ئامێدیێ، مەحمود نهێلی
كولیژا په‌روه‌ردا بنیات يا ئامێدیێ ب هه‌لكه‌فتا یوبیلا زیڤى یا زانكۆیا دهۆك و ل بن درووشمێ (فلكلور ناسناما گه‌لانه) ئه‌ڤرۆ چارشه‌مبى 25/4/2018 ل ئاڤاهیێ كولیژێ و ب به‌رهه‌ڤبوونا هەژماره‌كا به‌رپرسێن میرى و حزبى و كه‌سایه‌تى و مامۆستا و قوتابیان ڤیستەڤالا خوە یا فولوکلوری گێرا.
دڤێ ڤیستاڤالێ دا چەندین جۆرێن خوارنێن كورده‌وارى كو ب ده‌ستێن قوتابیان هاتبوونه به‌رهه‌ڤكرن هاتن پێشكێشكرن و هه‌روه‌سا جلكێن كوردى و چه‌ندین پارچێن دراڤێن كه‌ڤن و شێوازێن كوچكێن كورده‌وارى هاتنه نیشاندان و ڤه‌گوهاستنا بیك و زاڤا و ده‌وات ب شێوازێن به‌رێ و چێكرنا نانێ سێلێ و گوتنا چه‌ند سترانێن فلكلورى ژلایێ قوتابیان ڤه.
ئه‌ڤرۆنيوز:
وه‌زاره‌تا دارايى وئابوورى ل هه‌رێما كوردستانێ نڤيساره‌كا فه‌رمى بۆ هه‌موو وه‌زاره‌تێن ب سه‌ر حوكمه‌تا هه‌رێما كوردستانێ ڤه دهنێريت ب مه‌ره‌ما كێمكرنا يه‌كه‌يێن ژمێريارى يێن خوه كو پێدڤيه دده‌مه‌كێ كورت دا بهێته بجهئينان.
ئه‌ڤرۆ چارشه‌مبى 25/4/2018 ل دو نڤيسارێن وه‌زاره‌تا دارايى وئابوورى ل هه‌رێما كوردستانێ كو ئيمزار رێباز حه‌ملان وه‌زيرێ دارايى وئابوورى ل سه‌ره، داخواز ژ هه‌موو وه‌زاره‌ت ورێڤه‌به‌ريان دكه‌ت كو پێداچوونێ ب يه‌كه‌يێن ژمێريارى يێن خوه دا بكه‌ن ود ده‌مه‌كێ زوو دا كارێ پێدڤى بهێته ئه‌نجامدان بۆ كێمكرنا يه‌كه‌يێن ژمێريارى يێن خوه و ب ليسته‌كێ ڤرێكه‌نه وه‌زاره‌تا دارايى.
وه‌زاره‌تا دارايى داخواز دكه‌ت ژى ناڤێ وان يه‌كه‌يێن ژمێريارى بۆ بهێته هنارتن كو نوكه نه‌ماين ژئه‌گه‌رێ ئێكگرتنێ ل گه‌ل يه‌كه‌يێن ژمێريارى يێن ب سه‌ر رێڤه‌به‌ريێن دى.
ل سالا 2017 ب بريارا سه‌رۆك وه‌زيرێن هه‌رێما كوردستانێ يا هژمار 2888، بريار هاته دان ب كێمكرنا هه‌موو وان يه‌كه‌يێن ژمێريارى كو كارێ وان يێ ژمێرياريێ ل رێڤه‌به‌ريێن دى دهێته ئه‌نجامدان دئێك وه‌زاره‌ت دا، ب مه‌ره‌ما كێمكرنا مه‌زاختيان ورێكخستنا كاران.
نيشاندان