ئه‌ڤرۆ نيوز:
به‌رى ده‌مه‌كێ كێم، كۆمبوونا جڤاتا پارێزگه‌ها دهۆك بۆ گوهۆڕينا پێنج رێڤه‌به‌رێن گشتى ل سنورێ پارێزگه‌ها دهۆكێ ده‌سپێكر.
كۆمبوونا جڤاتا پارێزگه‌هێ بۆ په‌سه‌ندكرنا گوهۆڕينا پێنج رێڤه‌به‌رێن گشتى ده‌ستپێكر
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى نووترين نووچه
ب ڤیدیۆ: یاری و سەرکێشیێن ترۆمبێلان ل شێلادزێ
ئەڤرۆ نیوز، نەوزاد ھلۆری:
بو ئێکەمجار ل سنوورێ ناحیا شێلادزێ یاری و سەرکێشیێن ترۆمبێلان ھاتنە ئەنجامدان کو تێدا زێدەتر ژ 30 ترومبێلان پشکدار بوون.
فەتحی سیتەی سەرۆکێ گرۆپێ ئەفرودا ل شێلادزێ بو ئەڤرۆ نیوز گۆت: (مەرەم ژ ئەنجامدانا یاری و سەرکێشیێن ترومبێلان ل شێلادزێ بتنێ پەیداکرنا خوشی و زەوقەکێ بوویە بو خەلکێ دەڤەرێ ، و ئەڤ جورە یاریە ئێکە ژ وەرزشان و ل ھەموو جیھانێ دھێتەکرن).
ھەرمان بارزانی سەرۆکێ گرۆپێ ئەفرودا بارزان بو ئەڤرۆ نیوز گۆت: (یاری و سەرکێشیێن ترۆمبێلان ل ھەموو جیھانێ دھێنەکرن و ئەڤرۆ ل ڤێرە کومبوینە ب تنێ بو مەرەما یاری و کەیف خوشیێ بوویە ، و دخوازین کو دەمەکێ خوش ببەین ، و ل ڤێرە گرنگ پشکداربوون و ئەنجامدانا یاریەکا ھەڤالینی یە و نە زێدەتر).
دیاری و سەرکێشیێن ترومبێلان ل شێلادزێ ھەر کەس ژبەر ھەریێ پیس دبیت بەلێ پیسبونا وان ژی بویە سەدەم کوخ وشی و زەوقەکێ دن بو بینەر و بەرھەڤبووان درۆست بکەت و ھەند جاران ژی زاروک مینا ترومبێلان یاریێن ناڤ ھەریێ دکەن.
ھەر لایەنەکێ پشتی 30 رۆژان بەرمایکێن بانگەشا ھەلبژارتنان رانەکەت دێ ھێتە سزادان
ئه‌ڤرۆ نيوز:
بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ دیار کر کو بانگەشا ھەلبژارتنێن پەرلەمانێ عیراقێ ڤێ جارێ کێمترین زیان ھەبووینە.
ئيسماعیل مستەفا، بەرپرسێ پشکا پەیوەندی و راگەھاندنێ ل سەرۆکاتیا باژێرڤانیا دھۆکێ بۆ رۆژناما ئەڤرۆ دیار کر کو ھەتا 30 رۆژێن دی مۆلەت ب قەوارە و لایەنێن سیاسی ھاتیە دان وێنە و پۆستەرێن خوە ل سەر جادان و جھێن گشتی و د ناڤ بازاری دا راکەن و ھەر ئێکی پشتی ڤی دەمێ ھاتیە دیارکرن رانەکەت دێ باژێرڤانیا دھۆکێ وێنە و پۆستەرێن وان راکەت و ئەو لایەن و قەوارێ سیاسی دێ ب کۆژمەکێ پارەی ھێتە سزادان.
ناڤھاتی دیار کر کو دەمێ ھەلبژارتن ھاتینە کرن ھەر قەوار و لایەنەکێ سیاسی کۆژمەکێ پارەی دایە کۆمیسیۆنێ و ئەو پارە بۆ وان ناھێتە زڤراندن ھەکە باژێرڤانی گەردەن ئازاکرنێ نەدەتە وی قەوارە و لایەنێ سیاسی و گۆت: “ئەڤ ھەڤکاریە دناڤبەرا مە دا ھەیە ژ پێخەمەت راکرنا ھەموو بەرمایکێن بانگەشا ھەلبژارتنان، ھەتا نوکە ھندەک بارمایک ب عامودان و جھێن دی ڤە ماینە ئەم ھیڤدارین ئەو ژی بھێنە پاقژکرن و راکرن”.
ھژمارەکا پێشمەرگێن بریندار بۆ چارەسەریێ دێ چنە ھنگاریا
ئه‌ڤرۆ نيوز:
بەرپرسەکێ وەزارەتا پێشمەرگەی ئاشکرا کر کو بڕیارە ل رۆژێن داھاتی ھژمارەکا پێشمەرگێن بریندارێن شەڕێ داعش بۆ وەلاتێ ھنگاریا بھێنە ھنارتن و گۆت: “ھەڤکاریێن ھەڤپەیمانان بۆ ھێزێن پێشمەرگەی د بەردەوامن بتایبەتی مەزاختنا پارەی ژ لایێ ئەمریکا ڤە”.
عەمید رۆکن ھەژار عومەر، بەرپرسێ پەیوەندیێن وەزارەتا پێشمەرگەی بۆ رۆژناما ئەڤرۆ دیار کر کو ھێشتا ھژمارەکا پێشمەرگێن ژ ئەنجامێ شەڕێ بەرھنگاریا تیرۆرستێن داعش برینداربووین نەھاتینە چارەسەرکرن، لەوڕا ژی وەزارەتێ ھەموو شیانێن خوە بۆ چارەسەرکرنا پێشمەرگێن بریندار مەزاختینە و گۆت: “ھندەک ژوان پێشمەرگەیێن بریندار ژلایێ وەلاتێن ھەڤپەیمان دھێنە چارەسەرکرن و ھندەکێن دی ژی وەزارەتا پێشمەرگەی بخوە مەزاختیێن چارەسەرکرنێ ددەت، ئێک ژوان وەلاتان ھنگاریا بوو کو ھەتا نوکە دو گەڕێن پێشمەرگێن بریندارێن داعش برینە ھنگاریا بۆ چارەسەرکرنێ و بڕیارە لڕۆژێن داھاتی ژی ھژمارەک پێشمەرگەیان ب مەرەما چارەسەریێ بۆ وەلاتێ ھنگاریا بھێنە ھنارتن”.
ل دۆر ھاریکاریێ و لوجستی و مادی بۆ وەزارەتا پێشمەرگەی ناڤھاتی ئاماژە دا وێ چەندێ کو ھەڤکاریا ھەڤپەیمان بۆ مەشق و شیرەتکرنێ یا بەردەوامە، ژ لایێ مادی ڤە ژی وان رێکەفتن دگەل ئەمریکا ھەیە، ئەڤ سالە ئەمریکا دێ 365 ملیۆن دۆلاران بۆ پشکەکا ھێزێن سەر ب وەزارەتا پێشمەرگەی ڤە مەزێخیت و گۆت: “چارچۆڤێ ئەڤێ رێکەفتنا وەزارەتێ و ئەمریکا دا ھنارتنا پارەی ژ لایێ ئەمریکا ڤە بەردەوامی ھەیە بۆ وەزارەتا پێشمەرگە، بێگومان ئەڤ پارێ ئەمریکا ژی بۆ مەزاختنا مووچێ پێشمەرگەی دھێتە بکارئینان”.
كومسیۆنێ رێژا ده‌نگێن پارێزگه‌ها دهۆكێ ئاشكراكرن، بزانه كورسیێن پارتى بوونه چه‌ند
ئه‌ڤرۆ نیوز: ره‌وان نهێلى:
ئه‌ڤرۆ نیوز: ره‌وان نهێلى:
كومسیۆنا بلندا سه‌ربخوه‌یا هه‌لبژارتنان ل عیراقێ، رێژا ده‌نگێن پارێزگه‌ها دهۆكێ بۆ په‌رله‌مانێ عیراقێ یێن ده‌ستپێكێ دیاركرن و ئاشكرا كر، 98% یا ده‌نگان هاتینه ڤاڤارتن و ئه‌نجام ب ڤى ره‌نگى نه: پارتى دیموكراتى كوردستان 348 هزار و 777 ده‌نگ، یه‌كگرتوو 43 هزار ده‌نگ، هه‌ڤپه‌یمانى بۆ دیموكراسیێ 25 هزار , 400 ده‌نگ، ئێكه‌تیا نیشتیمانیا كوردستانێ 25 هزار , 300 ده‌نگ، نه‌وه‌ى نوێ 17 هزار ده‌نگ، كومه‌لا ئیسلامى ژى 1600 ده‌نگ بده‌ستڤه ئیناینه.
خالد ئه‌حمه‌د، به‌رپرسێ نڤیسیگه‌ها هه‌لبژارتنان یا لقێ ئێك بۆ ئه‌ڤرۆ نیوز ئاشكراكر ، ل دووڤ ڤى ئه‌نجامێن ده‌نگان، پارتى دێ 10 كورسیان بده‌ستڤه ئینیت و یه‌كگرتوو ژى كورسیه‌كێ.
حوكمه‌تا عيراقێ برياره‌كێ ل دۆر ده‌واما فه‌رمانبه‌ران ده‌ردكه‌ت
ئه‌ڤرۆنيوز:
حوكمه‌تا عيراقێ بريار دا ده‌مژمێره‌كێ ژده‌مێ ده‌واما فه‌رمى ل ده‌زگه‌هێن حوكمه‌تێ ل هه‌يڤا ره‌مه‌زانێ كێم بكه‌ت.
ئه‌مينداريا گشتى يا جڤاتا وه‌زيرێن عيراقێ دنڤيساره‌كێ دا ئاماژه ب بريارا كێمكرنا ده‌واما فه‌رمى ل دام وگه‌زگه‌هێن حوكمه‌تێ كر ل هه‌يڤا ره‌مه‌زانێ.
هه‌ر دوێ نڤيسارێ دا پێشنياز هاتيه كرن ده‌مێ ده‌واما سپێدێ بهێته پێشخستن كو ژلايێ هه‌ر فه‌رمانگه‌هه‌كێ ڤه ب گۆره‌ى به‌رژه‌وه‌نديا ب رێڤه‌چوونا كارى بهێته رێكخستن.
بريارا ئه‌مينداريا گشتى يا جڤاتا وه‌زيرێن عيراقێ بۆ هه‌موو وه‌زاره‌تێن حوكمه‌تا عيراقێ وپارێزگه‌هان وجڤاتێن پارێزگه‌هێن عيراقێ هاتيه ڤرێكرن.
پارتى ل ده‌نگدانا ده‌رڤه یا ئێكێ یه
لژنا ديتنا هه‌يڤێ ل هه‌رێما كوردستانێ ژڤانێ ره‌مه‌زانێ دياركر
ئه‌ڤرۆنيوز:
لژنا ديتنا هه‌يڤێ ل هه‌رێما كوردستانێ راگه‌هاند، سوباهى تمامكه‌را هه‌يڤا شه‌عبانێ يه ورۆژا پێنج شه‌مبى دبيته رۆژا ئێكێ يا هه‌يڤا ره‌مه‌زانێ.
به‌رى ده‌مه‌كێ كێم، لژنا ديتنا هه‌يڤێ ل هه‌رێما كوردستانێ دكۆنگره‌كێ رۆژنامه‌ڤانى دا راگه‌هاند، سوباهى چار شه‌مبى 16/5/2018 تمامكه‌را هه‌يڤا شه‌عبانێ يه ورۆژا پێنج شه‌مبى 17/5/2018 دێ بيته رۆژا ئێكێ ژ هه‌يڤا ره‌مه‌زانا پيرۆز.
به‌رپرسه‌كێ پارتى:هه‌لبژارتنان سه‌لماند پارتى باوه‌ريا خه‌لكى ژده‌ست ناده‌ت
ئه‌ڤرۆنيوز:
به‌رپرسه‌كێ پارتى ديموكراتى كوردستان راگه‌هاند، ئه‌نجامێن هه‌لبژارتنێن جڤاتا نوونه‌رێن عيراقێ ئه‌و راستيه دياركر كو پارتى رۆله‌كێ به‌رچاڤ دبه‌رگريێ ژ مافێن ره‌وا يێن گه‌لێ كوردستانێ هه‌بوو.
عومه‌ر ئوره‌يى، به‌رپرسێ لقێ 18 يێ پارتى، ئه‌ڤرۆ سێشه‌مبى 15/5/2018 دئاهه‌نگا سه‌ركه‌فتنا ليستا 184 يا پارتى ل باژێرێ ئامێديێ گۆت” پارتى خه‌باته‌كا بێ ڤه‌قه‌تيان بۆ كوردستانێ وهه‌موو پێكهاتێن وێ بێ جوداهى يا كرى وكار ژى دكه‌ت بۆ ده‌ستكه‌فتێن زێده‌تر بۆ كوردستانێ”.
ئوره‌يى دياركر”ئه‌نجامێن هه‌لژارتنان ئه‌و راستيه دياركر كو ته‌نها پارتى دشێت ببيته جهێ باوه‌ريا خه‌لكى ودشێت جاره‌كادى خزمه‌تا كوردستانێ بكه‌ت”.
پارتى په‌یامه‌كێ ئاراسته‌ى لایه‌نێن سه‌ركه‌فتى دكه‌ت
ئه‌ڤرۆ نیوز:
د راگه‌هاندنا كومبوونا مه‌كته‌با سیاسى یا پارتى دیموكراتى كوردستان كو ئه‌ڤرۆ ب سه‌رپه‌رشتیا سه‌رۆك بارزانى هاتیه ئه‌نجامدان، پارتى په‌یامه‌ك ئاراسته‌ى لیست و لایه‌نێن سه‌ركه‌فتى یێن هه‌لبژارتنان كر و دیاركریه” داخوازێ ژ هه‌موو لایه‌نێن سه‌ركه‌فتى دكه‌ین، به‌رژه‌وه‌ندیا گه‌ل و نیشتمانیى بئێخنه به‌رى به‌رژه‌وه‌ندیێن كه‌سى و حزبى و پله و پوستان ل به‌غدا”.
نيشاندان
WP Facebook Auto Publish Powered By : XYZScripts.com