ئه‌ڤرۆنيوز:
سه‌رۆكێ ئه‌مريكا دۆنالد ترامب بريارا ڤه‌كێشانا ئه‌مريكا ژ رێككه‌فتنا ئه‌تۆمى ل گه‌ل ئيرانێ راگه‌هاند.
ترامپى ئه‌و بريارا ژێ دهاته چاڤه‌رێكرن ده‌ركر
نووترين نووچه
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
- نێچیرڤان بارزانی و ماكرۆنی ب هێزكرنا پەیوەندیێن فرەنسا ل گەل ئیراقێ و كوردستانێ گەنگەشەكر
- نێچیرڤان بارزانی: ئیراقێ بەرپرسیارەتییا قانوونی و ئەخلاقی د قەرەبۆكرنا كەسوكارێن ئەنفالێ دا یا هەی
- ب پارێزگەهبوونا هەلەبجە كێمترین پاداشتا قوربانی و ئێش و ئازارێن خەلكێ وێ یێ خەباتكەرە
- دڤێت حوكمەتا ئیراقێ كەسوكارێن ئەنفالكرییان ژ روویێ مادی و مەعنەوی ڤە قەرەبۆ بكەت
- مەسرور بارزانی پەیامەكا پیرۆزباهیێ ئاراستەی نووری مالكی دكەت
- سەرۆكێ حوكمەتا هەرێمێ دوپاتیێ ل پێشڤەبرنا پەیوەندییان ل گەل ئیتالیا دكەت
سه‌ره‌كى نووترين نووچه
نێچیرڤان بارزانی بەرەف رووسیا برێکەفت
ئەڤرۆ نیوز ، زنار تۆڤی :
ئەڤرۆ سێشەمبی 8.5.2018 سەرۆکێ حوکمەتا هەرێما کوردستانێ نێچیرڤان بارزانی بەرەف مۆسکۆ یێ برێکەفت و وەسا بریاره ل گەل ڤلادیمێر پۆتینێ سەرۆکێ رووسیا دێ کۆم بیت،دێ چەندین کۆمبوونێن گرنگ ل گەل بەرپرسێن رووسی ئەنجامدەت،نێچیرڤان بارزانی ل سەر داخوازیا فەرمی یا نڤێسینگەها ڤلادیمێر پۆتینی چوویە رووسیا.
ب وێنە: ته‌رمێ گه‌شتیاره‌كێ عه‌ره‌ب هاته دیتن
ئه‌ڤرۆ نیوز ، نه‌وزاد هلۆرى:
ئێڤاریا ئەڤرۆ ته‌رمێ گه‌شتیاره‌كێ عه‌ره‌ب ل رووبارێ زێ مه‌زن ل ده‌ڤه‌را بارزان هاته دیتن كو به‌رى چه‌ند روژان ل ناحیا شێلادزێ كه‌فتبوویه د روبارێ زێ مه‌زن دا.
دڤى واریدا رۆژهات سیته‌یى نقومڤان ل بنگه‌هێ به‌ره‌ڤانیا باژێرى ل شێلادزێ بو ئه‌ڤرۆ نیوز گۆت: (پشتى كو ل رێكه‌فتى 26 نیسان 2018 وه‌لاتیه‌كێ عه‌ره‌ب بناڤێ ” سعه‌د تالب ” دژیێ 53 سالیێ دا ، كو خه‌لكێ به‌غدایه ل شێلادزێ كه‌فتبویه د رووبارێ زێ مه‌زن دا و خه‌ندقى ، ئه‌ڤرۆ ته‌رمێ وى هه‌ر ل رووبارێ زێ مه‌زن هاته دیتن به‌لێ ل نێزیك گوندێ شانه‌ده‌ر ل ده‌ڤه‌را بارزان هاته دیتن).
زێده‌تر گۆت: (ئه‌ڤ وه‌لاتیێ عه‌ره‌ب ل گه‌ل كومپانیه‌كا گه‌شتیارى هاتبویه شێلادزێ و ده‌ڤه‌را ئامێدیێ ب مه‌ره‌ما گه‌شتوگۆزار به‌لێ ب مخابنیڤه كه‌فته د رووبارى دا و خه‌ندقى ، و ئێكه ژ پله‌دارێن سوپایێ عیراقێ ، و نها ته‌رمێ وى بو نه‌خوشخانا داد ل دهوكێ هاته ره‌وانه‌كرن).
سێیه‌مین پرا بازرگانی د ناڤبه‌را هه‌رێمێ و توركیا دا هاتە ڤه‌كرن
ئەڤرۆ نیوز ، زنار تۆڤی :
ئەڤرۆ سێشەمبی 8.5.2018 سێیه‌مین پرا بازرگانی و ده‌ربازبوونێ دناڤبه‌را هه‌رێما كوردستانێ و توركیا دا هاته ڤه‌كرن.
ئه‌ڤرۆ سپێدێ ب ئاماده‌بوونا به‌رپرسێن هه‌رێمێ و توركیا، سێیه‌مین پرا بازرگانی و ده‌ربازبوونێ دناڤبه‌را هه‌رێما كوردستانێ و توركیا دا ل ده‌رگەهی سنۆری یێ ئیبراهیم خه‌لیل هاته ڤه‌كرن.
مه‌ره‌م ژ ڤەکرنا ڤی دەرگەهی زێده‌كرنا قه‌بارێ ئالۆگۆرا بازرگانیه دناڤبه‌را هه‌رێمێ و وەلاتێ توركیا دا.
فه‌رمانده‌كێ پێشمه‌رگه‌ى:هه‌موو گوندێن سه‌نته‌رێ به‌عقوبه دده‌ستێ داعشێ دانه
ئه‌ڤرۆنيوز:
فه‌رمانده‌كێ هێزێن پێشمه‌رگه‌ى راگه‌هاند، به‌رى چه‌ند شه‌ڤان چه‌كدارێن داعشێ هێرشى سه‌نگه‌رێن له‌شكرێ عيراقێ كر وهژماره‌كا سه‌ربازان كوشتن، ئاشكراكر ژى كو هه‌موو گوندێن ب سه‌ر سه‌نته‌رێ قه‌زا به‌عقوبه (سه‌نته‌رێ پارێزگه‌هێ) يێن دده‌ستێ داعشێ دا ژبلى سه‌نته‌رێ قه‌زايێ.
ليوا روكن (مه‌ريوان عه‌لى) فه‌رماندێ هێزێن پشته‌ڤانى 2 سه‌ر ب يه‌كه‌يا 70 يا پێشمه‌رگه‌ى كو ب سه‌ر ئێكه‌تيا نيشتمانى كوردستان ڤه‌يه بۆ باسنيوز گۆت” به‌رى چه‌ند شه‌ڤان چه‌كدارێن داعشێ گونده‌كێ نێزيك خانه‌قين هێرشى سه‌نگه‌رێن له‌شكرێ عيراقێ بوون وچه‌ند سه‌ربازه‌ك كوشتن، به‌لێ پێشمه‌رگه يێ دحاله‌تا ئاماده‌باشيێ دا وهه‌موو وان ده‌ڤه‌رێن هاتينه ئازادكرن دێ پارێزيت”.
وى فه‌رماندێ پێشمه‌رگه‌ى گۆت ژى” پشتى ئاشكرابوونا چه‌كدارێن داعشێ ل پارێزگه‌ها ديالا كو ل دووڤ گۆتنا وه‌لاتيێن ده‌ڤه‌رێ، چه‌كدارێن داعشێ ب شێوه‌كێ ئاشكرا هاتنوچونێ دكه‌ن، فه‌رمانده‌يا هێزا پێشمه‌رگێ كوردستانێ، ئه‌مريكا وحوكمه‌تا عيراقێ ئاگه‌هداركرينه، به‌لێ دياره ل ڤێ ره‌وشا نوكه هنده‌ك تشت يێن هه‌ين ناهينه كرن”.
دبێژيت ژى” هه‌موو ئه‌و تشت بۆ ده‌مه‌كێ نه‌ديار هاتينه پاشخستن، بێگومان پشتى هه‌لبژارتنێن په‌رله‌مانێ عيراقێ، گوهۆرينێن مه‌زن دبه‌رژه‌وه‌نديا پێشمه‌رگه‌ى وگه‌لێ كوردستانێ دێ روو ده‌ن”.
دياركر ژى” له‌شكرێ عيراقى بێ هێزا پێشمه‌رگه‌ى چو تشته‌ك پێ ناهێته كرن، چونكى به‌رده‌وام چه‌كدارێن داعشێ هێرشى سه‌نگه‌رێن له‌شكرێ عيراقێ دكه‌ن، بێگومان پێشمه‌رگه يێ دحاله‌تا ئاماده‌باشيێ دا بۆ وێ چه‌ندێ تاكو بشێين هه‌موو ده‌ڤه‌رێن خوه بپارێزين ئه‌وێن نوكه دده‌ستێ پێشمه‌رگه‌ى دا”.
حه‌شدا شه‌عبى دێ سه‌خته‌كاريان ل ده‌ڤه‌رێن كوردستانى ل نه‌ينه‌وا كه‌ت
ئه‌ڤرۆنيوز:
ئه‌ندامه‌كێ جڤاتا پارێزگه‌ها نه‌ينه‌وا ژليستا برايه‌تى وپێكڤه‌ژيان راگه‌هاند، حه‌شدا شه‌عبى ل ده‌ڤه‌رێن كوردستانى ل سنوورێ پارێزگه‌ها نه‌ينه‌وا يا ده‌تسهه‌لاتداره ونيازا وێ چه‌ندێ يا هه‌ى كو سه‌خته‌كاريان بكه‌ت، له‌وما پێدڤيه هه‌ر ژنوكه كۆمسيۆنا بلند يا هه‌لبژارتنان ل عيراقێ پێرابوونێن توند بۆ رێگريێ ل سه‌خته‌كاريێ ئه‌نجام بده‌ت.
حه‌شدا شه‌عبى ل ده‌ڤه‌رێن كوردستانى يێن ده‌رڤه ئيدارا هه‌رێما كوردستانێ، به‌رده‌وام گه‌فان ل خه‌لكى دكه‌ت كو ده‌نگ ب ليستێن وان بده‌ن ومه‌ترسيا وێ چه‌ندێ ژى يا هه‌ى كو ل رۆژا هه‌لبژارتنان سه‌خته‌كاريێ ئه‌نجام بده‌ت.
سه‌يدۆ جه‌تۆ، ئه‌ندامێ جڤاتا پارێزگه‌ها نه‌ينه‌وا ژ ليستا برايه‌تى وپێكڤه‌ژيان، بۆ مالپه‌رێ فه‌رميێ پارتى ديموكراتى كوردستان گۆت” حه‌شدا شه‌عبى ده‌ستهه‌لات ل سنوورێ نه‌ينه‌وا ل ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ دده‌ست دايه وهه‌ر كاره‌كێ بڤێت دكه‌ن ونوكه ژى بۆ هه‌لبژارتنێن په‌رله‌مانێ عيراقێ، ل هه‌موو ده‌ڤه‌ران به‌ربژارێن خوه يێن هه‌ين ومه‌ترسيا وێ چه‌ندێ يا هه‌ى كو سه‌خته‌كاريێ ئه‌نجام بده‌ن وپێدڤيه رێگرى لێ بهێته كرن”.
جه‌تۆى گۆت ژى”ل سنورێ شنگالێ وره‌بيعه وزوومار، خه‌لكه‌كێ زۆر كو هژمارها وان دبيت زێده‌تر ژ 50 هزار كه‌سان بن، يێن چووينه ده‌رڤه‌ى وه‌لاتى كو ژيێ گه‌له‌ك ژوان دسه‌ر 18 ساليێ دايه، له‌وما مه‌ترسى يا هه‌ى حه‌شدا شه‌عبى بۆ به‌رژه‌وه‌نديێن خوه سه‌خته‌كاريێ ئه‌نجام بده‌ت ول رۆژا ده‌نگدانێ كارتێن وان يێن ده‌نگدانێ بكاربينن، ژبه‌ر ڤێ چه‌ندێ پێدڤيه هه‌ر ژنوكه كۆمسيۆنا هه‌لبژارتنان پێرابوونێن توند بكاربينيت، هه‌كه نه حه‌شدا شه‌عبى دێ سه‌خته‌كاريێ كه‌ت”.
عه‌بادى چه‌ندين سالان به‌رپرسێ چێكرنا مه‌سعه‌دا BBC بوو
ئه‌ڤرۆنيوز:
ئاژانسا رويته‌رز يا جيهانى راپۆرته‌ك ل سه‌ر حه‌يده‌ر عه‌بادى سه‌رۆك وه‌زيرێن عيراقێ به‌لاڤ دكه‌ت ودبێژيت عه‌بادى ده‌مه‌كێ زۆر به‌رپرسێ چێكرنا مه‌سعه‌دا ئاژانسا بى بى سى بوو.
ئاژانسا رويته‌رز ئه‌ڤرۆ سێشه‌مبى 8/5/2018 دراپۆرته‌كێ دا به‌حسێ هنده‌ك نهێنيێن ژيانا حه‌يده‌ر عه‌بادى سه‌رۆك وه‌زيرێن عيراقێ دكه‌ت وئاماژێ ب وێ چه‌ندێ دكه‌ت كو گه‌له‌ك ژ عيراقيان نزانن كو حه‌يده‌ر عه‌بادى كو ده‌مێ ل بريتانيا وه‌كو په‌نابه‌ر دژيا، وه‌كو ئه‌ندازيارێ كاره‌بێ ل ئاژانسا BBC يا راگه‌هاندنێ هاتبوو دامه‌زراندن وئه‌ركێ سه‌ره‌كى يێ وى به‌رپرسياره‌تيا چێكرنا مه‌سعه‌دا وێ ئاژانسێ بوو.
رويته‌رزێ به‌لاڤكر” هژماره‌كا كێم يا عيراقيان دزانن كو حه‌يده‌ر عه‌بادى به‌رى سالا 2014 كه‌سه‌كێ ناڤدار نه‌بوو، به‌لێ ل وه‌لاته‌كى كو دئاژاوه‌گيريێ دايه زوو بۆ سه‌ركردێ وه‌لاتى، ئه‌وژى ب دوورخستنا نورى مالكى”.
وي ئاژانسێ به‌لاڤكر ژى” ل دووماهيا هه‌يڤا بۆرى، حه‌يده‌ر عه‌بادى سه‌ره‌دانا باژێرێن هه‌رێما كوردستانێ كر، به‌لێ هێشتا كوردان ئه‌و هێرشا عه‌بادى دژى ريفراندۆما هه‌رێما كوردستانێ كرى ژبير نه‌كريه”.
گوڤاره‌كا ئه‌مريكى:دبيت ترامپ بريارا داگيركرنا ته‌هرانێ بده‌ت
ئه‌ڤرۆنيوز:
بۆ وێ چه‌ندێ ئه‌مريكا بشێت ته‌هرانێ داگير بكه‌ت، پێدڤيه ب رێيا هه‌لكرنا شه‌ره‌كێ نوو ل عيراقێ رژێما ده‌ستهه‌لاتدار ل به‌غدا ب گوهۆريت.
گوڤارا ناشيونال ئينتريستى يا ئه‌مريكى دراپۆرته‌كێ دا به‌لاڤكر” ژ ئه‌گه‌رێ وێ هێرشا چاڤه‌رێكرى كو ئه‌مريكا ل به‌ره بكه‌ته سه‌ر بنگه‌هێن ئه‌تۆمى يێن ئيرانى، ئيرانێ ژى چه‌ند هوكارێن دده‌ست دا كو به‌رسڤا وێ هێرشا ئه‌مريكى بده‌ت”.
گوڤارا ئه‌مريكى دياركر” دبيت دۆنالد ترامپ سه‌رۆكێ ئه‌مريكا ل سه‌ر رێيا جورج بوش سه‌رۆكێ به‌رێ يێ ئه‌مريكا بچيت وبريارا داگيركرنا ته‌هرانێ بده‌ت”.
رۆهنكر ژى” بۆ وێ چه‌ندێ واشنتۆن بشێت ته‌هرانێ داگير بكه‌ت، پێدڤيه ب رێيا هه‌لكرنا شه‌ره‌كێ نوو ل عيراقێ رژێما ده‌ستهه‌لاتدار ل به‌غدا ب گوهۆريت”.
ل هاڤینێ ب ئه‌ڤان رێيان خوه ژ سوتنا سه‌روچاڤان ب پارێزه
ئه‌ڤرۆنيوز:
ده‌ما هاتنا وه‌رزێ گه‌رمێ و هاڤینێ سه‌روچاڤێن گه‌له‌ك كه‌سان زوو د سوژن و كرێت دبن، نوشداره‌كا تایبه‌تمه‌ندا ڤى كارى چه‌ندین شیره‌تان بۆ وان كه‌سان دیار دكه‌ت.
ژین محه‌مه‌د سالح، نوشدارا نه‌خوه‌شیێن پیستى ل نه‌خوه‌شخانا ئازادى بۆ نوش نیوز دیاركر كو هاتنا وه‌رزێ هاڤینێ و گه‌رمێ گه‌له‌ك كوڕ و كچ و ب تايبه‌ت گه‌نج د ڤى وه‌رزى دا تووشى سوتنا پیستى دبن و ئه‌گه‌ر ژى ئه‌وه ده‌ما مرۆڤ گه‌له‌ك ب مینیته ل به‌ر گه‌رمێ و هه‌تاڤێ.
گۆت ژى” د ناڤبه‌را ده‌مژمێر (10:00ى سپێدێ هه‌تا 3:00)ى پشتى نیڤرۆ گه‌له‌ك ده‌مه‌كێ گه‌رمه، له‌ورا بلا خه‌لك گه‌له‌ك نه‌مینیته ل به‌ر هه‌تاڤێ، چونكى دێ بیته ئه‌گه‌ر سه‌روچاڤێن مرۆڤى تووشى سوتنێ ببن”.
ئاشكه‌را ژى كر كو خوهدانا مرۆڤى د وه‌رزێ گه‌رمێ دا دبیته ئه‌گه‌ر هنده‌ك جۆرێن په‌كتریایێ زێده دبن و دبنه ئه‌گه‌ر هنده‌ك نه‌خوه‌شى و پرسك ل سه‌ر مل و حه‌فك و سینگێ مرۆڤى زێده بن و گۆت” هنده‌ك دبێژن باشتره مرۆڤ د وه‌رزێ گه‌رمێ دا به‌رده‌وام ئاڤێ ل سه‌روچاڤێن خوه بكه‌ت هه‌تا كو هه‌رده‌م سه‌روچاڤ د ته‌ڕ بن و نه‌سوژن، به‌لێ ئه‌و چه‌نده گه‌له‌ك یا خرابه، چونكى ئه‌و ئاڤا ته‌زى دبیته ئه‌گه‌ر سه‌روچاڤ هشك ببن”.
ل دووماهیێ ژینێ گۆت” فه‌ره مرۆڤ زێده‌تر ژ (10) خۆله‌كان ل به‌ر هه‌تاڤێ نه‌مینیت و دڤێت مرۆڤ كارێ خوه ب جلكێن هاڤينى بكه‌ت مینا شه‌فقه‌ك و كولاڤه‌كى بۆ هه‌ر كه‌سه‌كێ ل به‌ر هه‌تاڤێ كار بكه‌ت و دیسان هه‌كه هنده‌ك جۆرێن كرێمێ بكار بینیت، دێ ده‌ست و سه‌روچاڤێن وى ژ گه‌رمێ پارێزن و ناسوژن، چونكى ئه‌ڤ ده‌مه یێ ده‌ركه‌فتن و سه‌یرانا یه، له‌ورا بلا خه‌لك یێ هشیارى ساخله‌میا خوه بیت و ب ئه‌وان رێيێن مه دیا كرین دێ شێن خوه ژ سوتنێ پارێزن”.
هژماره‌كا كادرێن هه‌ڤپه‌یمانیێ په‌یوه‌نديێ ب رێزێن پارتى دكه‌ن
ئه‌ڤرۆنيوز:
ب مه‌ره‌ما هاتنا ناف رێزێن پارتى دیموكراتى كوردستان، هژماره‌كا كادرێن هه‌ڤپه‌یمانى بۆ دیموكراسى و دادپه‌روه‌ریێ، سه‌ره‌دانا لقێ ئێكێ پارتى كرن و سوز و په‌یمان بۆ رێبازا پارتى و بارزانى نووكرن.
د هه‌ڤدیتنه‌كێ دا و ب به‌رهه‌ڤبوونا (مه‌سعود سه‌رنى) كارگێرێ لقێ ئێك، سه‌ربه‌ست تروانشى به‌رپرسێ لقێ ئێكێ پارتى دیاركر پارتى مالا مه‌زنا هه‌ر كه‌س و كورده‌كى یه و ده‌رگه‌هێن باره‌گایێن پارتى هه‌رده‌م ل هه‌مبه‌رى خه‌لكێ دلسوز و وه‌فادارێ رێبازا بارزانى د ڤه‌كرینه.
ژلایێ خوڤه گه‌نج و كادرێن ناڤبرى، دیاركرن ب شانازى ڤه و بێى ل بن چو فشاره‌كێ بریاردان بزڤرنه ڤه بۆ ناڤ رێزێن پارتى دیموكراتى كوردستان، هه‌روه‌سا دیاركرن ل گور دیتنا وان بۆ قوناغا ئه‌ڤرۆ یا هه‌رێما كوردستانێ، پارتى تاكه هێزه به‌رگریێ ژ مافێن ره‌وا یێن خه‌لكێ كوردستانێ بكه‌ت له‌وما بریاردان په‌یوه‌ندیێ ب رێزێن پارتى بكه‌ن و هه‌ڤپه‌یمانیا دكتور به‌رهه‌مى بجه بهێلن.
نيشاندان
WP Facebook Auto Publish Powered By : XYZScripts.com