ئه‌ڤرۆ نيوز:

فەرماندێ فەرماندەیا شنگال یا پێشمەرگەی دیار کر کو ژ بەر نەبوونا سلامەتیا 100% ل شنگال، خەلک نەشێن نوکە بزڤرنە سەر مالێن خوە، ئیدارا شەرعی یا شنگالێ ژی دبیژیت خەلکێ شنگال ل ھەلبژارتنان سەلماندن وان نەڤێت شنگال ب سەر بەغدا ڤە بیت. خۆیا ژی کر کو پتریا ئاوارێن شنگال دخوازن ل کەمپێن ئاواران دا بمینن و نازڤرنە ناوچەیێن خوە، چونکو دەڤەرێن وان د بێ خزمەتگوزارێ نە و ھێشتا مەترسی ل سەر ژیانا خەلکی ھەیە، ئەگەر بزڤرنە ناوچەیێن خوە، ژبەر تیرۆرستێن داعش بۆمبە و مین یێن چاندین و ھەتا نھا نەھاتینە راکرن و خزمەتگۆزاری ژی ل دەڤەرێ نینن و ھەموو یا وێرانکریە.

قاسم شەشۆ، فەرماندێ فەرماندەیا شنگال یا پێشمەرگەی دیار کر کو 100% حۆکمەتا عیراقێ سۆزێن خوە ل گەل خەلکێ شنگال بجە نەئینان، ھەتا ئەڤرۆ شنگال یا وێرانکریە و چو خزمەتگوزاری و ئاڤەدانی ل شنگال نەھاتیە کرن، حۆکمەتا عیراقێ بەردەوام کاردکەت ئاوارە بھێنە ھاندان بزڤرنە ناوچەیێن خوە، د وەختەکی دا سەمەلاتی نینە و ھێشتا پتریا دەڤەرێن شنگال دمینرێژکرینە.

وەیسی نایف، سەرۆکێ جڤاتا قەزا شنگال دیار کر کو ژبەر نەبوونا سلامەتیێ ل قەزا شنگال 330 ھزار کەس نەشێن بزڤرنە سەر مالێن خوە، بۆ وان ژیان ل کەمپێن ئاواران گەلەک خوشترە ژ زڤرینا سەر مالێن خوە، چونکو تەناھی و خزمەتگوزاری نینن و ھێشتا ئیدارا شەرعی یا شنگال یا ب دەنگێن خەلکێ شنگال ھاتیە ھەلبژارتن و نە زڤرینە شنگال، ھەر دەمێ ئیدارا نە شەرعی یا شنگال ھاتە ھەلوەشاندن دێ وی دەمی ئیدارا شەرعیی یا شنگال زڤریت.

خۆیا ژی کر کو پتریا ئاوارێن شنگال دخوازن ل کەمپێن ئاواران دا بمینن و نازڤرنە ناوچەیێن خوە، چونکو دەڤەرێن وان د بێ خزمەتگوزارێ نە و ھێشتا مەترسی ل سەر ژیانا خەلکی ھەیە، ئەگەر بزڤرنە ناوچەیێن خوە، ژبەر تیرۆرستێن داعش بۆمبە و مین یێن چاندین و ھەتا نھا نەھاتینە راکرن و خزمەتگۆزاری ژی ل دەڤەرێ نینن و ھەموو یا وێرانکریە.

مەحما خەلیل، قایمقامێ قەزا شنگال دیار کر کو خەلکی شنگال سەلماندن وان نەڤێت حەشدا شەعبی ل شنگال بیت، ب دەنگێن خوە خەلکێ شنگال یێ گازی دکەنە حۆکمەتا عیراقێ و حەشدا شەعبی زێدەگاڤی ل سەر قانوون و دەستۆری کریە و ب رێیێن نەقانوونی ئیدارەکا نەشەرعیی ل سەر خەلکێ سەپاندیە، خەلکێ شنگال ژی ل ھەلبژارتنان بەرسڤا حەشدا شەعبی و بەغدا دان یێ دبێژنی مە ھوون نەڤێن، ئەم کوردستانی نە و دێ ب سەر کوردستانێ ڤەبین.

مەحما خەلیل ئاشکەرا کر، ئەنجامێن ھەلبژارتنان ئەو راستیە نیشا ھەموو دوژمنێن شنگالێ دا، ب تنێ پارتی دشێت ببیتە جھێ باوەریا خەلکێ قەزا شنگال و دێ ھەر پارتی بیت جارەکا دی شنگال ھاتیە وێرانکرن ژلایێ تیرۆرستێن داعشێ ڤە ل سەر دەمێ حۆکمەتا مالکی ئاڤەدان بکەت.

ئەو ژی دیار کر کو خەلکێ شنگال گەھشتینە وێ باوەریێ بەغدا بۆ شنگال چو ناکەت، لەورا ل ریفراندۆمێ ژێ پتر ژ 92% خەلکێ شنگال دەنگبۆ سەربەخۆیا کوردستانێ دان و ل ڤان ھەلبژارتنان ژی خەلکێ شنگال ب دەنگێن خوە گازی کرن بلا حۆکمەتا عیراقێ و حەشدا شەعبی ژ شنگال دەرکەڤن، ئەم داخوازێ دکەین ھەموو رێ بھێنە خوشکرن بۆ زڤرینا ئیدارا شەرعی یا شنگال دا کو دەست ب خزمەتگوزاریان ل شنگال بھێتە کرن و خەلک ژی بشێن بزڤرن.

ئه‌ڤرۆ نيوز:

رێڤەبەرا گەشەپێدانا پیشەسازی ل پارێزگەھا دھۆکێ دیار کر کو ل پارێزگەھا دھۆکێ 368 کارگەھێن جۆراوجۆر ھەنە و ژ بەر قەیرانا دارایی رۆژانە ھندەک کارگەە دھێنە داخستن و ھندەک ژی بۆ ماوەیەکی دھێنە داخستن و جارەکا دی دەست ب کاردبنەڤە و گۆت: ل پارێزگەھا دھۆکێ سێ کارگەھێن مەزن یێن مۆتا و تەزیاتیان ھەنە ل گەل چوار کارگەھێن دی یێن بچووکتر و د ناڤا ڤا کارگەھان دا پتر ژ 320 کرێکاران ھەنە و ئەگەر ئەڤ کارگەھە بھێنە داخستن، رەنگە ب دەھان کرێکار ژ کاربکەڤن.

نازدار عەبدولقادر، رێڤەبەرا گەشەپێدانا پیشەسازی ل پارێزگەھا دھۆکێ، بۆ ئەڤرۆ دیار کر، ژ ئەگەرێ قەیرانا دارایی و نەبوونا کاری، ھەتا نھا نێزیکی 30 کارگەھان ب تمامی ھاتینە داخستن کو پتریا وان کارگەھێن ئاڤاکرنێ نە، چونکو رەوشا ئابووری یا ھاوولاتیان نھا یا باش نینە و شیانێن ئاڤاکرنێ لاواز بووینە و ئەڤە ژی بوویە ئەگەر کو کارگەھێن ئاڤاکرنێ بەرەڤ داخستنێ بچن.

ئاشکرا ژی کر کو پتریا کارگەھان د ھندەک ماوەیێن سالێ دا دھێنە داخستن و پشتی ھینگی جارەکا دی دەست بکاردبنەڤە، بۆ نموونە 7 کارگەھێن چێکرنا مۆتا ل پارێزگەھا دھۆکێ ھەنە، بەلێ گەلەک جاران دھێنە داخستن و جارەکا دی دەستبکاردبنەڤە.

ل پارێزگەھا دھۆکێ سێ کارگەھێن مەزن یێن مۆتا و تەزیاتیان ھەنە ل گەل چوار کارگەھێن دی یێن بچووکتر و د ناڤا ڤا کارگەھان دا پتر ژ 320 کرێکاران ھەنە و ئەگەر ئەڤ کارگەھە بھێنە داخستن، رەنگە ب دەھان کرێکار ژ کاربکەڤن.

خودانێ کارگەھا سوز یا چێکرنا تەزیاتیان دیار کر، ئەم رۆژانە کارێ چێکرنا مۆتا و تەزیاتیان دکەین و رۆژانە ب سەدان کارتۆنێن مۆتا دھێنە بەرھەمئینان، بەلێ بەرھەمێن دەرڤە ب شێوەیەکێ مەزن دھێن و زیانێن مەزن ل بەرھەمێ مە ددەن و ئەڤە ژی بوویە ئەگەر کو کارگەھێن مە یێن خۆمالی ل بەر مەترسیا داخستنێ بن.

ئاشکرا ژی کر کو بەرھەمێ ھاوردە ئەوێ ژ دەرڤەی وەلاتی دھێنە دناڤ ھەرێمێ دا زیانێن مەزن ب کۆمپانی و کارگەھێن ھەرێمێ گەھاندیە و بوویە ئەگەر کو بەرھەمێ ناڤخۆ ب چو رەنگان گەشێ نەکەت و پێش نەکەڤیت، چونکو بەرێ وەلاتیان ژی پتریا دەمی ل بەرھەمێ دەرڤەیە و ھندی بەرھەمێ دەرڤە ھەبیت، بەرھەمێ ناڤخۆ دێ ھەر یێ پاشڤەمای بیت.