ئه‌ڤرۆنيوز:
ژێده‌ره‌كێ ئاگه‌هدار ب ئه‌ڤرۆ نيوز راگه‌هاند، جێگرێ پارێزگه‌رێ دهۆكێ دێ هێته گوهۆرين وكه‌سه‌كێ خه‌لكێ زاخۆ دێ ل جهێ وى ده‌ست بكاربيت.
وى ژێده‌رى گۆت” جێگرێ نوكه يێ پارێزگه‌رێ دهۆكێ، به‌هزاد عه‌لى ئاده‌م، ده‌مێ وى يێ قانوونى د وى پۆستى دا يێ ب دووماهى هاتى وكه‌سه‌كێ خه‌لكێ زاخۆ به‌ربژاره بۆ وه‌رگرتنا پۆستێ جێگرێ پارێزگه‌رێ دهۆكێ”.
دياركر ژى” هنده‌ك ريڤه‌به‌رێن گشتى ژى ل پارێزگه‌ها دهۆكێ دێ هێنه گوهۆرين، ژبه‌ر ب دووماهى هاتنا ده‌مێ قانوونى دوان پۆستان دا ئه‌وژى چار سالن”.
ئه‌ڤرۆ نيوز:
ب ھەلکەفتا روژا ژینگەھا کوردسستانێ ئەڤرو سپێدێ 16/4/2018 ل بانیا گوندێ باکوزێ ل پشت سکرێ دھوکێ ب چاڤدێریا بەرێز فەرھاد ئەمین ئەتروشی پارێزگەرێ و ب ئامادەبونا بەرێز بەھزاد علی ئادەم جێگرێ پارێزگەرێ دھوکێ وب ئامادەبونا چەند بەرپرس ورێڤەبەرێن فەرمانگەھێن میری ورێکخراوێن مروڤایەتی وژینگە پارێزیێ ھەوا پاقژکرنێ ل سەنسەری پارێزگەھا دھوکێ ھاتە ئەنجامدان.
ل بەراھیێ ھەڤال حسێن رێڤەبەرێ باژێرڤانیێن پارێزگەھێ پەیڤەک پێشکێشکر وگوت ئەڤرو روژەکا پیروزە روژا ژینگەھا کوردستانێ یە ئەڤە چار سالە ھەوێن پاقژکرنێ دھێنە ئەنجامدان وئارمانج ژێ ئەوە ژینگەھا دەڤەرێ بھێتە پاراستن وگوت پاقژکرنا ژینگەھێ ئەرکەکە ل سەر مللێن ھەر تاکەکی ل کوردستانێ وخواست کو ھەموو سەیرانچی جھێن خو پاک بکەن وسوپاسیا ھەموولایەنان کر یێن بوینە ھاریکار بو ئەنجامدانا ھەوێ.
پاش جێگرێ پارێزگەرێ دھوکێ دپەیڤەکێدا بناڤێ پارێزگەرێ دھوکێ وکارگێریا پارێزگەھێ دەست خوشی ل بەرھەڤبویان کر وسوپاسیا وان ھەموو لایەنان کر یێن ئەڤ ھەوە ئەنجامدای وگوت بەری ھەیامەکێ روژا جیھانیا ئاڤێ ھاتە ساخکرن وئەڤرو ژی روژا ژینگەھا کوردستانێ ھاتە ساخکرن وھەوەکا پاقژکرنێ ل ھەموو پارێزگەھێ دێ ھێتە ئەنجامدان ل سەر ئاستێ حەفت قەزایێن پارێزگەھێ وب ھاریکاریا 47باژێرڤانیا وگوت ئارمانج ئەوە رەوشەنبیریا پاقژکرن وپاراستنا ژینگەھێ ل دەف خەلکێ مە بھێتە پەیرەوکرن کو دەڤەر بھێتە پاقژکرن بو وێ یەکێ ژینگەھا کوردستانێ بمینیت یا جوان وخەملاندی ھەروەسا گوت پاراستنا ژینگەھێ پاراستنا ژیانێ یە وئەڤە بخو ئەرکەکە ل سەر مللێن ھەر تاکەکێ کوردستانێ وسوپاسیا ھەموو لایەنان وسازیێن را گەھاندنێ کر کو ھەر سال گرنگیێ ب ڤێ ھەوێ ددەن.
پاش ھەوا پاقژکرنێ ھاتە راگەھاندن وتیمێن کاری دەست ب پاقژکرنێ وان جھا کر یێن بو ھاتینە دەست نیشانکرن.
ئەڤ ھەوە ب سەرپەرشتیا پارێزگەرێ دھوکێ وھەڤکاریا باژێرڤانیێن پارێزگەھێ وسەروکاتیا باژێرڤانیا دھوکێ و 47باژێرڤانیا ل سنورێ ھەر حەفت قەزایێن پارێزگەھێ زێدەباری کومپانیێن پاقژکرنێ وب سەدان فەرمانبەر وکارمەندێن کومپانیا ورێکخراوێن مروڤایەتی ھاتە ئەنجامدان.
ئەڤرۆ نیوز ، نەوزاد ھلۆری:
ئەڤرۆ سپێدێ لسەر رێیا گشتی دناڤبەرا دینارتە و گوندێ بامشمش ل نێزیک گوندێ دودیێ ، ژئەگەرا روودانەکا ھاتنووچۆنێ قوتابیەکێ گیانێ خوە ژ دەست دا.
دڤی واریدا ” عەکان عەبدولسەلام ” ماموستا ل قوتابخانا گومانا بو ئەڤرۆ نیوز گۆت: ( ئەڤرۆ سپێدێ قوتابیەکێ گوندێ دودیا سەری ل سنوورێ ناحیا دینارتە ژ ئەگەرێ روودانەکا ھاتنووچۆنێ لسەر رێیا گشتی دناڤبەرا دینارتە و گوندێ بامشمش ل نێزیک گوندێ دودیێ گیانێ خوە ژ دەست دا).
زێدەتر گۆت: ( ئەو قوتابی ب ناڤێ ماھر غازی یە و ژیێ وی 12 سالن و ل رێزا شەشێ بنەرەتی دخونت ، و سوارێ پایسکلێ بویە و ژ نیشکەکێڤە دکەڤیتە بن ترومبێلێ و گیانێ خوە ژ دەست دا).
ئه‌ڤرۆ نيوز:
نوونەرێ حکومەتا ھەرێما کوردستانێ ل فەرەنسا ددەتە دیارکرن کو فەرەنسا ئێک ژ وان وەلاتانە کو ھەر دکەڤندا پەیوەندیێن بھێز دگەل ھەرێما کوردستانێ ھەنە تا نھا ژی پەیوەندیێن مە دگەل فەرەنسا بھێزن و فەرەنسا ھەردەم پشتەڤانا کوردان دکەت ل ھەمی پارچێن کوردستانێ، لێ فەرەنسا دڤێت کورد ئاریشێن نافخۆ چارەبکەن و خوە بھێبێخن دا بشێت پشتەڤانیێ لێ بکەت.
دکتور عەلی دولەمەری نونەرێ حکومەتا ھەرێما کوردستانێ بۆ رۆژناما ئەڤرۆ ددەتەدیارکرن کو دنھادا فەرەنسا دڤێت رولێ خوە ل رۆژھەلاتا ناڤین دا بھێزبێخیت وەکی بەرێ، تایبەتی ل عێراق و سوریایێ دا، فەرەنسا دڤێت ب رێکا ھەرێما کوردستانێ رولێ خوە بۆ عێراقێ و سوریایێ بزڤرینیت، بەرھندێ دەست پێکر بریارا 688 ل سالا 1991 ل سەر دەستێ فەرەنسا بوو، پشتی 16 ئوکتوبەرێ فەرەنسا گۆت مەبریارا 688 دەرکریە و ئەم دێ پارێزین کو مەرەم دێ کوردستانێ پارێزن و بۆ وان ھەرێما کوردستانێ ھێلا سورە، ئەو چۆ دەمەکی دژی ریفراندومێ نەبووینە، لێ ھەردەم وان دخواست بالانسەکێ پەیداکەن ل سەر وان بەرژەوەندیێن خوە دگەل تورکیا و ئیرانێ و عێراقێ و دگەل وەلاتێن دەروروبەر، لێ پشتی ھینگی مە چاڤ پێکەڤتن دگەل راوێژکارێ سەروک کومار و پەرلەمانی دا کر وان گۆت ئەم دێ ھەرێما کوردستانێ پارێزین، بەلێ ب مەرجەکی ھوون ئێکگرتی بن و خوە رێک بێخن، لێ مخابن ھەتا نوکە کێشا مەزن بۆمە وەک نونەر کو ئەم وەک دوو حکومەتین، بەر ھندێ وان دخواست پشتی ھاتنا داعشێ سیستەمەکێ نوی ل عێراقێ چێکەن و سیستەمەکێ کونڤیدرالی بیت، ببیتە نمونەک بۆ سوریایێ، چونکی فەرەنسا پتر گرنگیێ ب سوریایێ ددەت و دناڤ عێراقێ دا پتر گرنگیێ ب ھەرێما کوردستانێ ددەت، لێ بریتانیا پتر پیتەی ب عێراقێ ددەت، بەر ھندێ فەرەنسا ھەمی پێکولا دکەت تایبەت کو دگەل سەروکێ ئەمریکا رێکەفتی نە جارەکا دی رولێ فەرەنسا بۆ سوریا بھێتە زڤراندن و بریارەک ھەیە کو فەرەنسا ژ نزیک دێ دگەل روسیا و ئیرانێ و عەرەبستانا سعودیا رێکەفتنەکێ بکەت، بۆ ھندێ سوریا جارەکا دی زڤرینە سەر دەستێ فەرەنسا سەقامگیریا وێ بزڤرینەڤو، لێ ئەڤە کێشەکا مەزنە، چونکی ھەتا نوکە رێک نەکەفتی نە کا بەشار ئەسەد دێ مینیت یان نە و ئەلترناتیفەک نیە بۆ جھێ وی.
ھێشتا گۆت کو بەرامبەر کوردا ل ھەر چوار پارچا فەرەنسا رولەکێ مەزن ھەبوو و چۆ جیاوازیەکێ ناکەن دناڤبەرا ھیچ کوردەکێ، لێ ئەو دخوازن ئەم مافێن خوە ژ حکومەتان وەربگرین ب شێوەکێ ئاشتی و دیالۆک نە ب شێوێ شەر، ھەروەسا رایا گشتی یا فەرەنسا دگەل کوردانە، پاش ئەو رودانێت 16 ئوکتوبەرێ زوربەیا روژنامە میدیایێن فەرەنسی گەلەک بەحسێ کوردان کر، دبیت ھندەک سیاسەتا وان دگەل مە نەبیت، لێ رایا گشتی دگەل مەنە، 140پەرلەمانتارا پرسیار ل حکومەتا فەرەنسا کر بۆچی ھەوە پێدڤی ب کوردا ھەبوو ھەوە ھاروکاریا وان دا نوکە کوردا پێدڤی یا ب ھنگۆ ھەی ھین ھاروکاریێ لێ ناکەن.
دکتور عەلی دولەمەری ئاماژە دا ھندێ کو ئەو داخوازێ ل مە دکەن کو د ئێکگرتی بین، چونکی بھایێت فەرەنسا و کوردا لێک نزیکن بەرھندێ ھەردەم پشتەڤانیا گەلێ کوردستانێ دکەت، ل سالا 2014 کو داعش ھێرش کری وەزیرێ دەرڤەیێ فەرەنسا سێ رۆژا پشتی شەرێ سەرەدانا ھەولێرێ کر کو دوەختەکێ نەخوش دابوو وەک ئێکەمین سەروکێ جیھانێ بوو د سالا 2014ێ دا دوو جارا سەرەدانا ھەرێما کوردستانێ کری و نوکەژی مەلەفێ کوردا یێ سەرەکی یە دسیاسەتا دەرڤەیا حکومەتا فەرەنسی تایبەتی، لێ وان ژی بەرژەوەندیێن خوەھەنە، لێ مخابن ھەتا نوکە مە نەشیایە خوە دگەل سیاسەتا فەرەنسا ب دروستی بگونجینین و ئەو گرنگی و بھایێ ئەم ددەینە ئەمریکا و بریتانیا مە نەدایە فەرەنسا، نوکە ئەم پێکولان دکەین بۆ ھندێ کو پتر پەیوەندیا مە دگەل فەرەنسا بھێزتربیت.
ناڤبری زێدەتر گۆت کو فەرەنسا دبێژیت کوردا ل حالەتێ بەر تەنگ ئەم پاراستین لەوما پێدڤی یە نوکە ئەم وێ بپارێزین، ھەتا چونا نێچیرڤان بارزانی فەرەنسا دەمێ ئابلوقە ل سەر فروکێن ھەرێمێ لێ فەرەنسا داخازکر و گۆت مە سیاسەتا خوە یا ھەی، بەر ھندێ ئەو بەردوام بووینە کو فشارێ بێخنە سەر عێراقێ، ماکرون وەک سەرکردەکێ گەنج ئەو بریارێن ئەو ددەت ھەتا نوکە چ سەرکردێن فەرەنسا نەشیاینە بدەن، چونکی وی دڤێت رولێ سیاسی یێ فەرەنسا جارەکا دی ل رۆژھەلاتا ناڤین رولێ خوە بزڤرینەتە ڤە د مەیدانا سیاسی دا، چونکی 2003 ھەتا 2015 ێ فەرەنسا زور زەرەر کریە ل روژھەلاتا ناڤین تایبەت ژ ئالیێ سیاسی ئابوری و دبلۆماسی ڤە، لەوما وێ دڤێت رولێ خوە بھێز بێخیتەڤە و تاکەکە رێک ژی ئەو دبینن ھەرێما کوردستانێ یە، ژبەر ھندێ ئەز گەشبینم کو دێ ھەتا سالا 2020 گوھرینێن مەزن ھێنە کرنێ ل روژھەلاتا ناڤەراست دا، لێ دڤێت ئەم خوە دگەل سیاسەتا نوی بگونجینین و پەیوەندیێن خوە دچارچۆڤێ حکومەتا عێراقێ دا بھێزبێخین.
گەلەکان گۆت فەرەنسا خاین بوو دەمێ ریفراندومێ، لێ دڤێت ئەم بزانین کو چۆ وەلاتەک ھێزا خوە ناھنێریت پشتەڤانیێ ل مە بکەت، دەست پێکێ وان دڤێت ئەم کێشێن نافخودا چارەبکەین دچارچوڤێ حکومەتا عێراقێ دا، ئەو ئامادەنە کومپانیێن خوە بۆ ئاڤەدانکرنا دەڤەرێن وێرانکری ل کوردستانێ ھاروکاربن و ل داھاتی دێ چەند وەفد ھێنە کوردستانێ.
نونەرێ حکومەتا ھەرێمێ گۆت ژی فەرەنسا وەلاتەکێ سیستەمی یە وان سیستەمەک ھەیە ھەر سەرۆکەک بھێتە گوھرینێ باوەرناکەم چۆ جیاوازیەک ھەبیت رەنگە ھندەک خال بھێنە گۆھرینێ پشتی کو ماکرون بۆیە سەروکێ فەرەنسا مەلەفا کوردا کرە دەستی وی دا و ماکرونی جیاوازیەکا مەزن یا ھەی و بۆێرترە، لێ بۆ کێشا کوردا چۆ جیاوازی نەبوو دناڤبەرا ھولەند و ماکرونی دا.
زێدەتر گۆت کو ل ھەمی دونیایێ تشتێ پشت پەردەی یێ ھەی بێگومان ھندەک تشت وان یێ ھەی کو ل راگەھاندنێ ناھێنە بەحسکرن، لێ ب شێوەکێ گشتی د ھەمی کومبوونێن خوە دا پشتەڤانیا گەلێ کورد دکەن، وان دڤێت کورد خوە بھێزبێخن دناڤ خوە دا و مافێن خوە دچارچوڤێ دەستورێ عێراقێ دا ب دەست خوڤەبینن.
ئاماژە دا ھندێ کو ریفراندوم ل سەر جەنابێ سەروک بارزانی بۆ ئەوروپا کارەکێ دروست بوویە، ئەو ژی دزانن ئەم دگەل عێراقێ نا گەھینە چو ئەنجامەکێ، حکومەتا فەرەنسا ژی دزانیت کو عێراق مافێ کوردا دابین ناکەت، لێ دبێژن ئاریشا ھەوە ئەوە ھوون خوە ل بەغدا بھێزناکەن، ھەتا نوکە حکومەتا ھەرێما کوردستانێ ئێک سکالا ل سەر بەغدا تومار نەکریە ب شێوەکێ نڤیسین و فەرمی کو بدەتە دادگەھا ئێکەتیا ئەوروپا یان وەلاتێن زولھێز، تنێ ل راگەھاندنێ داخازا مافێ خوە کریە، بەرھندێ ئەو دبێژن خوە ل بەغدا بھێزبێخن ھەردەما مادەک ھاتە پێشێلکرن دڤێت ب شێوەکێ نڤیسین ب فەرمی دادگەھا ئێکەتیا ئەورپا سکالایێ ل سەر توماربکەین، ل وی دێ شێن پشتەڤانیا مە کەن، نەک تنێ ل راگەھاندنێ بەحسێ مافێ خوە بکەین.
گۆت ژی بۆ دەولەتبوون نھا یا ب زەحمەتە کو ئەو پشتەڤانیا مە بکەن وان دڤێت ئەم نھا پەیوەندیێن خوە د چارچوڤێ دەولەتا عێراقێ دا بھێز بێخین، ئەگەر وان پشتەڤانیا دەولەتا کوردی کربا دڤێت پشتەڤانیا کەتەلونیا ژی کربا، لەوما دڤێ قوناغێ دا زەحمەتە چۆ دەولەتەک پشتەڤانیا دەولەتا کوردی بکەت، چونکی بۆ وان نوکە ڤەگەراندنا ئارامیێ ل ھەمی تشتەکێ گرنگترە تایبەت ل عێراق و سوریایێ، چونکی مەترسیا نە سەقامگیریێ ل سەر ئەوروپا ژی یا ھەی.
ل داویێ عەلی دولەمەری گۆت کو بۆ ھەرێما کوردستانێ ئەو د ئامادەنە پشتەڤانیا مە بکەن لێ ب مەرجەکێ، ھێزا پێشمەرگەی ببیتە ئێک ھێزا نیشتمانی، چونکی مە بڤێت یان نەڤێت حکومەتا فەرەنسی و وەلاتێن روژئاڤا پێشمەرگە وەکو میلیشات دبینن، رەنگە بوومە نەخوش بیت ب ڤێ ئاخفتنێ، لێ ئەگەر راستیێ بێژین یا دروستە، چونکی وان دیت کەسەک دشێت مایتێکرنێ دھێزا پێشمەرگەھی دابکەت و ل دەڤەرەکا وەکی کەرکوکێ ڤەکێشن، لەوما ئەو مە داخواز دکەن ھێزەکا نیشتیمانی ھەبیت و حکومەتەکا ئێکگرتی و بھێزکرنا پەیوەندیێن ئابوری دگەل وەلاتێن ئەوروپی تایبەت دگەل فەرەنسا.
ئه‌ڤرۆ نیوز ، نه‌وزاد هلۆرى:
به‌رپرسا رێكخراوا ئایلان بو پرسێن ژن و زاروكان ل قه‌زا سوران دیاركر كو ب مه‌ره‌ما گه‌شت و گه‌ریان ، ئه‌وان وه‌كو كچێن قه‌زا سوران گه‌شته‌ك بو چیایێن سنوورێ قه‌زا چومان ب تایبه‌تى ده‌ڤه‌را باله‌كایه‌تى ئه‌نجامدا و تێدا ژبلى وه‌رگرتنا زانیاریان چه‌ند چالاكى ژى ئه‌نجامدان. كه‌لسووم زه‌نگه‌نه‌یێ زێده‌تر گۆت: (ب هه‌ڤكاریا گرۆپێ چیاڤانێن هه‌لگورد ، و ب پشكداریا 33 كچ و ژنان مه گه‌شته‌كا چیایى بو چیایێ شێخ ناسر ل سنوورێ قه‌زا چومان ئه‌نجام دا كو ئێكه ژ چیایێن هه‌رى بناڤ و ده‌نگ و مه‌زن ل سنوورێ باله‌كایه‌تى و قه‌زا چومان )
به‌رپرسا رێكخراوا ناڤبرى دیاركر ژى كو مه‌ره‌م ژ ئه‌ڤێ گه‌شتێ وه‌رگرتنا زانیارى و كه‌شه‌كێ خوش و سلامه‌تى بوویه ، بو كچ و ژنێن ده‌ڤه‌رێ و گۆت ژى: (سرۆشتێ كوردستانێ ب گشتى و ده‌ڤه‌را باله‌كایه‌تى ب تایبه‌تى ژ وان ده‌ڤه‌رێن كوردستانێ یه كو ژبلى جوانى و سرۆشته‌كێ جوان ، خودان كه‌لتوور و فولكلوره‌كێ به‌رهه‌ڤه‌ره ژبه‌رڤێ گرنگه هه‌ر ئێك ژ مه تشته‌كێ ژ كه‌لتوور و شارستانى و سرۆشتێ خوه بزانیت ، و ئه‌ڤ گه‌شته ب ئه‌نجامدانا چه‌ند چالاكیان و ب گه‌ریانا بو ده‌ما شه‌ش ده‌مژمێران بو سه‌ركه‌فتن ژ چیایێ شێخ ناسر و ئه‌نجامدانا سمیناره‌كى َداوى هات )
ئه‌ڤرۆ نيوز: ره‌وان نهێلى:
رێڤه‌به‌ريا گشتى يا كه‌شناسى و بيڤه‌له‌رزا ل كوردستانێ ئاماژه ب وێ يه‌كێ كر كو ڤێ سپێدێ و ل ده‌مژمێر 7 و نيڤێ سپێدێ، بيڤه‌له‌رزه‌ك ب پلا 4.4 پلا رێخته‌ر كو كووراتيا 9 كم بوون، ل دووراتيا 44 كم ل باژارۆكێ قه‌لادزێ و دووراتيا 40 كم ل باژارۆكێ چه‌مچه‌مال، هاته توماركرن ، وه‌لاتيێن ده‌ڤه‌رێ ب تمامى هه‌ست ب بيڤه‌له‌رزێ كرينه، هه‌تا كو وه‌لاتيێن ده‌ڤه‌را راپه‌رين ژى هه‌ست ب بيڤه‌له‌رزێ كرينه و چو زيان ل پشت خوه نه‌هێلاينه.
ئه‌ڤرۆ نیوز:
سه‌رۆكێ فره‌نسا، ئیمانوێل ماكرۆن راگه‌هاند، ئه‌و شیا قه‌ناعه‌تێ بۆ سه‌رۆكێ ئه‌مریكا دۆنالد ترامپ چێبكه‌ت و رازی بكه‌ت كو هێزێن ئه‌مریكی ب ره‌نگه‌كێ ده‌مدرێژ ل سووریێ بمینن.
ئه‌ڤه د ده‌مه‌كی دایه به‌ری نها ترامپی راگه‌هاندبوو كو دێ زووترین ده‌م هێزێن خوه ژ سووریێ ڤه‌كێشیت.
ل گۆری گۆتنا شرۆڤه‌كاران بریارا مانا ئه‌مریكا ل سووریێ د ڤی ده‌می دا د به‌رژه‌وه‌ندییا رۆژئاڤایێ كوردستانێ دایه.
ئه‌ڤرۆ نيوز: عه‌زيز هه‌ورامى:
ل رانيێ ل ده‌مێ بانگه‌هشا نه‌وه‌ى نوێ، شه‌ر دروست دبيت و د ئه‌نجامدا پێنج كه‌س بريندار دبن، ل دووڤ پێزانينێن ئه‌ڤرۆ نيوز، چه‌ند لايه‌نگرێن نه‌وه‌ى نوى ب چه‌قويان هێرش كرينه سه‌ر ئێك و دو، ژ ئاليێ خوه‌ڤه ته‌ها محه‌مه‌د په‌يڤدارێ رێڤه‌به‌ريا ساخله‌ميا راپه‌رتن ئه‌ڤ نوچه‌يه بۆ ئه‌ڤرۆ نيوز پشت راست كر و دياركر كو پێنج لايه‌نگرێن نه‌وه‌ى نوێ ژ ئه‌نجامێ برينداربوونا وان، گه‌هاندينه نه‌خوشخانێ و پشتى هاتينه تيماركرن، دياربوو كو ب چه‌قويان شه‌ر كرينه.
ئه‌ڤرۆ نيوز:
مەسرور بارزانی شیرەتکارێ جڤاتا ئاساییشا ھەرێما کوردستانێ دا د پێشوازيكرنا سەرۆکێ نڤیسینگەھا ھەماھەنگی یا ئاساییشا ئیراقێ ل بالیۆزخانەیا ئەمریکا راگەھاند، ل گۆرەیی دەستووری پێشمەرگە ھێزەکا دەستووریە و پێدڤییە تەڤایا پێدڤیێن وان یێن سەربازی و دارایی بۆ بھێن دابینکرن.
مەسرور بارزانی گۆت: بۆ بدەستڤەئینانا ئاشتی و سەقامگیریێ، پێدڤییە ئێک و دو قەبوول بکەین و دانوستاندنێن راستەوخوە ل سەر گشت پرسا بکەین، ھەروەسا دوپاتی ل ھەماھەنگییا د ناڤبەرا ھێزێن پێشمەرگەی و ھەڤپەیمانان دا کر.
ئه‌ڤرۆ نيوز:
وه‌زاره‌تا ناڤخو يا عيراقێ، ئه‌ڤرۆ راگه‌هاند، ل به‌ره‌يێ راستێ يێ باژێرێ مووسل، كارگه‌هه‌كا بومرێژكرنا ئوتومبێلێن بوم رێژكرى و بومبێن چاندى هاته ديتن كو چه‌ندين ته‌قه‌مه‌نيێن بجه مايى يێن داعش تێدابوون.
وه‌زاره‌تا ناڤخو يا عيراقێ ئاماژه ب وێ يه‌كێ ژى كريه كو ئه‌و كارگه‌هـ ل ئێك ژ بنداڤێن ده‌ڤه‌ره‌كا مووسلا نوو ل به‌ره‌يێ راستێ يێ مووسل هاتيه ديتن.
نيشاندان