ئه‌ڤرۆنيوز:
ژبەرکو دەنگدانا تایبەت ل نەخوه‌شخانا نەهاتە کرن، تیمێن هەوارهاتنا دەستپێکێ دێ نەخوه‌شان ب ترومبێلێن ئەمبولاس ڤەگوهێزنە بنگەهێن دەنگدانێ.
هەیسه‌م عەبدی، بەرپرسێ سەنتەرێ هەوارهاتنا ب لەز دیارکر کو وان هەموو بەرهەڤکاری کرینە بۆ ڤەگوهاستنا نەخوه‌شان ل دەزگەهێن ساخلەمیێ بۆ بنگەهێن دەنگدانێ .
هه‌يسه‌م زێده‌تر بۆ نوش نيوز گۆت”هەر خێزانەکا کەسێن نەخوه‌ش هەبن کو نەشێن بچنە دەنگدانێ دشێن پەیوەندیێ ب هژمارا 122 بکەن و دێ هاریکاربین کو دەنگێن خوە بدەن ودێ ڤەگەرینین ژی”.
ئه‌ڤرۆنيوز:
ئه‌ڤرو ئێڤاری 11/5/2018 فه‌رهاد ئه‌مین پارێزگه‌رێ دهۆكێ پرێس كونفرانسه‌ك دگه‌ل ده‌زگایێن راگه‌هاندنێ ب ئاماده‌بونا به‌رپرسێن ده‌زگایێن ئه‌منی ل پارێزگه‌هێ ساز كر.
پارێزگه‌رێ دهوكێ بناڤێ لژنا ئه‌منی یا پارێزگه‌ها دهۆكێ سوپاسیا وان هه‌موو كارمه‌ندێن دوهێ ب ئه‌ركێ خوه رابووین و داخواز كر كو سوبه‌هی كو ده‌نگدانا گشتی یه یا وه‌لاتیان هاریكار بن دگه‌ل وه‌لاتیان و ده‌نگده‌ران و دگه‌ل كۆمسیۆنێ و ده‌زگایێن دی یێن په‌یوندیدار بۆ هندێ پرۆسا ده‌نگدانێ ل پارێزگه‌هێ ب ره‌نكێ جوان و رێكوپێك و ئارام ده‌رباز ببیت چونكی رۆژه‌كا گرنگه بۆ خه‌لكێ پارێزگه‌هێ و كوردستانێ و هه‌موو عێراقێ بۆ دیار كرنا نوونه‌رێن خوه ل جڤاتا نوێنه‌رێن عێراقێ.
هه‌روه‌سا پارێزگه‌رێ دهوكێ كو سه‌رۆكێ لژنا ئه‌منی یه ل پارێزگه‌هێ، داخواز ژ خه‌لكێ پارێزگه‌هێ كر كو هاریكار بن دگه‌ل ده‌زگایێن ئێمناهیێ داكو ئه‌و پرۆسا دیموكراسی ب ره‌نگه‌كێ جوان برێڤه بچیت و چ كێشه په‌يدا نه‌بن.
هه‌روه‌سا بناڤێ لژنا ئه‌منی و كارگێریا پارێزگه‌هێ داخواز ژ وه‌لاتیان كر كو ب گه‌رماتی قه‌ستا سه‌ر سندووقا بكه‌ن بۆ بجهئینانا مافێ خوه یێ دستوری وقانوونى و گوت” ئه‌ز بباوه‌رم كو خه‌لكێ مه دێ وه‌كی هه‌ر جار بێی گرفت و برێژه‌كا مه‌زن پشكدار بیت وده‌نگێ خوه ده‌ت و ده‌نگدانه‌كا رێكوپێك و پاقژ ئه‌نجام ده‌ت”دیسان گۆت” مه وه‌كو لژنا ئه‌منی هه‌موو كارێن خوه ئه‌نجام داینه و هه‌موو تشتێ پێدڤی و سه‌ره‌كی ل سه‌ر ئاستێ پارێزگه‌هێ هاتیه كرن ل هه‌موو بنگه‌هێن ده‌نگدانێ و پۆلیس و ئاسایش و هاتنوچونێ هه‌موو كار و ئه‌ركێن خوه رێكخستینه .داكو ئاسانكاری بۆ وه‌لاتیان بهێنه كرن”.
ل دۆر كێماسیێن ل ده‌نگدانا تایبه‌ت هه‌ین، پارێزگه‌رێ دهۆكێ گوت” مه دو كۆمبون دگه‌ل رێڤه‌به‌رێ كۆمیسۆنێ كرینه بۆ نه‌هێلانا هه‌ر كێماسیه‌كا هه‌ی، دبیت هنده‌ك كێماسیێن ته‌كنيكيى هه‌بن ل ده‌نگدانا تایبه‌ت لێ بۆ یا وه‌لاتیان يا ده‌نگدانا گشتى دێ هێنه چاره‌كرن”.,
بو زێده‌كرنا ده‌می پارێزگه‌رێ دهۆكێ گوت ” ئه‌و ئامیرێ ئه‌لكترۆنی ئه‌وێ ده‌نگ پێ دهێته دان هاتیه به‌رمه‌جه كرن بۆ 11 ده‌مژمێران ژ ده‌مژمێر 7 سپێدێ تا 6 ئێڤاری وپشتی وی ده‌می ئه‌و ئامیره كار ناكه‌ت له‌وما پێدڤیه خه‌لكێ مه خوه گیرو نه‌كه‌ت و زوو قه‌ستا سندووقێن ده‌نگدانێ بكه‌ن داكو ده‌نگێ وان ب هه‌روه نه‌چیت”.
ده‌رباره‌ی رێك گرتنێ ل هه‌ر كاره‌كێ تیكدانێ، پارێزگه‌رێ دهۆكێ گوت ” وه‌كو ده‌زگایێن ئێمناهیێ هه‌موو به‌رهه‌ڤی كرینه كو چو سه‌رپێچی و كارێن تێكدانێ نه‌هێنه كرن و هه‌كه بزاڤه‌ك بۆ ڤێ چه‌ندێ بهێته كرن ژ هه‌ر لایه‌نه‌ك یان گروپه‌كی ڤه، دێ هه‌موو پێرابونێن قانوونى ده‌رهه‌ق هێنه وه‌رگرتن و بباوه‌ری دبیژم ناهێلین چو تێكدان بهێنه كرن ورێكێ ناده‌ین”.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ بريار دا بۆ ده‌مێ سێ ده‌مژمێران پرۆسا ده‌نگدانێ ل ده‌رڤه‌ى عيراقێ بهێته درێژكرن كو ئه‌ڤرۆ رۆژا دويێ يه ژوێ ده‌نگدانێ.
راگه‌هاندنا كۆمسيۆنا هه‌لبژارتنان به‌لاڤكر كو ژبۆ به‌رهه‌ڤكرنا ده‌ليڤا زێده‌تر ب عيراقيێن ده‌رڤه‌ى وه‌لاتى، سێ ده‌مژمێر ژ ده‌مێ ده‌نگدانێ هاتن درێژكرن.
دوهى پێنجشه‌مبى ل عيراقێ پرۆسا ده‌نگدانا تايبه‌ت هاته ئه‌نجامدان، هه‌ڤده‌م ل 19 وه‌لاتێن جيهانێ ژى ده‌نگدانا تايبه‌ت وگشتى ل پرۆسا ده‌نگدانێ ل ده‌رڤه‌ى عيراقێ ئه‌ڤرۆ ده‌ستپێكر وتاكو نوكه ژى ل هنده‌ك وه‌لاتان يا به‌رده‌وامه
ئه‌ڤرۆنيوز:
به‌رپرسێ نڤيسينگه‌ها هه‌لبژارتنان ل لقێ ئێكێ پارتى، خالد ئه‌حمه‌د راگه‌هاند، ژئه‌گه‌رێ كێشێن ته‌كنيكى وژكاركه‌فتنا ئاميرێن ده‌نگدانێ، نيزێكى 10 هزار پێشمه‌رگه وپۆليس وكارمه‌ندێن ده‌زگه‌هێن ئه‌منى ژده‌نگدانێ بێ به‌هر بوون.
خالد زێده‌تر بۆ مالپه‌رێ فه‌رميێ پارتى گۆت”ل سه‌نته‌رێ باژێرێ دهۆكێ پشكدارى دده‌نگدانا تايبه‌ت دا 83% بوو”.
ژلايێ خوه‌ڤه سه‌رۆكێ جڤاتا قه‌زا شنگالێ وه‌يس نايف گۆت” ژئه‌گه‌رێ كاركرنا ئێك ئاميرێ ده‌نگدانێ ب تنێ، زێده‌تر ژ 400 كه‌سان ژ هێزێن ئه‌منى ژده‌نگدانێ بێ به‌هر بوون”.
وه‌يس گۆت ژى” پرۆسا ده‌نگدانا تايبه‌ت ل سنورێ قه‌زا شنگالێ گه‌له‌ك گێشه هه‌بوون، ژبه‌ركو تنێ دو ئاميرێن ده‌نگدانێ بۆ دانابوون وئێك ژوان تنێ كاردكر، ئه‌ڤه ژى بوو ئه‌گه‌ر كو هژماره‌كا مه‌زن ژ هێزێن ئه‌منى بێ به‌هر بن ژده‌نگدانێ”.
ناڤبرى گومان هه‌بوو كو ئه‌و كاره ب مه‌به‌ست هاتيه كرن بۆ وێ چه‌ندێ هيزێن ئه‌منى نه‌شێن ده‌نگێ خوه بده‌ن وحه‌شدا شه‌عبى ل وێرێ يا ده‌ستهه‌لاتداره.
ئەڤرۆ نیوز ، زنار تۆڤی :
ھنارتیێ تایبەت یێ نەتەوێن ئێکگرتی ل عێراقێ راگەھاندیە :کو چەکدارێن حەشدا شەعبی فشار ل سەر دەنگدەران کرینە و وان دەنگدەر ترساندینە.
یان کۆبیچ ھنارتیێ تایبەت یێ نەتەوێن ئێکگرتی ل عێراقێ ل گەل بەرپرسێن پارێزگەھا سەلاحەددین کۆم بوویە و چاوانیا ڤەگەراندن و دەنگدانا ئاوارەیێن سنۆرێ خۆرماتوو گۆتوبێژ کرینە.
د وێ کۆمبوونێدا یان کۆبیچی دلگرانیا خوە ھەمبەری بێشێلکاریێن حەشدا شەعبی دژی وەلاتی و دەنگدەرێن عێراقێ دیار کریە و گووت ژی:چەندین گرۆپێن حەشدا شەعبی بزاڤ کرینە فشاران ل سەر دەنگدەران بکەن و وان بترسینن.
دوھی پێنجشەمبی 10.5.2018 رۆژا دەنگدانا تایبەت بوو بۆ ھەلبژارتنێن عێراقێ،لێ حەشدا شەعبی ل کەرکووک و دەڤەرێن دیێن کوردستانی یێن دەرڤەر ئیدارا هەرێمێ،رێگری ل کارمەندێن ئێمناھیێ یێن کوردان کرینە کو بچنە سەر سندۆقێن دەنگدانێ.
ئه‌ڤرۆنيوز:
ده‌زگه‌هێ هه‌لبژارتنێن سه‌ركردايه‌تيا پارتى ديموكراتى كوردستان ل سلێمانيێ ئاشكرا دكه‌ت كو ل سلێمانيێ هه‌لبژارتنه‌كا نه ساخله‌م ب رێڤه‌چوو ول چه‌ند بنگه‌ه وده‌ڤه‌ران زێده‌تر ژ ئێك ده‌مژمێرێ ده‌نگدان راوه‌ستا.
جه‌لال قادر، ئه‌ندامێ ده‌زگه‌هێ هه‌لبژارتنێن سه‌ركردايه‌تيا پارتى ل سلێمانيێ گۆت” ده‌نگدانا تايبه‌ت ل سلێمانيێ پرۆسه‌كا گه‌له‌ك نه ساخله‌م ب رێڤه‌چوو وتا دووماهيا ده‌نگدانێ ژى كێشه نه‌هاتنه چاره‌سه‌ركرن”.
جه‌لال قادر زێده‌تر بۆ وشه گۆت”ل عه‌ربه‌ت وچه‌مچه‌مال وسنورێ رانيا به‌رى تمامبوونا ژڤانێ هه‌لبژارتنان بنگه‌هێن ده‌نگدانێ هاتنه داخستن”.
رۆهنكر ژى” راگرتنا بنگه‌هێن ده‌نگدانێ ودروستكرنا كێشان وقه‌ره‌بالغا ب ئه‌نقه‌ست بۆ ئه‌نجامدانا سه‌خته‌كاريێ يه”.
ئه‌ڤرۆ نيوز:
ناسر ته‌وفيق به‌روارى، يێ به‌رنياس ب ناسر به‌گ و سه‌رۆكێ ليستا نه‌سر يا سه‌ر ب حه‌يده‌ر عه‌بادى ل دهۆكێ هه‌تا ژناڤچوونا رژێما سه‌دام حسێن ل سالا 2003ێ ژێده‌رێ موخابراتا عيراقێ بوويه.
ل دووڤ ژێده‌رێ موخابراتا گشتى/ لقا باكور ژماره (72) ل 19ى ئيلۆنا 1978ێ هه‌ر ژ سالا 1978ێ موخابراتێ بزاڤ كرينه په‌يوه‌نديێ پێ بكه‌ن، لێ ل دووڤ ڤێ نڤيسينێ ل وى ده‌مى ل هه‌ولێر و سلێمانيێ كارێ مقاولاتيێ دكر و ره‌وشا وى يا ئابوورى يا باش بوو، له‌ورا پێدڤى ب پارا نه‌بوو.
ده‌ما ده‌سپێكا سالێن هه‌شتێيان دا بۆ موسته‌شار و ب فه‌رمانا موخابراتێ ل ده‌ڤه‌را ئاكرێ په‌يوه‌ندى ب شوره‌شێ كر، لێ هه‌ر وه‌كو ژ لايێ وان ڤه هاتيه راسپاردن، پێدڤى بوو ل سه‌ر گرۆپێن ئۆپۆزسيۆنا عيراقێ تايبه‌ت يێن شيعى كار كربا، له‌ورا هه‌ر زوو چو ئيرانێ و په‌يوه‌ندى ل گه‌ل ئۆپۆزسيۆنا شيعا ل ته‌هران خۆشكرن.
ل دووڤ نڤيسينا “محه‌مه‌د رى شه‌هرى” وه‌زيرێ ئتيلاعاتا ئيرانێ د بيرهاتنێن خوه دا ئاشكه‌را كريه كو ناسر به‌گ ل گه‌ل وان كار كريه.
ل دووڤ نڤيسينا موخابراتا عيراقێ (نموذج تقييم المصادر) كو ل گه‌ل چه‌ندين به‌لگه‌نامێن دى يێن دروست ب ده‌ست ئه‌ڤرۆ نيوز كه‌فتينه، جاره‌كا دى موخابراتێ ب رێيا “بارزان تكريتى” ئه‌و ل سالا 1998ێ ته‌جنيد كريه‌ڤه و كارێ وى ژى كۆمكرنا پێزانينان بوو ل دۆر كوردان ل ئه‌لمانيا و ئورۆپا، چونكو په‌يوه‌نديێن باش ل گه‌ل كوردان ل وێرێ هه‌بووينه.
ناسر به‌گ ب رێيا ديتن و تله‌فۆنا ژماره 00492289340196 پێزانين ددانه موخابراتێ. ل دووڤ هه‌مان نڤيسين ژى دووماهى جار ل 14ى چريا دويێ 2001 ناسر بگه ژ لايێ (محطه بون) ڤه هاتيه ديتن. ل دووڤ نڤيسينا وان يا ژماره 39 ل 25ى گۆلانا 1998ێ ئه‌فسه‌ره‌كێ موخابراتێ ب ناڤێ “حكمت سلطان عبدالله” ل رۆژا ئه‌ينى 29ى گۆلانا 1998ێ ب فرۆكا توركى ژ سته‌مبۆل بۆ ديتنا وى دچيته ئه‌لمانيا.
ل دووڤ نڤيسينه‌كا دى يا موخابراتێ ل 25ى تيرمه‌ها 1998ێ مووچێ هه‌يڤانه يێن ناسر به‌گ 500 دۆلار بووينه و ب رێيا پۆستێ بۆ دهاتنه هنارتن و مووچێ سێ هه‌يڤان ل سه‌ر ئێك ب رێيا “عواد صاحب” كو ل مه‌كته‌با جێگرى كار دكر بۆ دهاتنه ره‌وانه‌كرن.
هه‌روه‌سا ل دووڤ نڤيسينا موخابراتێ ژمار 103/4/3/140 ل 18ى ته‌باخا 2000ێ جاره‌كا دى مه‌بله‌غێ 3000 دۆلاران مووچێ شه‌ش هه‌يڤان ب رێيا (محطه بوون) بۆ ره‌وانه كرينه.
ل دووڤ نڤيسينه‌كا دى يا موخابراتێ ل 31ى ئادارا 2001ێ جاره‌كا دى مه‌بله‌غێ 3000 دۆلاران ب رێيا “محمد احمد جدى” بۆ ناسر به‌گ ره‌وانه كربوون.
تێبينى// هه‌موو مافێن ڤى بابه‌تى بۆ ئه‌ڤرۆ نيوز د پاراستى نه و چو لايه‌نه‌كى ماف نينه پێ ئاماژه‌كرن ب ژێده‌رى بابه‌تى يان پارچه‌ك ژ به‌به‌تى ل جهه‌كێ دى به‌لاڤ بكه‌ت.
ئه‌ڤرۆنيوز:
ل كه‌رنه‌ڤالا ليستا هژمار 184 يا پارتى ديموكراتى كوردستان كو ئه‌ڤرۆ پێنجشه‌مبى هاته ئه‌نجامدان، نێچيرڤان بارزانى جێگرێ سه‌رۆكێ پارتى راگه‌هاند، دستوورێ عيراقێ ب چو شێوه‌كى نه‌هاته بجهئينان وڤێ چه‌ندێ ژى گه‌له‌ك كێشه دروست كرن.
نێچيرڤان بارزانى گۆت” دبيت دپاشه‌رۆێ دا هه‌ڤپيه‌مانيێن سياسى يێن نوو بهێنه دروستكرن وبۆ بده‌ستڤه‌ئينانا مافێ خه‌لكێ كوردستانێ وبودجه ومووچێ پێشمه‌رگه‌ى دێ زڤرين بۆ به‌غدا ومه دڤێت عيراق يا پێگير بيت ب بجهئينانا دستوورى”.
جێگرێ سه‌رۆكێ پارتى راگه‌هاند ژى” ئه‌م دپشت راستين كو دێ شێين ره‌وشا ئابوورى يا وه‌لاتيێن هه‌رێمێ باشتر بكه‌ين وراستى وحه‌ق يا ل لايێ مه ودئه‌نجامدا دێ كوردستان سه‌ركه‌ڤيت”.
دووپاتكر ژى كو ره‌وشا ئابوورى يا كوردستانێ دێ گه‌له‌ك ژ سالێن به‌رى هاتنا داعشێ باشتر بيت وپاشكه‌فتا مووچان نامينيت.
ئه‌ڤرۆنيوز:
فه‌رماندێ هێزا تايبه‌تا گولان داخوازێ ژ هێزێن ئێمناهيێ ووه‌لاتيێن كوردستانێ دكه‌ت بچنه سه‌ر سندووقێن ده‌نگدانێ وب ده‌نگێن خوه بۆچوونا خوه ده‌رببرن.
مه‌نسور بارزانى، فه‌رماندێ هێزا تايبه‌تا گولان پشتى ده‌نگدانێ ل بنگه‌هه‌كێ ده‌نگدانا تايبه‌ت ب هيزێن ئێمناهيێ ڤه، بۆ ده‌زگه‌هێن راگه‌هاندنێ گۆت” بۆ نه هه‌ده‌ردانا خوينا شه‌هيدێن كوردستانێ، پێدڤيه ئه‌م هه‌موو ده‌نگى ب وێ ليستێ ووان به‌ربژاران بده‌ين يێن مه باوه‌رى پێ هه‌ى”.
مه‌نسور بارزانى هيڤى خواست پشتى پرۆسا هه‌لبژارتنان لايه‌نين كوردستانى پێكڤه ل خۆلا چارێ يا په‌رله‌مانێ عيراقێ كارى بۆ مافێن ب ده‌ستڤه نه‌هاتى يێن هه‌رێما كوردستانێ بكه‌ن”.
ل دۆر هێزێن پێشمه‌رگه‌ى گۆت” پێشمه‌رگه يێ ئازاده ده‌نگ ب چ لاين بده‌ت وپێشمه‌رگه دزانيت چ لايه‌نه به‌رگريێ ژ ئاخا كوردستانێ دكه‌ت “.
ئەڤرۆ نیوز :
زانكۆیا دهۆكێ دایە دیاکرن كو زێره‌ڤان سلێمان به‌رواری سه‌رۆكێ لیستا هه‌ڤپه‌یمانیێ بۆ دیموكراسی و دادپه‌روه‌ریێ ل دهۆكێ باوه‌رناما دكتورایێ نینە.
دانه‌یه‌ك ژ راگەهاندنا زانکۆیا دهۆکێ دەست ب ئەڤرۆ نیوز کەفتیە،تێدا راگه‌هاندنا زانكۆیا دهۆكێ دیاركریه كو زێره‌ڤان سلێمان به‌رواری سه‌رۆكێ لیستا هه‌ڤپه‌یمانیێ بۆ دیموكراسی و دادپه‌روه‌ریێ ل پارێزگه‌ها دهۆكێ، د هه‌وا بانگه‌شه‌یا هه‌لبژارتنێن 12 گولانێ دا وه‌سا خوه دایه نیاسین كو دكتوره، لێ ناڤهاتی ب تنێ باوه‌رنامه‌یا ماسته‌رێ هه‌یه و هێشتا باوه‌رناما دكتورایێ وه‌رنه‌گرتیه.
هەروەسا دایه زانین ژی كو زانكۆیا دهۆكێ دیڤچوونا بابه‌تێ خواندنا زێره‌ڤان به‌رواری كریه و تێدا دیاربوویه كو ئه‌و هێشتا قوتابیێ دكتورایێ یه ل زانكویه‌كا وه‌لاتێ بریتانیا و باوه‌رناما دکتۆرایێ وه‌رنه‌گرتیه.
نيشاندان