ئه‌ڤرۆنيوز:
ژێده‌ره‌كى ل وه‌زاره‌تا دارايى وئابوورى بۆ ئه‌ڤرۆنيوز دياركر كو مووچێن هه‌يڤا شوباتا 2018 دێ ل ده‌ستپێكا هه‌يڤا گولانێ هێنه به‌لاڤكرن.
ل ده‌ستپێكا هه‌يڤا گولانێ دێ ده‌ست ب به‌لاڤكرنا مووچان هێته كرن
نووترين نووچه
- سەرۆك بارزانی جەژنا قەولتاسی ل كاكەییان پیرۆز دكەت
- ئەمریكا دەستخوەشیێ ل سەرۆك بارزانی دكەت بۆ هنارتنا نوونەرێ خوە یێ تایبەت بۆ سووریێ
- شاندێ دانوستاندكارێ پارتی ل گەل بەرەیێ گەل كۆمبوو
- پێدڤییە بەغدا شایستەیێن دارایی یێن هەرێما كوردستانێ بهنێریت
- مەسرور بارزانی و فالح فەیاز دوپاتی ل گرنگییا هەماهەنگییا ئەمنی د ناڤبەرا هەرێمێ و ئیراقێ دا كر
- ل ئیراقێ هندەك هێز بۆ دژایەتییا قەوارەیێ هەرێما كوردستانێ یێن دروست بووین
- پشتەڤـانیێ ل بزاڤێن سـەرۆک بارزانی بۆ رۆژئاڤـایێ کـوردستانێ دکـەین
- سەرۆك بارزانی دوپاتی ل ئێكڕێزییا ئالیێن كوردی ل سووریێ كر
- حوكمەتا هەرێمێ ب زەلالی پێگیرییا ب رێككەفتنێن ل گەل بەغدایێ كری
- دڤێت دەستهەلاتا دادوەری رۆلێ خوە د دابینكرنا شایستەیێن دارایی یێن هەرێما كوردستانێدا بگێڕیت
سه‌ره‌كى نووترين نووچه
مافێ پەرلەمانتاریێ ژ دو پەرلەمانتارێن هەدەپێ هاتە ستاندن
ئەڤرۆ نیوز ، زنار تۆڤی :
پەرلەمانێ تورکیا مافێ پەرلەمانتاریا دو نوونەرێن دی یێن هەدەپێ ژێ ستاند،لێ هێشتا ئەو پارتە مایە پارتا سێیێ د پەرلەمانێ تورکیا دا.
پشتی سزایێ زیندانکرنێ بۆ ئۆسمان بایدەمیر و سەلما ئیرماک،هەردو پەرلەمانتارێن پارتیا دیمۆکراتیک یا گەلان، هەدەپێ هاتیە دەرخستن،پەرلەمانێ تورکیا پەرلەمانتاریا هەردویان ژێ ستاند.
بەری نوکە ژی 10 نوونەرێن هەدەپێ یێن پەرلەمانێ تورکیا ژ پەرلەمانتاریێ هاتبوونە ئێخستن،د ناڤ وان ژی دا فیگەن یوکسەکداغ و لەیلا زانا بوون.
هەدەپێ د هەلبژارتنێن 2015 دا 59 کورسیێن پەرلەمانێ تورکیا ب دەست خوە ڤە ئینا بوون،هەر چەنده چەندین پەرلەمانتارێن وان هاتینە دەرخستن،لێ هێشتا ئەو پارتیە مایە پارتیا سێیێ د پەرلەمانێ تورکیا دا و ل پێشیا پارتیا نەژادپەرەستا تورکی، مەهەپێ دهێت،کو مەهەپێ چل کورسی هەنە ل پەرلەمانێ تورکیا.
80 هزار كۆلبه‌ر ل رۆژهه‌لاتێ كوردستانێ بێكار دمینن
ئەڤرۆ نیوز ، زنار تۆڤی :
نوونه‌رێ شارێن سه‌رده‌شت ل په‌رله‌مانێ ئیرانێ راگەهاندیە،کو ب ئەگەرێ داخستنا سنووران 80 هزار كۆلبه‌ر ل رۆژئاڤایێ ئیرانێ بێكاربووینە.
خۆنیشاندانێن شارێن رۆژهه‌لاتا كوردستانێ لسه‌ر داخستنا دەروازێن كۆلبه‌ران درێژی هه‌یه و په‌رله‌مانتارەکێ وێ دەڤەرێ زیانێن وێ داخستنێ ئاشكرا دکەت.
سایتێ (میلـلەت) یێ تایبەت ب پەرله‌مانێ ئیرانێ ل سه‌ر زارێ ره‌سول خزری، نووونه‌رێ شارێن سه‌رده‌شت و پیرانشار ل پەرله‌مانی راگه‌هاندیە،کو ئەو قانوونا هاتیە په‌سندكرن ل په‌رله‌مانێ ئیرانێ ل سه‌ر داخستنا دەروازێن كۆلبه‌ران بووینە ئەگەرێ وێ بێكاریێ و بارێ دژوار یێ ژیانا وەلاتیێن كورد.
وی نوونه‌ری گوتیە ژی،ئه‌ڤ بابه‌ته بوویە قه‌یرانەکا مه‌ترسیدار و بۆمبەکا ته‌وقیتكریە و وەختە بهێتە ته‌قاندن.
عێراقێ ب فەرمی گرووپێن چەكدار یێن شنگالێ ئێخستنە سەر هێزێن ئەمنی
ئەڤرۆ نیوز ، زنار تۆڤی :
حوکمەتا عێراقێ رەزامەندی نیشاندا بۆ ئێكخستنا گرووپێن چەكدارێن ئێزدی ل شنگالێ ل گەل حەشدا شەعبی و هەردو وەزارەتێن بەرگریێ و نافخۆ یێن عێراقێ.
مەهدی عەلاق ئەمیندارێ گشتی یێ جڤاتا وەزیرێن عێراقێ راگەهاندیە،کو جڤاتا وەزیران رازی بوویە،کو وان گرووپێن چەكدار یێن ئێزدیان بێخنە سەر هێزێن چەكدار یێن عێراقێ و حەشدا شەعبی و ئاماژە ب هندێ كریە،کو پێدڤیە ئەو كۆمەلکوژیا ئێزدیان ژ لایێ لیژنێن تایبەت ڤە دانپێدان پێ بهێتە کرن.
هەروەسا گوتیە،رێکار هاتینە دیارکرن بۆ ڤەگەراندنا خەلکێ بۆ وی باژێری ب رێیا رێنوێنی دهۆك و سکرێ مووسل –تەلەعفەر، هەروەسا رەزامەندیا وەزارەتا نافخۆ هاتیە وەرگرتن بۆ وەرگرتنا خۆبەخشان ژ خەلكێ شنگالێ.
هەبوونا گرووپێن چەكدارێن ئێزدی یێن سەر ب پەکەکێ و یەپەگێ ل شنگالێ كێشە بۆ خەلکی شنگالێ دروست كرینە و ڤێ چەندێ رێگری ل ڤەگەریانا ئەوان كریە،بۆ سەر جه و مالێن وان.
دووماهیا ڤێ هه‌یڤێ دێ کونفرانسێ ڤه‌ژاندنا وەرزشا پارێزگەھا دھۆکێ هێته‌کرن
ئه‌ڤرۆ نیوز، قەیس وەیس :
دوهی ل ھوڵا کومبونا ل کولیژا پەروەردا وەرزشی یا دھۆکێ ب سەروکاتیا د. ئەحمەد قاسم ئه‌حمه‌د سەروکێ نوونه‌راتیا دھۆک یا لژنه‌یا ئۆلۆمپیا کوردستانێ و ب ئامادەبونا رێڤەبەرێ وەرزشی خەلیل حەسەن و ئەندامێ لیژنا ئۆلۆمپیا کوردستانێ سەعید ئەحمەد و ھەمی دەزگەھێن وەرزشی یێن دێ پشکداریێ کەن د کونفرانسێ ڤەژاندنا وەرزشا پارێزگەھا دھۆکێ کومبونا دوماھیێ ژبو رێکخستنا ئەڤی کونفرانسی ژھەمی لایان ڤە ھاتە کرن.
دڤێ کومبونێ دا به‌حس ل شێوازێ رێڤەبرنا کونفرانسی ھاتە کرن و ھەمی ئامادەبویا بوچونێن خوە گوتن و لدوماھیێ بریار ھاتە دان ل روژا دوشەمبی رێکەفتی ٣٠/٤/٢٠١٨ ل ھوتێلا ریکسوس ئه‌ڤ کونفرانسە ل سەر سێ پانێلان بھێتە ئەنجام دان ئەوژی پانێلێن (یانێن وەرزشی ,ئێکەتیێن وەرزشی , وەرزشا پەروەردێ ) بھێتە ئەنجام دا کو تێدا دێ رەوشا وەرزشا پارێزگەھا دھۆک ھەر ژ دەستپێکێ و هه‌تا ئەڤ رەوشا نوکە تێدا دبوریت بهێته گەنگەشەکرن کو دێ بیتە ئێکەمین کونفرانس بڤی شێوه‌ی ل پارێزگەھا دھۆکێ بھێتە ئەنجام دان .
دھێتە زانین ئەڤ کونفرانسە ب چاڤدێریا پارێزگارێ دھۆکێ بەرێز فەرھاد ئه‌مین ئه‌تریشی و ب سپونسەریا کومپانیا KMS یا مارکتینک و وەبەرھێنانا وەرزشی دێ ھێتە ئەنجام دان
ب كوژمێ پتر ژ 62 ملیون دۆلاران بەرێ بنیاتی بۆ پیشه‌سازیا خزمه‌تكاریا ترۆمبێلان هاته دانان
ئەڤرۆ نیوز:
گرنگیدان ب پروژێن به‌رهه‌مئینانێ و كه‌رتێ تایبه‌ت،ئه‌ڤرۆ ئێڤاری 19-4-2018 ل ده‌ڤه‌را ئالوكا ل سنورێ قه‌زا سێمێلێ ل سه‌ر رێیا گشتی (دهوك موسل)ل ژێر چاڤدێریا فه‌رهاد ئه‌تروشی پارێزگه‌رێ دهوكێ و ب ئاماده‌بوونا د.نوری ئوسمان سه‌رۆكێ ده‌سته‌یا وه‌به‌رهێنانێ و دلشاد شه‌هاب راوێژكارێ سه‌رۆكێ جڤاتا وه‌زیران و چه‌ند به‌رپرسێن حزبی و ئیداری و سه‌رمایه‌دار و به‌رهه‌مهێنه‌ره‌ران رێورەسمێن دانا به‌رێ بنیاتی بۆ پرۆژێ كومه‌لگه‌ها خزمه‌تكرنا ترومبێلا ل دهوكێ هاتنه گێران.
ئه‌ندازیار دلۆڤان به‌ره‌كات رونكرن دانه سه‌ر گرنگیا ڤی پرۆژه‌ی وقوناغێن بجهئینانێ و گوت،پروژه 8 كم ژسه‌نته‌رێ دهوكێ دووره و دماوێ 4 سالان دا دێ ب دوماهی هێت و 1300 كه‌س وپیشه‌كار دێ مفای ژێ بینن، پروژه ل سه‌ر رووبه‌رێ 305 دونه‌ما دێ هێته ئاڤاكرن و هه‌موو خزمه‌تگوزاری وه‌كو ئاڤ و جاده و بنگه‌هێ ئاگرڤه‌مراندنێ و پولیس و ساخله‌میێ و مزگه‌فت و هوتێل و خارنگه‌ه و هوله‌كا وه‌رزشی و گه‌له‌ك خزمه‌تكاریێن دی دناڤدان هه‌نه و پیشكار دماوێ دوو سالان دا دێ هێنه ڤه‌گوهاستن بو جهێ نوو.
پاشی سه‌روكێ ده‌سته‌یا وه‌به‌رهێنانێ په‌یڤه‌ك خواند و تێدا خوشحالیا خو ب چێكرنا ڤی پروژه‌ی ل دهوكێ نیشان دا و ده‌ست خوشی ل هه‌موو لایه‌نان كر یێن پروژه ئاماده‌كری و پشته‌ڤانیا حوکمه‌تا كوردستانێ نیشان دا بۆ ئه‌نجامدانا ڤان پروژێن وه‌به‌رهێنانێ و ژ سه‌رمایەدار وبه‌رهه‌مهێنه‌ران خواست كو ئه‌و ڤان پروژان بجهبینن و خزمه‌تا كه‌رتێ تایبه‌ت بكه‌ن و سه‌ركه‌فتن بۆ خودانێن پروژه‌ی خواست.
لدووڤدا پارێزگه‌رێ دهوكێ د په‌یڤه‌كێدا پیروزباهیا خه‌لكێ دهوكێ كر و خوشحالیا خو دیاركر كو ئه‌ڤ پروژه كه‌ته دوارێ بجه ئینانێ دا و گوت ئارمانج ژڤی پروژه‌ی ئه‌و بوویه كو باژێرێ دهوكێ لتاخێ پیشه‌سازی پتر بهێته رێكخستن و ده‌لیڤێن كاری پتر بو خه‌لكی و پیشه‌كارا بهێنه دیتن هه‌روه‌سا دێ خزمه‌تكاریێن ترومبێلا و پیشه‌یێن دی بره‌نگه‌كێ باشتر ل ڤی جهی هێنه كرن و گوت ئه‌ڤ پروژه پروژه‌كێ گرنگ و پیروزه هاتیه ئه‌نجامدان و ده‌ست خوشی ل وان هه‌موو لایه‌نان كر یێن بووینه هاریكار هه‌تا پروژه كه‌تیه دقوناغا ئاڤاكرنێ دا .
هه‌روه‌سا دیاركر كو ل جهێ پیشه‌سازیا كه‌ڤن پاركه‌كێ گشتی دێ هێته ئاڤاكرن و روویێ باژێرێ دهوكێ دێ پتر هێنه نیشان دا و گوت سه‌روكێ حكومه‌تا كوردستانێ پشته‌ڤانیا خوە بۆ ئاڤاكرنا پاركی دیاركریه ل دوماهیێ داخاز ژ هه‌موو سه‌رمایەدار و به‌رهه‌مهێنه‌ران كر كو چاڤ ل خودانێن ڤی پرژه‌ی بكه‌ن و پروژێن تایبه‌ت بجه بینن بو خزمه‌تكرنا خه‌لكێ پارێزگه‌هێ و سه‌ركه‌فتن بو خودانێن پروژه‌ی خواست.
پاشی به‌رێ بنیاتی بۆ پروژه‌ی ب فه‌رمی هاته دانان و
هه‌ژی گوتنێ یه پروژه بكوژمێ (62) ملیون و (674) هزار دولاران ژلایێ كومپانیا شاهان یا كه‌رتێ تایبه‌ت دێ هێنه بجهئینان .
ب وێنه: پرۆژه‌یه‌كێ ستراتیجیێ ئاڤێ هاته ڤه‌كرن
ئه‌ڤرۆ نیوز ، نه‌وزاد هلۆرى:
ئه‌ڤرۆ ئێڤارى ب به‌رهه‌ڤبوونا وه‌زیرا شاره‌وانى و گه‌شتوگۆزار و پارێزگارێ هه‌ولێر و قایمقاما ره‌واندوز و ده‌سته‌یا گه‌شتوگۆزارا هه‌رێما كوردستانێ و رێڤه‌به‌رێ گشتیێ ئاڤ و سولینان ل هه‌ولێر ، پرۆژێ ستراتیجیێ ئاڤا بێخال – ره‌واندوز هاته‌ڤه‌كرن كو شیانێن دابینكرنا ئاڤێ بو هه‌موو قه‌زا ره‌واندوز هه‌یه.
پرۆژێ ستراتیجیێ ئاڤا بێخان راسته‌وخو ژلایێ حوكمه‌تا هه‌رێما كوردستانێ هاتیه درۆستكرن و كومپانیا باكوور ب هه‌ڤكارى ل گه‌ل رێكخراوا UNDP یا نیڤده‌وله‌تى ب ئه‌ركێ درۆستكردنێ رابوویه و 35 هزار وه‌لاتى دى َمفاى ژ پرۆژێ ناڤبرى وه‌رگرن و سێ ملیون دولار ب پرۆژه‌ى هاتینه مه‌زاختن.
ب وێنە: وه‌لاتیه‌ك دچیایى دا فرى و گیانێ خوه ژ ده‌ست دا
ئه‌ڤرۆ نیوز ، نه‌وزاد هلۆرى:
وه‌لاتیه‌كێ رۆژهه‌لاتێ كوردستانێ لسه‌ر سنوورێ دناڤبه‌را رۆژهه‌لاتێ كوردستانێ و هه‌رێما كوردستانێ ل نێزیك قه‌زا سوران دچیایى دا فرى و گیانێ خوه ژ ده‌ست دا.
دڤى واریدا” عیماد رێكانێ” به‌رپرسێ به‌ره‌ڤانیا باژێرى ل قه‌زا سوران بو ئه‌ڤرۆ نیوز گۆت: ( ئه‌ڤرۆ وه‌لاتیه‌كێ رۆژهه‌لاتێ كوردستانێ ب رێیا قاچاخ به‌ر ب هه‌رێما كوردستانێ ڤه دهات و پاشان ل سه‌ر سنوورێ دناڤبه‌را رۆژهه‌لاتێ كوردستانێ و هه‌رێما كوردستانێ د سنوورێ ناحیا حاجى ئومه‌ران ل قه‌زا سوران د چیایى دا دزڤریت و گیانێ خوه ژ ده‌ست دا).
زێده‌تر گۆت: (ناڤێ وى ” م.ر.ر” و ژیێ وى 55 سالن وته‌رمێ وى ژلایێ به‌ره‌ڤانیا باژێرى یا حاجى ئومه‌ران هاتیه دیتن و ره‌وانه‌كرن بو نه‌خوشخانا چومان ، پاشان ره‌وانه‌كرن بو نه‌خوشخانا داد ل سوران بو زانینا ئه‌گه‌را روودانێ).
پارتى ململانێ ل سه‌ر كورسيا نه‌هێ ل دهۆكێ دكه‌ت
ئه‌ڤرۆنيوز:
به‌ربه‌رسێ نڤيسينگه‌ها هه‌لبژارتنێن لقێ ئێك يێ پارتى راگه‌هاند، ليستا 184 يا پارتى ل دهۆكێ ململانێ ل سه‌ر كورسيا نه‌هێ دكه‌ت.
11 كورسى بۆ پارێزگه‌ها دهۆكێ دهه‌لبژارتنێن داهاتى يێن جڤاتا نوونه‌رێن عيراقێ هاتينه دياركرن وپارتى ل دهۆكێ دهه‌لبژارتنێن بۆرى دا 8 كورسى ب ده‌ستڤه‌ئينابوون.
خالد ئه‌حمه‌د، به‌ربرسێ نڤيسينگه‌ها هه‌لبژارتنێن لقێ ئێك گۆت” دده‌مێ چار سالێن بۆرى دا، بۆ هه‌موو خه‌لكێ كوردستانێ ده‌ركه‌فت كو ئاليێن سياسى يێن دى يێن كوردستانێ نيازا چ هه‌بوو بۆ وێ چه‌ندێ كوردستان ب ئاقاره‌كێ دى بچيت، به‌لێ پارتى درۆژێن ته‌نگدا روو ب روويێ هه‌موو هێرشه‌كێ بوو كو ل سه‌ر كوردستانێ هاتينه كرن وژبه‌رپرسياره‌تيێ ژى نه‌ره‌ڤى، له‌وما پشتى مه ئه‌و چار ساله ده‌ربازكرين، ره‌وشه‌كا گه‌له‌ك گونجايه بۆ خه‌لكێ خوه‌شتڤيێ كوردستانێ تاكو بريارێ ل سه‌ر هێز وئاليێن سياسى يێن كوردستانێ بده‌ن”.
ناڤبرى زێده‌تر بۆ مالپه‌رێ فه‌رميێ پارتى گۆت” جهێ شانازيێ يه بۆ كادر ولايه‌نگرێن پارتى ب سه‌ربلندى ڤه ل ناڤ خه‌لكى بن، چونكى پارتى دده‌مێ بۆرى دا، پێنگاڤ بۆ سه‌ربخوه‌يێ هاڤێت وبزاڤێن دوژمنان ژى بۆ داگيركرنا كوردستانێ ژناڤبرن وداعش وحه‌شد شكاندن”.
ل دۆر ليستێن نوو دهه‌لبژارتنان دا، گۆت” ئه‌و حزبێن نه‌ته‌بايێ ل سلێمانيێ دروست دكه‌ن نه‌شيان كێشێن ناڤخوه‌يى يێن حزبێن خوه چاره بكه‌ن يان ئيدارا سلێمانيێ ب شه‌فافانه ب رێڤه ببه‌ن وببنه جهێ باوه‌ريا خه‌لكى ل وى سنورى وخه‌لك تووشى دله‌راوكيێ كريه ژ ئه‌نجامێ وێ نه‌ته‌باييێ ونه‌شيان ل سلێمانيێ واقعه‌كێ باش پێشكێش بكه‌ن ول سه‌ر ئاستێ كوردستانێ ژى نه‌شێن ب درووشمێن خوه يێن بريقه‌دار بگه‌هنه ئارمانجێن خوه، دووپات دكه‌م ژى كو ره‌وشا كوردستانێ وه‌سا دخوازيت، بۆ ده‌ستخستنا پله وپۆستێن كه‌سى، وان ناگه‌هينيته چو ئارمانجه‌كێ ئه‌ڤه ژى ل 16 ئوكتۆبه‌رێ دا گه‌له‌ك ب رۆهنى دياربوو، له‌وما پێدڤيه دئێكرێز وته‌با بين بۆ وێ چه‌ندێ ده‌ستكه‌فتێن زێده‌تر بۆ گه‌لێ كوردستانێ ل به‌غدا ب ده‌ست بينين، ل ڤێره دياره كو ليستێن دى دنامۆ نه وب دووڤ ده‌ستكه‌فتێن كه‌سايه‌تى دچن وخه‌لكێ كوردستانێ ب گشتى دخوازيت پاشه‌رۆژا وى يا ديار بيت، له‌وما خه‌لك خوه دده‌ته ده‌سته‌كێ ئه‌مين تاكو موساوه‌مێ ل سه‌ر وان ومافێن وان نه‌كه‌ت، هه‌ر ل به‌ر ڤێ چه‌ندێ ل دهۆكێ په‌يامه‌كا وه‌سا ل ده‌ف نينه تاكو جهێ خوه ددلێ خه‌لكى دا يكه‌ن، چونكى نه ل ده‌مێن بۆرى ده‌ستكه‌فت هه‌بوون ونه بۆ پاشه‌رۆژێ ژى پرۆژه هه‌يه”.
گۆت ژى” پارتى دهه‌لبژارتنێن بۆرى دا هه‌شت كورسى هه‌بوو ل دهۆكێ، بۆ ڤێ جارێ ژى ب پشت راستى ڤه دێ ململانێ ل سه‌ر كورسيا نه‌هێ كه‌ين بۆ ليستا 184 يا پارتى ديموكراتى كوردستان”.
“پارتى ل سلێمانيێ دێ سێ كورسيان به‌ت”
ئه‌ڤرۆ نيوز:
بەرپرسێ مەکتەبا ھەلبژارتنا یێ پارتی دیموکراتی کوردستان ل سلێمانیێ راگەھاند، پارتی د ھەلبژارتنێن پەرلەمانێ عیراقێ دا ل سنۆرێ پارێزگەھا سلێمانیێ، چاڤەرێ یە ٣ کورسیێن پەرلەمانێ عیراقێ ب دەست خوڤە بینیت، کو ددەما چوار سالێن بۆری دا خودانا ٢ کورسیان بوو.
ڕزگار ئەژی گۆران بەرپرسێ نڤیسینگەھا ھەلبژارتنان یێ پارتی دیموکراتی کوردستان تایبەت بۆ رۆژناما ئەڤرۆ راگەھاند، پارتی دیموکراتی کوردستان ئەو حزبە یا ھەردەم ئەندام و لاینگرێن وێ وان ئەرکێن ل سەر ملێن وان بجە دئینن، لەورا ئەم دپشتراستین دەنگدەرێن پارتی دێ چنە سەر سندۆقێن دەنگدانێ و دنگی دێ دەنە لیستا ژمارە (١٨٤) لیستا پارتی و بەربژارێن پارتی.
ڕزگار ئەژی گۆت: پارتی ب پشراستی ڤە دێ پاراستنێ ل سەر دو کورسێن سالێن بۆری کەت، بەلێ نوکە کارێ مە وەک پارتی کورسیەکا دیتر زێدە بکەین ل سنۆری بازنێ پارێزگەھا سلێمانیێ، کو پارتی ب رێژەکا بەرچاڤ ئەندام و ئالیگرێن زێدەتر ھەنە، کوردستاینیان باوەری ب پارتی ھەیە کو ببیتە پارێزەرێ دەستکەفتێن مافێن وان ل بەغدا.
ناڤبری ھەروەسا دووپاتکر، دەنگێن لاینگر و ئەندامێن پارتی ل سلێمانیێ بۆ چو حزب و ئالیێن سیاسی یێن دیتر ناچن، بەلێ ب پشتراستی ڤە، دەنگێن حزبێن دیتر بۆ پارتی دێ ھێن چونکی پارتی باوەری ب وی خەلکی دایە.
بەپرسێ نڤیسینگەھا ھەلبژارتنان یێ پارتی ل سلێمانیێ، دبێژیت ئەم وەک پارتی ب رێیا رێکخراوێن لاوان و قوتابیان ھەرەدم ل گەل لاواندان بووینە، لەورا ب پشتراستی ڤە د ڤان چوار سالێن بۆری دا گەنجێن نوو پێگەھشتی یێن ئەڤ سالە پشکا شێری بەھرا مەیە، ھەرچەندە حزبێن دیتر ل پارێزگەھا سلێمانیێ ئەڤ چەندە لبەر چاڤ نەگرتیە و گەند و لاو لێ بێزار بووینە و پشکەکا دیتر ناچنە سەر سندۆڤێن دەنگدانێ ، بەلێ ب باوەریا مە بەرۆڤاژی وێ چەندێ ل گۆڕ ھەلویستی ریفراندۆما سەربخوەیا کوردستانێ دەنگێن خوە دێ ددەن ب تابەتی بۆ لیستا پارتی .
نيشاندان
WP Facebook Auto Publish Powered By : XYZScripts.com