ئه‌ڤرۆ نيوز، عه‌زيز هه‌ورامى:

پرۆژێ چاڤى لاند پرۆژه‌كێ گه‌شتيارى يه‌ و ژ لايێ شاسوار عه‌بدولواحد ڤه‌ هاتيه‌ ئاڤاكرن ب رێيا فرۆتنا پشكان، 10 هزار وه‌لاتى بووينه‌ خودان پشك د وى پرۆژه‌ى دا، به‌لێ ژبلى ناڤه‌ك و ژماره‌كێ چو داهاته‌كێ وه‌سان ب ده‌ست ناكه‌ڤيت، ژ به‌ر هندێ نوكه‌ خودان پشكان خوه‌نيشاندان ئه‌نجام داينه‌ و داخوازا مافێن خوه‌ دكه‌ن.

دانا محه‌مه‌د پارێزه‌ر و خودان پشك ل چاڤى لاند بۆ رۆژنامه‌ڤانان راگه‌هاند: شاسوار عه‌بدولواحد مافێ خودانپشكێن چاڤى لاند يێ خوارى و ئاماده‌ نينه‌ ئه‌و داهاتێ د پرۆژه‌ى دا ب ده‌ست دكه‌ڤيت بده‌ته‌ خودان پشكان، نوكه‌ ژ لايێ پۆليسان 70 سكالا ل سه‌ر هاتينه‌ تۆماركرن.

دانا محه‌مه‌د گۆتژى: “ژ لايێ شاسوار عه‌بدولواحد ل رێيا چه‌ند كه‌نالێن تايبه‌ت ب وى ڤه‌ گه‌ف لێ دهێته‌ كرن كو ده‌ستبه‌ردارى پشته‌ڤانيا خودان پشكێن چاڤى لاند ببيت، هه‌كه‌ نه‌ دێ ب خرابى بۆ ڤه‌گه‌ريت”.

ناڤبرى دبێژيت: “د ده‌مه‌كى دا 10 هزار پشكێن چاڤى لاند يێن وه‌لاتيانه‌ و پارێ كاش دايه‌، نزانن چاوان شاسوار ب تنێ بوويه‌ خودانێ 80% ژ پرۆژه‌ى و ئه‌و رێژا كێم يا دمينيت ژى گه‌له‌ك يا گۆماناوى يه‌ و ديار نامينيت”.

هه‌ر وه‌كو دانا محه‌مه‌د دا زانين خودانێ كۆمپانيا ناليا بۆ فێلكرنێ ل خودان پشكان و خوه‌ ڤه‌دزين د پێدانا مافان، باحس ل وێ دكه‌ت، هه‌موو پشكێن خوه‌ فرۆتينه‌ كۆمپانيا سه‌ما لوئلوئه‌ و گۆت: “ئه‌و كۆمپانيه‌كا وه‌همى يه‌ و چو بنكه‌ و جهـ نينن”.

ئه‌ڤرۆ نيوز:

ھەوا ھەلبژارتنێن عیراقێ ل رۆژا 15/5/ 2018 دێ دەستپێکەتن، ل گۆڕ سیستەمێ لنک کومسیۆنا بلندا ھەلبژارتنێن عیراقێ ھاتە دیار کرن، ھەموو فۆکس ل سەر پارێزگەھا سلێمانیێ نە کا ھەوا راگەھاندنا ھەڤڕکیا دژوارا دناڤبەرا قەوارێن سیاسی دا دێ چەوا بیت، بحوکمێ وێ چەندێ کو دو حزبێن نوو ھاتیە مەیدانا سیاسی کو دبیت کارتێکرنێ ل سەنگا ھەردو حزبێن سەرەکی گۆڕان و ئێکەتیێ بکەن.

ل دۆر ڤی بابەتی، حزبا ئێکەتی نشتیمانی کوردستان وێ چەندێ ناڤەشێریتن، کو ھەڤڕکیەکا توند و دژوارا سیاسی دێ ل سنۆری وان ھەبیت، بەلێ ئەو بەحسێ ئارامکرنا رەوشا وێ ھەوا ھەلبژارتنان دکەن.

سەعدی ئەحمەد پیرە پەیڤدارێ مەکتەبا سیاسی یا ئێکەتی نیشتیمانی کوردستانی تایبەت بۆ رۆژناما ئەڤرۆ راگەھاند، دێ کاری ل سەر وێ چەندێ کەین، کێمترین شکاندن و بریندارکرنا ئالیێن سیاسی تێدا ھەبیت، کو پەیڤێن زڤر نەھێنە ب کارئینان کو ئالیێ دیتر نەچار بکەت بەرسڤا وێ بتوندی بدەتن، چونکی ئاخفتن ئاخفتنێ رادکێشیت کو وی دەمی دێ تووشی کێشان بین، لەورا باشتر رێ ئەوە ھەوەکا شارستانی بکار بینین، بێ گۆمان کو ھەموو دێ شێن بڤی رەنگی پەیاما کارێ خوە گەھینن.

سەعدی ئەحمەد پیرە گۆت: د ھەلبژارتنێن ڤێ جارێ گەلەک سوپرایز تێدا ھەنە، چونکی ل کوردستانێ قەوارێن سیاسی یێن نوو ھاتینە مەیدانێ، شەرێ داعشێ و قەیرانا دارایی ھەموو ھەبوون، بەلێ ئەم نەشێین بێژین، دێ چەوا دەنگ بەلاڤبن، ئەڤە ھێشتا زوویە کا دەنگێن کیش ئالیێ سیاسی دێ بۆ کێ بن، بەلێ نەمانا دەنگان بتنێ ل سلێمانیێ نینە، ب پشت راستی ڤە ل ھەولێرێ و ل دھوک و کەکووک و موسلێ ژی دەنگێن ئالیێن سیاسی وەک خوە نامینن، پێشبینیا وێ ناکەم بەرھەم سالح و قەوراێ وی گەلەک دەنگان ب دەستخوە ڤە بینن، بەلێ ب حوکمێ ژیانا بەرھەم سالح یا سیاسی خەلکێ ئیسلامی ژ حزبێن دیتر چووینە دناڤا واندا و ل گۆڕ قەبارەکێ کێم خوە دبیت ھندەک دەنگان بینیت.

پارتی دیموکراتی کوردستان دوێ ھەڤڕکیا دژوار دا یا بێ بەھر نینە، پەیڤدارێ جڤاتا سەکرداتیا سیاسی ل سلێمانیێ و ھەلەبجە شێخ حەسەن گۆت: ل پارێزگەھا سلێمانیێ پارچەبوونەکا مەزن تێدا ھەیە، کو قبوول کرنا ئێک و دو پێکڤەژیان نەبوویە، یا ئەم دبینین ھەر حزبەکا سیاسی دڤێت یا دیتر نەھێلیت ە ژناڤ ببەت، وبێ رێزیا ئێک و دو دکەن، گۆتارەکا توند یا راگەھاندنێ بەرامبەر ئێک ھەیە، کو ئەڤە ھەموو بۆ مە دیار دببیت، چێدبیت کارێن توندوتیژری ب دووڤدا بھێن، کو ببیتە جھێ دلگرانیا ھەموو وەلاتیان، ل سەر سندوقێن دەنگدانێ، یا ردسوت ئەوە مە پێدڤی ب ھەوەکا ھەژی بۆ پەرلەمانێ عیراقێ ھەبیت، ھەژی برێڤەبرنا وەلاتیان بیت، ب رەنگەکی وەلاتی بشێوەکێ دروست بھێنە ئاگەھدار کرن پشکداری ھەلبژارتنان بن بۆ ھندێ سەنگا کوردان ل پەرلەمانێ عیراقێ وەکی خوە بمینیت، بییتە گڤاشتن ل سەر حوکمەتا عیراقێ بۆ داخوزێن ڕەوایێن مللەتێ مە.

شێخ حەسەنی ھەروەسا گۆت: ئەم وەکی پارتی دبێژین ھەوا راگەھاندنا ھەلبژارتنان دڤێت ب ئێمناھی و ئارامی بیت دوور ژ توند تیژیێ، پێنگاڤێن مە ل گۆڕ قەبوولکرنا رایا وەلاتیان بیت، چونکی پارتی سەرکێشیا پرسا نەتەوەیا نشتیمانیا دکەت، ب دیتنا مە کو بەری نوکە پارتی د ھەلبژاترنێن بەری نوکە دا 12% دەنگێن سنورێ پارێزگەھا سلێمانیێ ھەبوون، ھەکە ل گۆڕ دەنگێن بەلێ یا ریفراندۆما سەربخوەیا کوردستانێ بیت، ئەڤە پارتی دەنگێن ل سلێمانیێ گەلەک دێ زێدەتر بن، کو ئەو پارتی بوویە پێشڕەویا پرۆژێ ریفراندۆما سەربخوەیا کوردستانێ کری،کو مللەتێ کوردستانێ پێشوازیەکا مەزن لێکریە، ئەو حزبێن دیتر ژ سەنگا خوە دترسن کو دەنگ و بەلێ یا وان یا جودابوو.

ئەندامێ جڤاتا گشتی یا ھەڤپەیمانیا بۆ دیموکراسی و دادپەروەریێ د. مۆمن زەلمی، بۆ رۆژناما ئەڤرۆ راگەھاند، ڤێ ھەبلژارتنا ل رۆژا 15/ 5 گرنگیا تایبەتا خوە بۆ مللەتێ کوردستانێ ھەیە، کو پشتی روودانێن 16 ئۆکتۆبەرێ پێگەھێ کوردان ل بەغدا لاواز بوویە، لەورا پێدڤیە چارەسەریەکا دیتر کوردان ل گەل بەغدا ھەبیت، کو ھێزا پێگەھێ خوە ل بەغدا ڤەگەرینیت، لەورا پێدڤیە خەلکێ سلێمانیێ ب گەرم و گۆڕی قەستا سندوقێن دەنگدانێ بکەن.

سەبارەت گوھۆڕینا قەواری سیاسی ل سلێمانیێ، د.مۆمن زەلمی گۆت: بەلێ ل سلێمانیێ د ھەلبژارتنێن عیراقێ دا گۆھڕینێن مەزن دێ سەنگا دەنگێن حزبان دا ھەبیت، کو نوکە دو حزبێن سیاسی یێن نوو ھاتینە دناڤا ململانێیا ھەلبژارتنان دا، بەلێ ھەر ل دووماھیێ ژی وەلاتی ل سەر سندۆڤێن دەنگدانێ دێ وێ بڕیارێ دەن.

ناڤبری ھەروەسا دیارکر، دڤێت کورد ل بەغدا وێ بڕیارا کارکرنا پێکڤە بدەن، چونکی ب ئێک حزب و ب ئێک لیست بەغدا نەشێت چو تشتەکێ ھەمبەری کوردان بکەت، دڤێت دناڤبەرا بەغدا و ھەرێما کوردستانێ دا ھەماھەنگی ھەبیت، پێکڤە گوھۆڕینان ئەنجام بدەن.

ئه‌ڤرۆ نيوز: عه‌زيز هه‌ورامى:

زه‌رده‌شت توفيق به‌گ راوێژكارێ حزبا كوماريێن ئه‌مريكا راگه‌هاند، د 48 ده‌مژمێرێن بهێت دا، ئه‌مريكا دێ گورزه‌كێ سه‌ربازى ل رژێما ئه‌سه‌د وه‌شينيت و گۆت: پشتى كو حوكمه‌تا سوريا چه‌كێ كيمياوى ل باژێرێ دوما ب كارئيناى دژى گه‌لێ خوه‌، ئه‌مريكا يا دانوستاندنا وه‌شاندنا گورزێن سه‌ربازى دكه‌ت ل هه‌موو وان فرۆكخانێن كو فرۆكێن سوورى لێ رادبن.