ئه‌ڤرۆنيوز:
سه‌رۆكێ ئێكه‌تيا مامۆستايێن كوردستانێ ره‌تكر چو مامۆستايه‌ك ل سه‌ر خوه‌پيشاندانان وبايكۆتا خواندنێ هاتبنه سزادان ودبێژيت، هنده‌ك ده‌زگه‌هێن راگه‌هاندنێ وان جۆره ده‌نگوباسان بۆ مه‌ره‌مێن سياسى به‌لاڤ دكه‌ن بۆ ئالۆزكرنا ره‌وشێ.
هنده‌ك ده‌زگه‌هێن راگه‌هاندنێ، پشتى نه‌شياين كاره‌كى بكه‌ن كو خوه‌پيشاندان وبايكۆتا خواندنێ به‌رده‌وام بيت، ب تايبه‌ت كو حوكمه‌تێ به‌رسڤا داخوازيێن مامۆستايان دا ودووماهى ب بايكۆتكرنێ هات، چه‌ند رۆژه‌كه ده‌نگويێن وه‌سا دهێنه به‌لاڤكرن كو ل ده‌ڤه‌رێن جودا جودا يێن هه‌رێما كوردستانێ، ب تايبه‌تى ل هه‌ولێرێ ودهۆكێ چه‌ندين مامۆستا ژبه‌ر خوه‌پيشاندانان وبايكۆتێ يێن هاتينه سزادان.
ل دۆر وێ چه‌ندێ، ئه‌حمه‌د گه‌رميانى، سه‌رۆكێ ئێكه‌تيا مامۆستايێن كوردستانێ راگه‌هاند” نێزيكى 600 مامۆستا پشكدارى دخوه‌پيشاندانان دا ل جهێن جودا جودا كريه وچو مامۆستايه‌ك ژى نه‌هاتيه سزادان وچو برياره‌ك ژى بۆ سزادانا مامۆستايان نينه”.
سه‌رۆكێ ئێكه‌تيا مامۆستايێن كوردستانێ زێده‌تر بۆ مالپه‌رێ فه‌رميێ پارتى ديموكراتى كوردستان گۆت” دبيت ل هنده‌ك جهان ل قوتابخانه‌كێ مامۆستايه‌ك سه‌رپێچيێ بكه‌ت، پێرابوونێن كارگێرى به‌رامبه‌ر بهێنه بكارئينان، ئه‌ڤ چه‌نده به‌رى نوكه ژى هه‌ر هه‌بوو، به‌لێ بۆ نموونه ئه‌وێن ل هه‌ولێرێ هاتينه سزادان، ل وێ رۆژێ هه‌ر خوه‌پيشاندان نه‌بوو، ئه‌وا ل دهۆكێ ژى ب هه‌مان شێوه بوو”.
ب ديتنا ئه‌حمه‌د گه‌رميانى، هنده‌ك ده‌زگه‌هێن راگه‌هاندنێ دخوازن كێشان ئالۆز بكه‌ن وبۆ مه‌ره‌مێن خوه يێن سياسى وان ده‌گوباسان به‌لاڤ بكه‌ن ودبێژيت”هه‌ر مامۆستايه‌كى كێشه‌ك هه‌بيت، بلا په‌يوه‌نديێ ب مه بكه‌ت ودێ كێشێن وى چاره‌سه‌ركه‌ين، چو كێشه‌ك ژى ب رێيا ده‌زگه‌هێن راگه‌هاندنێ وب وى شێوه‌ى چاره‌سه‌ر نابيت، به‌لكو دێ ئالۆزتر بيت، چونكى مه‌ره‌ما وان سياسى يه، كێشان دێ به‌نه كه‌نالێن راگه‌هاندنێ وئه‌ڤه بۆ چاره‌سه‌ريێ نينه، دووپات ژى دكه‌ين كو چو برياره‌ك بۆ سزادانا مامۆستايان نينه”.
نيشاندان