ئه‌ڤرۆنيوز:
ريڤه‌به‌ريا هاتنوچوونا دهۆكێ ئاشكراكر كو كاميره‌كا رێڤه‌به‌ريا وان يا چاڤدێريا له‌زاتيا ترومبێلان ل ده‌ڤه‌را گرشينێ هاتيه شكاندن.
رێڤه‌به‌ريا هاتنوچوونا دهۆكێ ئه‌ڤرۆ چارشه‌مبى 28/3/2018 ل به‌رپه‌رێ خوه ل فه‌يسبووكێ به‌لاڤكر” ئه‌ڤرۆكاميره‌كا جهگير يا چاڤدێريا له‌زاتيا ترومبێلان ل سه‌ر جادا سه‌ره‌كى يا زاخۆ – دهۆك ل نێزيكى دووريانا گرشينێ، ژئاليێ هنده‌ك كه‌سان ڤه هاتيه شكاندن”.
ئه‌ڤرۆ نيوز:
وه‌زيرێ دارايى به‌رى چه‌نده‌كێ، سيسته‌مێ نوو يێ پاشكه‌فتا مووچه‌ى راگه‌هاند و دياركر ، كه‌سێن مووچێن وان ژ 100 هه‌تا 400 هزار دينار ب چ ره‌نگێ پاشكه‌فت ژێ ناگريت و گۆت: ئه‌وا هاتينه ده‌ستكاريكرن، ئه‌گه‌ر فه‌رمانبه‌ره‌كێ مووچێ وى 840 هزار بيت، به‌رى نوكه 50% ژێ دهاته پاشكه‌فتكرن، نوكه بۆ 18% پاشكه‌فت هاته كێمكرن، ئانكو هه‌يڤانه دێ 688 هزار ديناران وه‌رگريت، ئه‌گه‌ر فه‌رمانبه‌ره‌كێ مووچێ وى مليونه‌ك بۆ ميليونه‌ك و نيڤێ بيت، به‌رى نوكه 60% ژ دهاته پاشكه‌فتكرن، نوكه بوويه 23% ئانكو هه‌يڤانه دێ 503 هزار بۆ مووچێ وى زێده بن.
ئه‌ڤرۆنيوز:
نێچیرڤان بارزانی، سەرۆک وەزیرێن هەرێما کوردستان ئه‌ڤرۆ چارشه‌مبى 28/3/2018 دكۆنگره‌كێ رۆژنامه‌ڤانى دا ل هه‌ولێرێ راگه‌هاند، برياره‌كا باش مه يا داى دبه‌رژه‌وه‌نديا مووچه‌خۆرێن هه‌رێما كوردستانێ ومه گوهۆرينێن مه‌زن دمووچه‌ى دا يێن كرين ود ده‌مه‌كێ نێزيك دا دێ دووماهيێ ب سيسته‌مێ پاشكه‌فتكرنا مووچه‌ى ئينين.
ل دۆر داخوازيێن خوه‌پيشانده‌ران، نێچيرڤان بارزانى گۆت” پێدڤيه مووچه‌خۆر ل حوكمه‌تێ تێبگه‌هن، مه‌عقول نينه حوكمه‌تێ پاره هه‌بيت ونه‌ده‌ته خه‌لكى، مه كێشه هه‌بوو شيان نه‌بوون مووچێ تمام به‌لاڤ بكه‌ين، به‌لێ حزب يێ ئيستيغلالا خوه‌پيشاندانان دكه‌ن وسه‌رێ خه‌لكى ب هژمار وئامارێن شاش يێ تێكداى”.
سه‌باره‌ت وێ چه‌ندێ ئايا دێ هه‌موو هه‌يڤان مووچه هێته به‌لاڤكرن، نێچيرڤان بارزانى گۆت” ل دووڤ وێ بريارا مه ده‌ركرى، دپشت راستين كو دشێين مووچه‌ى دابين بكه‌ين، ژنوكه وپێڤه كه‌سوكارێن شه‌هيدان وزيندانيێن سياسى وخانه‌نشين هه‌يڤانه دێ مووچه‌ى وه‌رگرن، هه‌روه‌سا هه‌ر مووچه‌يه‌كێ دبن 400 هزار ديناران دابيت، پاشكه‌فت ژێ ناگريت، كۆژمێ پاشكه‌فتكرنێ ژى ژ 30% زێده‌تر نابيت”.
گۆت ژى” هه‌رده‌مه‌كێ داهاتێ مه به‌ر ب باشى بچيت، دێ بزاڤا مه يا ئێكێ دانا قه‌رێن فه‌رمانبه‌ران بيت”.
ئەڤرۆ نیوز ، زنار تۆڤی :
یانا ریال مەدرید یا ئیسپانی خوە ئێكلایی كریە دەربارەی گۆلپارێزێ خوە ل وەرزێ داهاتی دا و گۆلپاریزەکێ نوو ل جهێ كایلۆر ناڤاسێ گۆڵپارێز یێ كۆستاریكی دیارکریە.
رۆژناما (ماركا) یا ئیسپانی ئاشكراكریە:کو یانا ریال مەدرید گرێبەستەک ل گەل ئەلیسۆن گۆڵپارێزی هەلبژارتیێ بەرازیل و یانا رۆما یا ئیتالی كریە و ئەڤە سەرەكیترین كارێن ریالێ یە ل وەرزێ بهێت دا.
وێ رۆژنامێ هۆكارێ دیاركرنا ئەلیسۆنی ژلایێ بەرپرسێن یانا ریال مەدرید بۆ ئاستبەرزی و كێمیا بوهایێ وی ڤەگەراندیە ب بەراورد ل گەل دێڤید دی خیایێ گۆلپارێزێ مانچستەر یونایتد و تیبۆ كۆرتوایێ گۆلپارێزێ یانا چێلسی.
هەروەسا بوهایێ ئەلیسۆنی ل سەر یانا ریال مەدرید ل ماوێ ڤەگوهاستنێن هاڤینا داهاتیدا دێ دناڤبەرا 50 بۆ 60 ملیۆن یۆرۆیا بیت،د بەرامبەر دا هەردو یانێن ئینگلیزی بۆ دەستبەرداربوون ژ گۆلپارێزێن خوە ب بەلایەنێ كێم ڤە داخوازا 100 ملیۆن یۆرۆ دكەن.
ئەلیسۆن دڤی وەرزیدا بوویە گۆلپارێزێ سەرەكی یێ یانا رۆما پشتی چوونا چیزینی گۆلپارێزێ پۆلەندی بۆ یانا یۆڤێنتۆس.
ئه‌ڤرۆ نيوز:
به‌رپرسێ حه‌شدا ئێزديان ل شنگال ئاشكه‌را كر كو فه‌رماندێن سۆپايێ عيراقێ ل شنگال ل گه‌ل به‌رپرسێن په‌كه‌كێ كۆمبوون و په‌كه‌كێ دوسيا ئه‌منى ل شنگال راده‌ستى عيراقێ كر.
قاسم شڤان، به‌رپرسێ حه‌شدا ئێزدى ل شنگال بۆ كوردستان 24 راگه‌هاند كو فه‌رماندێن سۆپايێ عيراقێ ل شنگال ل گه‌ل فه‌رماندێن په‌كه‌كێ كۆم بووينه و په‌كه‌كێ بڕيار دايه دوسيا هه‌موو سنورێن شنگال راده‌ستى سۆپايێ عيراقێ و يه‌په‌شه و حه‌شدا ئێزدى و حه‌شدا شه‌عبى بكه‌ت.
ئه‌ڤرۆ نيوز:
خوه‌نيشاندانێن نه‌رازيبوونا مامۆستا و فه‌رمانبه‌ران ل دهۆك و هه‌ولێر و سلێمانيێ د به‌رده‌وامن.
خوه‌نيشانده‌ر داخوازا لادانا سيسته‌مێ پاشكه‌فتێ مووچه و پێدانا مووچان د ده‌مێ خوه دا دكه‌ن، به‌رى نوكه ژى چه‌ندين جاران وه‌لاتيان ل ده‌ڤه‌رێن جودا يێن هه‌رێما كوردستانێ چووينه سه‌ر جادا بۆ داخوازكرنا مافێن خوه، به‌لێ حوكمه‌تێ به‌رسڤا داخوازيێن وان نه‌دايه.
ئەڤرو نیوز، نەوزاد ھلوری:
ب مەرەما نەھێلانا پاشەکەفتێ موچەی و دابەشکرنا موچەیان د دەما خوە دا ، ئەڤرو بو روژا سێ یێ ، خونیشاندانێن ماموستا و موچەخوران ب پشکداریا قوتابی و موختارێن شێلادزێ ، ل سەنتەرێ ناحیا شێلادزێ بەردەوامی ھەیە.
د خونیشاندانێ دا ، ماموستا و موچەخوران ب چەند دروشم و گوتاران خواست کو حوکمەت و لایەنێن شولەژێ ب زوترین دەم بەرسڤا وان بھێتەدان ، بەروڤاژی دێ لسەر خونیشاندانێن خوە بەردەوام بن.
ئەڤرۆ:
جڤاتا وەزیران ئەڤرۆ دێ بڕیارا دووماھیێ ل دۆر کێمکرنا پاشکەفتێ مووچەی دەت، پەیڤدارێ حوکمەتا ھەرێما کوردستانێ ژی راگەھاند، ھەر بریارەک ل دۆر پاشکەفتا مووچەی بھێتە دان، ب پشتراستی ڤە دێ د بەرژەوەندیا مووچەخۆران دا بیت.
پشتی ھندەک دەزگەھێن راگەھاندنێ بەحسێ وێ چەندێ کری کو مووچێن فەرمانبەرێن مەدەنی دێ ب رێژا 15% ھەتا 18% ھێنە پاشکەفتکرن وکارمەندێن لەشکری ب برێژا 18% ھەتا 20% ھێنە پاشکەفتکرن، سەفین دزەیی پەیڤدارێ حوکمەتا ھەرێما کوردستانێ ل دۆر وێ چەندێ گۆت” ئەڤرۆ کۆمبوونا جڤاتا وەزیران دێ ھێتە ئەنجامدان و دووماھی بریار دێ ھێتە دان”.
دزەیی دیارکر” چەندین ھزر و پرۆژە ل دۆر پاشکەفتی ھاتینە بەحسکرن، پێشنیارەکا باش یا ھەی کو دێ د بەرژەوەندیا مووچەخەران دابیت، ھەروەسا دێ ل سەر بنەمایێ وی داھاتی بیت کو ل بەر دەستێ وەزارەتا دارایی دا ھەی”.
ئەڤرۆ نیوز ، زنار تۆڤی :
رێكخەرێ بەرێ یێ پەیوەندیێن پێشمەرگەی و حەشدا شەعبی ل كەركووكێ دبێژیت،هێزێن هەڤپەیمانان ناڤەندگیریێ دناڤبەرا هێزێن پێشمەرگەی و هێزێن عێراقێ دكەن،ب مەرەما ڤەگەریانا پـێشمەرگەی بۆ ناوچێن كێشە لسەر و برێڤەبرنا وان ناوچەیان ب هەڤبەشی، بەلێ هێشتا چو رێككەفت دڤی باریدا نەهاتیە ئەنجامدان.
نازم كەهیە،بۆ دەنگێ ئەمریكا راگەهاندیە،کو نوونەری پێشمەرگەی و هێزێن هەڤپەیمانان ل كەركووكێ د چەند رۆژێن بوریدا كۆمبووینە، ئارمانج ژ وێ كۆمبوونێ ڤەگەریانا پێشمەرگەیە بۆ كەركووكێ و خورماتوو و خانەقین.
زێدەتر گوتیە، هێزێن عێراقی رازی بووینە کو ل گەل پێشمەرگەی و هێزێن كوردی دا،کو وان زالگەهێن هەڤبەش هەبن، بەلێ پێشمەرگەی داخوازا دەسەلات و ڤەگەریانێ بۆ هەموو یان كریە.
هەروەسا پێشتر موزاحم ئەحمەد حوێت پەیڤداری هۆزێن عەرەبی یێن دەڤەرێن كێش ل سەر گوتیە،کو وان داخواز ژ هەڤپەیمانان كریە بۆ ڤەگەراندنا هێزێن پێشمەرگەی بۆ وان دەڤەران بۆ پاراستنا وان كو پێشتر رۆلەکێ مەزن هەبوویە،هەروەسا گوتیە، ل ڤان نێزیکان شاندەکێ بلند یێ ئەمریكا دێ سەرەدانا عێراقێ کەت بۆ دانوستاندن ل سەر ڤێ پرسێ و بەحسکرنا ڤەگەریانا پێشمەرگەی بۆ دەڤەرێن كێشە ل سەر.
حەیدەر عەبادی سەرۆك وەزیرێن عێراقێ راگەهاندیه، سیستەمێ تەناهیێ ل عێراقێ ئێك پارچەیە و لدووڤ دستوورێ عێراقێ هێزێن پێشمەرگەی پشکەکن ژ وی سیستەمی، هەروەسا ئەم پالپشتیێ ل هەر هەماهەنگیەکێ دكەین بۆ سەپاندنا ئاسایشێ ل دەڤەرێن كێشە ل سەر ل گەل هەرێما کوردستانێ.
پشتی 16 ئۆكتۆبەرێ هێزێن ئێمناهیا عێراقێ و حەشدا شەعبی ب هاریکاریا بالەکێ ئێکەتیێ دەست ب سەر دەڤەرێن كێشە ل سەر یێن دناڤبەرا هەولێر و بەغدا دا گرت.
ئەڤرۆ نیوز ، زنار تۆڤی :
سوبەهی 28 ئادارا 2018 وەسا بریار ل سەر سیستەمێ نوو یێ پاشەكەفتا مووچەی بهێته دان و ئەو بریار دێ د بەرژەوەندیا فەرمانبەران دابیت و رێژەیا پاشەكەفتا مووچەی دێ هێته كێم کرن.
ژێدەرەکێ دایە دیارکرن ئەڤرۆ كۆمبوونا لیژنەیەكا تایبەت یا دارایی ل جڤاتا وەزیران كو ژ هژمارەکا وەزیر پێكهاتبوون برێڤە چوویە،لەورا سوبەهی كۆمبوونا جڤاتا وەزیران دێ هێتە ئەنجامدان و دێ بریار ل سەر پاشەكەفتا مووچەی هێته دان.
دیسا گوتیە بریار ئەوە لدووڤ وی داهاتێ ل بەر دەستێ حوکمەتا هەرێمێ گوژمەک ژ پاشەكەفتا مووچەی ل سەر فەرمانبەران دێ هێته کێم کرن.
نيشاندان