ئه‌ڤرۆنيوز:

وه‌زاره‌تا په‌روه‌ردێ ل هه‌رێما كوردستانێ ئه‌ڤرۆ سێشه‌مبى 27/3/2018، ل دۆر به‌لگه‌يه‌كێ سه‌خته‌ كو ل دۆر پرۆسا خواندنێ وده‌واما ماۆستايان هاتيه‌ دروستكرن، رۆهنكرنه‌كێ به‌لاڤ دكه‌ت.

دوێ رۆهنكرنێ دا كو ل مالپه‌رێ فه‌رميێ وه‌زاره‌تا په‌روه‌ردێ په‌لاڤبووى، هاتيه‌” هه‌ر نڤيساره‌ك وبرياره‌كا فه‌رمى يا وه‌زاره‌تا په‌روه‌ردێ كو په‌يوه‌ندى ب چاره‌نڤيسێ خواندنێ وقوتابيان ڤه‌ هه‌بيت ل هه‌رێما كوردستانێ،دێ ل ڤى مالپه‌رێ فه‌رمى يێ وه‌زاره‌تا په‌روه‌ردێ هێته‌ به‌لاڤكرن، به‌لێ مخابن هنده‌ك كه‌س ب مه‌ره‌ما دروستكرنا ئاژاوه‌گيريێ دناڤ قوتابخانا مامۆستايان دا، سه‌خته‌كاريێ دكه‌ن”.

وه‌زاره‌تا په‌روه‌ردێ به‌لگه‌يه‌كى ل دۆر وان سه‌خته‌كاريان به‌لاڤ دكه‌ت وئاماژه‌ دده‌ت ” هه‌موو ئاليه‌كى ئاگه‌هدار دكه‌ين كو ده‌وام يا فه‌مى يه‌ وئه‌و ده‌مێ ژ سالا خواندنێ ماى دێ مامۆستايێن خوراكر ب سه‌ركه‌فتيانه‌ تمام كه‌ن وشانازيه‌ بۆ ڤێ ته‌خێ كو بمينيت وه‌كو خه‌مخۆرا جڤاكى”.

ئه‌ڤرۆنيوز:

رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ وه‌لاتيێن هه‌رێما كوردستانێ ل دۆر ره‌وشا سه‌قاى ل رۆژێن بهێت ئاگه‌هداردكه‌ت.

ئه‌ڤرۆ سێشه‌مبى 27/3/2018، ريڤه‌به‌ريا گشتى يا كه‌شناسيێ وبيڤه‌له‌رزان ل هه‌رێمێ دبه‌رپه‌رێ خوه‌ دا ل سه‌ر تۆرا فه‌يسبووكى به‌لاڤكر” رۆژا پێنجشه‌مبى 29/3/2018، هه‌رێما كوردستانێ دێ كه‌ڤيته‌ دبن كاريگه‌ريا نزمه‌ پاله‌په‌ستويا ده‌ريا سوور ودوورگه‌يا عه‌ره‌بى، ل ده‌مێن سپێدێ دێ ئه‌سمانێ ساهى وهنده‌ك عه‌ور بيت وپاشى دێ بيته‌ نيمچه‌ عه‌ور وئه‌ورێ تمام ل گه‌ل زێده‌بوونا له‌زيا بله‌زبوونا باى وبلندبوونا توزه‌كا كێم”.

كه‌شناسيێ دياركريه‌ ژى” ل رۆژا ئه‌ينيێ 30/3/2018 كاريگه‌ريا نزمه‌ پاله‌په‌ستويا ده‌ريا سوور دێ زێده‌تر بيت ودێ ئه‌سمان عه‌ورێ تمام بيت ودێ رێژا باران بارينێ ل ده‌ڤه‌رێن چيايى زێده‌تر بيت ول هنده‌ك ده‌ڤه‌ران ژى دێ كاريگه‌ريا  توزبارينێ زێده‌تر بيت ول گه‌ل بارانێ تێكهه‌ل بيت وپلا گه‌رماتيێ ژى دێ نزام بيت”.

ئاماژه‌ دا كو ل رۆژا شه‌مبيێ 31/3/2018 كاريگه‌ريا ڤێ نه‌ساقامگيريا سه‌قاى دێ ب دووماهى هێت.

ئه‌ڤرۆ نيوز:

رۆژناما ئەلحیات یا لەندەنی، دراپۆرتەکا تایبەت دا ئاماژە دایە وان گوھۆرینێن ئیداری یێن ‏ئەمریکی و ل گۆر پێزانینێن د ناڤا وێ راپۆرتێ دا ھاتی، دامەزراندنا بەررپسێن نوو ژ ئالیێ ‏سەرۆکێ ئەمریکا دونالد ترامپی ڤە، رەنگڤەدانەکا مەزن ل بەغدا و ناڤەندێن سیاسی ‏پەیداکریە و ھەموو مژولی قوناغێن داھاتی کرینە.‏

راپۆرتا رۆژناما ئەلحیات پێشبینیا وێ چەندە دکەت، کو گوھۆڕینَن کاریگەر ل سەر رەوشا ‏عیراقێ بھێنە کرن، ب تایبەتی پەیوەندیێن ئەمریکا ل گەل حوکمەتا نوکە یا عیراقێ.‏

ل پێنچشەمبیا بۆری سەرۆکێ ئەمریکی راگەھاند، ھێربرت مکماستەر شیرەتکاری ئاسایشا ‏نەتەوی ل سەر پۆستێ وی ھاتە لادان و لجھێ وی بالێوزێ ئەمریکی ل نەتەوەێن ئێکگری ‏جۆن بولتن ھاتە دامەزراندن، کو ب ھەلویسێن توندَ ھەمبەری وەلاتێ ئیرانێ یێ بەرنیاسە، ‏ئەو گوھۆرین پشتی چەندا رۆژێن کێم ھاتن، کو وەزیرێ دەرڤە رێکس تایلرسۆن ل سەر پۆستێ ‏وی ھاتە لادان و لجھێ وی مایک پۆمپیو رێڤەبەرێ ئاژانسا ھەوالگیری یا ناڤەندیا ئەمریکا ‏ھاتە دانان.‏

رۆژناما ئەلحیات ھەروەسا دیارکر، ئەو ئالیێن سیاسی یێن نێزیکی وەلاتێ ئیرانێ ژ وان ‏گوھۆرینان دلگران بووینە، و تووشی دودلیێ بووینە، ب تایبەتی ددەمەکی دا دەنگۆباسێ ‏توندبوونا ھەلویستێ ئەمریکا بەرامبەری پرۆگرامێ ئەتۆمیێ تەھرانێ گەرم بوویە.‏

بەلێ ھندەک ئالی ژی ب بەرۆڤاژی سیاسەتا ئیرانێ ھەمبەری عیراقێ دنێڕن ب تایبەتی ل ‏پورَسا پێکئینانا حکومەتا بھێت.‏

ب دیتنا وان ناڤەندان ئیرانێ ھەولیستێن ئیرانێ کێمترین ئالۆزی دێ تێدا ھەبن، و ب شێوەکێ ‏دیتر دێ کارتێکرنا خوە ل سەر حوکمەتا عیراقێ سەپینیت.‏

ل گۆر راپورتا لەندەنی، پشکەکا ناڤەندێن ئیرانی بڕیارا وان ئەوە، کو ھەڤپەیمانەک ‏ھەبیت ناڤبەینکارێ دانوستاندنێن دناڤبەرا ئیرانێ و واشنتۆنێ بکەت، ئەو دبیت حەیدەر ‏عەبادی بڤی کاری رابیت، سەرۆک وەزیرێن عیراقێ یێ نووکە کو باتشرین برژاردەیە، داکو ڤی ‏بابەتی ب ستویێ خوەڤە بگریت. ‏

دڤی بیاڤی دا ئەو ئالیێن توندڕەو یێن نیکی عەلی خامەنائی و لەشکرێ پاسدارێن ئیرانی ‏نێزیک، وانا دڤێت کنترۆلا حوکمەتا عیراقێ یا بھێت بکەن، ئەو ژی ب رێیا کەسەکێ وەکی ‏ھادی عامری و نوری مالکی، ب ڤێ ئەگەری بازنا ململانێ ل گەل ئەمریکا بەفرەھتر بکەن و ‏عیراقێ بکەنە مەیدانا ململانێ و ھەڤڕکیا ل گەل ئەمریکا.‏

کەسەکێ نێزیکی سەرۆک وەزیرێن عیراقێ حەیدەر عەبادی بۆ رۆژناما ناڤبری ئاشکراکر، ‏دبیت عەبادی بۆ قۆناغا بھێت بەبژارێ ئەمریکا و ئیرانێ و عەرەبان ژی بیت، بەلێ دلگرانیا ‏ڤی بابەتی ئەوە، کو ئەمریکا داخوازێ ژ سەرۆک وەزیرێن بھێتە بکەت ھەولیستێ خوە ‏ھەمبەری ھەبوونا ئیرانێ ل عیراقێ ئێکلا بکەت، ئەڤەژی بۆ عەبادی گەلەک یا ب حمەتە ‏چونکی ب زەلامێ راگرتنا ھەڤسەنگیێ ھاتیە نیاسین. ‏

رۆژناما ئەلحیات ھەروەسا ئاماژە دایە، پارتی دیموکراتی کوردستان کو ب دامەزراندنا (جۆن ‏بۆلتن) خوشحال بوویە، چونکی ب پشتەڤانێ حوکمەتا ھەرێما کوردستانێ بەرنیاسە، ب دیتنا ‏رۆژنامەا ئەلحەیات، دامەزراندنا بۆلتن، دێ ھەڤکێشا سیاسەتا حەیدەر عەبادی پشتی ‏ئەنجامدانا ریفراندۆما سەربخوەیا کوردستانێ یێن ل سەر کوردان ھاتینە سەپاندن دێ ھێنە ‏گوھۆرین. ‏

ئەسیل نوجێفی کو پارێزگەرێ بەرێ یێ نەینەوا بو دبێژیت، پێشبینیێ دکەم عیراق ببیتە ‏مەیدانا ململانێ یا خویناوی د ناڤبەرا ئیران و ئەمریکا دا.‏

ب دیتنا پێشبینیا چاڤدێران یێن رۆنژناما لەندەنی بەرچاڤکرین، 10 ھەتا 40 کورسیێن ب ‏ھێزێن بچووک پشتی ھەلبژارتنێن بھێت یێن عیراقێ کو بڕیارە ل رێککەفتی 12/ 5/ ‏‏2018 بھێنە ئەنجامدان، دێ بنە پارسەنگا ئێکلا کرنا فڕاکسیۆنا پرَانیێ و کومکرنا د ‏ناڤبەر وان ھێزان دا دێ دەمەکێ دێژ ڤەکێشیت، دڤێ چارچۆڤەی دا دەرگەھێ دانوستاندنێ ‏دناڤبەرا ئەمریکا و ئیرانێ دێ زێدەتر ڤەبیت، بۆ ھندێ ھەڤپەیمانیێن سیاسی بھێنە ‏دروستکرن و ئێکلا ببن. ‏