ئه‌ڤرۆنيوز:
ئه‌ڤرۆ سێشه‌مبى 20/3/2018، حه‌يده‌ر عه‌بادى سه‌رۆك وه‌زيرێن عيراقێ ب زمانێ كوردى جه‌ژنا نه‌ورۆزێ ل گه‌لێ كورد پيرۆزكر.
عه‌بادى جه‌ژنا نه‌ورۆزێ ب زمانێ كوردى ل كوردان پيرۆز دكه‌ت
نووترين نووچه
- رێكێ نادەین هیچ كەسەك دەستێوەردانێ د كاروبارێن مە دا بكەت
- بەرهنگاربوونا مادەیێن هۆشبەر ئەركەكێ نیشتمانی و ئەخلاقی یێ مە هەموویانە
- مەسرور بارزانی: هیڤیدارین د زووترین دەمدا، حوكمەتەكا نوو و ب هێز و خزمەتگوزار پێكبینین
- فڕەنسا کار بۆ دەستپێکرنا قۆناغەکا نوو ل رۆژئاڤایێ کوردستانێ دکەت
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
سه‌ره‌كى نووترين نووچه
هەتا نوکە ۱۳ کەس ل ئاکرێ برینداربووینە
ئەڤرۆ نیوز، سەباح :
ژ بەر هەلکەفتا نەوروزێ و قەلەبالغیەکا زور ل ئاکرێ دروست بوویە و ب ڤێ چەندێ نەخۆشخانا تەنگاڤیا ئاکرێ چەند تیم ل ناڤ سەنتەرێ باژێرێ ئاکرێ دانابوون و ب شێوەکێ بلەز نەخۆش ڤەدگوهاستنە نەخۆشخانا تەنگاڤیا ئاکرێ داکو چارەسەری بۆ بهێتەکرن.
ل گورەی زانیاریێت نەخۆشخاناتەنگاڤیا ئاکرێ ئەڤرۆ ژ بەر هەلکەفتا نەوروزێ و ئەو قەلەبالغیا ل ئاکرێ دروست بووی ژمارەکا خەلکی د ئاهەنگا نەوروزێ ب رێکێن جودا برینداربووینە.
ژمارا بریندارێن هاتینە نەخۆشخانا تەنگاڤیا ئاکرێ ۱۳کەسن، ٤کەس ب تەلقا بریندار بوینە ب ئەگەرێ هاڤێتنا تەلقێن کەیف خۆشیێ،هەروەسا ٤ کەس ب یاریێن ئاگری برینداربووینە،هەروەسا ۱ل رودانا هاتن وچونێ و۱شەرکرن و ۱ژی نەفت ڤەخاریە و ۲کەس ژی ب رودانێن دی برینداربووینە.
هەژی ئاماژێ یە سێ ژ برینداران خەلکێ هەولێرێ بوون و ئێکێ دهوک و دوو بەرەرەشی و حەفت کەس ژی یێت قەزا ئاکرێ نە.
گیانێ هەمیایێ ب سلامەتە رەوشا بریندارا تا نها یا باشە و چ بریندارێن سەخت نینە و رەوشا هەمیان باشە و نۆشدارێن تەنگاڤیا ئاکرێ دئامادە باشیێ دانە و وەکی پێدڤی خزمەتا نەخۆشان کریە و هەمی گولە ل لاشێ وان هاتینە دەر.
سه‌رۆك بارزانى:چاره‌سه‌ريا سه‌ره‌كى بۆ مسوگه‌ركرنا مافێن گه‌لێ مه ئێكرێزى يه
ئه‌ڤرۆنيوز:
سه‌رۆك بارزانى، ئه‌ڤرۆ سێشه‌مبى 20/3/2018 ب هه‌لكه‌فتا جه‌ژنا نه‌ورۆزێ په‌يامه‌ك به‌لاڤكر وراگه‌هاند، نه‌ورۆز بۆ گه‌لێ كوردستانێ رامانا ئازاديخوازيێ وده‌ستپێكه‌كا نوو دكه‌ت، خه‌باتا گه‌لێ كوردستانێ ژبۆ ئازاديێ بابه‌ته‌كێ نوو نينه.
ل دۆر ريفراندۆمێ، سه‌رۆك بارزانى گۆت” به‌رى ريفراندۆمێ وپشتى ريفراندۆنێ چه‌ندين جاران مه دووپاتكر كو ئارمانج ئاشتى ونه‌هێلانا ريشه‌يى يا گرفتانه ومه دڤێت ب ئاشتيێ هه‌موو تشته‌ك چاره ببيت، ئه‌و مافه‌كه كو يێ ره‌وايه وبه‌رده‌وام هه‌بوون يا هه‌ى وكه‌س نه‌شێت ژگه‌لێ كوردستانێ بستينيت وپێدڤيه ئاخڤتن ل سه‌ر وێ چه‌ندێ بيت كا چاوان بهێته بجهئينان، مخابن ل ناڤخوه ژى هنده‌ك ئالى كو گه‌له‌ك ل گه‌ل ريفراندۆمێ بوون ودرژد بوون ل سه‌ر ئه‌نجامدانا وێ، پاشى خوه به‌رپرسياره‌تى وئه‌نجامێن وێ دووركر، ئه‌ڤه دحاله‌ته‌كى دايه كو ده‌نگێ گه‌لێ كوردستانێ تاوان نه‌بوو وشاشى ژى نه‌بوو، به‌لكو ده‌رئه‌نجامێ سته‌م ونه‌مانا هه‌ڤپشكيێ بوو، ب پشتراستى ڤه هه‌كه رێز ل هه‌ڤپشكيێ ودستوورى هاتبا گرتن، نوكه كێشه دا كێمتر بن وره‌وشا عيراقێ دا خوه‌شتر بيت”.
سه‌رۆك بارزانى دپه‌ياما خوه دا دياركر كو ئه‌و ره‌وشا ل كه‌ركووكێ وده‌ڤه‌رێن دى ژ ئه‌نجامێ خيانه‌ت وسه‌پاندنا ب زۆر هاتيه وچو شێوه‌كى نابيت ببيته ئه‌مرێ واقع وپێدڤيه دچارچۆڤێ دستوورى ومادێ 140 ره‌وشا وان ده‌ڤه‌ران بهێته ئاساييكرن وچاره‌كرن وهه‌روه‌سا پێدڤيه پێرابوونێن پێدڤى ل به‌رانبه‌ر وێ ده‌ستدرێژيێ وقه‌تلوعامكرن وئاواره‌كرنێ بهێنه كرن كو ل هه‌ريڤا ئوكتۆبه‌رێ دا ل وان ده‌ڤه‌رانوب تايبه‌تى ل خورماتۆ هاتينه ئه‌نجامدان، نوكه ئه‌و ڤه‌بوونا دناڤبه‌را حوكمه‌تا هه‌رێما كوردستانێ وحوكمه‌تا به‌غدا په‌يدابووى ب بابه‌ته‌كێ ئه‌رێنى دزانين وپێشوازيێ لێ دكه‌ين وهيڤيدارين ديالۆك ولێكتێگه‌هشتن يا به‌رده‌وامبيت بۆ چاره‌كرنا كێشان.
سه‌رۆك بارزانى دياركرژى” هيڤيدارم به‌رپه‌ره‌كێ نوويێ ئێكرێزيێ دناڤبه‌را ئاليێن سياسى يێن كوردستانى بهێته ڤه‌كرن وهيڤيا خوه‌شيێ بۆ هه‌موو وه‌لاتيێن كوردستانێ دخوازم”.
سه‌رۆك بارزانى گۆت ژى” لايه‌نێن عيراقى ل به‌رانبه‌ر مافێن ره‌وا يێن گه‌لێ كوردستانێ ل ده‌ستپێكێ گه‌له‌ك دڤه‌كرى بوون وتێگه‌هشتن بۆ ئارمانجێن ئاشتيانه يێن گه‌لێ كوردستانێ هه‌بوو، به‌لێ مخابن هنده‌ك ژوان دژايه‌تيكرنا مافێن ره‌وا يێن كوردستانيان بۆ مه‌ره‌مێن سياسى بكارئينا وب دۆرپێچى وفشار وزه‌بروزه‌نگ به‌رسڤا ده‌نگێ ئاشتيانه يێ گه‌لێ مه دا، ڤێ جارێ ژى ده‌ركه‌فت كو شه‌ر چاره‌سه‌ريا كێشان نينه وهيڤيدارين په‌ندا ڤێ جارێ ل گه‌ل ئه‌زموون وپه‌ندێن بۆرى، بۆ هه‌موو ئاليه‌كى ديار بكه‌ت كو ب ديالۆك وئاشتى ولێك تێگه‌هشتنێ هه‌موو گرفت وكێشا گه‌لێ كورد ل ده‌ڤه‌رێ دێ چاره‌سه‌ركه‌ن”.
ئاماژه دا” ئه‌م ب باشى دلته‌نگيا ده‌وله‌تێن ده‌وروبه‌ر تێ دگه‌هين ومافێ وانه هزر دبه‌رژه‌وه‌نديێن خوه بكه‌ن، به‌لێ پشتى 100 سالێن كاره‌سات وقوربانيدانێ پێدڤيه ئه‌و مافه ژى بۆ خه‌لكێ كوردستانێ ره‌وا ببينن كو ته‌عبيرێ ژ بۆچوونا خوه بكه‌ت وپێدڤيه ئه‌وژى بۆ رۆهن بيت كو شه‌ر وتوندوتيژى چو ده‌مه‌كى بژارده‌يا گه‌لێ كوردستانێ نه‌بوو كو بۆ چو ئاليه‌كى مفا نه‌بوو ونابيت”.
خوياكر ژى” دده‌مێ چه‌ند سالێن بۆرى دا ل ناڤ هه‌رێما كوردستانێ هنده‌ك كه‌س بۆ تێكدانا ره‌وشێ، هه‌موو رێ تاقيكرن وب شێوێن جۆرا وجۆر كوسپ دروستكرن، به‌لێ چو ب ده‌ستڤه‌نه‌ئينا وهه‌كه ل سه‌ر وى نه‌هجێ بێ مفا به‌رده‌وام بن دپاشه‌رۆژێ ژى دا چو ب ده‌ستڤه‌نائينن، هيڤيدارم ژى هه‌موو ئاليه‌ك ل ناڤخوه‌يێ كوردستانێ دا تێگه‌هشتبيت كو چاره‌سه‌ريا سه‌ره‌كى بۆ مسوگه‌ركرنا مافێن گه‌لێ مه ئێكرێزى يه وكۆمبوونه ل بن چه‌ترا به‌رژه‌وه‌نديێن هه‌ڤپشك دا وچاره‌سه‌ر ئه‌وه هه‌موو ئاليه‌ك ل ناڤخوه‌يێ كوردستانێ دا بزڤرن بۆ خواستا گه‌لێ كوردستانێ كو ئێكگرتن وبرايه‌تى وخه‌باتا هه‌ڤپشكه”.
پارێزگه‌رێ دهۆكێ:دێ ڤان دو مزگينيان ده‌مه خه‌لكێ دهۆكێ
ئه‌ڤرۆنيوز:
فه‌رهاد ئه‌ترووشى پارێزگه‌رێ دهۆكێ دپه‌يڤا خوه دا د رێ وره‌سمێن هه‌لكرنا ئاگرێ نه‌ورۆزێ دا ل باژێرێ دهۆكێ راگه‌هاند، دێ دو مزگينيا ده‌مه خه‌لكێ دهۆكێ.
فه‌رهاد ئه‌ترووشى گۆت، 2107 پارچێن ئه‌ردى دێ هێنه به‌لاڤكرن ل سه‌ر خێزانێن شه‌هيدێن ئه‌نفالان و گرتيێن سياسى يێن ئه‌نفالێ و زيندانيێن سياسى.
ل دۆر مزگينيا دويێ، پارێزگه‌رێ دهۆكێ گۆت” ئه‌و پاركا نوكه رێ وره‌سمێن نه‌ورۆزێ لێ هاتينه كرن كو ژ نوو هاتيه دروستكرن، بۆ خه‌لكێ قه‌زا دهۆكێ يه ورێ وره‌سم وئاهه‌نگان وپێشنيار دكه‌م ناڤێ وێ بكه‌ينه پاركا نه‌ورۆز”.
مەسرور بارزانی:ده‌رفه‌تا ده‌ربازبوونێ وپاشه‌رۆژه‌كا باشتر يا ل پێش مه
ئه‌ڤرۆنيوز:
شيره‌تكارێ جڤاتا ئاسايشا هه‌رێما كوردستانێ رادگه‌هينيت كو ده‌رفه‌تا پاشه‌رۆژه‌كا باشتر يا ل پێش گه‌لێ كوردستانێ هه‌ى.
مه‌سرور بارزانى، شيره‌تكارێ جڤاتا ئاسايشا هه‌رێما كوردستانێ، ئه‌ڤرۆ سێشه‌مبى 20/3/2018 په‌يامه‌ك ب هه‌لكه‌فتا جه‌ژنا نه‌ورۆزێ به‌لاڤكر وتێدا دبێژيت” سه‌رێ سالا نوو يا كوردى وجه‌ژنا نه‌ورۆزێ ل مالباتێن سه‌ربلندين شه‌هيدان، پێشمه‌رگێن قه‌هره‌مان، كارمه‌ندێن داموده‌زگه‌هێن جڤاتا ئاسايشا هه‌رێمێ وگه‌لێ كوردستانێ پێرۆز دكه‌م”.
دياركر ژى” ئه‌ڤ جه‌ژنا نه‌ته‌وى، بۆ گه‌لێ كورد رامان وتايبه‌تمه‌نديا خوه يا هه‌ى، ژئاليه‌كى ده‌ستپێكا ساله‌كا نوويه، ژئاليه‌كى دى ژى نه‌هێلانا سته‌مێ يه وبده‌ستڤه‌ئينانا ئازاديێ وسه‌رفه‌رازيێ يه”.
مه‌سرور بارزانى دپه‌ياما خوه دا گۆت” گه‌لێ كوردستانێ نوكه دقۆناغه‌كا سه‌خت دا ده‌رباز دبيت، ب خوراگرى وئيرادا ڤى خه‌لكێ سه‌ربلند، ئه‌م به‌رانبه‌ر هه‌موو وان سه‌ختيان يێن راوه‌ستياين، له‌وما خه‌لكێ مه يێ خوراگر هه‌ژى رێز وسوپاسيێ يه”.
ئاماژه دا” دپشت راستين ده‌رفه‌تا ده‌ربازبوونێ ژوان گرفتان ودابينكرنا پاشه‌رۆژه‌كا باشتر يا ل پێش مه، ئه‌وژى ب ئێكرێزيا ناڤمالا كوردستانى، هيڤيدارم جه‌ژنا نه‌ورۆزێ ببيته ئه‌و ده‌رفه‌ت بۆ ئێكرێزيێ دناڤبه‌را دلسۆز وخه‌باتكاران، پێخه‌مه‌تى سه‌رخستنا ماف وداخوازيێن ره‌وا يێن گه‌لێ مه”.
وه‌زيره‌كێ هه‌رێمێ پێزانينان ل دۆر گوهۆرينێ دپاشكه‌فتێ مووچه‌ى دا ئاشكرا دكه‌ت
ئه‌ڤرۆنيوز:
وه‌زيرێ ساخله‌ميێ ل هه‌رێما كوردستانێ ئاشكراكر كو دده‌مه‌كێ نێزيك دا دێ پێداچوون دسيسته‌مێ پاشكه‌فتكرنا مووچه‌ى دا هێته كرن ودياركر كو سه‌رۆك وه‌زيرێن هه‌رێما كوردستانێ دووپاتى ل سه‌ر ڤێ چه‌ندێ كريه.
رێكه‌وت حه‌مه ره‌شيد، وه‌زيرێ ساخله‌ميێ ل هه‌رێما كوردستانێ دبه‌رپه‌رێ خوه دا ل سه‌ر تۆرا جڤاكى يا فه‌يسبووكى به‌لاڤكر” من په‌يوه‌ندى ب وه‌زيرێ دارايى وئابوورى ل هه‌رێما كوردستانێ كر وبريارا خه‌رجكرنا هه‌يڤه‌كا دى يا پارێ هاندانێ ده‌ركر كو راسته‌وخوه پشتى جه‌ژنا نه‌ورۆزێ دێ هيته به‌لاڤكرن”.
دياركر ژى” نێچيرڤان بارزانى سه‌رۆك وه‌زيرێن هه‌رێما كوردستانێ وجێگرێ وى دووپاتى ل سه‌ر پێداچوونێ د پاشكه‌فتكرنا مووچه‌ى دا ب زووترين ده‌م كريه”.
چاوا بەرێ گۆلچیسکێ ب لێزەری دھێتە شکاندن
ئه‌ڤرۆنيوز:
محمد کانیلانی نوشدارێ تایبەتمەندێ نشتەرگەریێن گۆلچیسکان ل نەخوه‌شخانا گۆلان ل ئاکرێ دياركر کو مە ل نەخوه‌شخانا گۆلان یەکەيه‌كا تایبەت ب شکاندنا بەرێ گولچیسکێ ڤە يا هه‌ى و مە ئامیرەك بۆ شکاندنا بەرێ گولچیسکان يێ هه‌ى کو ئامیرەکێ نوو وپێشکەفتیە كو ئەڤ رێيە ژی ب رێيا لێزەری دھێتە نياسين.
نوشدار محةمةد كانيلانى بۆ نوش نيوز گۆت ژى” بەرێ گولچیسکێ ل دەڤەرا ئاکرێ یێ زورە ھندەك جاران ئەم دزانین بۆچی ئەڤ بەرە ل نك نەخوه‌شی چێبوویە و ھندەك جاران ژی ئه‌م نزانین، هه‌كه زوو بزانین بەر یێ مەزن نەبیت باشترین رێ ئەوە بەری بشکێنین دا بھێتە خارو نه‌خوه‌ش ژێ قورتال بیت، هه‌كه ل تيشكێ بەر دیاربوو دێ شکێنین، ھندەك بەر ل تيشكێ دیار ناکەن و ئەم نەشێین بشکێنین، چونکى ئامیرێ شکاندنێ ل دیڤ یا تيشكێ دچیت، ئەڤە ژی ل سەر جۆرێ بەری دمینیت، بەلێ پتريا جاران ئەو بەر ١سم یان ١سم ونیڤە و ھەتا ٢سم ژی ئەم ھەولدەین بۆ بشکێنین، هه‌كه مەزنتر بیت ئەو پێدڤی رێيەکا دی دبیت”.
دياركر” ئەڤ ئامیرە بەری دشکێنیت و ھوور دکەت و ھندەك بەر یێ ھەی گەلەكیێ بھێزە ب ئێکجار ناشکێت، لەوما ئەم دوبارە دکەینەڤە، لێ بۆ جارا دويێ پێدڤی دەمى یە بۆ چەند رۆژان، نابیت چەند جاران بکاربینین ،هه‌كه بەر نەھێتە شکاندن، ھندەك بەر ژی یێ نازکە ب ئێكجار دشکێت، هه‌كه گەلەك یێ ب زەحمەت بیت بۆ شکاندنێ ئەز دگەل ھندێ نینم گەلەك دوبارە بکەن، داکو زیان ب گولچیسکان نەکەڤیت، وی دەمی ئەم دشێین پەنایێ بۆ ھندەك رێيێن دی ببەین”.
ئاماژە دا وێ چەندێ کو پیچەك ئێشان یا تێدا دەمێ دھێتە بکارئینان بۆ نەخوه‌شی وھندەك کەس پتر خوه ل بەردگرن و بھێزن، ھندەك ژى پێ دئێشن، ھندەك ژی کێم دئێشن، ئەڤە ژی ل سەر ھێزا نەخوه‌شی دمینیت، مخابن ھەتا نوكه مە بەنج نینە کو ب کاربینین بۆ نەخوه‌شی، پێدڤیە مە ھەبیت، بەلێ پێدڤیە شیان ژی ھەبن بۆ بدەستڤە ئینا بەنجێ.
زێدەتر دبێژیت” ئەم بۆ زارويان نەشێین بشکێنین، چونکى دئێشن وخوه ل بەر ناگرن، ژبەرکو بەنج ژی نینە هه‌كه ھەبیت نورمالە بۆ ھەموو کەسان بھێتە شکاندن، ھەتا ١٥ سالیێ ژی خوه ل بەرناگریت ئەڤە ژی پتر ل سەر وی نەخوه‌شی دمینیت کا دێ چەند شێت خوه ل بەرگریت، ھەروەسا ژنا دوگیان ژی ئەم نەشێین بۆ بشکێنین ژبەر دو گیانیا وێ”.
خوياكر ژى”ب شێوەکێ گشتی خەلکێ مە شارەزایی و ھوشیاریا یساخله‌مى نینە و گرنگیا ھندەک تشتا نزانن، بۆ نموونە ئاڤ ڤەخوارن پێدڤیەکا گرنگە د ژیانا مروڤی دا، پێدڤیە مرۆڤ گه‌له‌ك ئاڤێ ڤەخۆت، ھەروەسا خەلکێ مە گەلەك گوشتێ سور دخۆت ئەڤە ژی تارادەکێ یا خرابە و زیانا ل دووڤ خوه دئینیت و یا دی ژی لڤین و ھاتنوچوون دکێمن ئەڤە ئەگەرێن سەرەکی نە کو نەساخی زێدەبن، ھەروەسا پێدڤیە خەلك پشکنینێن خوه بکەت، کا چ نەساخی ل نك ھەیە هه‌كه ھەبن دا زوو بھێتە چارەکرن بەری کو نەخوه‌شی مەزنتر لێ بھێت، تایبەت ئەو کەسێن بەر ھەی دڤێت زوو ب زوو قەستا نەخوه‌شخانێ بکەن بەری کو گولچیسکێن وان خراب بن و سفربن، چونکی بەر نە یێ باوەریێ یە”.
ئاهه‌نگا هونه‌رى دناڤ رێ وره‌سمێن نه‌ورۆزێ دا ناهێته كرن
ئه‌ڤرۆنيوز:
رێڤه‌به‌ريا گشتى يا ره‌وشه‌نبيرى وهه‌نه‌رى ل پارێزگه‌ها دهۆكێ راگه‌هاند، ئاهه‌نگا هونه‌رى كو بريار بوو بهێته ب رێڤه‌برن ل گه‌ل رێ وره‌سمێن نه‌ورزێ، ناهێته كرن.
رێڤه‌به‌ريا گشتى يا ره‌وشه‌نبيرى وهونه‌رى دبه‌رپه‌رێ خوه دا ل سه‌ر تۆرا جڤاكى يا فه‌يسبووكێ به‌لاڤكر” ك هه‌ڤخه‌ميه‌ك ل گه‌ل خه‌لكێ مه يێ عه‌فرينێ ل رۆژئاڤايێ كوردستانێ، ئاهنگا هونه‌رى ئەوا دناڤ رێورەسمێن ئاهەنگا جەژنا نەوروزێ دا ناهێتەکرن”.
زێده‌تر دياركر” تنێ رێورەسمێن ئاهەنگا جەژنا نەوروزێ دێ رێپیڤانا جەماوەری بیت ژ باره‌گايێ ئەمنا کەڤن ل گرێباسێ بۆ پارکا بازارێ دهۆك و ل پارکا بازارێ دهۆك دێ ئاگرێ نەوروزێ هێتە هەلکرن”.
ب وێنه و ڤيديۆ-رۆژناما ئه‌ڤرۆ سه‌را مه‌زارێ نه‌مران ل بارزان دا
ئه‌ڤرۆ نیوز ، نه‌وزاد هلۆرى:
ب مه‌ره‌ما نووكرنا سووز و په‌یمانان بو رێبازا بارزانى نه‌مر ، ئه‌ڤرۆ 19/3/2018 ، ستافێ رۆژناما ئه‌ڤرۆ ل گه‌ل ده‌زگه‌هێ ره‌وشه‌نبیرى و راگه‌هاندنا پارتى دیموكراتى كوردستان سه‌را مه‌زارێ نه‌مران ل گوندێ بارزان دا و ژلایێ خه‌لات بارزانى نوونه‌رێ سه‌روك بارزانى هاته پێشوازیكرن.
كارمه‌ندێن رۆژناما ئه‌ڤرۆ دده‌ن دیاركرن كو د قوناغه‌كا وه‌كو نهادا گرنگه كو مفا ژ سه‌ربوور و قاره‌مانیا بارزانى نه‌مر بهێته وه‌رگرتن بو ده‌ربازبوون ژ قه‌یرانێن سیاسى و دارایى و جڤاكى.
ب گوره‌ى زانیاریێن لژنا پێشوازیا مێهڤانان ل سه‌ر مه‌زارێ نه‌مران ، ئه‌ڤ ساله زێده‌تر ژ 100 هزار كه‌سان كو ژ هه‌موو پێكهاته‌یێن ئولى و نه‌ته‌وه‌ى و ته‌خ و چینێن جڤاكى بوون سه‌ره‌دانا مه‌زارێ نه‌مران كریه.
مەزنترین ماراسۆنا بۆهارا پێكڤە ژیانێ ل دهۆكێ تێ سازكرن
ئەڤرۆ نیۆز، ئەمیر ئەترووشی
رێكخراوا ریچ ل پارێزگەها دهۆكێ مەزنترین ماراسۆنا غاردانێ یا پێكڤە ژیانێ ل سەنتەرێ قەزا دهۆكێ ب پشكداریا 250 ئاوارە و خەلكێ دهۆكێ ئەنجام ددەت.
زیرەك بامەرنی، رێڤەبەرێ لقێ دهۆكێ یێ رێكخراوا ریچ ل هەرێما كوردستانێ بۆ ئەڤرۆ نیۆز دیاركر، ئەڤرۆ رۆژا دوشەمبی ل دەمژمێر 10ی سپێدێ وان دەست ب ماراسۆنەكا مەزن یا غاردانێ ل جادا خزمەتگۆزاری یا ئێتیتێ ل دەستپێكا سەنتەرێ قەزا دهۆكێ كر و د ڤێ ماراسۆنێ دا پتر ژ 250 گەنجێن ئاوارە و پەنابەر و خۆجهێن دهۆكێ بەشداربووینە و ماراسۆن دێ 5 كیلۆمەتران ڤەكێشیت.
دياركر كو ئەڤ ماراسۆنە ب هەماهەنگی ل گەل زانكۆیا دهۆك و بۆردێ كارۆبارێن مرۆڤایەتی ل پارێزگەها دهۆكێ هاتیە سازكرن و مەرەم ژێ ئەوە پەیوەندیێن پێكڤەژیانێ دناڤبەرا تەخێن جڤاكی دا خۆرتتر لێ بهێن.
نيشاندان
WP Facebook Auto Publish Powered By : XYZScripts.com