ئەڤرۆ نيوز:
شرۆڤەکارەکێ سیاسی ئاماژەدا، ھەکە خیانەتا 16 ئۆکتۆبەرێ نەبا نوکە ھەرێما کوردستانێ دا دانوستاندنێ ل سەر سنۆر و جودابوونێ ل گەل بەغدا کەت، ھەروەسا راگەھاند، دەولەتا کوردستانێ دا دانوستاندنێ ل گەل عیراقێ کەت.
پارێزەر و شرۆڤەکارێ سیاسی زانا تەوفیق بەگ د ھەڤدیتنەکێ دا ل گەل رۆژناما ئەڤرۆ راگەھاند، حوکمەت عیراقێ کێشێن ھزری ل گەل حوکمەت و مللەتێ کوردستانێ ھەنە، ئەو ژی کو باوەری ب کێشەکێ نینە ناڤێ وێ کێشا کوردان ببیت، بتنێ مەرەما وان ئەوە کورد ل ژێر دەستێن عیراقێ بمینن، ئەو ھزرا حوکمەتێن ئێک ل دووڤ ئێکێن عیراقێ یە، کو ژ ئالیێ شۆرەشگێرێن کوردان ڤە بتوندی ھاتیە رەتکرن.
شرۆڤەکارێ سیاسی زانا تەوفیق گۆت: کێشا کوردان ل عیراقێ کێشەکا نەتەوەیی یە، کوردان دڤێت خوە ژ وێ چالا کوورا عیراقێ قورتال بکەن، کو ھەردەم ب عەقلیەتەکا شۆفینی دھێتە برێڤە برن، و کاری ل سەر تەپەسەرکرنا کوردان دکەن.
زانا تەوفیق ھەروەسا دیارکر، کیمیابارنکرنا ھەلبجە و شاڵاوا ئەنفالێن رەش ل سەر بارزانیان و گەرمیان و بڕینا بودجێ و ئێنانا ھێزێ ژ ئالیێ حوکمەتا مالکی ل سەر دەمێ حوکمڕانیا ناڤبری، خۆ ریفراندۆم نەھاتبوو کرن، ھەر ل دەستپێکا دروست بوونا عیراقێ زۆرداری ل سەر مللەتێ کوردستانێ دھێتە کرن، حوکمەتێن ئێک ل دووڤ ئێک بزاڤێن نەمانا کوردان کرینە.
ناڤبری ھەروەسا ئاشکراکر گۆت: ھەکە روودانێن 16 ئۆکتۆبەرێ و خیانەتا ئالیەکێ سیاسی نەبایە، نوکە کوردستان دا دانوستاندنێن ل گەل بەغدایێ ل سەر دەستنیشانکرنا سنورێن ئاخێ و جودابوونێ کوردستانێ ژ عیراقێ و ڕاگەھاندنا دەولەتا کوردستانێ بن.
وەلاتیێن کوردستانێ ل رۆژا 25 ئەیلولێ سالا بوری ل سەر سندوقێن دەنگدانێ ب رێژا (93%) دەنگ بۆ جودابوونا ژ عیراقێ و ڕاگەھاندنا دەولەتا کوردستانێ ل سەر ئاخا کوردستانا باشوور ب دەڤەرێن داگیر کری ڤە دایە.
تەوفیق بەگ زێدەتر دبێژیت، ھەکە ھاریکاریا ئیرانێ و گرۆپێ ناڤخوەیێ خیانەتکاری نەبایە، چو جارەکێ ھێزێن عیراقێ وێرەکیا وێ چەندێ نەبوو لولیێن تەڤەنگێن خوە ئاراستەی پێشمەرگەی بکەن، ئەو پێشمەرگەێ ھێزا ئەفسانەیا داعشێ تێکشکاندی، ئێدی چەوا ھێزێن عیراقێ داشێن بەرگریا پێشمەرگەێ کوردستانێ کەن.
شرۆڤەکارێ سیاسی خوەیاکر، ھەکە شەڕێ ھێزێن عیراقێ ھاتابا کرن، وی دەمی ئێکەتیا ئەورۆپا و ھەردو وەلاتێن ئەلمانیا و فەرەنسا دا ھێنە سەر خەت و شەڕ دا ھێتە ڕاگرتن، و ھەتا ھەتا کەرکووک دا بۆ کوردان میمنیت، نوکە دا پێنگاڤێن دەولەتا کوردی دانین، نەک مژوولی مووچە و بودجەی بین.
پارێزەر و شرۆڤەکارێ سیاسی ھەروەسا رونکر، حوکمەتا عیراقێ چو دەمەکی نیازێن پاک ھەمبەری کوردان نەبووینە، ئازادکرنا قەزا حەویجە پاشخست ھەتا ھەموو ھێزێن خوە یێن پشکداری د ئازادکرنا مووسلێ دا کرین نێزیکی کەرکووکێ بکەن و ھێرشی بکەنە سەر دەڤەرێن کوراد، لەورا ئەز دبێژم ئەو ئاخفتنا دبێژن ریفراندۆم ئەگەر بوویە یا راست نینە، بمن ئەنجامدانا ریفراندۆمێ دوی دەمی دا باشترین بژارە بوو کو ھاتیە ئەنجامدان.
زانا تەوفیق بەگ راگەھاند، سەرۆک بارزانی ل نەورۆزا سالا 2011 راگەھاند بوو کو حوکمەتا عیراقێ کێشێن ھزری ل گەل کوراد ھەنە، کو کومەکا رەگەز پەرستان چاڤێن وانا ب پێشکەفتنا حوکمەتا کوردستانێ ڕانابن.
ئه‌ڤرۆ نيوز:
ل بێهنڤه‌دانێن رۆژانێن نه‌وروزێ ژبلی كو هه‌موو پشكێن ته‌نگاڤیان 24 ده‌مژمێران دێ د خزمه‌تا خه‌لكی دابن، 48 تیمێن گه‌رۆك و هژماره‌كا تیمێن خوپاراستنا ساخله‌میێ دێ ب كارێ چاڤدێریێ و هشیاریا ساخله‌میێ رابن.
حه‌مزه ره‌زیكی، به‌رپرسێ راگه‌هاندنێ ل رێڤه‌به‌ریا گشتی یا ساخله‌میا پارێزگه‌ها دهۆكێ بو نۆش نیوز دیاركر كو ل ئێڤاریا رۆژا 20/3 تیمێن ڤێراگه‌هشتنێن ده‌ستپێكی یێن سه‌ر ب سه‌نته‌رێ 122 دێ ده‌ست ب كارێ خوه كه‌ن و گۆت: ل رۆژێن نه‌وروزێ 48 تیمێن سه‌نته‌رێ ناڤبری ل هه‌موو جهێن گه‌شتیاری دێ د كاری دابن و خزمه‌تا گه‌شتیاران دێ هێته كرن.
دیاركر ژی كو ل هه‌موو رۆژێن بێهنڤه‌دانا نه‌وروزێ پشكێن ته‌نگاڤیان ل نه‌خۆشخانه‌یان دێ 24 ده‌مژمێران پێشوازیێ ل نه‌خوشان كه‌ن و گۆت: ل گه‌ل ڤێ چه‌ندێ بنگه‌هێن نوبه‌دار ژی دێ رۆژانه كارێ خوه ئه‌نجام ده‌ن.
به‌رپرسێ راگه‌هاندنا ساخله‌میێ ئه‌وژی دیاركر كو تیمێن زێره‌ڤانیا ساخله‌میێ سه‌ر ب رێڤه‌به‌ریا خوپاراستنێ ڤه رۆژانه دێ د كاری دا بن و سه‌ره‌دانا هه‌موو جهێن دكه‌ڤنه ل ژێر كونترولا ساخله‌میێ كه‌ن دا بشێن كونترولا بازاری بهێته كرن و گۆتژی: رۆژانه دو تیمێن ره‌وشه‌نبیری و هشیاریا ساخله‌میێ دێ ل جهێن گه‌شتیاری بن و رێنمایێن ساخله‌میێ ب رێیا به‌لاڤه‌كێن ساخله‌میێ و ئالاڤێن هشیاریێ ل دور خوپاراستنێ ژ نه‌خوشیان و پاقژیێ ب شێوه‌یه‌كێ گشتی پێشكێشی وه‌لاتیان كه‌ن.
ئه‌ڤرۆ نيوز: بارزان مزوورى:
ئه‌ڤ شه‌ڤه ده‌مژمێر 9 شه‌ڤ ل سه‌ر رێكا سه‌ره‌كیا ئه‌لقوش بو شێخان رویدانه‌ك دناڤبه‌را دوو ترومبێلێن بارهه‌لگر رویدا د ئه‌نجام دا شوفێره‌كێ ترومبێلا بارهه‌لگر كو ب ره‌گه‌ز تورك بوو گیانێ خوه ژ ده‌ست دا و شوفێره‌كێ ترومبێلا بارهه‌لگر ب گرانى بریندار بوو.
شوفێرێ گيانێ خوه ژ ده‌ستداى بۆ ماوێ پترى دو ده‌مژمێرا دناڤ ترومبێلێ دا مابوو ئاسێ، پاشان پولیسێن هاتن و چوون و ئاگر ڤه‌مراندنێ شیان ته‌رمێ وى بین ده‌ر.
ئه‌ڤرۆ نيوز:
نڤیسینگه‌ها ئاژانسا به‌ر ب پێشڤه‌برنا نێڤده‌وله‌وتى یا ئه‌مریكا ل هه‌رێمێ ب به‌رهه‌ڤبوونا جێگرێ سه‌رۆك وه‌زیرێن هه‌رێمێ و بالیوزێ ئه‌مریكا ل عیراقێ و رێڤه‌به‌رێ ئاژانسا ئه‌مریكا ل هه‌ولێرێ هاته ڤه‌كرن.
قوباد تاله‌بانى جێگرێ سه‌رۆك وه‌زیرێن هه‌رێمێ راگه‌هاند، ڤه‌كرنا ڤێ نڤیسینگه‌هێ ل هه‌رێمێ كاره‌كێ هه‌ڤپشكێ ئه‌مریكا و كوردستانێ یه، ب ڤێ یه‌كێ ژى ئه‌مریكا پشته‌ڤانیا خوه بۆ هه‌رێمێ دسه‌لمینیت و پشته‌ڤانیا هه‌رێمێ دكه‌ت.
سه‌باره‌ت ناڤه‌رۆكا پرۆژه‌ى، تاله‌بانى راگه‌هاند، پرۆژه پێكهاتیه ژ چاكسازیا دارایى و ئابوورى و دێ بیته تمامكه‌رێ چاكسازیێن حوكمه‌تا هه‌رێمێ.
به‌رپرسێ سه‌ندیكا كارمه‌ندێن ساخله‌میێ ل پارێزگه‌ها دهۆكێ دیاركركو ئه‌ڤرۆ 12-3-2018، رێنمایێن نوو ل سه‌ر كارمه‌ندێن ساخله‌میێ هاتنه به‌لاڤكرن یێ پێگیریێ پێ نه‌كه‌ت دێ ب كوژمێ 100 هزار هه‌تا ملیۆن دیناران هێته سزادان.
نزار سه‌عید، به‌رپرسێ سه‌ندیكا كارمه‌ندێن ساخله‌میێ ل پارێزگه‌ها دهۆكێ دیاركر: “ل دووڤ رێنمایێن نوو بریار هاتیه دان ئێك گوگه‌ها ده‌رمانان بهێته ده‌ستنيشانكرن، پێدڤیه هه‌موو كارمه‌ندێن ساخله‌میێ بۆ كلینكێن خوه ده‌رمان و پێدڤیێن ساخله‌ميێ ژ وێ گوگه‌هێ بكرن، ئه‌م دێ بۆ وان گوگه‌هێن ده‌رمانان ده‌ست نيشان كه‌ین بۆ وێ چه‌ندێ ئه‌م پشت راست بین ده‌رمانێن راست و دروست دهێنه دان كلینیكێن كارمه‌ندێن ساخله‌میێ و لیژنا ژى هاتیه پێك ئينان بۆ دووڤچوونا ڤێ بابه‌تى و پتر رێكخستنا كارێ كارمه‌ندێن ساخله‌میێ ل هه‌موو كلینیكان”.
خۆیا ژى كر: “هه‌موو كارمه‌ندێن ساخله‌میێ هاتينه ئاگه‌هداركرن ل سه‌ر چاوانیا كاركرنێ د سالا 2018ێ دا یێ زێده‌گاڤيێ بكه‌ت و كار زێده‌هیێ ل شیانێن خوه ئه‌نجام بده‌ت پێگیریێ ب پاقژكرنا جهێن خوه نه‌كه‌ت دێ هێته سزادان”.
ئه‌ڤرۆنيوز:
نڤيسينگه‌ها سه‌رۆك وه‌زيرێن عيراقێ دووماهى پێشهاتێن دانوستاندنێ دناڤبه‌را به‌غدا وهه‌ولێرێ رادگه‌هينيت وباده‌كا هه‌ردو فرۆكخانێن هه‌ولێرێ وسلێمانيێ ب تمامى هاتينه ئێكلاكرن وباده‌كا مووچێ فه‌رمانبه‌رێن هه‌رێمێ ژى قۆناغه‌كا باش يا برى.
سه‌عد حه‌ديسى، په‌يڤدارێ نڤيسينگه‌ها راگه‌هاندنێ يا سه‌رۆك وه‌زيرێن عيراقێ گۆت ” نوكه لژنێن بسپۆر ل دۆر باده‌كێن دناڤبه‌را به‌غدا وهه‌رێمێ دا كار دكه‌ن ودانوستاندنان ژى پێشڤه‌چوونه‌كا باش بخوه‌ڤه ديتيه”.
حه‌ديسى گۆت ژى” باده‌كا فرۆكخانێن هه‌ولێرێ وسلێمانيێ ب تمامى يێن هاتينه ئێكلاكرن وپرسا مووچێن فه‌رمانبه‌رێن هه‌رێمێ ژى قۆناغه‌كا باش بريه”.
ل دۆر پرسا پاشخستنا باده‌كا ده‌رگه‌هێن سنورى، ل گه‌ل بوارێ په‌ترۆلێ ل وان كێلگێن ل سنورێ هه‌رێما كوردستانێ، وه‌كو دده‌زگه‌هين راگه‌هاندنێ دا هاتيه به‌لاڤكرن، حه‌ديسى گۆت” من چو پێزانين ل سه‌ر رێككه‌فتنا به‌غدا وهه‌ولێرێ ل دۆر پاشخستنا وان باده‌كان بۆ پشتى هه‌لبژارتنان نينن”.
سه‌رۆك وه‌زيرێن عيراقێ، حه‌يده‌ر عه‌بادى، ل دووماهى داخۆيانيا خوه‌دا سوز دابوو فرۆكخانێن هه‌رێما كوردستانێ به‌رى نه‌وروزێ بهێنه ڤه‌كرن بۆ گه‌شتێن نێڤده‌وله‌تى ومووچێن پشكه‌ك ژ فه‌رمانبه‌رێن هه‌رێمێ ژى بهێته خه‌رجكرن.
ئه‌ڤرۆنيوز:
رێڤه‌به‌رێ گشتيێ ره‌گه‌زنامێ ل هه‌رێما كوردستانێ ئاشكرا دكه‌ت كو مووچێ سێ هه‌يڤێن دووماهيا سالا 2017 يێن فه‌رمانبه‌رێن ره‌گه‌زنامێ وپاسپۆرتێ ونشينگه‌هێ وكارتا پێزانينان كو ب سه‌ر حوكمه‌تاعيراقێ ڤه‌نه دێ ژئاليێ به‌غدا ڤه هێنه خه‌رجكرن.
ليوا (هێرش ئه‌حمه‌د) ريڤه‌به‌رێ گشتيێ ره‌گه‌زنامێ ب وه‌كاله‌ت ل هه‌رێما كوردستانێ گۆت” ده‌مێ دو رۆژانه دو لژننێن رێڤه‌به‌ريا گشتى يا ره‌گه‌زنامێ وكارتا نيشتمانى وئه‌و فه‌رمانگه‌هێن ب سه‌ر حوكمه‌تا عيراقێ ڤه ل به‌غدا بوون وسه‌ره‌دانا وه‌زاره‌تا دارايى ووه‌زاره‌تا ناڤخوه‌يا عيراقێ كربوو بۆ دو مه‌ره‌مان كو ئێك ژوان ئينانا مووچێ فه‌رمانبه‌رێن وان رێڤه‌به‌ريان يێن ب سه‌ر حوكمه‌تا عيراقێ ڤه، شاندێ دى ژى ب رێيا وه‌زاره‌تا ناڤخوه‌يا عيراقێ ده‌فته‌را رسۆمات وپاسپۆرتان بۆ هه‌رێمێ دێ ئينيت”.
نابرى زێده‌تر بۆ دوارۆژ گۆت ژى” شاند دێ مووچێ فه‌رمانبه‌رێن ره‌گه‌زنامێ وپاسپۆرت ونشينگه‌هێ وكارتا پێزانينان بۆ هه‌يڤێن 10 و11 و12 يێن سالا 2017 ئينن وپشتى گه‌هشتنێ راسته‌وخوه دێ هێنه به‌لاڤكرن ..
ئه‌ڤرۆ نیۆز،عه‌زیز هه‌ورامی:
پشتى فوئاد مه‌عسومى سه‌رۆك كۆمارێ عيراقێ دداخۆيانيه‌كا رۆژنامه‌ڤانى دا راگه‌هاندى كو ئه‌و دێ بێ لايه‌ن بيت دكێشێن دناڤبه‌را هه‌رێما كوردستانێ وبه‌غدا، ره‌خنێن توند ژئاليێن كوردستانيان ڤه بۆ هاتنه ئاراسته‌كرن.
چاڤدێرێ سياسى يونس نادر بۆ ئه‌ڤرۆنيوز گۆت” فوئاد مه‌عسوم كو ب ده‌نگ وئيستيحقاقا كوردان چوويه سه‌ر كورسيا سه‌رۆكاتيا كۆمارا عيراقێ، نه‌بوونا وى پۆستى ژ هه‌بوونا وى بۆ خه‌لكێ كوردستانێ باشتره”.
نادرى گوت ژى” فوئاد مه‌عسوم بۆ پاراستنا كورسيا خوه يێ به‌رهه‌ڤ نينه ل سه‌ر وان پێشێلكاريێن ل به‌رامبه‌ر گه‌لێ كوردستانێ دهێنه كرن ژئاليێ حوكمه‌تا عيراقێ ڤه بهێته ده‌نگ وه‌كو سه‌رۆك كۆمار”.
دياركر” پێدڤى بوو سه‌رۆك كۆمار هه‌كه وه‌كو رێزگرتن ژى با بۆ خه‌باتا شه‌ره‌شگێرى يا خوه ل سه‌ره‌مێ شوره‌شێن كوردستانێ كو خه‌بات كريه بۆ ئازادى وسه‌ربخوه‌يا گه‌لێ كوردستانێ، ده‌ستهه‌لاتێن خوه وه‌كو سه‌رۆك كۆمار بكارئينابان ورێگريێ ل پێشێلكاريان بكه‌ت كو رۆژانه به‌رامبه‌ر قه‌وارێ هه‌رێما كوردستانێ دهێنه كرن، هه‌كه بيانويا وى ئه‌و بيت كو گوهداريا وى ناكه‌ن يان سنورێ ده‌ستهه‌لاتا وى نينه، دشێت ل سه‌ر وێ كورسيێ نه‌مينيت كو ب پشكا كوردان دهێته ناڤكرن وهه‌لويستى وه‌ربگريت”.
نيشاندان