ئه‌ڤرۆ نیوز ، نه‌وزاد هلۆرى:

ئێكه‌تیا نیشتمانیا كوردستانێ ب مه‌ره‌ما رێكخستنا زێده‌تر یا نافخوه‌ى یا ئێكه‌تیا نیشتمانیا كوردستانێ ، كونگره‌یێ خوه‌ بو پشتى هه‌لبژاردنان پاشئێخست ، و ژه‌گه‌را درۆستبوونا ناكوكیان لسه‌ر هه‌لوه‌شاندنا مه‌كته‌با سیاسیا ئێكه‌تى و درۆستبوونا ده‌سته‌یه‌كا نوو ، سه‌ركرداتیا ئێكه‌تى كومبوونێن خوه‌ ڤه‌كرى هێلان ، بریار بوو كو ل بارا دیاركرنا ژڤانه‌كێ بو كونگره‌ى كوم ببن به‌لێ چوار هه‌یڤ لسه‌ر ده‌ربازبوون و هه‌تا نها ژڤانێ ئه‌نامدانا كونگره‌ى نه‌هاتیه‌ دیاركرن.

جه‌میل هه‌وارمى ئه‌ندامێ سه‌ركراتیا ئێكه‌تیا نیشتمانیا كوردستانێ دیاركر كو حه‌فتیا بورى بزاڤێن زور هاتنه‌كرن كو به‌رهه‌ڤى بو كومبوونا سه‌ركرداتیا ئێكه‌تى بهێته‌كرن به‌لێ هه‌تا نها چوو دیار نینه‌ ژ به‌ركو بریارا دوماهیێ ب ده‌ست كوسره‌ت ره‌سولى یه‌ و دبیت حه‌فتیا بهێت كومبوون بهێته‌كرن و گۆت: ( ل بارا كومبوونا سه‌ركراتیا ئێكه‌تى ، سه‌ركردایه‌تى بو سه‌ر سێ پشكان دابه‌ش بوویه‌ ، پشكه‌ك ل گه‌ل وێ یه‌كێ نه‌ كو مه‌كته‌با سیاسى بمینیت هه‌تا روژا كونگره‌ى ، پشكه‌ك ژى لسه‌ر هه‌لبرادنا وان 11 كه‌سێن ده‌سته‌یێ نه‌ كو هاتینه‌ هه‌لبژاردن ، و پشكه‌ك ژى كو پرانیا ده‌نگان بخوڤه‌ دگریت ل گه‌ل وێ یه‌كى َنه‌ كو مه‌كته‌با سیاسى كارێن خوه‌ بكه‌ت هه‌تاكو دگه‌هنه‌ رێكه‌فتنێ لسه‌ر هه‌لبژاردنا ده‌سته‌یه‌كا نوو)

زێده‌تر بو رووداو گۆت: (هه‌تاكو پشتى هه‌لبژاردنێن عیراقێ ئێكه‌تى چوو كونگره‌یان نا گرێده‌ت و هاتیه‌ پاشئێخستن ، به‌رى نها مه‌ ناكوكى هه‌بوون لسه‌ر ژڤانێ كونگره‌ى و پشكه‌ك ژ مه‌ ل گه‌ل وێ یه‌كێ بوون كو پشتى هه‌لبژاردنان كونگره‌ بهێته‌كرن و پشكه‌ك ژى ل گه‌ل وێ یه‌كێ بوون پشتى هه‌لبژاردنان بهێته‌كرن و نها ئه‌ڤ یه‌ك وه‌كو خوه‌ مایه‌ ژبه‌ركو دنهادا پرانیا ئه‌ندامان ل گه‌ل وێ یه‌كێ نه‌ كو كار بو هه‌لبژاردنان بهێته‌كرن و كونگره‌ بهێته‌ پاشئێخستن)

ئه‌ڤرۆ نيوز، نيوار:

ده‌سته‌يا ده‌ستپاكيا هه‌رێما كوردستانێ راگه‌هاند كو د ماوێ چه‌ند رۆژێن بۆرى دا ليسته‌ك ب ناڤێ چه‌ند كه‌سان به‌لاڤ بوويه‌ كو ئاماژه‌ ب وێ چه‌ندێ هاتيه‌ كرن كو دووڤچوون ل سه‌ر گه‌نده‌ليێ ل گه‌ل ڤان كه‌سان دهێته‌ كرن، به‌لێ ئاشكه‌را كر كو ئه‌وان چو په‌يوه‌ندى ب وان ناڤان ڤه‌ نينه‌.

ئاماژه‌ ب وێ چه‌ندێ ژى كريه‌ كو ئه‌و ده‌زگه‌هه‌كێ فه‌رمى نه‌ و كارێن خوه‌ ب رێيێن فه‌رمى دكه‌ن، “ژ به‌ر هندێ ژى ئه‌و تشتێ به‌لاڤ بوويى چو په‌يوه‌ندى ب مه‌ ڤه‌ نينه‌”.

ده‌قێ راگه‌هاندنێ:

ماوه‌ى چه‌ند ڕۆژێكه‌ له‌ تۆڕه‌ كۆمه‌ڵایه‌تییه‌كان لیستێك بڵاو بووه‌ته‌وه‌ ده‌رباره‌ى ئه‌و كه‌سانه‌ى كه‌ كه‌یسیی گه‌نده‌ڵییان هه‌یه‌ و له‌لایه‌ن ده‌سته‌ى ده‌سپاكى هه‌رێمى كوردستانه‌وه‌ لێكۆڵینه‌وه‌یان  له‌گه‌ڵ ده‌كرێت، بۆیه‌ ئێمه‌ به‌ هه‌موو لایه‌كى ڕاده‌گه‌یه‌نین كه‌ بڵاو كردنه‌وه‌ى ئه‌و لیسته‌ پێوه‌ندى به‌ ده‌سته‌وه‌ نییه‌ و لاى ئێمه‌وه‌ بڵاو نه‌كراوه‌ته‌وه‌.

دووپات له‌سه‌ر ئه‌وه‌ ده‌كه‌ینه‌وه‌ كه‌ ده‌سته‌ى ده‌سپاكى هه‌رێمى كوردستان دامه‌زراوه‌یه‌كى فه‌رمییه‌ و چالاكییه‌كانى به‌فه‌رمى و به‌ ئاشكرا بڵاو ده‌كاته‌وه‌.

ده‌سته‌ى ده‌سپاكى هه‌رێمى كوردستان

12ى ئادار/ مارس، 2018

ئەڤرۆ نیوز، نەوزاد ھلۆری:

ئەندامەکێ پەرلەمانێ کوردستانێ دیارکر کو ئەڤرۆ رۆژا دووشەمبی رێکەفتی 12ێ ئادارێ شاندەکێ پەرلەمانێ کوردستانێ و پەیوەندەندیێن ھەرێم و ناڤەندی ، سەرەدانا ئوروپا کەت.

زانا عەبدولرەخمان ئەندامێ پەرلەمانێ کوردستانێ دیارکر کو مەرەم ژ سەرەدانێ دیارکرنا روولێ پەرلەمانێ کوردستانێ یە و باشکرنا پەیوەندیێن دناڤبەرا ھەرێما کوردستان و عیراقێ یە ، و بو وێ یەکێ داکو جڤاکێ نیڤدەولەتی روول ھەبیت ، بەرامبەر ئەوان بنپێکرنێن دەستووریێن کو ژلایێ عیراقێ بەرامبەر ھەرێما کوردستانێ ھاتینەکرن).

زێدەتر گۆت: (شاندێ پەرلەمانێ کوردستانێ پێکدھێت ژ جێگرێ سەرۆکێ پەرلەمانێ کوردستانێ و سکرتێرا پەرلەمانی و چەند فراکسوون و لژنەکێن ناڤا پەرلەمانێ کوردستانێ بیت ، و ئێکەم سەرەدان ژی دێ بو بریتانیا بیت).

پشتی ریفراندۆما سەربخوەی یا کوردستانێ ل رێکەفتی 25ی ئیلونا سالا بووری، پەیوەندیێن دناڤبەرا ھەولێر و بەغدا تێکچوون و ھەرێما کوردستانێ کەفتە د رەوشەکا دارایی و ئابوری یا دژوار دا.