ئەڤرۆ نیوز ، زنار تۆڤی :
رێڤەبەرێ گشتی یێ حەج و عومرێ ل وەزارەتا ئەوقاف و کاروبارێن ئاینی ل حوکمەتا هەرێما کوردستانێ بوهایێ حەجا بازرگانی یا ئەڤ سالە ئاشکرا کر.
ل رۆژا شەمبیێ 7/4/2018، قاسم رەسول رێڤەبەرێ گشتی یێ حەج و عومرێ د پریس کۆنفرانسەکێدا، حەجا بازرگانی ل هەرێما کوردستانێ راگەهاند.
قاسم رەسول ئاگاهداریا هەموو وان کەسان کریە،یێن کو دڤێن ب شێوەیێ بازرگانی حەجێ بکەن،کو ل رۆژانێن ئێکشەمبیێ 8/4/2018 و دووشەمبیێ سەرەدانا رێڤەبەراتیا ئەوقافا دەڤەرێن خوە بکەن و ناڤێن خوە بنڤێسن.
هەر وەکو رێڤەبەرێ گشتی یێ حەج و عومرێ راگەهاند،کو بوهایێ چوونا هەر کەسەکێ بۆ حەجێ ب رێیا حەجا بارزگانی هەشت هزار دۆلارن.
ئەو وەلاتیێن ب رێیا ئاسایی و تیروپشکا حەجێ دکەن، گۆژمێ چار هەزار و 100 دۆلار دێ ژێ هێنە وەرگرتن.
ئەڤرۆ نیوز ، زنار تۆڤی :
كۆمپانیا شه‌ماران پترۆلیۆم دایە دیارکرن،ب ئەگەرێ ب زەحمەت به‌رهه‌مئینانێ، وه‌به‌رهێنان ل كێلگه‌ها ئه‌ترووش ل هه‌رێما كوردستانێ كاریگه‌ریەکا نه‌رێنی هه‌بوویە ل سه‌ر به‌رهه‌مئینانا نه‌فتێ ل ڤێ دەڤەرێ.
د نووچەیەکێ مالپه‌رێ hydrocarbons-technology دا هاتیه، وه‌به‌رهێنانا نەفتێ ل دەڤەرا ئه‌ترووشێ ل هه‌رێما كوردستانێ ژ لایێ كۆمپانیا شه‌ماران پترۆڵیۆم كێشه بۆ دروست بوویە، ب ئەگەرێ كێمبوونا ئاسانكاریێن به‌رهه‌مئینانێ.
ڤەکۆلینان ده‌رێخستیه،کو رێگرییان ل داخستنا پشکەک ژ ئالوگۆریێن گه‌رمێ کو بزاڤا چاره‌سه‌ریێ بۆ دهێتە کرن،بوویە ئەگەرێ سستكرنا به‌رهه‌مئینانا نه‌فتێ ژ لایێ وی كۆمپانیێ ڤه ل دەڤەرا ئه‌ترووش.
به‌رهه‌مئینان ل چارێکا ئێکێ یا سالا 2018، 23.600 به‌رمیلێن نه‌فتێ بوون د رۆژەکێدا،لێ ل هەیڤا بوری به‌رهه‌مئینان 20.300 به‌رمیل تۆمار كرینه.
كریس برونجینزیلس سه‌رۆك و رێڤەبەرێ جێبه‌جێكارێ كۆمپانیا شه‌ماران گوتیە،ل گه‌ل هەبوونا ڤان كێشان هێشتا به‌رهه‌مئینان نەهاتیە چاڤەرێ کرن و لێ مه دلنیایی هەیە کو ئەڤ كێشه دێ هێنە چاره‌سه‌ر کرن و د داهاتیدا به‌رهه‌مئینانا نه‌فتێ دێ گەهیته 30 هزار به‌رمیلێن نه‌فتێ د رۆژانه دا، ئەم دێ هه‌موو كاران كه‌ین بۆ دووباره نه‌بوونا كێشه‌یێن ب ڤی جۆری.
شه‌ماران كۆمپانیایەکا كه‌نه‌دیه و یا تایبه‌ته ب گه‌شه‌پێدانێ و به‌هه‌مئینانا نه‌فتی و گازا سروشتی و پشكا 20.1% هه‌یه ل به‌رهه‌مئینانا نه‌فتی ل هه‌رێما كوردستانێ و كێلگەها ئه‌ترووش.
ئەڤرۆ نیوز ، زنار تۆڤی :
جارەکادی فرۆکێن ئێف 16 یێن سۆپایێ تورکی دەڤەرا بەرواری بالا بۆمبە بارانکر و دو بۆمبە ل چیایێ زنارا کێسته دان یاکو دکەڤیته پشتا گوندێ کێسته ل ڤێ دەڤەرێ.
ئەڤرۆ شەمبیێ ل دەمژمێر 10:15 خولەکی سپێدێ دو فرۆکێن ئێف 16 یێن سۆپایێ تورکی ب بەهانەیا هەبوونا چەکدارێن پەکەکێ چیایێ زنارا کێستە ل دەڤەرا بەرواری بالا بۆمبە بارانکر و دو بۆمبە ل سەرێ وی چیایی دان،لێ هەتاکو نوکە زیانێن وێ بۆمبه بارانکرنێ نەهاتینە زانین.
د هەمان دەمدا و ل دەمژمێر 12:10 خولەکی نیڤرۆ جارەکادی فرۆکێن تورکی هەمان جه بۆردومانکر.
ئه‌ڤرۆ نیوز ، نه‌وزاد هلۆرى:
ژ دوهى وه‌ره هه‌تا ئێڤاریا ئه‌ڤرۆ فرۆكێن توركیا ده‌ڤه‌را سیده‌كان بوردومان دكه‌ن و ژ ئه‌نجامێ بوردومانا وان 120 خێزانێن گوندێن قه‌زا سۆران مال و حالێن خوه هێلان و ئاواره‌ی ده‌ڤه‌رێن دى ب تایبه‌تى سیده‌كان بوون.
ژێده‌ره‌كێ ل ناحیا سیده‌كان بۆ ئه‌ڤرۆ نیوز گۆت”شه‌ڤا بۆرى هه‌تا ئێڤاریا ئه‌ڤرۆ فروكه و توبخانه‌یێن توركیا چه‌ند گونده‌كێن سنورێ ناحیا سیده‌كان بوردومان دكه‌ت ب تایبه‌تى گوندێن هێرت ، لێلكان ، گوره‌شا ، به‌ره‌سه‌نان ، خه‌لیفان ، هه‌لگیران و سیران و خه‌لكێ ئه‌وان گوندان ، گوندێن خوه به‌رداینه و قه‌ستا مالێن كه‌سوكار و سنورێ ناحیا سیده‌كان كریه كو هژمارا وان نێزیكێ 120 خێزانایه”.
زێده‌تر گۆت” هه‌ر ژ ئه‌نجامێ وان بوردومانان، دو كه‌س ژى ب گرانى برینداربووینه و نها بوردومان نه‌مایه و هنده‌ك ژ وان وه‌لاتیان زڤرینه‌ڤه سه‌ر گوندێن خوه”.
هه‌ر ئه‌ڤرۆ فروكێن توركیا ده‌ڤه‌را نێروه‌ورێكان و دوسكیا ل سنوورێ قه‌زا ئامێدیێ بوردومانكریه ، به‌لێ چو زیان نه‌بوون.
ئه‌ڤرۆنيوز:
ژ ئه‌نجامێ روودانه‌كا هاتنوچوونێ، پشتى نيڤرۆيا ئه‌ڤرۆ ئه‌ينيێ 6/4/2018، كه‌سه‌كى گيانێ خوه ژده‌ست دا وپێنج كه‌س ژى برينداربوون كو هه‌موو ژ ئێك خێزانێ بوون.
رائيد (دلاوه‌ر له‌تيف) په‌يڤدارێ پۆليسێن هاتنوچوونێ ل قه‌زا سۆران دداخۆيانيه‌كا رۆژنامه‌ڤانى دا، راگه‌هاند” ترومبێله‌كا ژ جۆرێ تويۆتا لاندگرۆز ل گرێ باپشتيان ل قه‌زا سۆران وه‌رگه‌ريا ودئه‌نجامدا كچه‌كا 14 سالى گيانێ خوه ژده‌ست دا وشوفێر وپێنج كه‌سێن دى برينداربوون كو هه‌موو ئێك خێزان بوون”.
ئه‌ڤرۆنيوز:
كۆمسيۆنا بلند يا هه‌لبژارتنان ل عيراقێ راگه‌هاند، په‌سه‌ندكرنا دووماهيێ بۆ 7188 به‌ربژێرێن هه‌لبژارتنێن جڤاتا نوونه‌رێن عيراقێ هاتيه كرن ودياركر ژى كو هژماره‌كا به‌ربژاران هاتينه دوورخستن ژبه‌ر پرسێن گرێدايى قانوونا لێپرسينێ ودادپه‌روه‌ريێ.
حازم ئه‌لرودينى، ئه‌ندامێ جڤاتا كۆميساران ل كۆمسيۆنا بلند يا هه‌لبژارتنانل عيراقێ گۆت” كۆمسيۆنێ هه‌موو كارێن هووربينيێ ل دۆر ناڤێن به‌ربژارێن هه‌لبژارتنێن جڤاتا نوونه‌ران يێن تايبه‌ت ب پێرابوونێن ناڤخوه‌يى وباوه‌رنامێ وقانوونا لێپرسينێ ودادپه‌روه‌ريێ ووه‌رگرتنا ناڤێن شوونگر بۆ يێن دوورخستى، ب دووماهى ئيناينه”.
ئه‌لرودينى زێده‌تر بۆ ئاژانسا (المعله‌مه) يا عيراقى زێده‌تر گۆت” 7188 به‌ربژار ل هه‌موو پارێزگه‌هێن عيراقێ يێن هاتينه په‌سه‌ندكرن وهنده‌ك ژى يێن هاتينه دوورخستن ژبه‌ر پێرابوونێن قانوونا لێپرسينێ ودادپه‌روه‌ريێ وهێشتا جهێن وان ماينه ڤالا”.
دهێته زانين، كۆمسيۆنا بلند يا هه‌لبژارتنان ل هه‌يڤا كانوونا دويێ 2018 راگه‌هاندبوو” 10 هزار كه‌سان خوه به‌ربژاركريه بۆ هه‌لبژارتنێن جڤاتا نوونه‌رێن عيراقێ كو دێ ل 15/5/2018 هێنه ئه‌نجامدان”.
ئه‌ڤرۆنيوز:
ب ئارمانجا بجهئينانا پرۆژێ تاگرس بۆ ب نێڤده‌وله‌تيكرنا هژماره‌كا زانكۆيێن كوردستانێ، ب كۆژمێ ئێك مليۆن يورۆيان، پرۆژه‌ك ژ ئاليێ ئه‌لمانيا ڤه ل زانكۆيێن هه‌رێما كوردستانێ دهێته بجهئينان.
نڤيسينگه‌ها په‌يوه‌نديێن نێڤده‌وله‌تى يا زانكۆيا (جۆرج ئوگه‌ست گوتينگن) يا ئه‌لمانى ل پێنجشه‌مبى 5/4/2018 ل هه‌ولێرێ هاته ڤه‌كرن كو ئه‌و نڤيسينگه‌هه دێ بيته بنگه‌هێ په‌يوه‌نديێ دناڤبه‌را زانكۆيێن هه‌رێما كوردستانێ وزانكۆيێن ئه‌لمانى.
عه‌باس ئه‌كره‌م، په‌يڤدارێ وه‌زاره‌تا خواندنا بلند وڤه‌كۆلينێن زانستى ل هه‌رێما كوردستانێ راگه‌هاند”پرۆژێ ب نێڤده‌وله‌تيكرنا زانكۆيێن هه‌رێما كوردستانێ ژئاليێ ئه‌لمانيا وئێكه‌تيا ئورۆپى ڤه پشته‌ڤانيا دارايى لێ دهێته كرن، كو ئه‌و پرۆژه ژئاليێ وه‌زاره‌تا خواندنا بلند ل هه‌رێمێ هاتبوو پێشنيازكرن”.
عه‌باس ئه‌كره‌ك دداخۆيانيه‌كا رۆژنامه‌ڤانى دا گۆت ژى” پرۆژێ تاگرس پرۆژه‌كێ گرنگه دبوارێ خواندنا بلند ڤه دناڤبه‌را وه‌زاره‌تا خواندنا بلند وڤه‌كۆلينێن زانستى ل هه‌رێمێ وئه‌لمانيا كو ژئاليێ ئێكه‌تيا ئورۆپى كوژمێ ئێك مليۆن يورۆ بۆ هاتيه دابينكرن ودوى پرۆژه‌ى دا وه‌زاره‌تا خواندنا بلند وده‌سته‌يا كوردستانى بۆ خواندنێن ستراتيژى وڤه‌كۆلينێن زانستى وزانكۆيێن سه‌لاحه‌دين وچه‌رموو وراپه‌رين وهه‌له‌بجه وزانكۆيێن پۆليته‌كنيك يێن هه‌ولێر وسلێمانيێ ودهۆكێ دپشكدارن”.
ئه‌ڤرۆنيوز:
فرۆكێن توركى سپێده‌يا ئه‌ڤرۆ ئه‌ينيێ 6/4/2018، ده‌ڤه‌را نێروه‌ورێكان ل سنورێ قه‌زا ئامێديێ توبپارانكرن.
ژێده‌ره‌كى ژناڤ سه‌نته‌رێ ناحيا شێلادزێ بۆ ئه‌ڤرۆ نيوز دياركر” فرۆكێن توركى سنورێن گوندێن مازيێ وشاجا وبێزه‌لێ وچه‌ندين جهێن دى توپبارانكرن”.
دهيته زانين به‌رى چه‌ند رۆژان فرۆكێن توركى دو پر ل ده‌ڤه‌را نێروه‌ورێكان په‌قاندبوون كو نێزيكى 50 گوندان پێكڤه گرێددان.
ئەڤرۆ ، زنار تۆڤی :
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دا دیارکرن:کو ل شەڤا بوری د روودانەکا ترافیکێ دا چار کەس برینداربووینە.
ناڤهاتی ئەو یەک ژی دا خویاکرن:ل شەڤا بوری و ل
دەمژمێر (9:30) خولەک ل سەر جادا سەرەكی یا باتیفا بۆ قەزا زاخۆ و ل نێزيك گوندێ سیرکوتکی ترۆمبێلەکا تایبەت BWM یا رەنگێ رەش وەرگەریایە و د ئەنجامێ وێ روودانێ دا چار کەس ب سڤکی بریندار بووینە و هه‌روه‌سا زیانێن به‌رچاڤ ژی ب ترۆمبێلێ كه‌فتینە.
نيشاندان