ئه‌ڤرۆ نيوز:
ئەڤرو ل دەم ژمێر 6:00 سپێدێ پەیوەندی ب بنگەهێ بەردەرەش هاتە کرن بهەبوونا رویدانەکا ئاگری ل بازارێن نشتیمان کو ئاگر بەربویە 5 تا 9 دوکانا ل بەردەرەش.
رائيدێ ماف په‌روه‌ر، بێوار عه‌بدولعه‌زيز رێڤه‌به‌رێ راگه‌هاندنا به‌ره‌ڤانيا باژێرى ل دهۆكێ دياركريه كو ژ ئەگەرکێ نەدیار بنگەهێ ناڤبری ل جهێ رویدانێ ئامادەبوو و شیان ئاگری کونترول بکەن و چو زيانێن گيانى نه‌بووينه.
ئه‌ڤرۆ نيوز:
سەرۆک مەسعود بارزانی راگەهاندنەک ب هەلکەفتا سالڤەگەرا سەرهلدانا سالا 1991 بەلاڤ کر و راگەهاند: سەرهلدان هێمایێ نەرادەستیبوونێ و قەبوولنەکرنا زولم و داگیرکاریێ یە، دەستکەفتێن وێ ژی دیارن.
سەرۆک بارزانی سه‌باره‌ت بریارا پەرلەمانێ ئیراقێ یا پەسەندکرنا پرۆژه بودجەیا ئەڤساله راگەهاند: سەرهلدانێ دیار کر، کو ئازادی و ماف ناهێنە پێشکێشکرن، دهێنە ستاندن، لەورا ژی پێدڤی یە هەموو ئالیێن سیاسی یێن کوردستانێ ئەڤرۆ ژی ب ئێکدەنگی ل هەمبەر پێشێلکاریێن شەراکەت و هەڤسەنگی و بنەمایێن دەستيووری ژ ئالیێ حکومەتا ئیراقێ ڤە براوەستن، هەلويستەکێ گونجای نیشان بدەن و و پیلانگێریێن دژی گەلێ کوردستانێ قەبوول نەکەن.
ئەڤرو نیوز ، نەوزاد هلۆری:
ب مه‌ره‌ما پاراستنا ژینگه‌هێ و دابینكرنا مافێن ئاژه‌لان ، ئێڤاریا ئه‌ڤرۆ رێکخراوا هاریکاریا کوردی – ئەمریکی سێ هرچ ل چیایێ گارە یا سەر ب قەزا ئامێدیێ ئازادکرن ، و ئه‌ڤه د ده‌مه‌كێ دایه كو سالا بوورى هرچه‌ك ل چیایى َگاره‌ى ژلایى َوه‌لاتیان هاتبویه كوشتن.
دڤی واریدا بلند بریفکانی سەروکێ رێکخراوا هاریکار یا کوردی – ئەمریکی بو ئەڤرۆ نیوز گۆت: (ب مەرەما پاراستنا ئاژەلێن کویڤی و ژینگەهێ ، ئەڤرو مە سێ هرچ ل چیایێ گارەی ل سنوورێ قەزا ئامێدیێ ئازادکرن ، وەکو ئامەژەیەکا ب هێز بو کوشتنا هرچا گارەی ئەڤا کو پارسال ژلایێ هندەک کەسان ڤە هاتیە کوشتن)
زێدەتر گۆت: (ئەڤ هرچە ژ جورێ هرچا مەزن یا سووری نە ، ژیێ وان دناڤبەرا سێ سال بو شەش سالی دانە ، هەرچێن کویڤی نە بەلێ هاتینە کەویکرن ، و ب ئازادکرنا وان دێ فێری کویڤی بوونێ بن و چوو مەترسی ژی لسەر مرنا وان نابن ژ روویێ خوارن و ڤەخوارن)
ل ده‌ما كو ئه‌و هرچ هاتینه ئازادكرن كه‌سه‌ك هاته برینداركرن ئه‌و ژى ژبه‌ر سه‌ده‌ما هرچێ كه‌سه‌ك ره‌ڤى و د به‌ره‌كێ مه‌زن دا كه‌فت و سه‌رێ وى شكه‌ست و هاته ڤه‌گوهاستن بو نه‌خوشخانێ ، و دیسان هرچێ هێرش كره سه‌ر كه‌سه‌كێ و ئێخسته بن ده‌ست و پیێن خوه.
ئه‌ڤرۆ نيوز:
دادگه‌ها باژێرێ غازى عه‌نتاب بڕيارا هه‌لوه‌شاندنا سزايێ عوسمان بايده‌مير، په‌رله‌مانتارێ پارتيا ديموكراتا گه‌لان (هه‌ده‌په) كو ل سالا 2012ێ ئاراسته‌ى وى هاتبوو كرن.
بايده‌مير وى ده‌مى سه‌رۆكێ باژێرڤانيا مه‌زنا ديار به‌كر بوو بۆ ب تۆمه‌تا “سڤكاتيكرن” ب كارمه‌ندێن پۆليسێن به‌رده‌رگه‌هێ ئاڤاهيێ دياربه‌كر، دادگه‌ها دياربه‌كر سزايێ ساله‌ك و پێنج هه‌يڤان و پازده رۆژان ب سه‌ردا سه‌پاندبوو.
هه‌ر ئێك ژ ره‌يحان يالچنداغ و سه‌ردار چه‌له‌بى پارێزه‌رێن بايده‌مير بڕيارا دادگه‌ها باژێرێ دياربه‌كر ب “بنپێكرنا قانوون و رێكارێن قانوونى” ل قه‌له‌م دا و داخواز پێشكێشى دادگه‌هێ كريه بۆ پێداچوون د بڕيارێ دا ب ژناڤبرنا سزايى.
پشتى پێداچوون بۆ داخوازيا پارێزه‌رێن بايده‌مير، دادگه‌هێ بڕيارا هه‌لوه‌شاندنا بڕيارا زيندانيكرنێ دا و هه‌رديسا بڕيارا دووباره دادگه‌هكرنێ بكه‌نه‌ڤه بۆ بڕيار دان ده‌رباره‌ى وێ تۆمه‌تا كو ئاراسته‌ى وى هاتيه كرن.
ئەڤرۆ نیوز:
جڤاتا وەزیرێن هەرێما كوردستانێ بۆ ده‌ربڕينا هه‌لويستێ خوه ل سه‌ر په‌سه‌ندكرنا بودجا 2018ێ يا عيراقێ يێ د كۆمبوونێ دا.
ب سه‌رۆكاتيا نێچيرڤان بارزانى، سه‌رۆكێ حوكمه‌تا هه‌رێما كوردستانێ ل ده‌مژمێر 11ى به‌رى نيڤرۆ جڤاتا وه‌زيران كۆمبوو بۆ دانوستاندنا پرسا بودجا عيراقێ كو سه‌ره‌رايى نه‌رازيبوونا كوردان رۆژا شه‌مبى ل په‌رله‌مانێ عيراقێ په‌سه‌ندكر.
چاڤه‌رێ دهێته كرن كو كۆمبوونا نێچيرڤان بارزانى، كۆنفرانسه‌كێ رۆژنامه‌ڤانى ئه‌نجام بده‌ت و هه‌لويستێ حوكمه‌تا هه‌رێما كوردستانێ ل سه‌ر قانوونا بوودجێ 2018ێ يێ عيراقێ ئاشكه‌را كه‌ت.
ئه‌ڤرۆ نيوز:
سه‌رۆكاتيا په‌رله‌مانێ كوردستانێ به‌رى ده‌مه‌كێ كێم كۆنگره‌كێ رۆژنامه‌ڤانى ئه‌نجام دا و تێدا راگه‌هاند كو قانوونا خانه‌نشينيێ دێ ڤه‌گه‌ريته په‌رله‌مانى.
جه‌عفه‌ر ئيبراهيم، جێگرێ سه‌رۆكێ په‌رله‌مانێ كوردستانێ راگه‌هاند كو ئه‌وان پرۆژێ قانوونا خانه‌نشينيێ ب هه‌موو ماددێن وێ ڤه بۆ په‌رله‌مانێ كوردستانێ ڤه‌گه‌راند دا كو راستڤه‌كرن بهێته كرن.
بێگه‌رد ته‌له‌بانى، سكرتێرا په‌رله‌مانێ كوردستانێ راگه‌هاند كو ل ده‌مێ ده‌نگدانا په‌رله‌مانتاران ل سه‌ر پرۆژه‌ى، خوه په‌رله‌مانتاره‌ك ب تنێ ژى ل دژى قانوونێ رانه‌وه‌ستيا.
پاشان ژى ڤيديويا ده‌مێ ده‌نگدانا په‌رله‌مانتاران ل سه‌ر پرۆژێ قانوونێ به‌لاڤكر كو ئه‌ڤێ ل خوارێ ديمه‌نێ ده‌نگدانێ يه ل سه‌ر پرۆژێ قانوونێ:
ئه‌ڤرۆ نيوز:
رێڤه‌به‌رێ گشتیێ گۆمركا هه‌رێما كوردستانێ سامال عه‌بدولره‌حمان راگه‌هاند، حوكمه‌تا ناڤه‌ندیا به‌غدا چو چاڤدێر بۆ چاڤدێریكرنا كارگێریا خالێن سنوری یێن سه‌ره‌كێ یێن هه‌رێما كوردستانێ نه هنارتینه.
رۆژناما شه‌رق ئه‌لئه‌وسه‌ت ل سه‌ر زارێ رێڤه‌به‌رێ گشتیێ گومركان راگه‌هاند، داهاتێ هه‌ر پێنچ خالێن سه‌ره‌كی یێن هێشتا بۆ هه‌ولێرێ دهێته ره‌وانه‌كرن، ئه‌و ل ژێر فه‌رمانا كارگێریا هه‌رێمێ كارێ خوه دكه‌ن، هه‌روه‌سا دیاركر، دانوستاندنێن ل گه‌ل ده‌سته‌یا گۆمركا عیراقێ قۆناغه‌كا درێژ یا ئه‌رێنی ده‌رباز كرینه، رێككه‌فتن ل سه‌ر خالێن هه‌ڤپشك هاتینه ئیمزا كرن، كو دڤێت برێڤه‌برنا خالێن سنۆری ب هه‌ڤپشكبن، ل گۆڕ دستورێ عیراقێ.
هه‌روه‌سا ناڤبری رونكر، رێككه‌فتنا سه‌باره‌ت كارگێریا خالێن سنوری ل گه‌ل سنوری ئیرانێ و تركیا هێشتا نه‌چوویه د بوراێ بجهئینانێ دا، چونكی هه‌تا نوكه ئه‌م چاڤه‌رێ رێككه‌فتنا سیاسی ینه د ناڤبه‌را به‌غدا وهه‌ولێرێ دا.
هه‌ر ل گۆڕ رۆژناما شه‌رق ئه‌لئه‌وسه‌ت، به‌غدا هێشتا داخوازیا راده‌ستكرنا خالێن سنۆری یێن فه‌رمی یێن دناڤبه‌را عیراقێ و توركیا و ئیرانێ ژ هه‌رێما كوردستانێ دكه‌ت، وه‌ك مه‌رج بۆ ده‌ستپێكرنا دانوستاندنێن سیاسی ل گه‌ل هه‌رێمێ.
شه‌رق ئه‌لئه‌وسه‌ت دیاركر، حوكمه‌تا عیراقێ بزاڤكرن بۆ كونترۆل كرنا خالێن سنۆری بهێزا له‌شكری، ب هه‌ڤالبه‌ندیا ل گه‌ل ته‌هران و هوالگیریا ئه‌نقره و ته‌هران، بتایبه‌تی خالا سنۆری یا ئیبراهیم خه‌لیل یا ستراتیجی ل گه‌ل توركیا، و ده‌رگه‌هێ پێشابیرێ ل گه‌ل سوریا، كو به‌غدا یا رژده برێڤه‌برنا وان هه‌ردو خالێن سنوری بتنێ به‌غدا بێی هه‌رێما كوردستانێ بكه‌ت.
رۆژناما ناڤبری ئاماژه‌دا هندێ، ئیران پشته‌ڤانیا حوكمه‌تا به‌غدا دكه‌ت، بۆ كونترۆل كرنا خالا سنوری یا پێشابیرێ، چونكی كونترۆل كرنا وێ خالا سنۆری دێ ده‌رگه‌هه‌كێ ئێمن و خۆش بۆ وه‌لاتێ ئیرانێ په‌یدا كه‌ت، ب مه‌ره‌ما هنارتنا كاروانێن وه‌لاتێ ئیرانێ به‌ر ب وه‌لاتێ سووریا بیێ چو ئاسته‌نگ هه‌بن.
جهێ ئاماژه‌كرنێ یه به‌غدا ب هه‌ڤكاریا ئه‌نقره و ته‌رهان كومه‌كا بڕیارێن نه‌قانوونی دژی هه‌رێما كوردستانێ ده‌رخستن، نه‌خاسم پشتی پرۆسا ریفراندۆمێ رێككه‌فتی 25 مه‌ها ئه‌یلولا سالا بۆری.
ئەڤرۆ نیوز ، زنار تۆڤی :
وەسا بریارە ئەڤرۆ جڤاتا وەزیرێن هەرێما كوردستانێ كۆمبوونا خوە یا هەیڤانە بكەت و دێ گوتۆبێژ ل سەر چەند بابەتەکان بیت،ب تایبەتی پەیوەندیێن کوردان ل گەل بەغدا.
نوری عوسمان سەرۆكێ فەرمانگەها هەماهەنگی و زانیاریان ل جڤاتا وەزیرێن هەرێما كوردستانێ راگەهاندیە،کو بریارە ئەڤرۆ جڤاتا وەزیرێن هەرێما كوردستانێ كۆمبوونا خو یا ئاسایی ئەنجام بدەت،دێ ل سەر چەندین پرسان گوتۆبێژان کەن.
ئۆسمانی ئاشكراکر ژی،د وێ كۆمبوونێ دا دێ گفتوگۆ ل سەر ئاستێ پەیوەندیێن هەرێما كوردستانێ و عێراقێ هێنە کرن.
هەروەسا هەیڤانە جڤاتا وەزیرێن هەرێما كوردستانێ دو كۆمبوونان ئەنجام ددەت و گفتوگۆیان ل سەر پرسێن گرنگ و نوو دکەن و ل گەل پێشكێشكرنا راپۆرتێن وەزیران دەربارەی شێوازی كاركرنێ و كێشە و بەربەستەیان و چاوانیا چارەسەركرنێ.
ئەڤرۆ نیوز ، زنار تۆڤی :
سه‌رۆكێ فراكسیۆنا ئێكه‌تیێ ل پەرلەمانێ عێراقێ راگه‌هاندیە: بۆ ڤه‌كێشانێ ژ پرۆسه‌یا سیاسى یا عێراقێ، ئه‌م یێ ل هیڤیا بریارا حوکمه‌تا هه‌رێمێ ماین.
ئارێز عه‌بدوللا، سه‌رۆكێ فراكسیۆنا ئێكه‌تیا نشتیمانیا کوردستانێ بۆ میدیایێن پارتیا خوە راگەهاندیە:حوکمه‌تا عێراقێ شه‌راكه‌ت بن پێكر و رێز ل مافێن خه‌لكێ كوردستانێ نه‌گرت و ب زۆرینه‌یا سیاسى یا ده‌نگێن عه‌ره‌بان بودجه پەسەندکر،ئەو ژی نابیت بهێته قه‌بوولكرن و پێدڤی یه هه‌موو فراكسیۆنێن کوردستانی ئێك ده‌نگ بن و هه‌لویسته‌كێ دژوار نیشان بده‌ن.
دیارکریە ژى: بۆ ڤه‌كێشانا ژ پرۆسه‌یا سیاسى یا عێراقێ، ئه‌م ل هیڤیا بریارا حوکمه‌تا هه‌رێمێ ماینه و حوکمه‌ت و سه‌ركرداتیا سیاسى یا كوردستانێ هه‌ر بریاره‌كێ بده‌ت، ئه‌م دێ پێ پابه‌ند بین.
ئه‌ڤرۆ نیوز ، هلۆرى:
سه‌رۆكێ لژنا دارایى یا په‌رله‌مانێ كوردستانێ دیاركر كو دوو رێك به‌رامبه‌ر هه‌رێما كوردستانێ ل بارا بودجا گشتى یا عیراقێ به‌رامبه‌ر كوردان هه‌نه، یان پشكا بودجا كوردان بهێته كێمكرن بو 12،6% یان هه‌رێم ب شێوه‌یه‌كێ سه‌ربخوه پشت ب سه‌ربخوه‌ى یا ئابوورى یا خوه ببه‌ستیت.
عزه‌ت سابر سه‌رۆكێ لژنا دارایى یا په‌رله‌مانێ كوردستانێ دیاركر كو جڤاتا وه‌زیران یا هه‌رێما كوردستانێ سوبه‌هى دێ دانوستاندنا بژاردێن به‌رامبه‌رى كوردان كه‌ت یان رازى بیت لسه‌ر پشكا بودجا گشتى یا عیراقێ بو سالا 2018 د به‌رامبه‌ر دا رۆژانه 250 هزار به‌رمیلێن په‌ترۆلێ راده‌ستێ حوكمه‌تا عیراقێ بكه‌ت ، یان ژى پشت ب داهاتیێ خوه گرێده‌ت و ب شێوه‌یه‌كێ سه‌ربخوه په‌ترولێ ره‌وانه‌یێ بازارێن جیهانێ بكه‌ت ، كو یا دوویێ نێزیكتره بهێته هه‌بژاردن)
زێده‌تر بو شه‌فه‌ق نیوز گۆت: ( ئه‌و رێژا كو عیراقێ بریار لسه‌ر دایى دێ بیته سه‌ده‌ما درۆستبوونا كورهێنان ب بودجا هه‌رێما كوردستانێ ، و دێ زیانه‌كا مه‌زن ب وه‌لاتیان و پرۆژێن وه‌به‌رهێنانێ و نه‌فه‌قاتێن بكارئینانێ كه‌ڤیت )
ناڤبرى ئه‌و یه‌ك ژى دیاركر كو رێژه‌یه‌كا زور ژ سه‌رجه‌مێ بودجا عیراقێ بو نه‌فه‌قاتێن سیادى هاتیه دانان و بڤێ یه‌كێ ژى وه‌لاتیێن هه‌رێمى كوردستانێ مفادارێ پشكا بودجا گشتى یا عیراقێ نابن ژبه‌ركو دێ بو 7% هێته خوار ئه‌گه‌ر نه‌فه‌قاتێن سیاسى بهێنه ده‌ركرن.
ئه‌ڤرۆ په‌رله‌مانێ عیراقێ بێ به‌رهه‌ڤبوونا كوردان ، قانونا بودجا گشتى یا عیراقێ بو سالا 2018 په‌سه‌ندكر ، و ب گوره‌ى قانونێ ، پشكا هه‌رێما كوردستانێ بو 12،67% هاتیه كێمكرن ، و ئه‌ڤه د ده‌مه‌كێ دایه كو پێشتر 17% بوو.
نيشاندان