ئەڤرۆ نیوز ، زنار تۆڤی :
د کۆمبوونا ئەڤرۆ یا پەرلەمانێ عێراقێ کو بێی فراکسیۆنێن کوردستانی هاتە ئەنجامدان ، پڕۆژە قانوونا بودجێ 2018 یێ عێراقێ کو ژ 58 مادان پێکهاتبوو هاتە پەسەند کرن.
ئەڤرۆ ژی فراکسیۆنێن کوردستانی بایکۆتا روونشتنا پەرلەمانی کریە، نەچووینە د هۆلا کۆمبوونا پەرلەمانێ عێراقێ ڤە.
ئەڤرۆ ئەندامێن کورد د لیژنا دارایی دا ل گەل ئەندامێن عەرەبی یێن وێ لیژنێ کۆمبووینە و وان لێدوانێن جۆدا ل سەر ئەنجامێن وێ کۆمبوونێ هەنە.
مەسعود حەیدەر ئەندامێ لیژنا دارایی ل پەرلەمانێ عێراقێ راگەهاندیە:کو هیچ داخوازیەکا کوردان نەهاتیە جێبەجێ کرن.
بەلێ ئەحمەد حاجی رەشید بریاردەرێ لیژنا دارایی و سەرۆکێ فراکسیۆنا کۆمەلا ئیسلامی گوتیە:سێ تریلیۆن دینار وەکو یەدەک بۆ هەرێما کوردستانێ یێن هاتینه دانان.
ئەڤرۆ نیوز ، زنار تۆڤی :
ژێدەرێن راگەهاندنێ دووپات دکەن، ماوێ سێ رۆژانه هێزێن پۆلیسان و سوپایێ عێراقێ دەڤەرەکا سنووری ل باژێرێ خانەقین و شارەبانێ چۆل كرینە، كو رێیا سەرەكی یا گرێدانا دیالا ب ئیرانێ ڤە،ل وی جهی دهرباز دبیت، مەترسیا هندێ هەیە کو تیرۆریستێن داعش بهێنە وێ دەڤەرێ.
عەلی حەیدەر ئەفسەرەکە ل هەوالگیریا پۆلیسێن دیالا دیارکریە، هەتا نوکە ئەگەر یێ دیار نینە،کا بۆچی هێزێن پۆلیسان و سوپایێ عێراقێ کو ل سنوورا دەشتا ئیمام وەیسی ل نێزیك باژێرکێ سەعدیە یێ سەر ب باژێرکێ خانەقین ڤە بوون، ئەو دەڤەرە چۆل كریە و دەست ب پاشەكشێ كریە، بێی کو لیژنا تەناهیێ و جڤاتا پارێزگەهێ و پارێزگارێ دیالا ئاگەهدار بكەن.
ئەحمەد زرگوشی رێڤەبەرێ باژێرکی سەعدیە راگەهاندیە،کو ڕێیا حەوزی ئیمام وەیس رێیەكا ستراتیجی یا گرنگە و دەڤەرێن كوردستانی و تەماما پارێزگەها دیالا ب ئیرانێ ڤە گرێ ددەت،لەورا ئەڤ كارێ پۆلیس و سوپایێ عێراقێ بەری هەموو تشتان مەترسیەکا مەزن بۆ سەر باژێرکێ سەعدیە دروست كریە.
ئه‌ڤرۆ نيوز:
به‌رى ده‌مه‌كێ كێم كۆمبوونا جڤاتا نوونه‌رێن عيراقێ بۆ په‌سه‌ندكرنا بودجێ عيراقێ ده‌سپێكر و په‌رله‌مانتارێن كوردستانى بايكوتا كۆمبوونا جڤاتا نوونه‌ران كر.
د كۆنفرانسه‌كێ رۆژنامه‌ڤانى دا، نه‌جيبا نه‌جيب، ئه‌نداما فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو ئه‌ڤرۆ په‌رله‌مانتارێن كورد ل جڤاتا نوونه‌رێن عيراقێ بايكوتا كۆمبوونا جڤاتا نوونه‌رێن عيراقێ كر.
ئاشكه‌را ژى كر كو ژ به‌ر نه‌بوونا مافێن كوردان و بنپێكرنا مافێن كوردان، كوردان پشكدارى د ڤێ روونشتنێ دا نه‌كريه.
دا زانين ژى كو حوكمه‌تا فيدرال دخوازيت هه‌ڤركيان دروست بكه‌ت ب ره‌نگه‌كى هێشتا هاتنوچوون د ناڤبه‌را پارێزگه‌هێن عيراقێ دا ناهێته كرن.
د ڤێ كۆمبوونێ دا، رێژا قانوونى يا نوونه‌ران د روونشتنا جڤاتا نوونه‌رێن عيراقێ دا ئاماده بوويه و ده‌نگدان ل سه‌ر په‌سه‌ندكرنا بودجه‌ى ده‌سپێكر.
نه‌جبيا خۆيا ژى دكه‌ت كو په‌سه‌ندكرنا بودجه‌ى ب ڤى ره‌نگێ هه‌يى، سزادانا خه‌لكێ هه‌رێما كوردستانێ يه ژ لايێ حوكمه‌تا عيراقێ ڤه.
ئه‌ڤرۆ نیوز ، نه‌وزاد هلۆرى:
رۆژنامه‌یا (وول ستریت جورنال ) یا ئه‌مریكى د راپۆرته‌كێ دا كو ل سه‌ر هه‌لبژاردنێن عیراقێ هاتیه به‌لاڤكریه ، ئاماژه ب وێ یه‌كێ كر كو خه‌ونێن ده‌نگده‌رێن عیراقى د هه‌لبژاردنێن داهاتى دا ناهێته بجهئینان و گورانكاریێن ریشه‌یى ژى ناهێنه كرن.
د راپۆرتێ دا هاتیه : (هه‌یڤا ئایارا بهێت ، ده‌نگه‌ده‌رێن عیراقى دێ چنه بنگه‌هێن ده‌نگدانێ ، و ئه‌ڤ یه‌ك ژى دێ دبیته ئێكه‌م هه‌لبژاردن پشتى شكه‌ستنا داعشێ ب رێڤه‌چیت و د هه‌یاما نێزیكێ چوار سالێن بورى دا عیراق توشى شێواند و سه‌ر و بنیێ كریه).
رۆژنامه‌یا ئه‌مریكى زێده‌تر گۆتیه: (میلشیاتێن چه‌كدارێن سه‌ر ب ئیرانێ وه‌كو پارته‌كا سیاسى دێ پشكداریێ د هه‌لبژاردنان دكه‌ن ، حزبولا ژى ب هه‌مان شێوه پشكداره و دخوازیت شیانێن خوه بكه‌ت فشار ب رێیا ئه‌زموونا سیاسیى یا نافخوه و ده‌رڤه‌یا حوكمه‌تا حه‌یده‌ر عه‌بادى ، داكو چه‌ك د ده‌ستێن وان دا بمینیت ، ئه‌ڤ یه‌ك ژى تنێ یا گرێداى هژمارا ئه‌وان ده‌نگایه ئه‌وێن كو ئه‌و دێ د هه‌لبژاردنێن 12-5-2018 ب ده‌ستڤه ئینن).
رۆژنامه‌یێ رونكریه ژى كو فره هێزێن سیاسى و ئه‌زموونا ئیرانێ و هه‌لوه‌شاندنا سیسته‌مێ په‌رله‌مانى ب رامانا سازشكرنا پشتى هه‌لبژاردان دهێت ، و دێ ئاراسته‌یێ عیراقێ دیار كه‌ت نه‌ك هه‌لبژاردن بخوه.
فه‌نه‌ر حه‌داد ، تایبه‌تمه‌ند ب سیاسه‌تا عیراقێ ل زانكویا نیشتمان یا سه‌نگافوورى دبێژیت: (چوو تشته‌كێ رێشه‌یى ب رێیا حوكمرانیا عیراقێ ناهێته گوهرین، دێ حوكمه‌ته‌كا دن یا فره پێكهاته ب سه‌روكاتیا حه‌یده‌ر عه‌بادى دووباره هێته پێكئینان ڤه و چوو ئوپوزسیون ژى نكارن ب سه‌ردا سه‌ركه‌ڤن).
رۆژا 12/5/2018 دێ هه‌لبژاردنێن عیراقێ هێنه ئه‌نجامدان و بریاره كو لرۆژا 0/4/2018 ده‌ست ب هه‌ویێن پروپاكنده‌یان بهێنه‌كرن.
ئه‌ڤرۆ نيوز:
حه‌نان فه‌تلاوى سه‌رۆك حزبا ئيراده و په‌رله‌مانتارا ده‌وله‌تا قانوونێ، د به‌رنامه‌كێ كه‌ناله‌كێ وه‌لاتێ خوه دا راگه‌هاند، حه‌يده‌ر عه‌بادى، سه‌رۆك وه‌زيرێن عيراقێ پترترين پشته‌ڤانيا ناڤخۆ و نێڤده‌وله‌تى لێ دهێته كرن و سه‌ركه‌فتنێن وى ژى د كێمن.
د به‌رسڤا پرسياره‌كێ دا ل دۆر وێ چه‌ندێ كو عه‌بادى وه‌كو قاره‌مانێن سه‌ركه‌فتن ل سه‌ر تيرۆرستێن داعش دا دهێته زانين حه‌نان فه‌تلاوى راگه‌هاند كو عه‌بادى ره‌نگه 10% پشكا سه‌ركه‌فتنێ ب به‌ر بكه‌ڤيت، ئه‌و قاره‌مانێ “ژوورێن گرتى بوو” نه‌ك قاره‌مانێ سه‌ركه‌فتن ب سه‌ر داعش دا.
فه‌لاوى ئاماژه ب وێ چه‌ندێ ژى كر كو هه‌كه سه‌رۆك وه‌زيرێن عيراقێ قاره‌مانێ سه‌ركه‌فتنێ يه، بلا تولێن 27 چه‌كدارێن كوشتى يێن حه‌شدا شه‌عبى ڤه‌كه‌ت.
شه‌ڤا 18ى شوباتا 2018ێ 27 چه‌كدارێن داعش 27 چه‌كدارێن حه‌شدا شه‌عبى ل گوندێ سه‌عدونيه ل باژێركێ رياز يێ باژێرێ حه‌وێجه ره‌ڤاندن و پاشان ژى ته‌رمێن وان ل هه‌مان گۆند هاتنه ديتن.
ئه‌ڤرۆ نيوز:
ب گۆره‌ى ئاژانسێن فه‌رمى يێن وه‌لاتێ توركيا، ئه‌ڤرۆ رۆژا شه‌مبى سوپايێ توركيا ئۆپه‌راسيۆنه‌كا به‌رفره‌هـ بۆ سه‌ر باژێركێ راجۆ ل عه‌فرينێ ده‌سپێكر ئه‌وا پشكه‌ك ژ چه‌كدارێن ئۆپۆسيۆزنا سوريا تێدا د پشكدارن، ناڤه‌ندا باژێركێ راجۆ يێ عه‌فرينى كونترۆلكريه و ل چه‌ند جهێن وى جهى شه‌ر و پێكدادان د به‌رده‌وامن.
د به‌رامبه‌ر دا ژێده‌رێن يه‌كنێن پاراستنا گه‌ل – يه‌په‌گه ره‌تدكه‌ت كو باژێركێ راجۆ ژ لايێ سۆپايێ توركيا و چه‌كدارێن ئۆپۆزسيۆنا سوريا كونترۆل كربيت.
ئه‌ڤرۆ نيوز:
جڤاتا نوونه‌رێن عيراقێ بۆ كۆمبوون ل سه‌ر بۆدجا گشتى يا عيراقێ بۆ سالا 2018ێ ده‌سپێكر و كوردان ژى هێشتا چو هه‌لويستێن روون نينن.
رێناس جانۆ ئاخفتنكه‌رێ ب ناڤێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند كو ئه‌ندامێن كورد يێن لژنا دارايى ل گه‌ل سه‌رۆك كۆمارى كۆمبووينه، به‌لێ هێشتا چو تشتێ پشت راست نينه و گۆت: “هێشتا كوردان چو رێكه‌فتن ل گه‌ل چو لايه‌نان نه‌كرينه”.
زێده‌تر گۆت: “به‌حس يا ل رێژا % دهێته كرن، به‌لێ چو سوز ل سه‌ر نه‌هاتينه دان و چو په‌يمان ژى نينن، مافێن پێشمه‌رگه‌ى ژى هێشتا ب دروستاهى د ڤى بودجه‌ى دا نه‌هاتينه به‌حسكرن، ب تنێ به‌حسێ پشكه‌كا مووچه‌ى هاتيه كرن ئه‌و ژى ب تنێ بۆ مووچه‌ى نه بۆ راهێنان و كرينا چه‌كى و پێدڤيان”.
كۆمبوون يا به‌رده‌وامه و فراكسيۆنێن كوردستانى ژى پشكدارى كۆمبوونێ نه‌بووينه ب به‌هانه‌يا وێ چه‌ندێ كو چو ژ مافێن هه‌رێما كوردستانێ نه‌هاتينه دابينكرن و ته‌نانه‌ت هێشتا ده‌سته‌واژه‌يێ حوكمه‌تا پارێزگه‌هان ل جهێ هه‌رێما كوردستانێ هاتيه بكارئينان.
ئه‌ڤرۆ نيوز، عه‌زيز هه‌ورامى:
ب فيشه‌كه‌كێ قوتابيه‌كا خه‌لكێ پارێزگه‌ها سلێمانيێ دووماهى ب ژيانا خوه ئينا، پوليس ژى دووڤچوونا ئه‌گه‌رێن ڤێ روودانێ دكه‌ن.
سه‌ركه‌فت محه‌مه‌د، ئاخفتنكه‌رێ ب ناڤێ پۆليسێن پارێزگه‌ها سلێمانيێ بۆ ئه‌ڤرۆ نيوز راگه‌هاند كو كچه‌كا 17 سالى ل باژێرێ سلێمانيێ ب فيشه‌كه‌كێ خوه بريندار كر و پشتى هێزێن پۆليسان هاتينه ئاگه‌هداركرن، كچ ب بريندارى گه‌هانده نه‌خۆشخانا هه‌وارهاتنا سلێمانيێ و پاشان ژى ژ ئه‌گه‌رێ دژواريا برينێ گيانێ خوه ژ ده‌ست دا.
ناڤبرى گۆتژى: “ل گه‌ل گه‌هشتنا پۆليسان بۆ جهێ روودانێ په‌رێن ڤه‌كۆلينێ بۆ زانينا ئه‌گه‌رێن روودانێ هاتينه ڤه‌كرن”.
نيشاندان