ئه‌ڤرۆنيوز:

ب مه‌ره‌ما ئه‌نجامدانا هژماره‌كا كۆمبوونان، شيره‌تكارێ جڤاتا ئاسايشا هه‌رێما كوردستانێ گه‌هشته‌ ئه‌مريكا.

ئه‌ڤرۆ پێنجشه‌مبى 22/2/2018، مه‌سرور بارزانى شيره‌تكارێ جڤاتا ئاسايشا هه‌رێما كوردستانێ گه‌هشته‌ ئه‌مريكا وكه‌نالێ كوردستان 24 به‌لاڤكر كو مه‌سرور بارزانى ل واشنتۆنا پايته‌ختێ ئه‌مريكا  ل گه‌ل مه‌زنه‌ به‌رپرسێن كۆچكا سپى وكونگرسێ ئه‌مريكى كۆمبيت.

ئەڤرۆ نیوز، نەوزاد هلۆری:

شرۆڤه‌كاره‌كێ سياسى دیاركر كو هاتنا هێزێن رژێما سووریێ بۆ ناڤا عەفرین ناچیتە دبازنا خیانەتێ‌ دا ژبەركو هەتا نها چو هێزەكا نیڤدەولەتی و هەرێمی پشتەڤانیا كانتۆنا عەفرینێ نەكریە و كورد نەچاربوون كو دناڤبەرا خراب و خرابتر ، خرابهەلبژێرن.

نەوزاد هێتوتی شرۆڤه‌كارێ سياسى و ماموستایێ‌ زانكۆیا سەلاحەددین ئەڤرۆ گۆت”هاتنا هێزێن رژێما سووریێ بۆ ناڤا كانتۆنا عەفرینێ‌ ناچیتە دبازنا خیانەتێ‌ دا ژبەركو هەتا نها وو هێزەكا نیڤدەولەتی و هەرێمی پشتەڤانیا كانتونا عەفرینێ‌ نەكریە و ئێدی هێزێن كوردی ل رۆژئاڤایێ‌ كوردستانێ‌ نەچار بوون بۆ پاراستنا عەفرینێ‌ دناڤبەرا خراب و خرابتر ، خراب هەلبژێرن”.

زێدەتر گۆت” هێزێن کوردی ل ڕوژئاڤایێ کوردستانێ بەرامبەر دو بژاردەیان دانە ، یان دڤێت دەڤەرێ رادەستی وان هێزێن گرۆپێن توندرەوێن ئیسلامی و تورکی بکەن  وهه‌كه‌ ئەڤ یەك دروست بۆ نەكو تنێ کانتۆنا عەفرینێ دا هێتە داگیرکرن، بەلکو دپلان و بەرنامێ تورکیا دایە کو نێزیکێ سێ ملیون عەرەبێن سوونە و تورکمان ل عەفرینێ ئاكنجى بكه‌ت و ل وی دەمی دا کارەساتێن گه‌له‌ك مەزن روو دەن و دەڤەر ب ئێکجاری بێتە دەڤەرەکا داگیركرى و تەعریب کری و تشتەك بناڤێ کوردستان نەدما  ، یان ژی دڤێیا بژاردا دویێ بکەن کو ئەو ژی رێکەفتنە ل گەل رژێما سووریێ، زێدەباری کو بژاردەیەکا خرابە ، بەلێ ئەڤ یەك نەچاریە، ژبەرکو هەر چ نەبیت دەڤەر وەکو تورکیا دخوازیت ناهێتە تەعریب کرن ، بەشار ئەسەد ئەڤە 50 سالە دەستهەڵاتێ ل دەڤەرێ دکەت بەلێ هەر وەکو دەڤەرەکا کوردستانی بوویە”.

ئه‌ڤرۆنيوز:

ئالا تاله‌بانى ئه‌نداما جڤاتا نوونه‌رێن عيراقێ ژفراكسيۆنا ئێكه‌تى نيشتمانى كوردستان كو نوكه‌ به‌ربژاره‌ ل سه‌ر ليسته‌كا عه‌ره‌بى ل پارێزگه‌ها به‌غدا بۆ جڤاتا نوونه‌ران، راگه‌هاند، خوه‌ به‌ربژاركرنا من ل سه‌ر وێ ليستا عه‌ره‌بى ل سه‌ر داخوازا سه‌ركردايه‌تيێ وئێكه‌تيێ يه‌.

ئه‌و ليستا كو ئالا تاله‌بانى تێدا يا به‌ربژاره‌، مه‌حموود مه‌شهه‌دانى سه‌رۆكێ به‌رێ يێ جڤاتا نوونه‌رێن عيراقێ سه‌رۆكايه‌تيا وێ دكه‌ت وئالا ل سه‌ر پارێزگه‌ها به‌غدا خوه‌ به‌ربژاركريه‌، دده‌مێ چه‌ند رۆژێن بۆرى ژى دا وێ بريارێ نه‌رازيبوون دناڤ ئێكه‌تيێ دا دروستكر وپشكه‌ك ژ سه‌ركردايه‌تيا ئێكه‌تيێ، ئالا تاله‌بانى ب خيانه‌تكار وخوه‌فرۆش هژمارت.

درۆهنكرنه‌كێ دا، ئالا تاله‌بانى گۆت” ده‌نگوباسێ به‌ربژاركرنا من بۆ جڤاتا نوونه‌رێن عيراقێ ژ ليستا هه‌ڤپه‌يمانيا به‌غدا، ب ئاگه‌هداريا سه‌ركردايه‌تيا ئێكه‌تيێ بوو وچو كاره‌كى ناكه‌م كو ژ چارچۆڤێ سياسه‌تا مام جه‌لالى لابده‌ت وئه‌ڤ به‌ربژاركرنا من ب راوێژ وئاگه‌هداريا مالا مام جه‌لالى وسه‌ركردايه‌تيێ هاتيه‌ به‌حسكرن وبريار ل سه‌ر هاتيه‌ دان ب مه‌ره‌ما ب ده‌ستڤه‌ئينانا كورسيه‌كا زێده‌تر”.

ئالا تاله‌بانى دووپات دكه‌ت كو ئه‌ڤ پێنگاڤه‌ دچارچۆڤێ سياسه‌تا راسته‌قينه‌يا ئێكه‌تيێ ده‌رناكه‌ڤيت ودبه‌رژه‌وه‌نديا ئێكه‌تيێ دايه‌ ل پاشه‌رۆژێ.

دبه‌رامبه‌ر دا، نه‌سروللا سورچى ئه‌ندامێ سه‌ركردايه‌تيا ئێكه‌تى نيشتمانى كوردستان بۆ وشه دياركر كو ئه‌و وه‌كو ئه‌ندامێ سه‌ركردايه‌تيا ئێكه‌تيێ ئاگه‌هدارى وێ چه‌ندێ نينه‌ كو دانوستاندن ل سه‌ر وێ بريارا ئالا تاله‌بانى هاتبيته‌ كرن.

دياركر ژى كو پێدڤڤيه‌ دكۆمبوونا سه‌ركردايه‌تيێ دا به‌حسێ ل وى بابه‌تى بهێته‌ كرن وبريار ل سه‌ر هه‌بوونا وێ دناڤ ئێكه‌تيێ دا يان ل ده‌رڤه‌ى ئێكه‌تيێ بهێته‌ دان.

ئالا تاله‌بانى كو ئه‌نداما سه‌ركردايه‌تيا ئێكه‌تى نيشتمانى كوردستانه‌، ده‌مێ دو خۆلايه‌ ئه‌نداما جڤاتا نوونه‌رايه‌ ل سه‌ر فراكسيۆنا ئێكه‌تيێ.