ئه‌ڤرۆ نيوز:

به‌رپرسه‌كێ جڤاتا وه‌زيرێن هه‌رێما كوردستانێ راگه‌هاند كو ئه‌ڤرۆ رۆژا دوشه‌مبى رێكه‌فتى 12ى ئادارا 2018ێ رێكه‌فتنا دووماهيێ يا ناڤبه‌را حوكمه‌تا هه‌رێما كوردستانێ و حوكمه‌تا عيراقێ دا ل دۆر باج و مووچه‌ و فرۆكخانا دێ هێته‌ ئه‌نجام دان.

شڤێدى 11ى ئادارا 2018ێ شانده‌كێ بلندێ حوكمه‌تا عيراقێ ب سه‌رپه‌رشتيا عه‌لى عه‌لاق پارێزگارێ به‌نكا ناڤه‌ندى يا عيراقێ گه‌هشته‌ هه‌رێما كوردستانێ و ل گه‌ل دا به‌رپرسێن ديوانا چاڤدێريا دارايى و به‌رپرسێن هووربينيێ د مووچێ فه‌رمانبه‌رێن هه‌رێما كوردستانێ دا گه‌هشتنه‌ هه‌رێما كوردستانێ.

بڕياره‌ ئه‌ڤرۆ به‌رپرسێن حوكمه‌تا هه‌رێما كوردستانێ ل گه‌ل وى شاندى كۆم بن و به‌رپرسه‌كێ حكومى يێ هه‌رێما كوردستانێ بێ ئاشكه‌را كرنا ناڤێ خوه‌ راگه‌هاند كو كۆمبوون گه‌له‌ك يا گرنگه‌ و دبيت دووماهى رێكه‌فتن ل دۆر باج و مووچه‌ و فرۆكخانان بهێته‌ ئه‌نجام دان.

ئه‌وى به‌رپرسێ هه‌رێما كوردستانێ ئاشكه‌را ژى كر كو هه‌رێمێ چو ئاريشه‌ ل سه‌ر هنارتنا مووچێ فه‌رمانبه‌رێن وه‌زاره‌تێن ساخله‌مى و په‌روه‌ردێ نينه‌ و گۆت: “دڤێت ب رێيا وه‌زاره‌تا دارايى بيت”.

ده‌رباره‌ى باج و فرۆكخانان ژى دا زانين كو رێكخستنا وان دێ ده‌مه‌كێ زۆر پێ ڤێت ژ به‌ر هندێ ژى بڕيار هاتيه‌ دان لژنه‌كا تايبه‌ت بۆ رێكخستنا كارى بهێته‌ پێكئينان.

ئه‌ڤرۆ نيوز:

مامۆستایەکێ زانکۆیی ئاماژە بوێ چەندێ دکەت، کو پێدڤیە لایەنێن سیاسیێن ھەرێما ‏کوردستانێ لسەر ئاستێن بلند کۆمبن و بڕیارێ لدۆر خوە ڤەکێشانێ ل بەغدا بدەن ‏دیارکرژی، ئەڤا عێراق ھەمبەر ھەرێما کوردستانێ دکەت ھەلویستێ شیعە و سونیانە ‏عەبادی تنێ دەنگان بۆ ھەلبژارتێن داھاتی کۆم دکەت.‏

سامی ئەتروشی، ئەترۆشی مامۆستایێ زانکۆیێ و پەرلەمانتارێ بەرێ یێ عێراقێ بۆ ‏رۆژناما ئەڤرۆ گۆت” بدیتنامن پێدڤیە سەرکردەیێن بلند یێ ھەرێما کوردستانێ لدۆر ‏پەیوەندیێن نوکە دناڤبەرا ھەرێما کوردستانێ و بەغدا کۆمببن و بڕیارەکێ دبارەی دووماھی ‏ھەلویستێ خوە بدەن ھەمبەر عێراقێ، ژبەر کو ئەڤرۆ یا خویایە شەڕی دگەل ھەرێما ‏کوردستانێ دکەت، لەوڕاژی یا فەرە ل ھەموو پارتێن سیاسی یەک بڕیارێ بدەن لدۆر خوە ‏ڤەکێشانێ ژ حوکمەتا عێراقێ و پڕۆسا سیاسی، ھەروەسا بایکۆتا ھەلبژارتنێ، ھەیڤا ‏گولانا داھاتی یێن عێراقێ بکەن، بەلێ ئەز وەسا دبینم نابیت تنێ خوە ڤەکێشانا کوردان ژ ‏بەغدا تنێ ژبۆی بودجەی بیت، بەلکو لسەر ھەموو وان مافێن ھەرێما کوردستانێ بیت یێن ‏ژلایێ بەغدا ھاتینە بنپێکرن، ئەڤرۆ ئەم یێ دبینین بەغدا یا بەرھەڤنینە مافێ وەلاتیێن ‏کوردستانێ بدەت، ب خوە ڤەکێشانێ ئەز بێژم گڤاشتنێ لسەر ھەموو ئاستەکی دروستکەین و ‏جیھانێ ئەگەھدارکەین.‏

سامی سەتروشی گۆتژی” ل ھەموویێ ژی گرنگتر ئەڤە شاندەکێ بلندێ ھەرێما کوردستانێ ‏سەرەدانا بەغدا بکەت و نوونەرا فڕێنەکەت بەغدا، ئەفشاندە ب ئەشکرە بێژنە حەیدەر ‏عەبادی سەرۆک وەزیرێن عێراقێ ئەڤە ھەلویستێ تەیە وەک کەس و سەرۆک وەزیرێن ‏عێراقێ تو متفێ خەلکێ کوردستانێ نەدەین دێ خوە ڤەکێشین، ھەردەمێ ئەڤە چێبو ب ‏ئێکدەنگی بیت ئەڤی دەمی شەڕێ مان و نەمانێ ژی لگەل بەغدا بکەین تشتەکێ ئاسایە و ‏پێنگاڤەکا باشە، چونکو ھەموو ئەف وەلاتێن دەستێ دناڤا عێراقێ دا دچیت بۆچوونا وان ‏ئەڤە عێراق ژلایێ ھەرسێ پێکھاتێن سەرەکی کوردو شیعە و سونا بھێتە رێڤەبرن، ئەڤا ‏نوکە ھەمبەر ھەرێما کوردستانێ دھێتەکرن ژلایێ حوکمەتا عێراقێ ڤە ئەڤە سیاسەتا ‏شیعە و سونێن عێراقێ یە نەک حەیدەر عەبادی سەرۆک وەزیرێن عێراقێ، ئەز دبینم ئەڤە ‏شیانێن عەبادی نینە کوردان بڤی شێوەی پشتگوە پاڤێت، ھەتا بەری نوکەژی عێراقێ ب ‏دلی نەبو ھەرێما کوردستانێ ئەف ھەموو دەستھەلاتە ھەبن، ئەڤا حەیدەر عەبادی دکەن ‏تنێ ژبۆی دەنگ کۆمکرنێ یە ب ھەلبژارتنێن داھاتیێن عێراقێ.‏