ئەڤرۆ نیوز:
ئەندامەکێ بەرەی تورکمانی ئاشکراکر، حوکمەتا ھەرێما کوردستانێ چو کاغەزێن گڤاشتنێ ل سەر بەغدا نەماینە و بتنێ دیالوک بۆ چارەسەکرنا کێشێن ھەلاویستی تاکە رێیە، و دڤێت بەغدا ژی بگەھیتە وێ باوەریێ کو بەغدا مولکێ ھەموو خەلکێ عیراقێ یە، و دڤێت ھەموو د دانا بڕیاراندا پشکداربن.
ئایدن مەعرۆف، ئەندامێ مەکتەبا سیاسی یا بەرەی تورکمانی بۆ رۆژناما ئەڤرۆ ئاشکراکر، بەرەی تورکمانی چەندین سەردان بۆ ئالیێن سیاسیێن کوردستانی کرینە ب مەرەما بھێزکرنا پەیوەندیان و کار بکەین بۆ ئارامکرنا پرۆسێسا سیاسی ل کوردستانێ و عیراقێ بگشتی و ئارامانجا سەردانا مە ئەو بوویە کو ئەو کێشێن دناڤبەرا ئالیێن سیاسی دا ھەین ب دیالوک بھێنە چارەسەرکرن.
ئایدن مەعرۆف ئەو ژی گۆت: پێدڤی یە ل گورەی دەستورێ عیراقێ کو ئەوێ پتریا خەلکێ عیراقێ دەنگ بوودایی کێشێن ھەلاویستێن ھەرێما کوردستانێ ل گەل بەغدا بھێنە چارەسەرکرن و پێدڤی یە ماف و داخازیێن خەلکێ کوردستانێ دڤی دەستوری دا دپاراستی بن و بھێنە بجھئینان.
مەعروفی گوت: سەردانا شاندێ ھەرێما کوردستانێ بۆ بەغدا و بۆ نەجف گەلەک دگرنگ و کاریگەر بووینە و ئەنجام پێ ڤە ھاتینە و دڤێت ئەڤ جورە سەردانە دبەردەوام بن بۆ خوشکرنا پەیوەندیان دناڤبەرا ھەر دو حوکمەتان دا و دیسا چارەسەکرنا کێشێن ھەلاویستی و بەغدا یا ھەموو خەلکێ عیراقێ یە و کوردستان ژی پشکەکە ژ عیراقێ و دڤێت یا پشکداربیت دکریارا سیاسی دا و پشکداربیت د دانا بریارێ دا ل بەغدا ل سەر چ بیت و دڤێت بەغدا ژی ڤێ باش بزانیت.
ھەمان ئەندامێ مەکتەبا سیاسی یا بەرەیی تورکمانی گۆت: ئەڤە پێنچ سالە بۆدجە ل سەر کاغەزێ بۆ ھەرێما کوردستانێ ژلایێ بەغدا ڤە دھێـە دابینکرن، لێ پراکتیکی نا کەڤیتە دبیاڤێ بجھئینانێ دا و ئەڤە چەندین سالە مووچێن فەرمانبەر و مووچە خورێن خەلکێ کوردستانێ برینە، مادەم حوکمەتا عیراقێ ئێک پارچەیا عیراقێ دڤێت، پێدڤی یە ئەڤ حوکمەتا نوکە ل بەغدا ھەیی بیتە حوکمەتا ھەموو خەلکێ عیراقێ بگشتی ڤە ب کورد و عەرەب و تورکمان و ھەموو پێک ھاتان ڤە.
ئایدنی ب دووری زانی حوکمەتا بەغدا بودجە ومووچێ خەلکێ کوردستانێ فرێکەت و پتر ب موزیدێن سیاسی بناڤکرن و پتر ئارمانجا وێ تێکدانا رەوشا سیاسی یە ل عیراقێ دناڤبەرا ھەموو ئالیێن سیاسی دا.
گۆتژی: حوکمەتا ھەرێما کوردستانێ چو کاغەزێن گڤاشتنێ ل سەر بەغدا نەماینە و بتنێ تاکە رێیا ڤەگەریانە بۆ بەغدا و ل دووڤ مادە و برگێن دەستورێ عیراقێ کێشێن خوە چارەسەر بکەت و ئەوا نوکە حوکمەتا عیراقێ ئەنجام د دەت بتنێ پرۆپاکندا ھەلبژارتنانە و نە زێدەتر.
نيشاندان