ئه‌ڤرۆنيوز:

سه‌رۆكێ فراكسيۆنا ئێكه‌تى نيشتمانى كوردستان ل جڤاتا نوونه‌رێن عيراقێ ئاشكراكر كو ل رۆژا پێنجشه‌نبيا بۆرى دكۆمبوونه‌كێ دا ل گه‌ل حه‌يده‌ر عه‌بادى، دو پێشنياز بۆ هنارتنا مووچێن فه‌رمانبه‌رێن په‌روه‌ردێ وساخله‌ميێ به‌رچاڤكر، به‌لێ عه‌بادى ره‌تكرن.

ئارێز عه‌بدوللا، سه‌رۆكێ فراكسيۆنا ئێكه‌تى نيشتمانى كوردستان دبه‌رپه‌رێ خوه‌دا ل سه‌ر تۆرا فه‌يسبووكى، به‌لاڤكر” ل رۆژا پێنجشه‌مبيا بۆرى مه‌ گه‌له‌ك بزاڤ ل گه‌ل عه‌بادى كرن كو دو مووچێن فه‌رمانبه‌رێن هه‌ردو وه‌زاره‌تێن په‌روه‌ردێ وساخله‌ميێ بده‌ت، به‌لێ رازى نه‌بوو”.

ئارێزى ژى گۆت” مه‌ پێشنيازه‌كا  دى ژى دا عه‌بادى ئه‌وژى هنارتنا ئێك مووچه‌ى بۆ فه‌رمانبه‌رێن وان هه‌ردو وه‌زاره‌تان، به‌لێ ب هێجه‌تا هووربينيێ رازى نه‌بوو، هه‌تاكو مه‌ داخوازكر هه‌كه‌ هووربينى به‌رده‌وامبيت، سولفه‌يه‌ك ب حوكمه‌تێ بهێته‌ دان بۆ وان هه‌ردو وه‌زاره‌تان وپاشى ل دووڤ ليستا هووربينى كرى حيساب ل گه‌ل حوكمه‌تا هه‌رێمێ بهێته‌ كرن، به‌لێ وى خوه‌ ژ وێ داخوازێ ژى ڤه‌دزى”.

دياركر” له‌وما ئه‌م وه‌سا دبينين كو عه‌بادى نه‌ڤێت ب ساناهى كێشان ل گه‌ل هه‌رێمێ چاره‌ بكه‌ت ونه‌ مافێ خه‌لكێ كوردستانێ ژى دبودجه‌ى دا دابين بكه‌ت، ئه‌م ژى دێ دبه‌رده‌وامبين ل سه‌ر فشارخستنێ ل سه‌ر حوكمه‌تا عيراقێ وچو جاران دبێ ده‌نگ نابين

ئه‌ڤرۆنيوز:

شه‌ڤا بۆرى ژئه‌نجامێ روودانه‌كا ئاگربه‌ربوونێ ل ماله‌كێ، 10 هزار دۆلار سۆتن.

په‌يڤدارێ رێڤه‌به‌ريا به‌رگريا شارستانى ل هه‌ولێرێ، بێوار زه‌يد، راگه‌هاند” ل دره‌نگيا شه‌ڤا بۆرى ژئه‌گه‌رێ شۆرته‌كێ كاره‌بێ ل ماله‌كێ ل تاخێ 94 باداوه‌، ئاگه‌ربوون ل وێ مالێ روودا وكه‌لوپه‌لێن وان وكوژمێ 10 هزار دۆلاران سوتن.

ناڤبرى دداخۆيانيه‌كا رۆژنامه‌ڤانيدا گۆت ژى” ژبه‌ركو ل ده‌مێ ئاگربه‌ربوونێ، كه‌س ل مال نه‌بوو، له‌وما ئاگر زێده‌بوو وجيرانه‌كێ وان هه‌ست پێكر وئپاشى ئاگه‌هداريا بورگريا شارستانى هاته‌ كرن وتيمێن ئاگر ڤه‌مراندنێ گه‌هشتنه‌ جهێ روودانى وشيان قاتێ دويێ يێ وى خانى بپارێزن وئاگر نه‌گه‌هيته‌ مالێن ده‌وروبه‌ر وشيان ئاگرى كونترۆل بكه‌ن”.

ئەڤرۆ نیوز ،باسم قاسم شنگالی

ئەڤرۆ دوشه‌مبى 5/2/2018 ێ ل ناحیا سنونێ دناڤبەرا خانەسۆرێ و سنونێ دا پەكه‌کێ گولە ئارەستەی دوو گەنجێن خەلکێ ناحیا گرعزێر کرن و ئێک ژ وان هاتە کوشتن و یێ دى ژی یێ بریندارە.

چالاکڤانێ مەدەنی (جەلال حەسەن) ژ ناحیا سنونێ بۆ ئەڤرۆنيوز گۆت” ئەڤرۆ ل دەمژمێر 4:00 ئێڤاری دناڤبەرا ناحیا سنونێ و کۆمه‌لگەها خانەسۆرێ دا، په‌كه‌كێ گولە ئارەستەی دوو گەنجان کرن کو خەلکێ ناحیا گرعزێر بوون و د ئەنجامدا  ئێك ژ وان گیانێ خوە ژ دەست دا بناڤێ مەروان موراد و یێ دى ژی یێ بریندارە و یێ هاتیە روانەکرن بۆ نەخوه‌شخانێ”.

حەسەنی گۆت ژى” هێزێن پەپەکێ داخواز ژ وان کەنجان دکرن ب زووری دگەل وان بچن عەفرینێ و شەری بکەن، لێ وان کەنجان بریارا وان رەتکر، لەورا گولە ئارەستەی وان کرن و د ئەنجام دا ئێك ژوان گه‌نجان هاته‌ كوشتن”.