ئه‌ڤرۆنيوز:

وه‌كو پێنگاڤه‌ك بۆ گرێدانا به‌نكا ناڤه‌ندى يا هه‌رێمێ ل گه‌ل به‌نكا ناڤه‌ندى يا عيراقێ ووه‌زاره‌تا دارايى يا به‌غدا، لقێ به‌نكا ناڤه‌ندى يا هه‌رێما كوردستانێ ل باژێرێ هه‌ولێرێ چو ب سه‌ر به‌غدا ڤه‌ وپێنگاڤا داهاتى ژى ئه‌و لقێ سلێمانيێ ژى يێ به‌نكا ناڤه‌ندى يا هه‌رێمێ بچيته‌ ب سه‌ر به‌نكا ناڤه‌ندى يا عيراقێ ڤه‌.

ژێده‌ره‌كێ ئاگه‌هدار ل به‌نكا ناڤه‌ندى يا هه‌رێمێ راگه‌هاند” ده‌مه‌كى به‌رى ريفراندۆمێ ، لقێ هه‌ولێرێ يێ به‌نكا ناڤه‌ندى يا هه‌رێمێ چو ب سه‌ر به‌غدا ڤه‌، به‌لێ به‌رى ئه‌و بريار ب تمامى بهێته‌ بجهئينان، ريفراندۆما سه‌ربخوه‌يا كوردستانێ هاته‌ ئه‌نجامدان وپه‌يوه‌ندى نه‌مان، به‌لێ نوكه‌ ره‌وش يا به‌ر ب ئاسايى بوونێ ڤه‌ دچت وبه‌نكا ناڤبرى ب به‌نكا ناڤه‌ندى يا عيراقێ ڤه‌ هاته‌ گرێدان وچو ب سه‌ر وێ ڤه‌”.

دياركر” بريار پێكڤه‌ بۆ هه‌ردو لقێن به‌نكا ناڤه‌ندى ل هه‌ولێر وسلێمانيێ يا ده‌ركه‌فتى، به‌لێ يا سلێمانيێ هێشتا نه‌هاتيه‌ بجهئينان ول ده‌مه‌كێ نێزيك دا ئه‌وژى دێ هێته‌ بجهئينان”.

ل دۆر مفايێن ڤى كارى، وى ژێده‌رى گۆت” ئێدى ئه‌ڤ دو لق دێ بنه‌ لقێن راسته‌وخوه‌ يێن به‌نكا ناڤه‌ندى يا عيراقێ وپه‌يوه‌ندى ب هه‌رێمێ ڤه‌ نامينيت، دشێن ده‌ليڤێ خوه‌ش بكه‌ن بۆ زڤراندنا به‌نكێن ره‌شيد ورافيده‌ين بۆ هه‌رێما كوردستانێ كو سه‌رمايا وان گه‌له‌كه‌ وسولفه‌ وسولفا خانوبه‌ران وقه‌ره‌كێ زۆر دده‌نه‌ وه‌لاتيان بۆ گه‌له‌ك كاروباران”.

ئاشكراكر ژى” ل ڤێ هه‌يڤێ مووچێ فه‌رمانبه‌رێن به‌نكا ناڤه‌ندى يا هه‌ولێرێ چو ب سه‌ر به‌غداڤه‌ ومووچێ خوه‌ بێ پاشكه‌فتكرن يێ وه‌رگرتى”.

ئه‌ڤرۆنيوز:

ئه‌ندامه‌كێ سه‌ركردايه‌تيا پارتى ديموكراتى كوردستان راگه‌هاند، هه‌كه‌ هات وبابه‌تێ بودجێ عيراقێ كو نوكه‌ ل په‌رله‌مانێ عيراقێ يه‌، بێ كوردان بهێته‌ ده‌ربازكرن، دێ بيته‌‌ به‌رسڤه‌كا گه‌له‌ك رۆهن بۆ وان كه‌سێن هه‌موو كێشێن كوردان ل گه‌ل عيراقێ ب بابه‌تێ ريفراندۆمێ ڤه‌ گرێدده‌ن.

عه‌لى عه‌ونى ئه‌ندامێ سه‌ركردايه‌تيا پارتى گۆت” سه‌ره‌راى وێ چه‌ندێ كو هه‌رێما كوردستانێ نه‌رمى به‌رچاڤكر ويا شه‌فاف بوو، هووربينيێ ژى بۆ ليستا مووچه‌خۆران دكه‌ت، باشه‌ بلا پرسيار بكه‌ين، ئايا عه‌بادى ده‌مێ د تيڤيێ ده‌ردكه‌ڤيت ودبێژيت ب هزاران مووچه‌خۆرێن بنديوار وهزاران كه‌سێن وه‌همى يێن دناڤ حه‌شدا شه‌عبى دا يێن هه‌ين، هووربينى بۆ خوه‌ كريه‌؟ ئايا چاكسازى كريه‌؟ من دڤێت ڤان پرسياران لێ بكه‌م تاكو براده‌رێن مه‌ نه‌كه‌ڤنه‌ وه‌همێ”.

رۆهنكر ژى” پێدڤيه‌ لايه‌نێن كوردستانى دئێكگرتى بن، تاكو ئه‌نجامێ ريفراندۆمێ بهێته‌ برن بۆنه‌ته‌وێن ئێكگرتى، ئه‌مريكا وجڤاكێ نێڤده‌وله‌تى وبێين فه‌رموون پشتى ڤێ نه‌رميا مه‌ هه‌موويێ، حوكمه‌تا عيراقێ ل به‌ره‌ بودجێ هه‌رێما كوردستانێ نه‌ده‌ت”.

عه‌لى عه‌ونى زێده‌تر بۆ باسنيوز دووپاتكر” نوكه‌ ژى هنده‌ك لايه‌نان، سياسه‌تا هه‌رێما كوردستانێ ژئازاديخوازيێ وديموكراسيێ گوهۆريه‌ بۆ بابه‌تێ په‌يوه‌نديدار ب پرسێن دارايى، ئه‌وژى شه‌رمزاريه‌كا گه‌له‌ك مه‌زنه‌”.

دياركر ژى” هه‌كه‌ بودجه‌ بێ كورد بهێته‌ ده‌ربازكرن، تاكه‌ تشت كو دده‌ستێ مه‌دا بيت، ريفراندۆمه‌ وب ديتنا من چو تشته‌كى دى دده‌ستێ مه‌ دا نينه‌، باشه‌ بۆ دڤێت ئه‌م ب سه‌ر عيراقێ ڤه‌ بين، تنێ بۆ برسيكرنێ؟”.

ئه‌ڤرۆنيوز:

ئێكه‌تيا مامۆستايێن كوردستانێ نيگه‌رانيا خوه‌ دياركر ژگێرۆبوونا به‌لاڤكرنا مووچێ مامۆستايان وداخواز دكه‌ت حوكمه‌تا هه‌رێما كوردستانێ ده‌مێ به‌لاڤكرنا مووچێ مامۆستايان يێ هه‌يڤا 10 سالا 2017 ديار بكه‌ت.

دبه‌ياننامه‌كێ دا، ئێكه‌تيا مامۆستايێن كوردستانێ دبێژيت” پشتى بريارا هووربينيا مووچێ مامۆستا وفه‌رمانبه‌رێن وه‌زاره‌تا په‌روه‌ردێ ژلايێ حوكمه‌تا به‌غدا ڤه‌، به‌رده‌وام دهه‌ماهه‌نگيێ دا بووين وپشتى مه‌ هه‌موو كارئاسانى كرين، خوه‌شبه‌ختانه‌ ل دۆر وێ چه‌ندێ ژى كارێ باش هاتيه‌ كرن”.

دوێ به‌ياننامێ دا هاتيه‌” مووچێ هه‌يڤا 10 يێ سالا 2017 يێ وه‌زاره‌تان هاته‌ راگه‌هاند، وه‌زاره‌تا په‌روه‌ردێ تێدا نه‌بوو، هه‌تاكو ل پشكا دويێ يا راگه‌هاندنا ليستێ مووچێ وێ هه‌يڤێ، ديسان وه‌زاره‌تا په‌روه‌ردێ تێدا نه‌بوو”.

ل دووماهيا به‌يانناما خوه‌دا، ئێكه‌تيا مامۆستايێن كوردستانێ، چه‌ند داخوازيان ئاراسته‌ى لايه‌نێن په‌يوه‌نديدار كريه‌ ئه‌وژى:

• داخوازێ ژهه‌موو وان لايه‌ن وگرۆپان دكه‌ين، مووچه‌ى تێكهه‌لى ئه‌جندێن سياسى نه‌كه‌ن ونه‌كه‌نه‌ سه‌ردێرا به‌حس وخواستێن خوه‌ ل گه‌ل حوكمه‌تا فيدالى بۆ ده‌ستكه‌فتێن حزبى.
• داخواز دكه‌ين ئه‌ندامێن په‌رله‌مانى سنوره‌كى بۆ داخۆيانيێن خوه‌ بدانن، كو هه‌موو ل سه‌ر كيستێ مامۆستا وفرمانبه‌رانه‌، ژبهركو ئه‌و داخۆيانيانه‌ ب وێ په‌رش وبه‌لاڤيێ دبنه‌ ئه‌گه‌رێن نێگه‌رانيێ.
• داخوازێ ژحوكمه‌تا هه‌رێمێ دكه‌ين، هه‌ر چ زوويه‌ ژڤانێ مه‌زاختنا مووچێ ماموستا وفه‌رمانبه‌ران ئاشكرا بكه‌ت.

ئەڤرۆ نیوز، نەوزاد ھلۆری:

سەرۆکێ بوردێ دامەزراندنا دەزگەھێ خێرخوازیێ بارزانی د چارچوڤێ کونفرانسێ سالانە یێ دەزگەھێ بارزانی دیارکر کو ئەو یێ بەرھەڤیان دکەن، ھاریکاریێن خێرخوازیێن دەزگەھێ بارزانی بگەھیننه‌ عەفرینێ.

مەسرور بارزانی گۆتژی: “دەزگەھێ بارزانی مالەکا خێرخوازی یە بۆ ھەموو خەلکێ ھەژار و زیانڤێکەفتی ل ھەموو پارچێن کوردستانێ، بارزانیێ نەمر گەلەک ب گرنگی سەحا رەوشا ژین و ژیارا ھەژاران چوویە و داخوازکریە کو بەردەوام خزمەتا ھەژاران بھێتەکرن، ئەڤە ژ سالا 2005ێ ھەتا نھا ل ژێر رێنمایێن سەرۆک بارزانی دەزگەھێ بارزانی بێی جوداھی خزمەتا ھەموو تەخێن جڤاکی دکەت”.

مەسرور بارزانی د درێژاھیا ئاخفتنێن خوه‌ دا دیارکر ژی کو دەزگەھێ بارزانی ھاریکاری گەھاندینە ھەموو ئه‌و کەسانێن کو ژ بەر شەرێن تیرورستان جھـ و وارێن خوە ھێلاینە و گۆتژی: “دەزگەھێ بارزانی بەرھەڤیان دکەت کو ھاریکاریان بگەھینیتە عەفرین و خەلکێ سڤێل و پێشتر ژی ھاریکاری گەھاندینە زیانڤێکەفتنێن بیڤەلەرزێن دەربەندیخان و دەڤەرێن دن، بەلێ کومارا ئیسلامیا ئیرانێ نەھێلا ھاریکاریێن دەزگەھی بگەھنە زیانڤێکەفتیێن بیڤەلەرزان ل کرماشان و رۆژھەلاتێ کوردستانێ”.