ئه‌ڤرۆ نيوز:
ته‌قينه‌كێ ده‌ڤه‌ره‌كا كابۆل يا پايته‌ختێ ئه‌ڤغانستانێ كره ئارمانج ل نێزيك بالوێزخانێن وه‌لاتێن بيانى و ئاڤاهيێن حوكمه‌تێ هه‌ر وه‌كو رۆیتەرز دايه دياركرن.
هه‌تا نوكه ژمارا قوربانيان و زيانێن وێ ته‌قينێ ئاشكه‌را نه‌بووينه، ئه‌و ته‌قين پشتى حه‌فتيه‌كێ يه ژ هێرشا خويناوى يا سه‌ر ئوتێله‌كا نێڤده‌وله‌تى ل كابۆل يا پايته‌ختێ ئه‌ڤغانستانێ.
ئەڤرۆ نیوز، نەوزاد ھلۆری:
سێ پرێن ئاسنی ل گەلیێ زنتا یا سەر ب ناحیا دینارتە ھەنە و ئاکرێ و دینارتە ل گەل زێدەتری 200 گوندان پێکڤە گرێددەن ، بەلێ خرابپوونا ئەوان پران بویە سەدەم کوت ایرێن ترومبێلان ب پەقن و کارتێکرنێ ل ھاتن و چوونا ترۆمبێلان بکەت ، رێڤەبەرێ رێک و پرا ل قەزا ئاکرێ ژی دیارکر کو پرێن گەلیێ زنتا بو ھاتن و چونێ د باش نینە و پێدڤی یە بھێنە گوھرین.
موسلح تاھیر شوفێرەکێ سنوورێ ناحیا دینارتێ یە و رۆژانە ھاتن و چوونێ ب رێیا گەلیی َزنتا بو ئاکرێ دکەت بۆ ئەڤرۆ نیوز گۆت: (رێیا گەلیێ زنتا زێدەباری کو رێیەکا تەنگە و یا گونجای نینە بو ھاتن و چوونێ دھەمان دەم دا ئەو پرێن کو لسەر رووبارێ زنتا لگەلیێ زنتا ژی ھاتینە چێکرن ب چوو شێوەیەکێ ب کێر ھاتن و چوونی َناھێن و تایرێن ترومبێلان دپەقینن و کارتێکرن ل ھاتن و چوونێ کریە).
زێدەتر گۆت: (رێیا گەلیێ زنتا دزڤریت بو سالێن شێستا و رژێما عیراقێ بو مەرەمێن لەشکرکێشی و سەربازی بو داگیرکرنا دەڤەرا بارزان و زێبار و نەھێلانا شورەش و بزاڤێن کوردی چێکریە ، و ھێشتا ھەر ئەو رێکە و ھەتا نھا نەھاتیە بەرفەرھکرن و ھەمان پر ژی لسەر سیستەمێ کەڤن و ب شێوەیێ ئاسن ھاتیە چێکرن ژبەرڤێ گرنگە دووبارە سەر ژ نوو بھێنە چێکرن و نوکە چەند تیک کەفتینە پرێ و برغیێن وێ سست بووینە و دەرکەفتینە).
ئەندازیار محەمەد سەعید عەبدولکەریم رێڤەبەرێ رێک و پرا ل قەزا ئاکرێ بو ئەڤرۆ نیوز گۆت: (رێیا گەلیێ زنتا رێیەکا گرنگ و قەرەبالغ و ستراتیجیە ، بەلێ ژ ئەگەرا نەبوونا پرێن رێک و پێک و کونکرێتی ل سەر رووبارێ گەیێ زنتا کارتێکرن لسەر ھاتن و چونێ کریە).
زێدەتر گۆت: ( شوفێر زور گلەیێ لسەر پرێن گەلیێ زنتا دکەن، بەلێ ژ بەر قەیرانا دارایی ھەتا نھا مە نەشیایە ئەوان پران بو کونکرێتی بگوھرین ، و دنھادا بتنێ دکارین سەخبێریێ لسەر وان پران بکەین و ھەردەما تیک و شەق کەفتنێ یان برغی سست بوون دووبارە پەیت بکەین ڤە و نەھێلین ببیتە سەدەم کوت ایرێن ترومبێلان ب پەقن).
ناڤبری دیارکر ژی کو د پلان دایە ھەرسێ پرێن گەلیێ زنتا بھێنە راکرن و ل شوونا وان سێ پرێن دن یێن کونکرێتی بھێنە درۆستکرن و گۆت: (ھەردەما قەیرانا دارایی نەما ژبلی چێکرنا ئەوان ھەرسێ پرا ، دھەمان دەم دا دێ رێیا گەلیێ زنتا ژی ھێتە بەفرھکرن و ل زور جھێن گەلیێ زنتا رێک دێ بیتە جوتساید و ل ھەردوو لایێن رووباری دێ جاددە چیت و ھندەک جھان ژی دی َھەر ئێک ساید بیت بەلێ دێ ھێتە بەفرەھکرن ژ بەرکو رێیا گەلیێ زنتا رێیەکا گرنگ و ستراتیجیە و سالانە ھزاران گەشتیار ب تایبەتی گەشتیارێن ناڤەراست و باشوورێ عیراقێ قەستا ھاڤینگەھێن گەلیێ زنتا و سرۆشتێ وێ دکەن و ب شەڤ ژی دمینن.
ئه‌ڤرۆ نيوز، قائید میرۆ:
بەرپرسەکێ کۆمسیۆنا بلندا ھەلبژارتنێن عێراقێ ئەشکرەکر، کۆمسیۆنا کارتا دەنگدانا تایبەت پیچکریە و بڕیارە ھەیڤا ئادارا داھاتی کارتەکا نوو بۆ دەنگدانا تایبەت بھێتە بەلافکرن ھەروەسا دیارکر، دێ رۆژەکا تایبەت بۆ رێڤەچوونا دەنگدانا تایبەت ھێتە دیارکرن.
عەلی قادر، سەرۆکێ لقا ھەولێرێ یا کۆمسیۆنا بلندا سەربخۆیا ھەلبژارتنێن عێراقێ بۆ رۆژناما ئەڤرۆ گۆت” کۆمسیۆنا بلندا ھەلبژارتنێن عێراقێ کارتا دەنگدانا تایبەت رەتکریە و ھاتیە پوچکرن، ئەڤا لسالا 2014ێ ھاتیە چاپکرن، بەلێ بڕیارە کارتەکا نوو بۆ دەنگدانا تایبەت بھێتە چاپکرن و ل ھەیڤا ئادارێ دێ لسەر ئەڤان کەسان ھێتە بەلافکرن یێن بڕیارا دەنگدانا تایبەت ڤەدگریت، ھەر وەلاتیەکێ پشکداری د پڕۆسا بایۆمەتری دا نەکربیت مافێ وەرگرتنا کارتا دەنگدانا تایبەت نابیت و دێ ھێتە بێ بەھرکرن.
عەلی قادر گۆتژی” دەنگدانا تایبەت ھێزێن ئێمناھیێ و زیندانی و نەخۆشخانا ڤەدگریت و بڕیارە رۆژەکا تایبەت بھێتە دیارکرن بۆ رێڤەچوونا پڕۆسا دەنگدانا تایبەت، چونکە بڕیارە 12 ھەیڤا گولانێ ھەلبژارتن بھێنە رێڤەبرن و دەنگدانا تایبەت دێ رۆژەکا دی ھێتە رێڤەبرن، ھەروەکی د ھەلبژاراتنێن بۆری دا رۆژەک بۆ ھاتیە دیارکرن.
ئه‌ڤرۆنيوز:
سه‌رۆك مه‌سعود بارزانى دديداره‌كێ دا ل گه‌ل كه‌نالێ بى بى سى يێ بريتانى راگه‌هاند ئه‌و يێ په‌شێمان نينه ژ ريفراندۆمێ وچو جاران ژى ژ ده‌نگێ سێ مليۆن ده‌نگده‌ران ئه‌وێن ده‌نك بۆ سه‌ربخوه‌يا كوردستانێ داى په‌شێمان نابيت، ئاماژى دا ژى كو كه‌ركووك يا داگيركريه وگه‌لێ كوردستانێ وجڤاكێ نێڤده‌وله‌تى دزانيت ئه‌و گرۆپێ خيانه‌ت كرى ل دۆر كه‌ركووكێ كى يه.
ده‌قێ ديدارا سه‌رۆك بارزانى ل گه‌ل كه‌نالى بى بى سى يێ بريتانى:
سه‌رۆك بارزانى: ئه‌م دنيگه‌رانين وهيڤى خوازين ئه‌و ئۆپه‌راسيۆنه ب زووترين ده‌م ب دووماهى بهێت، چونكى چو ده‌مه‌كى شه‌ر وتوندوتيژى چاره‌سه‌رى نينه بۆ كێشان.
سه‌رۆك بارزانى: ڤرێكرنا پێشمه‌رگه‌ى بۆ ڤى شه‌رى كێشێ چاره‌سه‌ر ناكه‌ت، باشترين پالپشتى كو بشێين بكه‌ين ئه‌وه كو بزاڤێ بكه‌ين هێرش ب دووماهى بهێن.
سه‌رۆك بارزانى: من يا گۆتى ئه‌ز يێ په‌شێمان نينم وچو جاران په‌شێمان نابم، دوباره ژى دێ بێژم ژده‌نگێ سێ مليۆن ده‌نگده‌ران په‌شێمان نابم، ريفراندۆم يا سه‌ركه‌فتى بوو، چونكى 93% ژ خه‌لكى ده‌نگێ (به‌لێ) بۆ سه‌ربخوه‌يێ دا.
سه‌رۆك بارزانى: ئه‌وا نوكه ئه‌م دبينين ژ ئه‌نجامێ سياسه‌تا به‌غدايه كو ل سالا 2014 بودجا خه‌لكێ كوردستانێ بريه، هه‌روه‌سا شه‌رێ دژى داعشێ وهاتنا خوار يا بهايێ په‌ترۆلێ بوونه هۆكار بۆ ڤێ ره‌وشێ، ل بيرا هه‌وه بيت مه نێزيكى دو مليۆن ئاواره وپه‌نابه‌ران ژى يێن هه‌ين، كه‌واته بۆچى ريفراندۆمێ ب نه‌سه‌ركه‌فتى بزانين.
سه‌رۆك بارزانى: به‌رى هه‌موو تشته‌كى، ئه‌نجامدانا ريفراندۆمێ تاوان نينه، ملله‌ته‌كى خواستا خوه بۆ پاشه‌رۆژێ ب رێيه‌كا ئاشتيانه ده‌ربرى، ئه‌وێن دگۆت ده‌مێ وێ يێ گونجاى نينه، چو ده‌مێن گونجاى وه‌كو به‌ديل پێشنياز نه‌كريه وچو شوينگر ژى به‌رچاڤ نه‌كر، ريفراندۆم تاوان ننيه ورێيه‌كا ديموكراسيانه ومافێ ملله‌ته‌كى يه.
سه‌رۆك بارزانى: ئه‌ز ب شاشى نزانم وژئه‌نجامدانا ريفراندۆمێ ژى يێ په‌شێمان نينم، ئه‌وا ل كه‌ركووكێ رووداى خيانه‌ته‌ك بوو ژلايێ گرۆپه‌كێ ناڤخوه‌يێ كوردستانێ، من پێشتر ژى يا گۆتى پيدڤيه كه‌ركووك وه‌كو نموونه‌يه‌كا پێكڤه‌ژيانێ بمينيت.
سه‌رۆك بارزانى: به‌رى ريفراندۆمێ ژى دهاته گۆتن كو ده‌رزه‌ك ل ناڤمالا كوردى دا يا هه‌ى، به‌لێ راستى ئه‌وبوو كو زێده‌تر ژ 93% خه‌لكى ده‌نگێ (به‌لێ) بۆ سه‌ربخوه‌يێ دا وپشكداريه‌كا به‌رچاڤ هه‌بوو، هه‌كه بزاڤ بۆ ئازاديێ وسه‌ربخوه‌يێ هه‌بيت، دێ قوربانى ژى هه‌بيت، گه‌لێ كوردستانێ ژى به‌رده‌وام ئه‌و قوربانيى يا داى، ئه‌نجامدانا ريفراندۆمێ دژى دستوورێ عيراقێ نه‌بوو، هه‌كه خيانه‌تا وێ گرۆپێ ل ناڤخوه‌يا كوردستانێ نه‌با، خه‌لكى وه‌كو ڤى شێوێ نوكه ئازار نه‌دديت، به‌لێ ئه‌و ره‌وشه ژى يا ده‌مكى يه ومه باوه‌رى يا هه‌ى خه‌لكێ مه دێ ژڤێ قۆناغێ ده‌رباز بيت.
سه‌رۆك بارزانى: ريفراندۆم برياره‌كا كه‌سايه‌تى نه‌بوو، يان ئێك لايه‌نێ سياسى وچه‌ند لايه‌نه‌ك نه‌بوو، به‌لكو بريارا هه‌موو پارتان وپه‌رله‌مانى وخه‌لكێ كوردستانێ بوو، هنده‌ك لايه‌نان تێبينى ل سه‌ر ده‌مێ وێ هه‌بوو، به‌لێ ئه‌وژى دژى ريفراندۆمێ نه‌بوون، ئه‌وا ل كه‌ركووكێ رووداى ژئه‌نجامێ ده‌رزه‌كێ دناڤمالا كوردى دا نه‌بوو، به‌لكو ئه‌نجامێ خيانه‌تا گرۆپه‌كێ بوو دناڤ كوردان ب خوه‌دا.
سه‌رۆك بارزانى: خه‌لكێ كوردستانێ وجڤاكێ نێڤده‌وله‌تى ژى دزانيت كى بوون.\
سه‌رۆك بارزانى: گرنگترين خال ئه‌وه كو 93% خه‌لكى ده‌نگ بۆ دا، ئه‌و جۆرێ دى يێ خه‌لكى يێ شرۆڤه‌كا دى بۆ دكه‌ت ل ده‌ف مه بهايێ خوه نينه.
سه‌رۆك بارزانى: دانوستاندن نوكه يا به‌رده‌وامه، كه‌ركووك وده‌ڤه‌رێن كوردستانى يێن دى نوكه دداگيركرى نه وپێدڤيه ئه‌ڤ كێشه ل دززڤ دستوورێ عيراقێ بهێته چاره‌سه‌ركرن.
سه‌رۆك بارزانى: به‌لێ، نوكه يا داگيركريه
سه‌رۆك بارزانى: دانوستاندن هه‌تا نوكه يا به‌رده‌وامه ل گه‌ل به‌غدا وهيڤيدارين بگه‌هينه رێككه‌فتنێ، به‌لێ به‌رده‌واميدان ب سه‌پاندنا ئه‌مرێ واقع، ناهێته قه‌بوولكرن.
سه‌رۆك بارزانى: هيڤيدارين دسه‌ركه‌فتى بن، به‌لێ هه‌كه نه‌گه‌هشتنه ئه‌نجامه‌كى، وى ده‌مى دێ بريارێ ده‌ين.
ئه‌ڤرۆنيوز:
ئێڤاريا ئه‌ڤرۆ ئه‌ينيێ 26/1/2018، پشك كێشانا هه‌ردو ياريێن قۆناغا به‌رى دووماهيێ ژجاما ئيسپانيا هاته ئه‌نجامدان.
هه‌رچار يانێن به‌رشه‌لونا وڤالنسيا وئه‌شبيليه وليجانيس گه‌هشتبوونه قۆناغا به‌رى دووماهيێ يا جاما ئيسپانيا ودئه‌نجامێ وێ پشك كێشانێ دا، دێ به‌رشه‌لونا ل گه‌ل ڤالنسيا وئه‌شبيليه ل گه‌ل ليجانيس ياريێ كه‌ن كو ياريا هاتنێ دێ ل 31 ڤێ هه‌يڤێ و1/2/2018 هێنه ئه‌نجامدان وياريێن چوونێ ل 7 و8 -2-2018 هێنه ئه‌نجامدان.
ئه‌ڤرۆ نیوز، نه‌وزاد هلۆرى:
ل ژاپوونێ سالانه ڤیسته‌ڤالێن تایبه‌ت بۆ وان كچ و كوران دهێنه گێران ئه‌وێن كو دگه‌هنه ژیێ پێگه‌هشتنێ و به‌رهه‌ڤ بن ژ بو شووكرن و ژنئینانێ ئانكو به‌رهه‌ڤن بۆ پرۆسه‌یا هه‌ڤژینیێ.
ل ژاپوونێ ژیێ 20 سالیێ دیاركریه بۆ پێگه‌هشتنا كچ و كوران ، به‌روڤاژى گه‌له‌ك ژ وه‌لاتێن جیهانێ كو ژیێ 18 سالیێ هاتیه ده‌ستنیشانكرن.
ئەڤرۆ نیوز، نەوزاد ھلۆری:
ئاڤ ژێدەرەکێ سەرەکیێ ژیانا مرۆڤ و ئاژەل و روەکی یە لسەر روویێ زەڤیێ ، و ئەڤە ژبلی وێ یەکێ ژێدەرێ سەرەکیێ ژیان و گەشەپێدانا چاندنێ و دەستڤەھاتنا داھاتیێ خوارنێ یە ، بەلێ ب گورەی ئاخفتنێن شارەزایەکێ ئابووری کێمبوونا ئاڤێ ھەرەشەیان ل چاندن و مرۆڤان دکەت لسەر زەڤیێ ، و دنھادا دەھان وەلاتێن پێشکەفتی دەستکریە ب درۆستکرنا وەبەرھێنان و سەرمایەیێ ئاڤێ ، بەلێ ھەتا نھا ل ھەرێما کوردستانێ چوو پێنگاڤ بو مفا وەرگرتن ژ ئاڤێ ل پاشەروژێ نینن.
سەردار ھێتوتی شارەزا دوارێ ئابووری دا دیارکر کو ب گورەی چەند ڤەکولین و ناتالیزێن جیھانی ب تایبەتی یێن سەر ب نەتەوەیێن ئێکگرتی ڤە دێ د ئەڤی چەرخی دا شەرەکێ نوو ل جیھانێ روودەتن و بۆ ئەڤرۆ نیوز گۆت: ( ئاڤ د ڤان چەند سالێن داھاتی دا دێ بیتە سکتەرەکێ ب ھێز بو لێکگوھرین و بازرگانیکرن ب سەرمایە ، و گەلەک ژ وەلاتێن جیھانێ ژبەر نەبوونا ئاڤێ دێ کێشەییێن مەزن بو درۆست بن و ئەو وەلاتێن کو دێ مینن وەلاتێن ب ھێز دێ ئەو وەلات بن کو ئاڤ ھەیی).
زێدەتر گۆت: ( ئەو ئاڤا کو نھا لسەر روویێ زەڤیێ ھەیی ملیارەک و 38 ملیون و ھزار و 18 تەنێن ئاڤێ یە و دناڤبەرا سالێن 2020 بو 2050 سەرمایە و وەبەرھێنانا ئاڤێ سەر زەڤیێ دێ گەلەک زێدەتر بیت ل سەرمایە و وەبەرھێنانا سەر کەرتێ پەترۆلێ ، و ب گورەی ئاخفتنێن پەتروس غالی سکرتێرێ بەرێ یێ نەتەوەیێن ئێکگرتی ئاگرێ شەرەکێ ل رۆژھەلاتا ناڤەراست ب رێڤەیە ، و ڤێجارێ شەر لسەر سیاسەتێ نینە بەکو لسەر دەستکەفتنا ئاڤێ یە).
ھەرێما کوردستانێ ئاڤەکا زۆر ل سەر زەڤیێ و بن زەڤیێ ھەیە ، و دکاریت وەبەرھێنانێ دوارێ ئاڤێ دا بکەت و سەنگا خوە ل دەڤەرێ ب پارێزیت، ھەر چوو نەبیت دکاریت خوە ژ وان شەر و ھەرەشەیان دویر بکەت ئەو ژی ب رێیا وەبەرھێنان لسەر درۆستکرنا بەنداڤ و مفا وەرگرتن ل ئاڤا بەفر و باران و رووبارێن کو ل ھەرێما کوردستانێ ھەیی مینا رووبارێن زیێ مەزن ، زێی بچوک ، رووبارێ سیروان ، رووبارێ خابوور ، رووبارێ دیجلە ،رووبارێ شین و رووبارێ رێزان ل گەل چەند رووبار و تایێن رووبارێن دن یێن دەمکی و وەرزی ، ژبلی وەکو مفا بو مرۆڤان دھەمان دەم دا بو ب خودانکرنا ئاژەل و چاندنێ ژی گرنگە کو بھێتە بکارئینان ، بەلێ ژ بلی ھەردوو بەنداڤێن مەزنێن دوکان و دەربەندیخان لچوو بەنداڤێن دن یێن مەزن بو کومکرن وکوگەھکرنا ئاڤێ نین نکو د نھا و ئانیدەدا ئاڤ ژێ بھێتە وەرگرتن.
سەرداری ھوسا گۆت: ھێتوتی د درێژاھیا ئاخفتنێن خودا دیارکر ژی کو کێمبوونا ئاڤێ ژبلی کو زیان بو چاندن و ب خودانکرنا ئاژەلان ھەیە و مەترسی بو سەر ژیانا مرۆڤان ژی ھەیە ، د ھەمان دەم دا مەزنترین کارتێکرن لسەر ژینگەھێ ژی دێ درۆست کەت و دێ بیتە سەدەم بو خەندقین و ژەھراوی بوونا مرۆڤان و گۆت: ( پێدڤی یە حوکمەتا ھەرێما کوردستانێ ، سەرەرای ھەبوونا ھەموو جورێن قەیرانانان ب تایبەتی قەیرانا دارایی و سیاسی دەست ب کەت ب درۆستکرنا بەنداڤ و مفا وەرگرتن ژ وەبەرھێنانا ناڤێ ب باشترین شێوە و ب لەزترین رێک بو کومکرن و کوگەھکرنا ئاڤێ ، و ئەوێ کو ل ئایندە دکاریت پێگەھێ خوە ب ھێز بکەت ب تایبەتی ژ روویێ سیاسی و ئابووری ئەو وەلاتن کو زورترین ئاڤ ھەیە ، و درۆستکرنا بەنداڤان ل ھەرێما کوردستانێ ، دێ ھەرێما کوردستانێ ژ چەندین شەر و کێشەیان رزگارکەت ، و کومکرنا ئاڤێ زێدەباری کو دێ مە ژ کێشەیان رزگار کەت د ھەمان دەم داک ومکرنا ئاڤێ دێ بیتە سەدەم کو ئاڤا پێدڤی بو خوارن و ڤەخوارنێ بھێتە دابینکرن ، ڤەوژاندن بکەڤیتە چاندن و زەڤیێن چاندنێ ، دەستڤەئینانا کارەبێ ، مفا وەرگرتن ژ کەرتێ گەشتوگوزار ، دەستخوڤەئینانا دەلیڤێن کاری بتایبەتی بو گەنجان ، ب خودانکرنا ئاژەل و سامانێ ماسی ، رێگرتن ل ھەموو لەھی و کارەساتێن سرۆشتی و ئەوان بارا و بەفرێن کو کارتێکرن لسەر ژیانا مرۆڤان دکەن ل گەل چەندین مفایێن دن).
ل بارا ژێدەرێن ئاڤێ ل ھەرێما کوردستانێ ژی ، ناڤبری گۆت: ( ژێدەرێن ئاڤێ ل ھەرێما کوردستانێ چەند جورەکن ژ وانان ، ھەبوونا رێژەیەکا باش یا بەفر و بارانا نکو شیانێن کومکرنا ئاڤێ ھەیە خوە ئەگەر رووبار ژی نەبن ، و مە ھژمارەکا زور یا رووبار و تایێن رووباران ھەنە و د شیاندایە ئاڤ بو ھژمارا رونشتڤانێن سێ جاران بو ھندی ھەرێما کوردستانێ و خودانکرنا ئاژەل و چاندنێ ھەیە ، ھەردیسان ل ھەرێما کوردستانێ ئاڤەکا زور یا ژێر زەڤی ھەیە و دکارین ب گورەی ھندەک مەرج رێنمایێن تایبەت مفای ژێوەربگرین ، و ئەڤە ژبلی وێ یەکێ کو دکارین ب رێیا بکارئێخستنەکا تایبەت مفای ژھەموو شاشیێن خوەیێن دیروکی بو ب ھەدەردانا ئاڤێ وەربگرین).
ئه‌ڤرۆنيوز:
وه‌زاره‌تا ڤه‌گۆهاستنێ وگه‌هاندنێ ل هه‌رێما كوردستانێ ره‌تكر كو ل دووماهيا ڤێ هه‌يڤێ فرۆكخانێن هه‌رێما كوردستانێ بۆ گه‌شتێن نێڤده‌وله‌تى بهێنه ڤه‌كرن ودياردكه‌ت كو به‌غدا هه‌تا نوكه به‌رسڤا هه‌رێمێ نه‌دايه.
ئۆمێد محه‌مه‌د په‌يڤدارێ وه‌زاره‌تا ڤه‌گۆهاستنێ وگه‌هاندنێ ل هه‌رێما كوردستانێ راگه‌هاند” ئه‌و چه‌نده راست نينه يا دهێته به‌حسكرن كو حوكمه‌تا عيراقێ رۆژا پێنجشه‌مبى يان دووماهيا ڤێ هه‌يڤێ دێ دۆرپێچا ل سه‌ر فرۆكخانێن هه‌رێما كوردستانێ راكه‌ت”.
ئۆمێدى بۆ ده‌زگه‌هێن راگه‌هاندنێ گۆت ژى” هه‌تا نوكه به‌غدا به‌رسڤا وێ رێككه‌فتنێ نه‌دايه كو دناڤبه‌را هه‌رێما كوردستانێ وبه‌غدا ل رۆژا 15/1/2018 ل هه‌ولێرێ هاتيه ئيمزاكرن” دياركر ژى” نزانين ژى كا عه‌بادى ئه‌و نڤيسارا دناڤبه‌را هه‌ردو لادا ئيمزاكريه يان نه”.
ئه‌ڤرۆنيوز:
بۆ جارا ئێكێ ژسالا 2014 بهايێ ئێك به‌رميلا په‌ترۆلا خام يا برنت گه‌هشته 71 دۆلاران.
ل دووڤ راپۆرتێن ئابوورى يێن جيهانى، گرێبه‌ستێن فرۆشتنا ئێك به‌رميلا په‌ترۆلا خام يا برنت گه‌هشته 71 دۆلاران كو دهێته هژمارتن بلندترين بها دهێته تۆماركرن ژ هه‌يڤا كانوونا ئێكێ يا سالا 2014 و وێڤه.
ئه‌و راپۆرت ئه‌گه‌رێ بلندبوونا بهايێ په‌ترۆلێ دزڤرينن بۆ هاتنا خوار يا بهايێ دۆلارێ ئه‌مريكى وكێمكرنا به‌رهه‌مئينانا په‌ترۆلێ ژلايێ رووسيا و وه‌لاتێن به‌رهه‌مئێنه‌رين په‌ترۆلێ يێن ئه‌ندام درێكخراوا ئۆپكێ دا.
نيشاندان