ئه‌ڤرۆ نیوز:
ژبه‌ر بارانبارینا زۆر و چیبوونا له‌هیێ ل بۆربانك كالیۆفۆرنیا ئه‌مریكی هریانا ئاخێ ژی چێبوو، ل وی ده‌می تیمێن رزگاركرنێ دیمه‌نه‌كێ كێموێنه گرتییه كو دهێته نیشان دا شوفێره‌ك و هه‌ڤالا خوه د ترومبێلا خوه دانه ل ده‌مێ پێلا له‌هیێ وێ ترومبێ د گه‌ل خوه دا دبه‌ت، هه‌ردو كه‌سێن ترومبێلێ دا ب سلامه‌تن لێ ترسه‌كا مه‌زن ل ده‌ڤ په‌یدابوو.
ئه‌ڤرۆنيوز:
ئه‌ڤرۆ شه‌مبيێ 13/1/2018، وه‌زاره‌تا ناڤخوه ل هه‌رێما كوردستانێ به‌ياننامه‌ك ل دۆر كۆمبوونا ئه‌ڤرۆ يا هه‌ردو شاندێن عيراقێ وهه‌رێمێ ل به‌غدا به‌لاڤكر.
دوێ به‌يانناما وه‌زاره‌تا ناڤخوه دا هاتيه” ب مه‌ره‌ما بجهئينانا فه‌رمانا ديوانا سه‌رۆكاتيا جڤاتا وه‌زيران هژمار 137 ل 2017، كو حه‌يده‌ر عه‌بادى سه‌رۆك وه‌زيرێن عيراقێ لژنه‌كا بلند ب وێ فه‌رمانێ دروستكر بۆ چاره‌سه‌كرنا كێشێن ته‌كنيكى ل گه‌ل هه‌رێما كوردستانێ ب تايبه‌تى ده‌رگه‌هێن سنورى وفرۆكخانه و ب رێڤه‌برنا به‌نداڤان، بۆ وێ مه‌ره‌مێ سپێده‌يا ئه‌ڤرۆ شه‌مبيێ شانده‌كێ حوكمه‌تا هه‌رێما كوردستانێ ب سه‌رۆكاتيا كه‌ريم شنگالى وه‌زيرێ ناڤخوه‌يا هه‌رێمێ سه‌ره‌دانا به‌غدا كر”.
زێده‌تر هاتيه” قاسم ئه‌عره‌جى وه‌زيرێ ناڤخوه‌يا عيراقێ دكه‌شه‌كێ دۆستانه‌دا سه‌رپه‌رشتيا كۆمبوونه‌كا گرنك دناڤبه‌را شاندێ هه‌رێمێ ولژنا بلند ب سه‌رۆكاتيا ئه‌ميندارێ گشتيێ جڤاتا وه‌زيرێن عيراقێ كر، ل ده‌ستپێكا كۆمبوونێ وه‌زيرێ ناڤخوه ته‌ئكيد ل سه‌ر گرنگيا ڤان جۆره كۆمبوونان كر ل گه‌ل دوباره‌كرنا گرنگيا به‌حسكرنا وان كێشێن ل بوارێن ده‌رگه‌هێن سنورى وگومرك وفرۆكخانان و ب رێڤه‌برنا به‌نداڤان ل سه‌ر بنه‌مايێ پێگيرى كرن ب دستوو وقانوونێن فيدرالى، هه‌روه‌سا پێداگرتنا سه‌رۆكێ جڤاتا وه‌زيران ل سه‌ر چاره‌سه‌ركرنا ڤان باده‌كان وڤه‌گه‌راندنا چالاكيان بۆ ڤان دامه‌ده‌زگه‌هان راگه‌هاند”.
ل دووڤ وێ به‌ياننامێ ” كه‌ريم شنگالى سوپاس وپێزانينێن خوه بۆ وێ ده‌ستپێشخه‌ريا سه‌رۆكێ جڤاتا وه‌زيران سه‌باره‌ت ب چاره‌سه‌ركرنا باده‌كێن هه‌لاويستى ب وى شێوه‌ى كو خزمه‌تا عيراقێ بكه‌ت وچاره‌سه‌ريا وان كێشان بكه‌ت كو ل هه‌رێما كوردستانێ رووداين”.
به‌يانناما وه‌زاره‌تا ناڤخوه، دياركريه” ددانوستاندنێن نوونه‌رێن وه‌زاره‌تا ناڤخوه، ده‌ستهه‌لاتا فرۆكه‌ڤانيا شارستانى، ده‌سته‌يا ده‌رگه‌هێن سنورى، رێڤه‌به‌ريا به‌نداڤان، ده‌زگه‌هێ هه‌والگيرى. هه‌موو تێبينيێن سه‌ره‌كى وبنه‌ره‌تى يێن تايبه‌ت ب رێكخستنا په‌يوه‌نديێ دناڤبه‌را حوكمه‌تا فيدرالى وهه‌رێما كوردستانێ به‌رچاڤكر ودانوستاندنه‌كا تێروته‌سه‌ل وراشكاوانه ل گه‌ل ئه‌ندامێن شاندێ حوكمه‌تا هه‌رێمێ هاته ئه‌نجامدان سه‌باره‌ت وان بابه‌تێن ئه‌ندامێن لژنا بلند به‌رچاڤكرين”.
ديسا تێدا هاتيه كو” ل دووماهيێ كۆمبوونێ، هه‌ردو لا رێكه‌فتن ل سه‌ر رێكخستنا كۆمبوونه‌كا دو قۆلى ل به‌ر رۆناهيا وان خالين ل سه‌ر رێككه‌فتين كو دێ ل 15/1/2018 ل هه‌ولێرێ هێته ئه‌نجامدان، تاكو پێكڤه كونۆسه‌ك بهێته به‌رهه‌ڤكرن ب وان چاره‌سه‌ريێن كو دێ رێككه‌فتن ل سه‌ر هێته كرن، ل گه‌ل بلندكرنا وان كێشێن پێدڤى ب بريارا جڤاتا وه‌زيرێن حوكمه‌تا فيدرالى هه‌ى وگرێداينه ب ڤه‌گه‌راندنا وان چالاكيێن كو ل ده‌رگه‌هێن سنورى وفرۆكخانان وبه‌نداڤان دا دهێنه ئه‌نجامدان”.
ئەڤرۆ نیوز، باسم قاسم شنگالی
ئەڤرۆ شه‌مبيێ 13/1/2018 ێ لکۆمالگەها تەلبەنات ل باشوورێ قەزا شنگالێ خانیەك ب گەنجەکی ڤە پەڤی ودئه‌نجامدا ژيانا خوه ژده‌ستدا.
چالاکڤانێ مەدەنی جەلال حه‌سه‌ن بۆ ئەڤرۆ نیوز گۆت” ل کۆمالگەها تەلبەنات و هەموو ئەو کۆمه‌لگەهێن دبن دەستهەلاتا حوكمەتا عیراقێ ڤە خانی د بومبه‌رێژکرینه و هێشتا نەهاتینە پاڤژکرن و بووینە ئەگەرێ کوشتنا گەلەك وەلاتیێن قەزا شنگالێ”.
بتر گۆت ” ئەڤرۆ ژی خانيه‌ك ل كومه‌لگه‌ها ته‌لبه‌نات په‌قى و گەنجەکێ 25 سالی برينداركر وبه‌رى بهێته هنارتن بۆ نەخوه‌شخانێ ژیانا خوە ژ دەست دا”.
ئه‌ڤرۆنيوز:
به‌رپرسه‌كێ وه‌زاره‌تا ناڤخوه‌يا عيراقێ ئه‌ڤرۆ شه‌مبيێ 13/1/2018 راگه‌هاند، پشتى دۆ رۆژێن دى ئه‌نجامێن كۆمبوونا ئه‌ڤرۆ يا هه‌ردو شاندێن حوكمه‌تێن عيراقێ وهه‌رێمێ راگه‌هينين.
پشتى ئه‌ڤرۆ شانده‌كێ حوكمه‌تا هه‌رێما كوردستانێ ب سه‌رۆكاتيا كه‌ريم شنگالى وه‌زيرێ ناڤخوه، سه‌ره‌دانا به‌غدا كرى ول گه‌ل شانده‌كێ حوكمه‌تا عيراقێ ب سه‌رۆكاتيا قاسم ئه‌عره‌جى وه‌زيرێ ناڤخوه‌يا عيراقێ كۆمبووى كو وه‌زيرێ ڤه‌گۆهاستنا عيراقێ ژى دناڤ شاندێ عيراقى دابوو، ليوا سه‌عه‌د مه‌عه‌ن په‌يڤدارێ وه‌زاره‌تا ناڤخوه‌يا عيراقێ بۆ مالپه‌رێ( به‌غداد اليوم) راگه‌هاند” كۆمبوونه‌كا باش هاته ئه‌نجامدان ودده‌مێ دو رۆژێن داهاتى دا دێ هه‌موو ئه‌و پێشنياز وئه‌نجامێن كۆمبوونێ راگه‌هينين”.
ئه‌ڤرۆنيوز:
رۆژنامه‌كا ئيسپانى ئاشكراكر كو ياريكه‌رێ يانا پاريس جيرمان يێ به‌رازيلى نيمار دا سيلفا مه‌رجه‌ك دانايه به‌ر يانا ريال مه‌دريد تاكو ل سالا داهاتى بگه‌هيته رێزێن وێ.
رۆژناما “دون بالون” يا ئيسپانى به‌لاڤكر كو نيمارى مه‌رجێ چوونا كريستيانو رونالدۆ ژ ريال مه‌دريد دانايه به‌رامبه‌ر ئيمزاكرنا وى بۆ گرێبه‌سته‌كێ ل گه‌ل ريال ل وه‌رزێ داهاتى ژخۆلا ئيسپانى.
دياركر ژى” نيمارى ب سه‌رۆكێ ريال مه‌دريد فلورنتينۆ بێرێز راگه‌هاند ژى كو دخوازيت ل وه‌رزێ بهێت ئه‌و تنێ بهيته ريال وچو ياريكه‌رێن دى نه‌هێن”.
خوياكر ژى” ريال مه‌دريد بزاڤان دكه‌ت ل هاڤينا بهێت گرێبه‌سته‌كێ ب بهايێ 400 مليۆن يورۆيان ل گه‌ل نيمارى ئيمزا بكه‌ت، يان ژى ب كريستيانۆ رونالدوى بهێته لێك گوهارتن”.
ئه‌ڤرۆنيوز:
باليۆزێ ئيرانێ ل عيراقێ راگه‌هاند كو وه‌لاتێ وى يێ بزاڤێن ناڤبژيڤانيێ دناڤبه‌را به‌غدا وهه‌ولێرێ دا دكه‌ت ودبێژيت په‌يوه‌نديێن مه ل گه‌ل كوردان ب هێزن.
ئيرج مه‌سجدى، باليۆزێ ئيرانێ ل عيراقێ، ئه‌ڤرۆ شه‌مبيێ 13/1/2018، دكۆنگره‌كێ رۆژنامه‌ڤانى دا ل ته‌هرانێ گۆت” په‌يوه‌نديێن ئيرانێ وهه‌رێما كوردستانێ گه‌له‌ك ب هێزن ودديرۆكى نه”.
مه‌سجدى دياركر ژى” دڤى ده‌مى ئيران يا بزاڤێن لێك نێزيككرنا هه‌رێما كوردستانێ وعيراقێ دكه‌ت كو ب شێوه‌كى گره‌نتيا پاراستنا به‌رژه‌وه‌نديێن هه‌ردولايه‌نان بكه‌ت”.
ئه‌ڤرۆنيوز:
شانده‌كێ هه‌رێما كوردستانێ ب سه‌رۆكاتيا كه‌ريم شنگالى وه‌زيرێ ناڤخوه ل گه‌ل شانده‌كێ حوكمه‌تا عيراقێ ب سه‌رۆكاتيا قاسم ئه‌عره‌جى وه‌زيرێ ناڤخوه‌يا عيراقێ ئه‌ڤرۆ ل به‌غدا كۆمبوونه‌ك ئه‌نجامدا.
ل دووڤ ژێده‌ره‌كى ژ به‌غدا بۆ ئه‌ڤرۆنيوز دياركرى، ژبلى بابه‌تێ فرۆكخانان، د كۆمبوونێ دا به‌حسێ بابه‌تێن ڤيزا وئيقامێ ژى هاتيه كرن.
سه‌عه‌د مه‌عه‌ن په‌يڤدارێ وه‌زاره‌تا ناڤخوه‌يا عيراقێ ب رووداو راگه‌هاند” كۆمبوون يا به‌رهه‌مدار بوو ول رۆژا دوشه‌مبيا داهاتى 15/1/2018 دێ كۆمبوونه‌كا دى ئه‌نجامده‌ين”.
ئه‌ڤرۆنيوز:
وه‌زاره‌تا ناڤخوه ل هه‌رێما كوردستانێ بريار دا پێدانا سوته‌مه‌نيێ ب فه‌رمانگه‌هان سنوردار بكه‌ت وبۆ وێ مه‌ره‌مێ ژى سيسته‌مێ كارتا ئه‌لكترۆنى دێ بكارئينيت.
وه‌زاره‌تا ناڤخوه دراگه‌هاندنه‌كێ دا ب ئيمزايا كه‌ريم شنگالى وه‌زيرێ ناڤخوه، راگه‌هاند” سيسته‌مێ كارتا ئه‌لكترۆنى بۆ مه‌زاختنا سوته‌مه‌نيێ ل هه‌موو داموده‌زگه‌هێن ب سه‌ر وه‌زاره‌تا ناڤخوه ڤه ل هه‌رێما كوردستانێ ژلايێ وه‌زاره‌تێ ڤه دێ هێته دانان ب هه‌ماهه‌نگى ل گه‌ل وان پانزينخانێن وى سيسته‌مى بكاردئينن”.
دوێ نڤيسارێ دا هاتيه ژى” مه‌ره‌م ژ ڤى سيسته‌مى، كونترۆلكرنا مه‌زاختنا سوته‌مه‌نيێ يه وبه‌لاڤكرنا وێ ب سه‌ر وان ترومبێلێن كو بۆ خزمه‌تگوزاريا فه‌رمانگه‌هێن ب سه‌ر وه‌زاره‌تا ناڤخوه ڤه دهێنه بكارئينان ونه‌هێلانا دياردا ب هه‌ده‌ردانا سوته‌مه‌نيێ”.
ئه‌ڤرۆنيوز:
به‌رى ده‌مه‌كێ كێم ياريا هه‌ردو يانێن زاخۆ ونه‌جه‌ف ل سه‌ر ياريگه‌ها زاخۆ ب وه‌كهه‌ڤيێ بێ گۆل ب دووماهى هات دچارچۆڤێ گه‌را 8 يا خۆلا عيراقى يا ياناب.
ب ڤى ئه‌نجامى يانا زاخۆ خالێن خوه گه‌هاندنه 4 خالان ژ هه‌شت ياريان ورێزه‌كێ پێشڤه‌هات كو رێزا 19 وبه‌رى دووماهيێ هاته رێزا 18، يانا نه‌جه‌ف ژى خالێن خوه گه‌هاندنه 14 خالان ول رێزا چارێ دهێت.
ئه‌ڤرۆنيوز:
سه‌رۆكێ فه‌رمانگه‌ها هه‌ماهه‌نگيێ ودووڤچوونێ ل جڤاتا وه‌زيرێن هه‌رێما كوردستانێ، راگه‌هاند، دڤێ هه‌يڤێ دا دێ مووچێ هه‌يڤا 10 يا سالا 2017 هێته به‌لاڤكرن ومووچێ سێ هه‌يڤێن دووماهيا سالا 2017 ناهێنه پاشكه‌فتكرن.
نورى عوسمان، سه‌رۆكێ فه‌رمانگه‌ها هه‌ماهه‌نگيێ ودووڤچوونێ ل جڤاتا وه‌زيرێن هه‌رێما كوردستانێ، دداخۆيانيه‌كێ دا بۆ ده‌زگه‌هێن راگه‌هاندنا ئێكه‌تيێ گۆت” به‌لاڤكرنا مووچێ فه‌رمانبه‌رێن هه‌رێما كوردستانێ ل دووڤ وى داهاتێ ب ده‌ست حوكمه‌تا هه‌رێمێ ڤه دكه‌ڤيت دێ به‌رده‌وام بيت”.
نورى رۆهنكر ژى” مووچێن سێ هه‌يڤێن دووماهيا سالا 2017 ناهێنه پاشكه‌فتكرن و دڤێ هه‌يڤێ دا دێ مووچێ هه‌يڤا 10 يا سالا 2017 هێته به‌لاڤكرن “.
نيشاندان