ئەڤرۆ نیوز، نەوزاد ھلۆری:
ب مەرەما بەفرەهكرن و خوشترکرنا جھێ ئاھەنگێن نەورۆز و ھەکەفتێن ئاینی و نەتەوی “سەرێ گری” ل ئاکرێ، بڕیارە کو سەرێ گری بھێتە نووژەنکرن.

بلند رزا، سەرۆکێ باژێرڤانیا ئاکرێ، بۆ ئەڤرۆ نیوز گۆت: (سەرێ گری ل ئاکرێ کو جھێ سەرەکیێ ئاھەنگێن نەور‌ۆز و نەتەوی و ئاینی یە، ژ بەر زۆريا ھژمارا مێھڤان و گەشتیاران، گەلەک يێ بەرتەنگە ژ بەر ڤێ وەکو باژێرڤانی دێ چەند خزمەتگوزارییەکێن نوو بۆ سەرێ گری دروست کەین).

زێدەتر گۆت: (دەستپێکێ دێ سەرێ گری ھێتە کونکرێتکرن و کوژمێ 35 ملیۆن دیناران بۆ ھاتینە تەرخانکرن، د دووڤ دا دێ ھێتە بەفرەھکرن دا کو جھێ زێدەتر ژ ئاھەنگەڤان و گەشتیاران بکەت ل دەما ھەکەفتێن نەورۆز و ئادارێ).

ناڤبری دیارکر ژی کو ئەوان پرۆژە و کار و چالاکیێن زێدەتر بۆ سەرێ گری و چەند جھەکێن دن یێن تایبەت ب ئاھەنگێن نەتەوی و نەرورۆێ ھەنە، بەلێ قەیرانا دارایی کارتێکرن ل کار و چالاکی و پرۆژەیێن وان کرینە.

ئه‌ڤرۆنيوز:

ل نيڤرۆيا رۆژا ئه‌ينى 2018/1/12 ترومبێله‌ك ل كومه‌لگه‌ها بێگوڤا ژ كونترۆلا شوفێرێ ده‌ردكه‌ڤيت ول خوه‌ خانيه‌كێ دده‌ت وشه‌ش كه‌س بريندار دبن.

ل دووڤ به‌رپه‌رێ باتيفا ترافيك يێ ب سه‌ر بنگه‌هێ هاتنوچونا ناحيا باتيفا ڤه‌ ل به‌رپه‌رێ فه‌يسبووكى” ل ده‌مژمێر 1:30 نيڤرۆ ل سه‌ر جادا سه‌ره‌كى يا كومه‌لگه‌ها بێگوڤا، روودانه‌كا ترافيكێ په‌يدابوو كو ترومبێله‌كا پيك ئاپ فولكس واگن ژئه‌گه‌رێ نه‌مانا ستوپى ستوپى، ژبن کونترۆلا شوفێرى ده رکه ڤيتت وخوه‌ ل مالا هاولاتيه‌كى دده‌ت”.

دياركريه‌ ژى” ژ ئه نجامئ ڤێ روودانێ، شه ش که س برينداربوون  وزيانێن مادى ب خانيێ وى هاو‌لاتى و ترومبێلێ كه فتن”.

ئه‌ڤرۆنيوز:

ل دووڤ پێزانينێن ل ده‌ف وه‌زاره‌تا چاندنێ ل هه‌رێما كوردستانێ هه‌ين، نيزيكى 87 هزار (مه‌زره‌عه‌) وڤيللا ل هه‌رێما كوردستانێ يێن هاتينه‌ دروستكرن كو پتريا وان ب شێوه‌كێ نه‌ قانوونى يێن هاتينه‌ دروستكرن وپتريا وان ژى دوور ژ رێنمايان كاره‌ب يا بۆ هاتيه‌ راكێشان وبيرێن ئاڤێ بۆ هاتينه‌ لێدان.

محه‌مه‌د شوكرى ئه‌ندامێ لژنا بلند يا چاكسازيێ ل سه‌رۆكاتيا هه‌رێما كوردستانێ بۆ باس دياركر كو پتريا مه‌زره‌عێن هاتينه‌ دروستكرن ب نه‌قانوونێ يێن دروستكرين ونێزيكى 87 هزار مه‌زره‌عه‌ وڤيللا ل كوردستانێ يێن هه‌ين وپتريا وان ب سه‌رپێچى يێن هاتينه‌ دروستكرن.

دياركر” رێ وكاره‌ب بۆ وان مه‌زره‌عان يێن هاتينه‌ دروستكرن وبيرێن ئيرتيوازى وبيرێن دى يێن ئاڤێ يێن بۆ هاتينه‌ لێدان كو هه‌موو يێن بووينه‌ كێشه‌ بۆ كه‌رتێ چاندنێ وئابوورێ گشتى وئاڤا بن ئه‌رد وفشاره‌كا مه‌زن ل سه‌ر كاره‌بێ يا دروستكرى وپترياوان ژى پارێ كاره‌بێ ناده‌ين”.

محه‌مه‌د ئه‌مين فارس، رێڤه‌به‌رێ گشتيێ ژێده‌رێن ئاڤێ ل وه‌زاره‌تا چاندنێ ل هه‌رێمێ گۆت” زێده‌تر ژ 22 هزار بيرێن نه‌قانوونى ودوور ژرێنمايان ل هه‌رێما كوردستانێ يێن هاتينه‌ لێدان”.

ئاشكراكر ژى” وان بيرێن نه‌قانوونى كاريگه‌ريه‌كا خراب ل سه‌ر ژێده‌رێن ئاڤێ كريه‌ وهه‌بوونا وان هه‌موو ڤيللان ژى كاريگه‌ريا خراب كريه‌ سه‌ر ئاڤێ وچاندنێ وپێدڤيه‌ پێرابوون ل به‌رامبه‌ر بهێنه‌ وه‌رگرتن”.

مافپه‌روه‌ر حوسامه‌دين سه‌ردارى دياركر” هنده‌ك كه‌س ب ناڤێ ده‌لال ل باژێرڤانيان كرين وفرۆشتنێ يا ب مولكێ گشتى كرى وب نه‌قانوونى مولكى گشتى يێ ئيفرازكرى وپارچه‌ پارچه‌ يێن فرۆتين ومه‌زره‌عه‌ وڤيللا يێن دروستكرين وكريار ژى يێن بۆ په‌يداكرين”.

سه‌ردارى دياركر كو گه‌له‌ك جاران كه‌سێن به‌رپرس يێن ل گه‌ل وان كه‌سێن كارێن نه‌قانوونى دژى مولكێ گشتى دكه‌ن.

دراپۆرتا لژنا چاكسازيێ يا سه‌رۆكاتيا هه‌رێما كوردستانێ دا هاتيه‌” بۆ چاره‌سه‌ريا مولكێن داگيركرى يێن حكومى وكێشا سه‌رپێچيێ ل سه‌ر ئه‌ردێ حوكمه‌تێ و ڕێكخستنەوەی گرێبەستەكانی موساتەحە ، پێرابوونێن پێدڤى يێن هاتينه‌ وه‌رگرتن ول ده‌مه‌كێ نێزيك بريار وپێرابوونێن كريارى وپێدڤى ژلايێ حوكمه‌تێ دێ هێنه‌ وه‌رگرتن”.

ئاماژه‌ ب وێ چه‌ندێ ژى هاتيه‌ كرن، ل سه‌ر ئاستێ داواكارێ گشتى بۆ رێگرتنێ ل سه‌رپێچيێن زێده‌تر 900 سكالايێن قانوونى دژى سه‌رپێچكاران يێن هاتينه‌ ئاراسته‌كرن بۆ دادگه‌هان ل هه‌رێما كوردستانێ.

حسێن محه‌مه‌د، رێڤه‌به‌رێ گشتيێ كاره‌با پارێزگه‌ها هه‌ولێرێ بۆ باس گۆت” كريا كاره‌با مه‌زره‌عا وڤيللا يا هاتيه‌ زێده‌كرن كو وان ڤيللان بخوه‌ڤه‌ دگريت ئه‌وێن ل ده‌وروبه‌رێن باژێران ول ده‌ڤه‌رێن دوور هاتينه‌ دروستكرن، مه‌زره‌عه‌ ژى يێن گه‌شتيارى بخوه‌ڤه‌ دگرن نه‌كو يێن به‌رهه‌مێن چاندنێ”.

گۆت ژى” تنێ ل سنورێ هه‌ولێرێ زێده‌تر ژ هزار ڤيلا ومه‌زره‌عێن گه‌شتيارى يێن هه‌ين وكاره‌بايه‌كێ مه‌زن بكاردئينن ول ده‌مێ دچۆل ژى كاره‌بێ ب هه‌ده‌ر دده‌ن، به‌رى نوكه‌ وه‌كو هه‌ڤپشكێن مالان ره‌فتار دگه‌لدا دهاته‌ كرن، به‌لێ ژنوكه‌ وپێڤه‌ ره‌فتاره‌كا  دى دێ ل گه‌لدا هێته‌ كرن”.

رێبوار ئه‌حمه‌د، ئه‌ندامێ جڤاتا پارێزگه‌ها سليمانيێ بۆ باس گۆت” ئه‌و مه‌زره‌عه‌ وخانيێن ب سه‌رپێچى ل سه‌ر مولكێ گشتى هاتينه‌ دروستكرن دێ هێنه‌ تاپۆكرن وئه‌و بريار ل سليمانيێ يا هاتيه‌ ده‌ركرن بۆ وان مه‌زره‌عه‌ وڤيللايێن كو به‌رى نوكه‌ ب نه‌قانوونى هاتينه‌ دروستكرن”.

ئه‌نوه‌ر عومه‌ر، رێڤه‌به‌رێ گشتيێ پلاندانانێ ودووڤچوونێ ل وه‌زاره‌تا چاندنێ راگه‌هاند” چو بريار ورێنما بۆ دروستكرنا ڤيللان نينن، هه‌ر نابيت ڤيللا بهێنه‌ دروستكرن وپێدڤيه‌ بهێنه‌ خرابكرن”.

محه‌مه‌د رێكانى، ئه‌ندامێ ده‌سته‌يا مافێ گشتى ل سه‌رۆكاتيا داواكارێ گشتى ب باس گۆت” ب هزاران كه‌يسێن پێدڤى ل داواكاريا گشتى ل سه‌ر ئه‌نجامدانا سه‌رپێچيێ ل سه‌ر مولكێ گشتى ب ئه‌ردێ چاندنێ وباژێرڤانيێ هاتينه‌ تۆماركرن”.

گۆت ژى” 10 هزار باده‌ك دتايبه‌تن ب سه‌رپێچى كرنێ ل سه‌ر ئه‌ردێ چاندنێ وباژێرڤانيێ، هنده‌ك ژوان كه‌يسان يێن هاتينه‌ بلندكرن بۆ دادگه‌هێ”.