ئه‌ڤرۆنيوز:
سه‌رۆكێ به‌رێ يێ ده‌سته‌يا ئه‌ركانێن هه‌ڤپشك يێ له‌شكرێ ئه‌مريكى مايك مۆلن، هوشدارى دا كو ئه‌مريكا نوكه پتر ژ هه‌ر ده‌مه‌كى دى يا نێزيكى شه‌ره‌كێ ئه‌تۆكى ل گه‌ل كوريا باكوور دبيت ودبێژيت چو ده‌ليڤه بۆ چاره‌سه‌ريه‌كا دبلوماسى ژى نينن.
جه‌نه‌رال مۆلن دديداره‌كێ دا ل گه‌ل كه‌نالێ ABC يێ ئه‌مريكى گۆت” گۆتارا شه‌ره‌ئامێز يا سه‌رۆكێ ئه‌مريكى دونالد ترامپ ل به‌رامبه‌ر سه‌رۆكێ كوريا باكوور كيم جونگ ئۆن، دياردكه‌ت كو ترامپ ل گه‌ل په‌يره‌وكرنا رێيه‌كا پتر دوژمنكارانه‌يه دبه‌رهنگاريا به‌رنامێ چه‌كێن ئه‌تۆمى يێ پێشكه‌فتى بله‌ز.
مۆلن گۆت ژى”وه‌زيرێ به‌رگريێ جيمس ماتيس وشيره‌تكارێ ئاسايشا نه‌ته‌وى هێربرت ماكماستر وسه‌رۆكێ فه‌رمانبه‌رێن كۆچكا سپى جون كيلى شيان ترامپى پاشڤه‌ببه‌ن ژ گه‌فێن وى بۆ هاڤێتنا ئاگرێ وتووره‌بوونێ ل به‌رامبه‌ر كوريا كوور” خوياكر ژى” من دڤێت بزانم بۆ ده‌مێ چه‌ندێ دێ ئه‌ڤه ڤه‌كێشيت، دبيت دقۆناغه‌كێ دا ترامپ شيره‌تێن مه‌زنه شيره‌تكارێن خوه يێن ئه‌منى پشت گوه بێخێت”.
سه‌رۆكێ كوريا باكوور به‌حسێ گه‌فێن شه‌رى ل رۆژا سه‌رێ سالا نوو 2018 كربوو وگۆتبوو” ئه‌م وه‌لاته‌كێ ئه‌تۆمى نه وحه‌ز ژ ئاشتيێ دكه‌ين وهه‌كه چو هێرش ل سه‌ر مه نه‌بن، ئه‌م هێزێن ئه‌تۆمى بكارنائينين”.
گۆتبوو ژى” ئه‌مريكا نه‌شێت شه‌رى دژى وه‌لاتێ مه ده‌ستپێ بكه‌ت وئاخا ئه‌مريكا دكه‌ڤێته به‌ر چه‌كێ مه يێ ئه‌تۆمى وكليلا ئه‌تۆمى به‌رده‌وام يا ل سه‌ر مێزا من وپێدڤيه ئه‌و بزانن كو ئه‌ڤه نه گه‌فه، به‌لكو راستيه‌كه”.
ژلايێ خوه‌ڤه سيناتۆرێ كۆمارى لينسى گراهام، ئاماژه ب مه‌ترسيا داخۆيانيێن جه‌نه‌رال مۆلن دا ل دۆر پێشبينيا هه‌لبوونا شه‌ره‌كى ل گه‌ل كوريا باكوور ل سالا 2018 وبۆ كه‌نالێ CBS گۆت” مه ده‌ليڤا لێدانا دربێن كۆژه‌ك بۆ هنده‌ك ياريكه‌رێن نه‌باش ل سالا 2018 يا هه‌ى، به‌لێ خودێ هاريكارێ مه بيت، هه‌كه چاڤێن مه هه‌موو تشت نه‌ديتن”.
گراهامى پيشبينى كر كو ب رێژا 30% ده‌ليڤه يا هه‌ى ترامپ فه‌رمانێ بده‌ت بۆ ئاراسته‌كرنا دربه‌كى دژى كوريا باكوور بۆ رێگرتنێ ل وى وه‌لاتى ژبده‌ستڤه‌ئينانا چه‌كه‌كێ ئه‌تۆى كو بشێت وى چه‌كى ل ئه‌مريكا بده‌ت.
نيشاندان
