ئەڤرۆ نيوز:
کۆمسیۆنا بلندا سەربخوە یا ھەلبژارتنێن عیراقێ دیار کر کو پتری 200 کیانێن سیاسی دێ پشکداری ھەلبژارتنێن بھێت یێن عیراقێ بن، ژ وان ژی 22 کوردستانی نە.

کۆمسیۆنا بلندا سەربخوە یا ھەلبژارتنێن عیراقێ لیستا کیانێن سیاسی بۆ ھەلبژارتنێن بھێت بەلاڤ کر و دیار کر ناڤێن 204 پارتان ھاتینە تۆمارکرن، ژ وان ژی 22 کوردستانی نە کو ژ ھەر پێنج ھێزێن سەرەکی یێن ھەرێما کوردستانێ و ھەر دو قەوارێن نوو، نەوەیی نوێ و ھەڤپەیمانیا دیمۆکراسی و دادپەروەریێ و ھژمارە کادی یا حزبان پێکدھێن، کو ھەر دو بۆ جارا ئێکێ یە پشکداری ھەلبژارتنان دبن.

کۆمسیۆنا ناڤھاتی خویا کر کو چار پارتێن ئێزدیان، چار یێن کوردێن فەیلی و دو پارتێن کوردێن شەبەک ژی ناڤێن خوە بۆ ھەلبژارتنێن بھێت یێن عیراقێ ل گۆلانا 2018ێ تۆمار کرینە.

ئەڤرۆ نيوز:
سەرۆکێ جڤاتا پارێزگەھا نەینەوا ئاشکراکر کو بۆ چ پارتێن سیاسی نینە، بارەگایێن خوە ببنە ناف سەنتەرێ مووسل، دیارکر ژی کو (50) مەلەفێن گەندەلیێ ژ (50) بابەتێن جودا ل پارێزگەرێ مووسل دیاربووینە.

بشار کیکی سەرۆکێ جڤاتا پارێزگەھا نەینەوا بۆ رۆژناما ئەڤرۆ ئەڤرۆ گۆت: ژ ئالیێ تەکینکی ڤە دادگەھێ بریارا جڤاتێ زڤراندیە ل سەر لادانا پارێزگەرێ نەینەوا کو تێبینی ل سەر جھی ھەبوو، کومبوونا جڤاتێ ئەلقووش بوویە و نە سەنتەرێ مووسل، دڤیا ماوێ حەفت رۆژان دا پارێزگەە ھاتبا ئاگەھدارکرن نە دماوێ چار رۆژان دا، بتنێ دادگەھێ ژ بەر ئەڤان ئەگەران بوویە، مەلەفێن فەسادێ گەنگەشە ل سەر نەھاتیەکرن، ل سەر ڤی بنیاتی دادگەھێ بریارا مە ڤەگراندیە و بابەت دێ یێ بەردەوام بیت.

کیکی ئەو ژی گۆت: ھێشتا پارێزگەھا نەینەوا ژ ھەموو رویان ڤە مایە کو ھەتا بەر ب سەقامگێریێ ڤە دچیت، دیسا دەم بۆ دڤێت و دیسا بزاڤێن پێکھاتنەکا سیاسی بۆ دھێنەکرن.

کیکی ئەو ژی گۆت: بۆ ئێک حزب نینە بارەگایێن خوە ل سەنتەرێ مووسل ڤەکەت، ئەڤە بریارا ئالیێن ئێمناھیێ ڤە.

سەرۆکێ جڤاتا ئەو ژی گۆت: گەلەک کومپانیا بەرھەڤیا خوە دیارکرینە بۆ ئاڤەدانکرنا مووسل پشکداربکەن ،لێ ھەمان دەم ئەڤا کومپانیا گەرنتیا ئێمناھیێ و دارایی دڤێت، دیسا کارگێریا پارێزگەھا نوکە یا مووسل گەلەک یا لاوازە و دیسا گومانێن گەندەلیێ ل سەر ھەنە، گەلەک ھەنە ناھێنە چ دانوستاندنا چونکە نەرازینە ژ رەفتارێن پرێزگەری.

بشار کیکی ئەو ژی گۆت: وەک جڤات پارێزگەھا نەینەوا (50) پرسیار ل سەر (50) بابەتا ئاراستەی پارێزگەری کرینە، گرێدایی گرێبەستانە، زێدەگاڤیا دەست ھەلاتێن پارێزگەری نە و گەلەک بابەتێن جودا جودانە.

کیکی سەرۆکێ جڤاتا پارێزگەھا نەینەوا زێدەتر گۆت: 47 بەربژێر ھەنە بۆ پارێزگەھا نینەوا و بتنێ ئێک کورد ھەیە و ئەڤ پوستە یێ برایێن عەرەبە.

سەرۆکێ جڤاتا ئەو ژی گۆت: پارێزگەرێ مووسل یێ ھەموو بزاڤا بکەت ئەندامێن ئەنجوومەنێ پارێزگەھا نەینەوا لاواز بکەت، ڤێ دووماھیێ پارێزگەری (3) فەرمانێن گرتنێ بۆ (3) ئەندامێن جڤاتێ دەرخستن ب وێ مەرەمێ کو ل کومبوونێن جڤاتێ بەرھەڤ نەبن و ئەڤە گەلەک یا گرنگە.
ھەمبەر ئەنجامێن لژنا کەفتنا پارێزگەھا نەینەوا ژی، بشار کیکی سەرۆکێ جڤاتا پارێزگەھا نەینەوا گۆت: بابەتێ کەتنا پارێزگەھا نەینەوا د دەستێن داعش دا، بابەتەکە دێ ھەر مینت ڤەکری و ھەتا کو دەمێ وێ بھێتن سەر دەمێ حەیدەر عەبادی بیت یان سەر دەمێ وی نەبیت، ئەڤە ھەر بابەتەکێ گەرمە و دێ ئەڤ لاپەرە ھێنە ھلدان و بابەت گەلەکێ گرنگە و گەلەک زیان ب خەلکی کەفتی ڤە ژ روویێ گیانی و مادی ڤە.

ئەڤرۆنيوز:

نڤیسەرەكێ عیراقێ دگۆتارەكێ دا بەحس ل پێلانێن ئیرانێ ل عیراقێ دكەت ودبێژیت” قاسم سلێمانی سەرپەرشتیا لیستێن حەشدا شەعبی دكەت وخامەنەئی ژی سەرپەرشتیا لیستێن حزبان دكەت”.

سەجاد تەقی كازم كو نڤیسەرەكێ عیراقی یە، گۆتارەك دهژمارەكا سایت ومالپەرێن عیراقێ وعەرەبی دا بەلاڤكریە وتێدا ئاخڤتنێن خوە ئاراستەی خەلكێ شیعە دكەت وژپیلانێن ئیرانێ ئاگەهدار دكەت.

سەجاد دگۆتارا خوەدا، بەحسێ رۆلێ ئیرانێ ددهەلبژارتنێن داهاتی یێن عیراقێ دا دكەت  وب دیتنا وی نڤیسەری، رۆلێن وان ب ڤی شێوەی یێن هاتینە بەلاڤكرن” لیستێن حەشدا شەعبی ژلایێ قاسم سلێمانی ڤە دهێنە ئاراستەكرن ولیستێن حزبان ژی ژلایێ خامەنەئی ب خوەڤە دهینە ئاراستەكرن، چو لایەن ژی ب سەر سیستانی ڤە نینن”.

ئەو نڤیسەرێ عیراقی دەمێ ناڤێ سیستانی دئینیت، دبێژیت پرۆژێ شیعەگەریێ ل عیراقێ كو ژلایێ ئیرانێ ڤە دهێتە بجهئینان، ئارمانجا وی ئەوە شیعێن عیراقێ ومەرجەعێن وان ژ دەستهەلاتێ بهێنە دوورخستن.

سەجاد تەقی كازم د گۆتارا خوە دا پرسیارەكێ ئاراستەی خەلكێ سڤیل یێ شیعە دكەت ودبێژیت” دهەلبژارتنێن داهاتی دا، ئەم چاڤەرێ چ دكەین بۆ شیعان؟ دبن سیبەرا وان قەوارێن سیاسی كو ژ سالا 2003 ووێڤە حوكمرانیێ ل هەوە دكەن. ئەو قەوارە كو چەندین بەرپرس یێن هەلبژارتین و ب گەندەلیێ حوكمرانیێ ل هەوە دكەن، هوون هیڤیا چ دخوازن كو نوكە حەشدا شەعبی ژی یا هاتیە سەر وب ئاشكرا ژی یا ب سەر ئیرانێ ڤە”.

دپشكەكا دی یا ئاخڤتنین خوە دا كو بۆ شیعان نڤیسی یە، دبێژیت”ئایا هیڤیا هەوە ئەوە كەسێن وەكو قەیس خەزعەلی وئەكرەم كەعبی وهادی عامری وسەركردێن دی یێن حەشدا شەعبی، عیراقێ بلند بكەن ووەكو سەركردێن دەولەتێ دیاربكەڤن و ئایا دێ وەكو نموونێن محەمەد عەلی ل پاكستانێ وشێخ زایدی ل ئیماراتێ ومەهاتیر محەمەدی ل مالیزیا بن؟”.

ئەو نڤیسەرێ عیراقێ چەندین جاران داخوازێ ژشیعێن هەژار دكەت كو دهشیار بن وباوەریا خوە ب ڤان جۆرە كەسایەتی وسەركردەیان نەئینن، دیسا بەراوردیەكێ دناڤبەرا دەستهەلاتا ئەمریكا ودەستهەلاتا ئیرانێ ل عیراقێ دكەت ودبێژیت” بەراوردیەكا سادە دناڤبەرا ئەمریكا وئیرانێ دیاردكەت كو بەراوردی دبەرژەوەندیا ئەمریكا دایە، ئەمریكیان نەگوتیە ئەم سەركردێن بلند یێن هەوەینە، وەكو ئەوا ئیران دكەت، دیسا ئەمریكا وێنێن رێبەرێن خوە ل عیراقێ ناهەلاویسیت وئەمریكا میلیشیات ل عیراقێ دروست نەكرینە بۆ وێ چەندێ پشتەڤانێن سەرۆك ورژێما وێ بن، ئەمریكا عیراق بۆ بەلاڤكرنا بەرهەمێن خوە بكارنەئینایە، بەلكو هەموو ئەو كارانە ئیرانێ یێن ئەنجامداین”.

ب دیتنا وی نڤیسەری، شیعێن عیراقێ ل دووماهیێ دێ ب تنێ وبێ پرۆژە مینن، چونكی هەموو لایەكی ل عیراقێ پرۆژە یێ هەی ودبێژیت” ئەمریكا عیراق بۆ گەلێ عیراقێ دڤێت، بەلێ شیعان بۆ ئیرانێ عیراق دڤێت، سونە دخوازن هەرێمەكا سونی عەەربی ل دەڤەرێ هەبیت، كورد ژی دخوازن دسەربەخوە بن دوور ژ دەولەتەكا درەوین كو عیراقە”.