ئه‌ڤرۆنيوز:
ل دووڤ ئامارێن سالا 2017 ئه‌وێن رێڤه‌به‌ريا پۆليسێن سلێمانيێ ئه‌ڤرۆ پێنج شه‌مبى 4/1/2018 راگه‌هاندين، 1923 فه‌رمانێن ده‌سته‌سه‌ركرنێ نه‌هاتينه بجهئينان.
سه‌ركه‌وت ئه‌حمه‌د په‌يڤدارێ پۆليسێن سلێمانيێ ئه‌ڤرۆ دكۆنگره‌كێ رۆژنامه‌ڤانيدا ل دۆر ئامارێن 2017 چه‌ندين ئامار وداتا به‌رچاڤكرن، ژوان به‌حسێ فه‌رمانێن ده‌سته‌سه‌ركرنێ كر كو ل سالا 2017 ژ سه‌رجه‌مێ 6227 فه‌رمانێن ده‌سته‌سه‌ركرنێ، 4034 فه‌رمان هاتنه بجهئينان و1923 فه‌رمانێن دى نه‌هاتنه بجهئينان.
ئەڤرۆ نیوز ،باسم قاسم شنگالی
سێ ره‌ڤانديێن كوردێن ئێزدی ئەڤرۆ پێنچ شەمبی 4/1/2018 ل سووریێ هاتنە رزگارکرن.
چالاکڤان ریاض سەعداوی بۆ ئەڤرۆ نیوز ،گۆت” ئەڤرۆ سێ ره‌ڤانديێن ئێزدی ل باژێرێ دێرلزۆر يێ سووری هاتنە رزگارکرن كو دو ژ وان خووشک و برا بوون بناڤێ (ش ،خ) كو ژيێ وێ 17 سالن و برايێ وێ بناڤێ (ش ،خ ) كو ژيێ وى 10 سالن، هەروه‌سا کچەکا دی ژی هاتە رزگارکرن بناڤێ (ب، م ) كو ژيێ وێ 22 سالن”.
ئه‌ڤرۆ نیوز ، نه‌وزاد هلۆرى:
مالپه‌رێ ساسه پوست دبابه‌ته‌كى دا ب ناڤونیشانێن ” هه‌موو ئه‌گه‌ر هه‌نه ، بژاردێن كوردان ل ده‌ڤه‌رێ بۆ سالا 2018 دێ چ بن” وه‌كو دووڤچوونه‌ك ل سه‌ر بژاردێن كوردان ل سالا 2018 ئه‌نجامدایه و به‌لاڤكریه ، بوچوونا كومه‌كا ڤه‌كۆله‌رێن عه‌ره‌بى و جیهانى ل سه‌ر ڤێ یه‌كێ ژى وه‌رگرتینه.
ئه‌و مالپه‌ر، دچارچۆڤێ دووڤچوونا خوه دا به‌حس ل هه‌ر چار پارچێن كوردستانێ دكه‌ت ، ب گوره‌ى بوچوونان ل سالا 2018 دا دێ ره‌وشا كوردان ل هه‌ردو پارچێن عیراق و سووریێ باش بیت و یێ كوردێن باكوور گه‌له‌ك باش نابیت وچاره‌نڤیسێ كوردێن ئیرانێ ژى ب كوردێن عیراقێ ڤه گرێدایه.
ل دۆركوردستانا باشوور، راپورتێ ئاماژێ ب هه‌لویستێ به‌غدا پشتى ریفراندۆمێ دكه‌ت و پێشبینیا وێ یه‌كێ ژى دكه‌ت كو دێ ئاریشێن هه‌ولێر و به‌غدا هێنه چاره‌سه‌ركرن.
دكتور عه‌لى ئه‌خوان كو ئێكه ژ ڤه‌كۆله‌رێن ئه‌كادیمیا عه‌ره‌بى دپه‌یوه‌ندیێن نیڤده‌وله‌تى دا دبێژیت ” كێشه‌یێن هه‌لاویستى دناڤبه‌را هه‌ولێر و به‌غدا د چه‌ند هه‌یڤێن داهاتى دا و به‌رى هه‌لبژارتنێن گۆلانا 2018 دێ هێنه چاره‌سه‌ركرن و ئه‌ڤ یه‌ك ژى بۆ نێزیكبوونا هه‌لبژارتن و درۆستكرنا هه‌ڤپه‌یمانێن نوو زڤریت”.
سه‌باره‌ت كوردێن رۆژئاڤا ، دو ڤه‌كۆله‌ر ئاخفتنیه و ب هزرا وان ، سه‌ره‌راى كو ده‌ڤه‌را كوردی ل رۆژئاڤایێ كوردستانێ ژ روویێ جوگرافى ڤه وه‌كو باكوورێ كوردستانێ و باشوورێ كوردستانێ یا ب هێز نینه ، به‌لێ ل گه‌ل ڤێ یه‌كێ ژى كورد ل سووریێ شیاینه هێزا خوه ل سه‌ر ده‌ڤه‌رێن خوه ب سه‌پینن.
جوشو ئه‌ندز كو سه‌رۆكێ مه‌لبه‌ندێ ڤه‌كۆلینێن رۆژهه‌لاتا ناڤه‌راسته ل زانكۆیا ئوكۆلاهوما یا ئه‌مریكى دبێژیت ” كورد ل سووریێ ئێك بوون ژ ئه‌گه‌رێ گوهۆرینا هه‌ڤپه‌یمانیا نیڤده‌وله‌تى ل سووریێ”.
كوردێن رۆژئاڤا 25% ژ ئاخا سووریێ پێكدئینن ، نڤیسه‌رێ ناڤبرى ئه‌گه‌رێ وێ یه‌كێ به‌رچاڤ گرتیه كو هه‌كه توركیا بچيته به‌ره‌یێ روسیا و سووریێ ، دێ ل وى ده‌مى هه‌ڤكێشه بۆ كوردان یا ب زه‌حمه‌ت بیت و دبێژیت : (ئه‌مریكا دێ ب دانا كۆمه‌كان بۆ كوردان ل سووریێ یا به‌رده‌وام بیت”.
به‌لێ نڤیسه‌ره‌كێ دى بناڤێ سه‌عید حاجه دبێژیت ” پشته‌ڤانیا ئه‌مریكا بۆ كوردان ب شێوه‌‌كێ ره‌ها نینه و چو مه‌رج نینن كو به‌رده‌وام بیت” ، دوپاتيێ ل وێ یه‌كێ ژى دكه‌ت كو چاره‌سه‌ریا كێشێن سووریێ دێ په‌یوه‌ندیا دناڤبه‌را ئه‌مریكا و سوریێ دیاركه‌ت.
ڤه‌كۆله‌ر به‌حس ل ره‌وشا باكورێ كوردستانێ دكه‌ت و به‌حس مێژوویا په‌یوه‌ندیێن كورد و حوكمه‌تا ئاكپارتى ژى دكه‌ت ، دبێژیت ئه‌ردوگانى ل سالا 2005 دانپێدان ب سته‌ملێكریا كوردان كر ، ددووڤدا ل 2013-2015 ئاگربه‌ست دناڤبه‌را توركیا و پارتا كاركه‌رێن كوردستانێ راگه‌هاند ، دڤى ده‌رباره‌ى دا سه‌عه‌د حاج كو شاره‌زایه دكاروبارێن توركیا دا دوێ باوه‌یێ دایه كو كورد ل سووریێ ئه‌گه‌ر بوون كو ئاگربه‌ست دناڤبه‌را توركیا و په‌كه‌كێ نه‌مای و دبێژیت ” پێشڤه‌چوونا قه‌یرانێن سووریێ و پاشڤه‌زڤرینا ئاكپارتى دهه‌لبژارتنێن په‌رله‌مانێ توركیا دا ، بوویه ئه‌گه‌ر كو په‌كه‌كه هه‌ست ب وێ یه‌كێ بكه‌ت دێ شێت ده‌ستكه‌فتیێن زێده‌تر بده‌ستخوه‌ڤه ئینیت ژ به‌رڤێ ئاگربه‌ست شكاند”.
ل دۆرسالا 2018 ژى، نڤیسه‌ر دبێژیت ” د پاشه‌رۆژه‌كا نێزیك دا دێ چاره‌سه‌رى هێنه‌كرن ب تایبه‌تى پشتى پاشڤه‌زڤرینا شیانێن سه‌ربازیێن په‌كه‌كێ و هاتنه خوارا پشته‌ڤانێن هه‌ده‌پێ ، كو دێ ڤێ یه‌كێ به‌ر ب چاره‌سه‌ركرنێ بده‌ت”.
نڤیسه‌ر دوپات ژى دكه‌ت كو توركیا ئێدى باوه‌رى ب چاره‌سه‌ركرنا كێشا كوردان ئینایه و ژبه‌ركو دزانیت ئه‌ڤ یه‌ك دێ توركیا ژ هه‌ره‌شه‌یێن ده‌رڤه پارێزیت ، ئه‌ڤه ژ به‌ر وێ یه‌كێ یه كو دێ توركیا ژ زیانێن زور یێن مادى و ئابوورى پارێزیت و پرسیار دكه‌ت ئه‌رێ چاره‌سه‌ریا ستراتیژى یا توركیا دێ چ بیت؟
یوسف حاج دبیژیت “حوكمه‌تا توركیا به‌رى هه‌لبژارتنێن “.
نڤیسه‌ره‌كێ ئیرانى دبێژیت ” چاره‌نڤیسێ كوردێن ئیرانێ گرێدایه ب كوردێن عیراقێ ڤه، شه‌ریف عه‌بدولحه‌مید كو سه‌رنڤیسكارێ گوڤارا ئێران پۆسته بۆ مالپه‌رێ ناڤبرى گوت ” پشتى ریفراندۆما كوردێن عیراقێ ، بزاڤێن كوردێن ئیرانێ دێ ده‌مه‌كێ راوه‌ستن ، هه‌تاكو هنده‌ك فشار ل سه‌ر كوردێن عیراقێ كێم ببن ، چاره‌نڤیسێ كوردێن ئیرانێ ب یێن عیراقێ ڤه گرێدایه”.
ب هزرا وى نڤیسه‌رى ریفراندوما هه‌رێما كوردستانێ مهاباد ئینا بیرا ئیرانێ ، ژ به‌رڤێ چه‌ندێ ئیرانێ هه‌لویستێن توند به‌رامبه‌ر ریفراندۆما كوردستانێ هه‌بوون.
ئه‌ڤرۆنيوز:
وه‌زاره‌تێن په‌روه‌ردێ وساخله‌ميێ ل هه‌رێما كوردستانێ دبه‌ياننامه‌كێ دا ئه‌نجامێ كۆمبوونا ئه‌ڤرۆ پێنج شه‌مبى 4/1/2018 يا خوه ل گه‌ل وه‌زاره‌تا پلاندانانا عيراقێ به‌رچاڤكر.
دوێ به‌ياننامێ دا هاتيه” ئه‌ڤرۆ پێنج شه‌مبى ل ديوانا وه‌زاره‌تا پلاندانانا عيراقێ، كۆمبوونا ئێكێ يا لژنا بلند يا هووربينكرنا ميلاكێ هه‌ردو وه‌زاره‌تێن په‌روه‌ردێ وساخله‌ميێ ل هه‌رێما كوردستانێ ب به‌رهه‌ڤبوونا سه‌رۆك وهه‌موو ئه‌ندامێن لژنێ هاته ئه‌نجامدان وتێدا پێزانينێن تمام ل دۆر مووچه‌خۆرێن هه‌ردو وه‌زاره‌تان ل دووڤ سيسته‌مێ بايۆمه‌ترى وب مووچێ تمام وبێ پاشكه‌فت ب سه‌رۆك وئه‌ندامێن لژنێ هاتنه دان”.
دياركر يه‌ژى” لژنێ ب ئه‌ندامێن هه‌ردو وه‌زاره‌تێن په‌روه‌ردێ وساخله‌ميێ راگه‌هانديه كو ب زووترين ده‌م وب رێيا لژنا هونه‌رى يا تايبه‌ت وب هه‌ماهه‌نگى ل گه‌ل ده‌سته‌يا چاڤدێريا دارايى يا عيراقى، دێ ده‌ست ب هووربينيا ليستان كه‌ن وپشتى پێكئينانا لژنێن فرعى، دێ سه‌ره‌دانا هه‌رێما كوردستانێ كه‌ن بۆ دياركرنا چه‌ند بابه‌تان بۆ هووربينيێ وداخواز ژى ژ ئه‌ندامێن هه‌ردو وه‌زاره‌تان هاتيه كرن كو هه‌ماهه‌نگى وكارئاسانيا زێده‌تر هه‌بيت”.
ل دووڤ وێ به‌ياننامێ، بريار ل سه‌ر ڤان هه‌ردو خالان هاته دان:
ئه‌ڤرۆنيوز:
كۆمسيۆنا بلند يا هه‌لبژارتن وراپرسيان ل هه‌رێما كوردستان راگه‌هاند، ده‌ستهه‌لاتا دياركرنا رۆژا ئه‌نجامدانا هه‌لبژاتنێن هه‌رێما كوردستانێ ب ده‌ستێ سه‌رۆك وه‌زيرێن هه‌رێما كوردستانێ يه.
په‌يڤدارێ كۆمسيۆنا هه‌لبژارتن وراپرسيان ل هه‌رێما كوردستانێ، شێروان زرارى، ئه‌ڤرۆ پێنج شه‌مبى 4/1/2018 دكۆنفرانسه‌كێ رۆژنامه‌ڤانيدا راگه‌هاند”مه داخوازيێن كۆمسيۆنێ بۆ حوكمه‌تێ يێن دياركرين ول هه‌فتيا داهاتى ژى دا دێ كۆم بين”.
به‌رى نوكه، سه‌رۆكاتيا جڤاتا وه‌زيرێن هه‌رێما كوردستانێ، داخوازا ژ په‌رله‌مانێ كوردستانێ وكۆمسيۆنێ كربوو كو به‌رهه‌ڤيان بۆ ئه‌نجامدانا هه‌لبژارتنان دده‌مێ سێ هه‌يڤان دا بكه‌ن.
شيروا زرارى گۆت” مه داخوازيێن كۆمسيۆنێ يێن گرێداى ئه‌نجامدانا هه‌لبژارتنێن په‌رله‌مان وسه‌رۆكاتيا هه‌رێمێ بۆ جڤاتا وه‌زيران يێن هنارتين ول هه‌فتيا داهاتى دێ ل گه‌ل حوكمه‌تێ كۆمبين ودێ ئاخڤتنێ ل دۆر رۆژا هه‌لبژارتنان كه‌ين، هه‌لبه‌ت ئه‌م رۆژا هه‌لبژارتنان ديار ناكه‌ين، به‌لكو سه‌رۆك وه‌زيرێن هه‌رێما كوردستانێ رۆژا ئه‌نجامدانا هه‌لبژارتنان دياردكه‌ت”.
دياركر ژى” بۆ ئه‌نجامدانا هه‌لبژارتنان مه داخوازا 23 مليۆن دۆلاران يا كرى”.
ئه‌ڤرۆنيوز:
نێچيرڤان بارزانى سه‌رۆك وه‌زيرێن هه‌رێما كوردستانێ ئه‌ڤرۆ پێنج شه‌مبى 4/1/2018 پێشوازى ل هاكان كاراچاى كونسۆلێ نوو يێ توركيا ل هه‌ولێرێ كر.
كونسۆلێ نوو يێ توركيا،ل دووڤ سايتێ فه‌رميێ حوكمه‌تا هه‌رێما كوردستانێ، به‌حسێ كار و چالاكيێن كونسۆلخانا توركى ل هه‌ولێرێ كر ودووپاتى ل سه‌ر پێشڤه‌برنا په‌يوه‌نديێن توركيا وهه‌رێما كوردستانێ كر، ديسا به‌رهه‌ڤيا وه‌لاتێ خوه دياركر بۆ هاريكاريێ ل پێناڤێ چاره‌سه‌ركرنا كێشێن دناڤبه‌را هه‌ولێرێ وبه‌غدا.
ژلايێ خوه‌ڤه نێچيرڤان بارزانى سه‌رۆك وه‌زيرێن هه‌رێما كوردستانێ پيرۆزى ل ده‌ستكاربوونێ ل كونسۆلێ توركى يێ نوو كر ودووپاتكر كو هه‌رێما كوردستانێ په‌يوه‌نديێن خوه ل گه‌ل توركيا ب گرنگ دبينيت كو ل رۆژێن ته‌نگاڤيان به‌رى سه‌رهلدانا 1991 وپشتى وێژى به‌رده‌وام توركيا هاريكارى وپشته‌ڤانى ل هه‌رێما كوردستانێ كريه.
ل دۆر ره‌وشا نوكه وكێشێن دناڤبه‌را به‌غدا وهه‌ولێرێ، نێچيرڤان بارزانى راگه‌هاند، توركيا وه‌كو جيرانه‌كا گرنگ يا هه‌رێما كوردستانێ وعيراقێ دشێت رۆله‌كێ ئه‌رێنى دچاره‌سه‌ركرنا كێشێن دناڤبه‌را هه‌رێمێ وعيراقا فيدرالى دا بگێريت.
ئه‌ڤرۆنيوز:
هشيار زێبارى ئه‌ندامێ مه‌كته‌با سياسى يا پارتى ديموكراتى كوردستان ووه‌زيرێ ده‌رڤه ودارايى يێ به‌رێ ل عيراقێ، درۆهنكرنه‌كێ دا، ده‌نگوباسێن چه‌ند ده‌زگه‌هين راگه‌هاندنێ يێن عيراقى ب دره‌و ده‌رخستن كو ل دۆر وى هاتبوونه به‌لاڤكرن.
دوێ رۆهنكرنا هشيار زێبارى دا كو ل به‌رپه‌رێ خوه ل سه‌ر تۆرا جڤاكى يا فه‌يسبووكى به‌لاڤكريه، دبێژيت” چه‌ند ده‌زگه‌هێن راگه‌هاندنێ يێن عيراقى يێن گومانلێكرى وبێ باوه‌ر دژێده‌رێن پێزانينێن وان دا، ده‌نگوباسه‌كێ دره‌و ل دۆر نه‌رازيبوونا مه ل سه‌ر سياسه‌تێن سه‌رۆك بارزانى وهه‌ردو كۆرێن وى وچوونا مه بۆ دناڤ هه‌ڤپه‌يمانيێن سياسى يێن ئاشووپى”.
ئاماژه دا” ل وى ده‌مێ ئه‌م ڤان راپۆرتێن دره‌و شه‌رمزار دكه‌ين، مه مافێ قانوونى يێ هه‌ى دژى خودانێن وان رێيا دادگه‌هێ بگرينه به‌ر”.
زێبارى دياركر” يا دياره ئه‌وێن ل دووڤ چێكرنا ڤان جۆره راپۆرتێن بێ بنه‌ما، نه‌شێن زيانێ بگه‌هيننه ئێكگرتنا پارتى ديموكراتى كوردستان وگه‌لێ كوردستانى دراوه‌ستيانا وى دا ل گه‌ل سه‌ركردايه‌تيا بارزانى ل به‌رامبه‌ر سته‌ما دوژمنان وهه‌ڤركان بۆ بده‌ستڤه‌ئينانا مافێن وى يێن ديموكراسى يێن ره‌وا”.
ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیۆز دیارکر:ل رۆژا سێشەمبی 2.1.2018 بۆ ئێکەمین جار هوبا تۆمارکرنێ ل بەشێ رێڤەبەریا هاتنوچوونێ ل قەزا زاخۆ هاتە ڤەکرن.
ناڤهاتی گوت ژی:ئەڤ سالە بەشێ تۆمارکرنێ ل رێڤەبەریا هاتنوچوونا قەزا زاخۆ هاتە ڤەکرن و ئەڤ بەشە دێ باشتر خزمەتا خەلکێ زاخۆ کەت و دیسا ئەڤ بەشە دێ بۆ چێکرنا ڤەگۆهاستن و نووکرنا سالنامێن ترۆمبێلا و دیسا ئەو سالنامێن هاتینە بەرزەکرن هێتە ب کارئینان و نوکە وەلاتی دشێن مامەلەیێن خۆ ل ڤێ هوبێ برێڤە ببەن.
ئەڤرۆ نیۆز:
ئه‌ڤرۆ سپێدێ 4/1/2018 فه‌رهاد ئه‌مین ئه‌تروشی پارێزگه‌رێ دهوكێ پێشوازیا شانده‌كێ جڤاتا پارێزگه‌ها نه‌ینه‌وا ب سه‌روكاتیا بشار كیكی سه‌روكێ جڤاتا پارێزگه‌ها نه‌ینه‌وا و پارێزگه‌رێ نه‌ینه‌وا ب وه‌كاله‌ت كر ,
دهه‌ڤدیتنه‌كێ دا به‌حسی ره‌وشا پارێزگه‌ها نه‌ینه‌وا و ڤه‌رانا خه‌لكێ ئاواره بو سه‌ر جهێن خو و چوانیا خورتكرنا په‌یوه‌ندیان دنافبه‌را هه‌ردو پارێزگه‌ها دا هاته كرن ,
پارێزگه‌رێ دهوكێ به‌رهه‌ڤیا كارگێریا پارێزگه‌هێ بو هه‌می ئاسانكاریه‌كا پێدڤی دیار كر بو ڤه‌كرنا رێكێ و ساناهی كرنا هاتن و چونی دنافبه‌را هه‌ردو پارێزگه‌ها دا دوپاتكر ,
ژلایێ خوڤه سه‌روكێ جڤاتا پارێزگه‌هێ و پارێزگه‌رێ دهوكێ ب وه‌كاله‌ت سوپاسیا پارێزگه‌ر و و كارگێریا پارێزگه‌هێ و هه‌می خه‌لكێ پارێزگه‌هێ كر بو وێ هاریكاری و پشته‌ڤانیا ل ئاوارێن پارێزگه‌ها نه‌ینه‌وا كرین ئه‌وێن ژبه‌ر زولما داعش قه‌ستا ده‌ڤه‌رێ كری ,,هه‌روه‌سا داكوكی كر كو پێدڤی و گرنگه رێكا سه‌ره‌كی یا دنافبه‌را دهوك و میسل دا بهێته ڤه‌كرن ,
دیڤدا دداخویانیه‌كێ دا بو راگه‌هاندنێ به‌رێز فه‌رهاد ئه‌مین ئه‌تروشی پارێزگه‌رێ دهوكێ دیار كر كو گه‌له‌ك بابه‌ت هاتنه گه‌نگه‌شه كرن و تایبه‌ت بابه‌تێ رێكا سه‌ره‌كی یا دنافبه‌را دهوك و میسل دا و گوت : هه‌می كه‌سه‌ك گرنگیا وێ رێكا سه‌ره‌كی دنافبه‌را دهوك و میسل دا دزانیت هه‌رێما كوردستانێ و پارێزگه‌ها دهوكێ و پارێزگه‌ها نه‌ینه‌وا و هه‌می ئێراقێ نوكه و به‌ری نوكه و پاشه روژێ ,
دیسان گوت : گه‌له‌ك بزاڤ و هه‌ول یێت هاتینه كرن چ ژلایێ جڤاتا پارێزگه‌ها نه‌ینه‌وا یان كارگیریا پارێزگه‌ها دهوكێ هه‌ره‌وه‌سا و حكومه‌تا هه‌رێما كوردستانێ ژی دیف چونا ڤی بابه‌تی كریه له‌وما دوباره دبێژین ئه‌ف رێكه یا گرنگه بو هاولاتیان وخه‌لكێ پارێزگه‌ها نه‌ینه‌وا و پارێزگه‌ها دهوكێ و هه‌می ئێراقێ و تایبه‌ت رێكا نێڤ ده‌وله‌تی یا ئیبراهیم خه‌لیل و ئه‌و ده‌روازی به‌ره‌ف دونیایێ ڤه دچیت ژبه‌ر ڤی گرنگیێ ئه‌م داخازێ ژ حكومه‌تا ئێراقێ دكه‌ین و سه‌روكێ ئه‌نجومه‌نێ وه‌زیران به‌رێز عبادی دكه‌ین كو ئه‌ف رێكه ب دورستی بهێته ڤه‌كرن و ئه‌م دگه‌ش بینین كو هه‌رده‌مێ ئه‌ف هه‌می بیزانینه بگه‌هنه جه‌نابێ سه‌روك وه‌زیرێ ئێراقا فیدرال ئه‌ژی ژبه‌ر به‌رژه‌وه‌ندیا خه‌لكێ پارێزگه‌ها نه‌ینه‌وا و هه‌می هاولاتیێن ئێراقێ دێ پشته‌ڤان بیت بو ڤه‌كرنا ڤێ رێكێ ,,
هه‌روه‌سا گوت : ژ ئه‌نجامێ ڤان بزاڤێن تا نوكه هاتینه كرن هه‌تا راده‌كی رێك هاتیه ڤه‌كرن نابیژم هه‌می بس هاتن و چون تا راده‌كی باشه و ئه‌م دێ هه‌می بزاڤا كه‌ین كو ب دورستی بهێته ڤه‌كرن بو بازرگانیێ و هاتن و چونا هاولاتیان ,
ژلایێ خوڤه سه‌روكێ جڤاتا پارێزگه‌ها نه‌ینه‌وا بشار كیكی بو راگه‌هاندنێ دیار كر ئارمانج ژ سه‌ره‌دانا وان بو پارێزگه‌ها دهوكێ گه‌نگه‌شه كرنا هژماره‌كا بابه‌تا بو یێن گریدای هه‌ردو پارێزگه‌ها و هاولاتیێن وان ,
دیسان سوپاسیا پارێزگه‌رێ دهوكێ و هه‌می خه‌لكێ پارێزگه‌هێ دكه‌ین بو وێ پشته‌ڤان و هاریكاریێن بو ئاوارێن پارێزگه‌ها نه‌ینه‌وا كرین ل ده‌می شه‌رێ دژی داعش ,,
دیسان گوت : بابه‌تێ گه‌رمێ نوكه ڤه‌كرنا رێكا یه بو پارێزگه‌ها نه‌ینه‌وا ژ دهوكێ و ئه‌م بو به‌رژه‌وه‌ندیا خه‌لكێ پارێزگه‌ها نه‌ینه‌وا و ژبو بهێز كرنا ئێمناهیێ ل ده‌ڤه‌رێ كو هه‌تا نوكه ل دیف ئاستێ پێدڤی ئارامی په‌یدا نه‌بویه له‌وما مه دگه‌ل پارێزگه‌رێ دهوكێ گه‌نگه‌شا چاوانیا ڤه‌كرنا رێكێ دنافبه‌را هه‌ردو لادا كر و ئه‌م ب گرنگ دزانین ب زوی ترین ده‌م بهێته ڤه‌كرن بو به‌رژه‌وه‌ندیا هه‌می خه‌لكێ ئیراقێ و تایبه‌ت هه‌ردو پارێزگه‌ها دهوك و نه‌ینه‌وا و گوت : مه ل سه‌ر ڤی بابه‌تی هه‌می رێك گه‌نگه‌شه كرن كو ببنه هاریكار بو ڤه‌كرنا ڤێ رێكێ و خورتكرنا په‌یوه‌ندیان دنافبه‌را هه‌ردو لادا هه‌رچه‌نده په‌یوه‌ندی دنافبه‌را خه‌لكێ دهوك و میسل ددیروكی نه و گه‌له‌ك په‌وه‌ندیێن جڤاكی دنافبه‌را واندا هه‌نه ,
دیسان گوت : ڤه‌كرنا ریكێ دێ بیته هاریكار بو خوشكرنا بارێ ئابوری ل پارێزگه‌ها و خورتكرنا بازرگانیێ و دڤیت ژبیر نه‌كه‌ین كو نێزیكی نیڤ ملیون ئاواره مه وه‌كو پارێزگه‌ها نه‌ینه‌وا ل هه‌رێما كوردستانێ یێن هه‌ین و گه‌له‌ك زوان فه‌رمانبه‌رن هاتن و چونێ دكه‌ن وپێدڤی ب هه‌بونا رێكێ یه و مه هه‌می به‌رهه‌ڤی ژ پارێزگه‌رێ دهوكێ دیت بو هه‌فكاری و هاریكاریێ و ڤه‌كرنا رێكا سه‌ره‌كی بو رێڤینگا و بازرگانیێ دیسان گوت ده‌نگێ مه دگه‌ل ده‌نگێ جه‌نابێ پارێزگه‌رێ دهوكێ و داخازیێ ز جه‌نابێ سه‌روك وه‌زیرێن ئێراقا فیدرال دكه‌ین فه‌رمانێ ب ده‌ته هه‌می ده‌زگایێن ئه‌منی كو هاریكار بن بو ڤه‌كرنا ڤێ رێكا ستراتیژی و گرنگ.
هه‌روه‌سا سه‌روكێ جڤاتا پارێزگه‌ها نه‌ینه‌وا داخاز ژ پارێزگه‌رێ دهوكێ كر كو سه‌ره‌دانا جڤاتا پارێزگه‌هێ و دیوانا پارێزگه‌ها نه‌ینه‌وا بكه‌ت.
ئەڤرۆ نیۆز ، زنار تۆڤی:
به‌رپرسەکێ بلند یێ هەڤپه‌یمانیا ده‌وله‌تا یاسا راستیا رێكکه‌فتنا نهێنی یا دناڤبەرا هه‌ولێر و به‌غدا دا ئاشكرا دکەت،کو دهێته گوتن ب مەبەستا چاره‌سه‌ركرنا كێشێن دناڤبەرا وان دا ئه‌نجامدایە.
مالپەرێ به‌غداد ئه‌لیه‌وم ئه‌ڤرۆ پێنجشه‌مبی 4 كانوونا دویێ بەلاڤکریە کو عه‌باس به‌یاتی سه‌ركردێ هەڤپه‌یمانیا ده‌وله‌تا یاسا و كه‌سایه‌تیێ نێزیكی عه‌بادی بۆ وی مالپەری گوتیە،ئەم و هه‌رێما كوردستانێ ئێک نه‌ته‌وه‌ینە و مە پێدڤی ب هیچ ناڤبەندگیریەکا نێڤده‌وله‌تی نینه بۆ چاره‌سه‌ركرنا قه‌یرانێن دناڤبەرا هه‌ولێر و به‌غدا دا،هەروەسا په‌یوه‌ندیێن راسته‌وخۆ و نە راسته‌وخۆ دناڤبەرا هەردوو لایاندا هه‌نه،گوتیه ژی د چه‌ند رۆژێن داهاتیدا ب شێوه‌کێ ر‌سمی دێ گفتوگۆ دناڤبەرا به‌غدا و هه‌ولێرێ دا ده‌ستپێکەن.
گوت ژی ئه‌و نووچەیێن كو بەحس ل هەبوونا رێككه‌فتنا نهێنی یا دناڤبەرا به‌غدا و هه‌ولێرێ دكه‌ن هیچ بنه‌مایه‌كێ راست بۆ نینه،ژبەرکو ئەم ل به‌ر رۆناهیا رۆژێ گفتوگۆیێ دكه‌ین نه‌كو د ژورێن تاریدا، هه‌ر رێككه‌فتنەکا بهێته ئه‌نجامدان دێ ب شێوکی فەرمی هێتە راگەهاندن.
نيشاندان