ئه‌ڤرۆنيوز:

دكۆمبوونا ئه‌ڤرۆ يا حوكمه‌تا هه‌رێما كوردستانێ وكۆمسيۆنا بلند يا هه‌لبژارتن وراپرسياران ل هه‌رێمێ، رێككه‌فتن هاته‌ كرن كو ل 15 رۆژێن ده‌ستپێكا هه‌يڤا نيسانا 2018 هه‌لبژارتن ل هه‌رێما كوردستانێ بهێنه‌ ئه‌نجامدان.

ل دووڤ كوردستان 24″ ژبلى ئێكه‌تى نيشتمان كوردستان، هه‌موو لايه‌نان به‌رهه‌ڤيا خوه‌ دياركر بۆ پشكداريێ دهه‌لبژارتنان دا”.

به‌لاڤكر ژى” ئێكه‌تيێ راگه‌هانديه‌ كوهه‌تا كۆنگرێخوه‌ ئه‌نجام نه‌ده‌ن، بريارێ ل دۆر پشكداريێ دهه‌لبژارتنان دا ناده‌ن كو برياره‌ ل 7/3/2017 كۆنگرێ ئێكه‌تيێ بهێته‌ گرێدان”.

ئاماژه‌ دا” كۆمسيۆنێ داخوازا 32 مليۆن هه‌تا 35 مليۆن دۆلاران ژ حوكمه‌تا هه‌رێمێ كريه‌ بۆ بودجا ئه‌نجامدانا هه‌لبژارتنان”.

ئه‌ڤرۆنيوز:

ژێده‌ره‌كى ژ جڤاتا وه‌زيران ل هه‌رێما كوردستانێ راگه‌هاند، حوكمه‌تێ لژنه‌كێ پێكئينايه‌ بۆ ده‌ستنيشانكرنا مال ومولكێ زێده‌ ژ حوكمه‌تێ بۆ فرۆشتنا وان وڤه‌گه‌راندنا پارێ وان بۆ گه‌نجينا حوكمه‌تێ.

وى ژێده‌رى بۆ باس گۆت” لژنه‌كا هووربينيێ ژ حوكمه‌تێ يا هاتيه‌ دروستكرن بۆ دياركرنا هه‌موو وان پێدڤيێن زێده‌ كو ل فه‌رمانگه‌هان دا هه‌ين بۆ وێ چه‌ندێ ببن راپۆرته‌ك وپاشى ل جڤاتا وه‌زيران بريار ل سه‌ر بهێته‌ دان بۆ فرۆشتنا وان، ژوان ژى ترومبێل وكه‌لوپه‌لێن زێده‌ يێن فه‌رمانگه‌هان”.

يه‌روانت نيسان، ئه‌ندامێ لژنا دارايى ل په‌رله‌مانێ كوردستانێ گۆت” حوكمه‌ت دێ ترومبێلێن زێده‌ وهنده‌ك كه‌لوپه‌لێن دى يێن خوه‌ فرۆشيت تاكو هنده‌ك پاره‌ بۆ گه‌نجينا هه‌رێمێ بزڤريت،نوكه‌ ژى لژنه‌ك هاتيه‌ پێكئينان بۆ وێ مه‌ره‌مێ”.

 ئه‌ڤرۆنيوز:

سه‌رۆك وه‌زيرێن هه‌رێما كوردستانێ ئه‌ڤرۆ پێنج شه‌مبى 28/12/2017 راگه‌هاند، حوكمه‌تا عيراقێ يا به‌رده‌وامه‌ ل سه‌ر فشارێن خوه‌ ل سه‌ر هه‌رێما كوردستانێ، دياركر ژى ئه‌و ئاخڤتنێن عه‌بادى گۆتين ل دۆر په‌ترۆلێ وغازى ددروست نه‌بوون وئه‌ڤرۆ دێ ب هژمار به‌رسڤا وى ده‌ين.

نێچيرڤان بارازنى سه‌رۆك وه‌زيرێن هه‌رێما كوردستانێ دكۆنگره‌كێ رۆژنامه‌ڤانى دا ل هه‌وليرێ گۆت” داخستن ودرێژكرنا داخستنا فرۆكخانێن هه‌رێما كوردستانێ ژلايێ حوكمه‌تا عيراقێ ڤه‌، سزادانا گه‌لێ كوردستانێ يه‌”.

نێچيرڤان بارزانى دياركر” ئه‌وا ئه‌م دبينين دو ئاراسته‌ يێن هه‌ين، يا ئێكێ هنده‌ك ئه‌رێنيان ژ به‌غدا دبينين وه‌كو ده‌ستپێشخه‌ريا وێ ناما سه‌رۆك كۆمارى هنارتى بۆ ده‌ستپێكرنا دانوستاندنان دناڤبه‌را به‌غدا وهه‌ولێرێ، مه‌ پێشوازى يا لێكرى وب فه‌رمێ مه‌ به‌رسڤ يا ل سه‌ر داى، هه‌روه‌سا ئه‌و ئاخڤتنێن مالكى وعه‌لاوى، جێگرێن سه‌رۆك كۆمارا عيراقێ گۆتين، ب ئه‌رێنى دبينين ووه‌كو حوكمه‌تا هه‌رێما كوردستانێ دياردكه‌ين كو مه‌ دڤێت دچارچۆڤێ دستوورێ عيراقێ دا كێشان چاره‌سه‌ركه‌ين”.

نێچيرڤان بارزانى ئاماژه‌ ب داخۆيانيێن حه‌يده‌ر عه‌بادى كو دوهى دكۆنگره‌ێ خوه‌ يێ رۆژنامه‌ڤانى دا ل به‌غدا گۆتين ل دۆر بابه‌تێ په‌ترۆل وغازێ وگۆت” ئه‌ڤرۆ من لژنا په‌ترۆلێ وغازێ يا راسپاردى كو هه‌موو ئه‌و ئاخڤتنێن عه‌بادى گۆتين، ددوورن ژ پێزانينێن دروست وئه‌ڤرۆ دێ ب هژمار به‌رسڤا وى ده‌ين”.

سه‌رۆك وه‌زيرێن هه‌رێما كوردستانێ گۆت ژى” ل به‌غدا لژنه‌ك بۆ پێداچوونێ دميلاكاتێن وه‌زاره‌تا په‌روه‌ردێ وساخله‌ميێ هاتيه‌ پێكئينان، مه‌ چو لارێ بوون ل سه‌ر وێ چه‌ندێ نينه‌ وب پێنگاڤه‌كا باش دبينين، سيسته‌مێ مه‌ ل دووڤ بايۆمه‌ترى يه‌ ودبه‌رهه‌ڤين داتايان بده‌ينه‌ به‌غدا هه‌كه‌ ئه‌و دبه‌رهه‌ڤ بن”.

گۆت ژى” لژنه‌كا دى يا پێكئيناى بۆ ده‌رگه‌هێن سنورى وفرۆكخانان، مخبان به‌رى ده‌ست بكاربوونا وێ لژنێ، دو هه‌يڤێن دى داخستنا فرۆكخانان درێژكر، مخابن سه‌رۆك وه‌زيرێن عيراقێ ئه‌ڤێ چه‌ندێ وه‌كو فشارێ به‌رامبه‌ر هه‌رێما كوردستانێ بكاردئينيت وئه‌ڤێ كاريگه‌ريا ل سه‌ر خه‌لكێ هه‌رێمێ كرى وئه‌ڤێ چه‌ندێ وه‌كو سزايه‌كێ دبينين، مافێ وه‌لاتيانه‌ بشێن گه‌شت بكه‌ن وهاتنووچونێ بكه‌ن، هه‌روه‌سا كارتێكرن يا ل هاريكاريێن مرۆڤايه‌تى بۆ ئاواران ژى كرى”.

ل دۆر پێنگاڤێن چاكسازيێ، گۆت” حوكمه‌تا هه‌رێما كوردستانێ كارێن خوه‌ يێن كرين، ووه‌كو حوكمه‌ت دپێگيرين پشتى بريار ژپه‌رله‌مانى ده‌ربچيت، بجهبينين”.

ئەڤرۆ نیوز:‏
پەرلەمانتارەکێ بەرێ یێ عێراقێ دبێژیت، پشکەک ژوان ئاریشەیێن نوکە ‏خەلکێ کوردستانێ توشی دەردو مەینەتی کرین عێراقێَ ژێ بەرپرسە، و ‏دیارکر پێدڤیە بەغدا مووچە و بودجێ ھەرێما کوردستانێ بدەت، چونکە ‏بەغدا دخوازیت ب رێیا برسینکرنا خەلکێ ھەرێما کوردستانێ گڤاشتنان ‏بکەتە سەر حوکمەتا ھەرێمێ.‏

‏ بوخاری عەبدوڵڵا، پەرلەمانتارێ بەرێ یێ عێراقێ بۆ رۆژناما ئەڤرۆ ‏گۆت” ئەڤا نوکە ل ھەرێما دەرباز دبیت و خەلک یێ نەڕازیە ئەگەر بدەستێ ‏حوکمەتا عێراقێ نەبیت ئەڤێ بێگومان بدلێ وانە، بدیتنا من بەغدا ‏دەست ھەیە ل پشت خۆنیشاندانێن حەفتیا بۆری یێن ھەرێما کوردستانێ، ‏ژبەر کو حوکمەتا نوکەیا عێراقێ پێخۆشە ئالۆزی بکەڤنە ناڤا ھەرێما ‏کوردستانێ و نەڕازیبوونێن وەلاتیان رۆژ بۆ رۆژێ پتر بن ئەوژی ژبۆی ڤێ ‏چەندێ دژاتیا حوکمەتا ھەرێما کوردستانێ بکەن، چونکە ل بنەڕەتدا ‏بەغدا پشکەکە ژوان کاودانێن نافخۆیا ھەرێما کوردستانێ ڤەگرتی و ‏خەلکێ کوردستانێ توشی قەیران و دەردو نەخۆشی کریە، بۆ نموونە ‏نەبوونا پارەی بدیتنا من پشکەکا زۆر ئەرکێ حوکمەتا عێراقێ یە، کو ‏دەست بسەر ھژمارەکا بەرچاڤا چالێن پەتڕۆلا ھەرێما کوردستانێ دا ‏گرتی، بتایبەتی ل دەڤەرێن سنورێ مادێ 140ێ دستووری و دەڤەرێن ‏دەرڤەی ئیدارەیا حوکمەتا ھەرێما کوردستانێ.‏

ئەڤی پەرلەمانتارێ بەرێ یێ عێراقێ دیارکر” پێدڤیە بەغدا پارەی بۆ ‏ھەرێما کوردستانێ و مووچێ فەرمانبەران بمەزێخیت و بودجێ خەلکێ ‏کوردستانێ بدەت،بەلێ مخابن نوکە بەغدا یا خوە دوور دگریت ل دانا ‏مافێن خەلکێ ھەرێما کوردستانێ و فەرمانبەران، ئەڤە ددەمەکیدایە گورەی ‏دستوور و قانوونێن عێراقێ مافێ وەلاتیێن کوردستانێ یە مفاداربن ل ‏بودجە و داھاتێ عێراقێ. ‏

بەری نوکە بەغدا چەندین بەھانە ئیناینە بۆ نەدانا مووچێ فەرمانبەرێن ‏ھەرێما کوردستانێ، ئەڤە ددەمەکیدایە حوکمەتا ھەرێما کوردستانێ ‏رازیبوونا خوە لدۆر رادەستکرنا داھاتێ ھەرێمێ دایە نیشاندان ھەمبەر ‏ھنارتنا بودجێ کوردستانێ، رۆژا سێشەمبی ژی حەیدەر عەبادی سەرۆک ‏وەزیرێن عێراقێ د گۆتارا خوە یا حەفتیانەدا چەند مەرجەکێن دی داناینە ‏بەرامبەر ھەرێمێ بۆ ھنارتنا مووچێ فەرمانبەران، گورەی زانیاریێن ‏عەبادی دڤێت لیستا فەرمانبەرێن ھەرێما کوردستانێ بھێتە پاقژکرن ‏لناڤێن دووبارە و فەرمانبەرێن بندیوار، ھەرێما کوردستانێ ژی یا رازیە ‏گورەی سیستەمێ بایۆمەتری مووچە بھێتە بەلافکرن.‏

بوخاری عەبدولا گۆتژی” دەستھەلاتدارێن نوکەیێن عێراقێ دخوازن پتر ‏گڤاشتنان بکەنە سەر ھەرێما کوردستانێ و بۆڤێ مەرەمێ ژی دوورپێچەکا ‏دژوارا ئابوری دانایە سەر کوردستانێ، ھەتا زێدەتر گڤاشتن بھێنە سەر ‏حوکمەتێ توشی کاودانێن نەخۆش بکەن و وەلاتی بەرامبەر حوکمەتێ ب ‏توندی چالاکیان بکەن، ھەرچەندە ئەز بخوە دگەل رێڤەچوونا ‏خۆنیشاندانێن تەناو شارستانیمە بۆ ڤێ چەندێ وەلاتی و فەرمانبەر ‏داخوازا مافێن خوە بکەت، لێ بەرۆڤاژی بەغدا دلخۆشە خۆنیشاندانێن ئالۆ ‏ز توندوتیژی تێدا بھێنە رێڤەبرن ب ئەشکرە بەغدا گۆتیە ئەم دخوازیت ب ‏بەھانەیا خۆنیشاندانان دەست ل کاروبارێن ھەرێما کوردستانێ وەردەین.‏