ئه‌ڤرۆنيوز:
ل دۆر پرسا خوه‌ڤه‌كێشانێ يان مانێ دناڤ حوكمه‌تا هه‌رێما كوردستانێ دا، جڤاتا سه‌ركردايه‌تيا ئێكگرتوو ئيسلامى كوردستان ب سه‌رپه‌رشتيا سه‌لاحه‌دين محه‌مه‌د به‌هائه‌دين ئه‌ميندارێ گشتيێ ئێكگرتووى يا دكۆمبوونێ دا.
ل دووڤ پێزانينێن ئه‌ڤرۆنيوز ب ده‌ستخوه خستين، جڤاتا سه‌ركردايه‌تيا ئێكگرتوو ل سڵێمانيێ دێ داخوازا ڤه‌كێشانێ كه‌ت، به‌لێ جڤاتا سه‌ركردايه‌تيا دهۆكێ دێ داخوازا چاره‌كا ناڤين دناڤبه‌را خوه‌ڤه‌كێشانێ ومانێ دناڤ حوكمه‌تێ دا كه‌ت.
ئەڤرۆ نیۆز،زنار تۆڤی:
ئۆمێد خۆشناو ئەندامێ پەرلەمانێ کوردستانێ ل سەر تۆرا جڤاکی یا فێسبووکێ دا دیارکریە،کو ئەڤە چه‌ند رۆژن ده‌نگۆیێ ده‌ستکاریکرنێ د مووچێ پێشمه‌رگێ قاره‌مانێن کوردستانێ دا هه‌یە.
رۆژانه ده‌رباره‌ی ڤێ پرسێ چه‌ندین په‌یوه‌ندی هه‌بوون،هه‌روسا مە ل فراکسیۆنا پارتی ب به‌رده‌وامی ل گه‌ل ده‌ستگەهێن په‌یوه‌ندار ل سه‌ر هێلێ بووین و مە دووڤچوون دکر.
ب خۆشحالیڤە نوکە ژێدەرەکێ بریار ب ده‌ست و په‌یوه‌نداری یێ حکومی ئەم دلنیاکرینه کو ب هیچ شێوه‌یه‌کێ دەستکاری د مووچێ پێشمه‌رگەیدا ناهێتە کرن و ل دەمەکێ نێزیک دێ ده‌ست ب دابه‌شکرنێ هێته کرن.
ب تنێ ئه‌وێ ده‌ستکاری تێدا دهێتە کرن،کۆژمەکێ کێم یێ مووچێ پله دارانە.
لەورا ئەم ژ فراکسیۆنا پارتی ته‌ئکید دکهین،کو ئەم ل گه‌ل پێنگاڤێن پڕۆسا چاکسازی وپێداچوونێینه بۆ مووچێ فه‌رمانبه‌ران وچاککرنا بژێوا ژیانا وەلاتیێن کوردستانێ،هه‌روه‌سا ب هه‌موو شێوه‌یه‌کێ پشتەڤانیێ ل پێنگاڤێن حوکمه‌تا هه‌رێما کوردستانێ دکهین بۆ ده‌ربازبوون ژڤی دۆخێ نە نه‌خواستی و مە باوەری ب چاره‌سه‌ری وچاکبوون و ده‌ربازبوون ژ ڤی دۆخێ دەمکی هه‌یه.
هه‌لبه‌ت ئەم پشتەڤان وپشگیریا داخوازیێن پێشمه‌رگه‌ینە،کو هێمایێ مانێ به‌رەڤانیێ ژ کوردستانێ بووین و دێ‌بین.
ئەڤرۆ نیوز ، نەوزاد ھلۆری:
وەلاتيەکێ شێلادزێ ده‌مێ چەندین سالایە زێدەتر ژ ١٠ جۆرێن بالندەیا دمالا خوە دا ب خودان دکەت و وەکو دیاردكه‌ت زێدەباری کو مەزاختنێن مه‌زن، خودانکرنا بالندەیان ژلایێ وی ڤه ب تنێ بۆ خوه‌شيێ يه و ھەردەم ژی يێ زيانداره.
شەمسەدین دۆسکی، بۆ ئەڤرۆ نیوز گۆت” چەندین سالە وەکو خوه‌شی و زەوق ئەز د مالا خودا زێدتری ١٠ جۆرێن بالندەیان ب خودان دکەم و زێدەباری کو مەزاختنێن مه‌زن ژی ل وان دکەم، بەلێ مەرەما من ژێ زەوق و خوه‌شی يە و چو دینارەک ژی ناگەھیتە من، بەلکو بەرامبەر خودانکرنا وان ئەز زياندار دبم”.
زێدەتر گۆت”من ل مال تاوس ، کەو، مریشک ، عەلۆک ، کوتر ، بەبەغا و چەند جۆرەکێن دى یێن بالندەیان يێن هه‌ين و ھندەک ژ وان ھەتا 600 دۆلاران دکرم ، بەلێ گورانکاریێن وەرزێ سالێ هنده‌ك جاران دبیتە ئه‌گه‌رکو ئەو بالندە بمرن”.
ئەڤرۆ نیۆز، سالار دۆسكی:
سەرۆكێ فراكسیۆنا كۆمەلا ئیسلامی ل جڤاتا نوونه‌رێن عیراقێ ئاشكراكر كو به‌حسێ هنارتنا سلفەكێ بۆ هەرێما كوردستانێ ژلایێ حوكمەتا عیراقێ ڤە يێ هه‌ى.
زانا رۆستاىی، سەرۆكێ فراكسيۆنا كۆمەلا ئیسلامی كوردستان ل جڤاتا نوونه‌رێن عیراقێ بۆ ئەڤرۆ نیۆز گۆت” نوكە هژمارەكا سیاسی و رۆژنامەڤان و كەسايه‌تيێن رەوشەنبیر و ئەكادیمی ل بەغدا ل گەل هەرێما كوردستانێ نە ويێ گڤاشتنێ ل سەر سەرۆك وەزیرێن عیراقێ دكەن كو سلفەكێ بۆ هەرێما كوردستانێ ڤرێكەت، دیسا هەمان كەسان دیاركريه كو دڤێت عەبادی دەستهەلاتێن خوە بجهبینت وچو جوداهی دناڤبەرا فەرمانبەرێن كوردستانێ و بەغدا دا نینە”.
زانا رۆستايی ئەو ژی گۆت”ئەو نابیتە بهانه عەبادی بێژیت لیستا مووچێن كوردستانێ گەندەلی تێدایە، لیستا مووچێن هەموو عیراقێ گەندەلی يا تێدا، هندەك وەزارەتان (10) هزار فەرمانبەر دڤێن، به‌لێ (13) هزار يێن دامەزراندین، حەشدا شەعبی هەر چ تشته‌كێ دروست د لیستا مووچێن واندا نینە و كێشە گەلەك تێدا هەنە”.
دياركر” خوه‌پیشاندانێن سلێمانیێ كارتێكرن ل هەموو گەلێ عیراقێ كریە و نوكە گڤاشتن ل سەر عەبادی زێدەبووینە كو سلفەكێ بۆ هەرێما كوردستانێ رەوانە بكەت، چونكى مافێ فەرمانبەرانە ل سەر دەولەتێ و چ جوداهيا فەرمانبەرێن كوردستانێ ل گەل يێن بەغدا نینە”.
ئه‌ڤرۆنيوز:
پشتى وه‌زاره‌تا دارايى بريارداى سوباهى ئێكشه‌مبى 24/12/2017 كو بێهنڤه‌دانا فه‌رمى يه، به‌نك دڤه‌كرى بن ل هه‌رێمێ بۆ به‌لاڤكرنا مووچێ وان جهێن به‌لاڤكرنا مووچێن وان دكه‌ڤيته درۆژا ئێكشه‌مبى دا. سوباهى دێ مووچێ چه‌ندين جهان هێته به‌لاڤكرن.
ديدار عوسمان رێڤه‌به‌رێ په‌يوه‌نديان ودارايى ل به‌نكێن بازرگانيێن هه‌رێمێ بۆ باسنيوز گۆت” هه‌موو به‌نك يێن هاتينه ئاگه‌هداركرن كو سوباهى دڤه‌كرى بن”.
ل دووڤ وه‌زاره‌تا دارايى ل هه‌رێما كوردستانێ، رۆژا ئێكشه‌مبى 24/12/2017 مووچێن كه‌سوكارێن شه‌هيدان وئه‌نفالكريان وزيندانيێن سياسى ومووچێ هه‌يڤا (9) يێ ڤان جهان دێ هێته به‌لاڤكرن:
- وەزارەتا دارایی و ئابووری
- وەزارەتا شەھیدان و ئەنفالکريان
- وەزارەتا پلاندانان
- دیوانا چاڤدێريا دارایی
- مافێ مرۆڤ
- ده‌ڤه‌رێن کوردستانی يێن ده‌رڤه‌ى ئیداره‌يا ھەرێمێ
- دەستەیا ژینگەهێ
- دەستەیا وەبەرھێنانێ
- دەستەیا دەستپاكيێ
- کۆمسیۆنا بلند يا ھەڵبژاردن وراپرسيان
ئه‌ڤرۆنيوز:
سه‌ره‌راى وێ چه‌ندێ كو حوكمه‌تا هه‌رێما كوردستانێ سوباهى ئێكشه‌مبى 24/12/2017 كريه بێهنڤه‌دانا فه‌رمى، به‌لێ هه‌موو به‌نك دێ ده‌وامێ كه‌ن بۆ به‌لاڤكرنا مووچه‌ى.
ديدار عوسمان، رێڤه‌به‌رێ په‌يوه‌نديان ودارايى ل به‌نكێن بازرگانيێن هه‌رێما كوردستانێ راگه‌هاند”به‌نك دێ سوباهى ئێكشه‌مبى ده‌وامێ كه‌ن، سه‌ره‌راى وێ چه‌ندێ كو بێهنڤه‌دانا فه‌رمى يه ودێ مووچێ وان جهان به‌لاڤكه‌ن ئه‌وێن به‌لاڤكرنا مووچێن وان كه‌فتيه درۆژا ئێكشه‌مبى دا”.
زێده‌تر بۆ باسنيوز دياركر” ل رۆژا دو شه‌مبى 25/12/2017 مووچين چو جهان ناهێنه به‌لاڤكرن، چونكى ئه‌و رۆژ دليستێ دا نينه، له‌وما به‌نك تنێ ل رۆژا دوشه‌مبى ده‌وامێ ناكه‌ن”.
خوياكر ژى” هه‌موو به‌نك يێن هاتينه ئاگه‌هداركرن كو سوباهى ده‌وامێ بكه‌ن”.
ئه‌ڤرۆنيوز:
حوكمه‌تا هه‌رێما كوردستانێ بريار دا سوباهى ئێكشه‌مبى بێهنڤه‌دانا فه‌رمى بيت ل هه‌رێمێ.
سه‌فين دزه‌يى، په‌يڤدارێ فه‌رميێ حوكمه‌تا هه‌رێما كوردستانێ راگه‌هاند” ب هه‌لكه‌فتا جه‌ژنا ژدايكبوونا عيسايێ مه‌سيح، رۆژا دوشه‌مبى 25/12/2017 بێهنڤه‌دانا فه‌رمى يه ل هه‌رێما كوردستانێ”.
سه‌فين دزه‌يى بۆ مالپه‌رێ حوكمه‌تا هه‌رێما كوردستانێ گۆت ژى” رۆژا ئێكشه‌مبى 24/12/2017 ژى دێ بيته بێهنڤه‌دانا فه‌رمى، رۆژا سێشه‌مبى 26/12/2017 ده‌واما فه‌رمى يه” .
ئه‌ڤرۆنيوز:
پێشمه‌رگه‌كى ل ده‌مێ پاقژكرنا چه‌كێ خوه، ب شاشى ڤه گوله‌يه‌ك ژده‌ستى ده‌ردكه‌ڤيت ودئه‌نجامدا گيانێ خوه ژده‌ست دده‌ت.
رێڤه‌به‌ريا پۆليسێن گه‌رميان دبه‌ياننامه‌كێ دا به‌لاڤكر” وه‌لاتيه‌ك ب ناڤێ (عوس جه‌عفه‌ر محه‌مه‌د) ژدايكبوويێ 1985 كو پێشمه‌رگه بوو ل فه‌وجا (3) ليوا(3) وخه‌لكێ گوندێ (سالح ئاغا) يه ب سه‌ر ناحيا قوره‌توو، هاته گه‌هاندن بۆ پشكا هاوارهاتنا شه‌هيد هه‌ژار كو ژئه‌گه‌رێ گوله‌يه‌كێ گيانێ خوه ژده‌ستدابوو”.
پۆليسێن گه‌رميان دوێ به‌ياننامێ دا دياركر” ل دووڤ گۆتنا خه‌زوورێ وى پێشمه‌رگه‌ى، ل ده‌مێ پاقژكرنا چه‌كێ خوه ل مالا وان، گه‌لويه‌ك ژده‌ستى ده‌رچو و ب پێ وى كه‌فت وپشتى گه‌هاندنا وى بۆ نه‌خوه‌شخانێ گيانێ خوه ژده‌ستدا”.
خوياكر ژى” ب مه‌ره‌ما پشكنينێ، ته‌رمى وى يێ هاتيه هنارتن بۆ نوشدارێ داد ل قه‌زا كه‌لار وپۆليسان ژى ده‌ست ب ڤه‌كۆلينێ د وێ روودانێ دا كريه”.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو دێ پێله‌كا به‌فر و بارانان روو ل هه‌رێما كوردستانێ كه‌ت و پلێن گه‌رمێ ژى دێ هێنه خوار.
ب گۆره‌ى راپۆرته‌كا پشكا پێشبنيان ل رێڤه‌به‌ريا گشتى يا سه‌قاناسى و بيڤه‌له‌رزان ل هه‌رێما كوردستانێ و ژ ئه‌نجامێ هاتنا فشارێن نزمێن وه‌لاتێ توركيا و رۆژهه‌لاتا ناڤه‌راست بۆ سه‌ر هه‌رێما كوردستانێ ل رۆژا شه‌مبى پێله‌كا به‌فر و بارانان دێ روو كه‌ته هه‌رێما كوردستانێ.
د راپۆرتا رێڤه‌به‌ريا گشتى يا سه‌قاناسيێ دا ئاماژه دايه وێ چه‌ندێ كو دێ ل رۆژا شه‌مبى باران بارينه‌كا كێم ل ده‌ڤه‌رێن چيايى يێن باكوورێ هه‌رێما كوردستانێ باريت.
خويا ژى كريه كو رۆژا ئێكشه‌مبى كارتێكرنا ڤێ پێلێ دێ ب ئاشكه‌را ل سه‌ر هه‌رێما كوردستانێ هێته ديتن و دهێته پێشبينيكرن بارانه‌كا زۆر بباريت كو دێ ل پارێزگه‌ها دهۆكێ ژ پارێزگه‌هێن دى يێن هه‌رێمێ كێمتر باريت. “پلێن گه‌رمێ ژى ب ره‌نگه‌كێ به‌رچاڤ دێ هێنه خوار كو دبيت به‌فر ژى ل گه‌ل بباريت”.
پشكا پێشبينيان د ڤێ راپۆرتێ دا ته‌كستێ ل سه‌ر وێ چه‌ندێ دكه‌ت كو ل رۆژا دوشه‌مبى ژى دێ باران ل چه‌ند ويستگه‌هێن جودا يێن هه‌رێما كوردستانێ ب رێژێن جودا بارن هه‌تا رۆژا سێشه‌مبى پشتى نيڤرۆ ئه‌ڤ فشاره دێ لاواز بن و نامينن.
دهێته پێشبينيكرن ل پارێزگه‌ها دهۆك 53 ملم باران بباريت و ل هه‌ولێر 29 ملم و ل سلێمانيێ 69 ملم و كه‌ركووك 44 ملم و هه‌له‌بچه ژى 30 ملم.
دهێته زانين كو هه‌تا نوكه ل پارێزگه‌ها دهۆك 56 ملم و ل هه‌ولێر 62 ملم و ل سلێمانيێ 116 ملم و كه‌ركووك 19 ملم و هه‌له‌بچه ژى 64 م
ئەڤرۆ نیوز ، نەوزاد ھلوری:
وەسا بریارە کو ئەڤرۆ یارییەکا ب ھێز دناڤبەرا ریال مەدرید و بارسێلونا کو ب کلاسیکو دھێت نیاسین ب ھێتە ئەنجام دان و ھژمارەکا زور یا وەلاتیان ل ھەموو جیھانێ و کوردستانێ وەکو بینەر و بەرھەڤبوو ل ژڤانێ دەستپێکرنا یاریێ نە ، بەلێ ل ھەند دەڤەرێن کوردستانێ ژ بەر نەبوونا کارەبا گشتی و مواليدەیان وەلاتی ژ دیتنا یاریێ بێ بەھر دبن ، قایمقامێ قەزا سوران لسەر داخوازیا گەنجان بریار دا کو ئەگەر کارەبا نیشتمانی ل دەما یاریێ نەبیت، نابیت کارەبا مواليدەیان بھێتە برین.
دڤی واریدا کرمانج عیزەت قایمقامێ قەزا سوران گۆت: ( لسەر داخوازیا گەنج و وەرزشڤانان مە ھەموو مواليدەیێن کارەبایێن قەزا سوران ئاگەھدارکرینە کو ل دەمژمێر سێ ھەتا یاریا کلاسیکو داوی بھێت ئەگەر کارەبا نیشتمانی ھات برین ئەو کارەبا مواليدەیان ھەلبکەن داکو گەنج و وەرزشڤانێن مە ژ دیتنا یاریێ بێ بەھر نەبن)
نيشاندان