ئه‌ڤرۆنيوز:
برياره سوباهى ئێكشه‌مبى ده‌ست ب به‌لاڤكرنا مووچێ پێشمه‌رگه‌ى بهێته كرن وبه‌لاڤكرنا مووچان دێ ل دووڤ سيسته‌مێ نوو يێ پاشكه‌فتكرنێ بيت.
پشتى ده‌ركرنا فه‌رمانا وه‌زارى ب پاشكه‌فتكرنا مووچێ هيزێن پێشمه‌رگه‌ى وپه‌سه‌ندكرنا وێ ژلايێ جڤاتا وه‌زيران ڤه، برياره مووچێن هه‌يڤا ئه‌يلوولێ يێن ديوانا وه‌زاره‌تا پێشمه‌رگه‌ى وليوايێن وێ وهه‌رو يه‌كه‌يێن 80 و 70 ل رۆژێن 24 هه‌تا 26 ڤێ هه‌يڤێ بهێنه به‌لاڤكرن.
ل دووڤ سيسته‌مێ نوو يێ پاشكه‌فتكرنا مووچێن وه‌زاره‌تا پێشمه‌رگه‌ى، رێژا پاشكه‌فتكرنێ دێ ژ 20% هه‌تا 50% بيت.
ب گۆره‌ى خشتێ به‌لاڤكرنا مووچان كو ژلايێ وه‌زاره‌تا دارايى ڤه هاتبوو ده‌ركرن، بريار بوو ل هه‌فتيا بۆرى مووچين وه‌زاره‌تا پێشمه‌رگه بهێنه به‌لاڤكرن، به‌لێ ژئه‌گه‌رێ بريارا پاشكه‌فتكرنا مووچێن هێزێن پێشمه‌رگه‌ى كو ژلايێ جڤاتا وه‌زيران ڤه هاتبوو دان، به‌لاڤكرنا وان بۆ ده‌مێ چه‌ند رۆژان هاتبوو پاشخستن.
نيشاندان