ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو دێ پێله‌كا به‌فر و بارانان روو ل هه‌رێما كوردستانێ كه‌ت و پلێن گه‌رمێ ژى دێ هێنه خوار.
ب گۆره‌ى راپۆرته‌كا پشكا پێشبنيان ل رێڤه‌به‌ريا گشتى يا سه‌قاناسى و بيڤه‌له‌رزان ل هه‌رێما كوردستانێ و ژ ئه‌نجامێ هاتنا فشارێن نزمێن وه‌لاتێ توركيا و رۆژهه‌لاتا ناڤه‌راست بۆ سه‌ر هه‌رێما كوردستانێ ل رۆژا شه‌مبى پێله‌كا به‌فر و بارانان دێ روو كه‌ته هه‌رێما كوردستانێ.
د راپۆرتا رێڤه‌به‌ريا گشتى يا سه‌قاناسيێ دا ئاماژه دايه وێ چه‌ندێ كو دێ ل رۆژا شه‌مبى باران بارينه‌كا كێم ل ده‌ڤه‌رێن چيايى يێن باكوورێ هه‌رێما كوردستانێ باريت.
خويا ژى كريه كو رۆژا ئێكشه‌مبى كارتێكرنا ڤێ پێلێ دێ ب ئاشكه‌را ل سه‌ر هه‌رێما كوردستانێ هێته ديتن و دهێته پێشبينيكرن بارانه‌كا زۆر بباريت كو دێ ل پارێزگه‌ها دهۆكێ ژ پارێزگه‌هێن دى يێن هه‌رێمێ كێمتر باريت. “پلێن گه‌رمێ ژى ب ره‌نگه‌كێ به‌رچاڤ دێ هێنه خوار كو دبيت به‌فر ژى ل گه‌ل بباريت”.
پشكا پێشبينيان د ڤێ راپۆرتێ دا ته‌كستێ ل سه‌ر وێ چه‌ندێ دكه‌ت كو ل رۆژا دوشه‌مبى ژى دێ باران ل چه‌ند ويستگه‌هێن جودا يێن هه‌رێما كوردستانێ ب رێژێن جودا بارن هه‌تا رۆژا سێشه‌مبى پشتى نيڤرۆ ئه‌ڤ فشاره دێ لاواز بن و نامينن.
دهێته پێشبينيكرن ل پارێزگه‌ها دهۆك 53 ملم باران بباريت و ل هه‌ولێر 29 ملم و ل سلێمانيێ 69 ملم و كه‌ركووك 44 ملم و هه‌له‌بچه ژى 30 ملم.
دهێته زانين كو هه‌تا نوكه ل پارێزگه‌ها دهۆك 56 ملم و ل هه‌ولێر 62 ملم و ل سلێمانيێ 116 ملم و كه‌ركووك 19 ملم و هه‌له‌بچه ژى 64 م
ئەڤرۆ نیوز ، نەوزاد ھلۆری:
نێزیکێ چوار سالایە دروستکرنا پلێتێن ئاهێن خوارنێ ھاتینە راگرتن و ب ڤێ یەکێ ژی زیانێن زور ب وان کەسان کەفتینە کو دەما بوری دا ھەڤژینیی پێکئینایی، دیارکر کو ل سنوورێ قەزا ئامێدیێ زێدەتری کچ و کورێن نوو ھەڤژینیی پێکئینایی بێ بەھربووینە ژ ھەموو وان پێدڤیێن کو ب رێیا پلێتێن ئاهێن خوارنێ دەستڤە دھێن.
نەشوان عەبدوللا ئێکە ژ وان گەنجێن کو نوو خێزان پێکئنایی دیارکر کو ئەڤە دو سالە ئەوی پلێتێن ئاهێن خوارنێ وەرنەگرتیە و بۆ ئەڤرۆ نیوز گۆت: (راگرتنا مامەلەیێن ئەرزاقی ئێکە ژ وان قەیرانێن کو دڤێ قەیرانێ دا زیانێن زور ب مە گەھاندی، بێ بەھر بووینە ژ ھەموو ئەوان مافێن کو ب رێیا پلێتا ئەرزانی دەستڤە دھێن، ھەر بۆ نموونە نکارین نەفتێ وەربگرین و ئەرزانی وەربگرین).
زێدەتر گۆت: ( دخوازین کو حوکمەت ب زووترین دەم پلێتێن ئاهێن خوارنێ بۆ مە ژی دروست بکەن ژ بەر کو ژبلی بێ بەھربوونا مافان د ھەمان دەم دا زۆر مامەلەیێن مە ژی ب رێڤە ناچن ژ بەر کو گرێدانەکا زۆر ناڤبەرا پلێتێن ئاهێن خوارنێ و مامەلەیێن دن یێن حکومەتێ ھەیە).
جادر عارف ئەو ژی وەلاتیەکێ دەڤەرێ یە ددەتن دیارکرن کو ئەوی ژی ئەڤە سالەکە خێزان پێکئینایی و نەشیایە پلێتێن ئاهێن خوارنێ دروست بکەت و بۆ ئەڤرۆ نیوز گۆت: (پلێتێن ئاهێن خوارنێ ئێکە ژ پێدڤیێن ژیانێ و گەلەک گرنگە بو ب رێڤەچوونا مامەلە و وەرگرتنا گەلەک مافان ژ بەرڤێ گرنگە کو لایەنێن شولەژێ کار بکەن بو دروستکرنا پلێتێن ئەرزانی بو خێزانێن نوو ھاتینە پێکئینان ).
فەلاح حەسەن ئێکە ژ بریکارێن ئەرزاقی ل شێلادزێ بو ئەڤرۆ نیوز گۆت: (ل سالا ٢٠١٤ ھەتا نھا چوو مامەلەیێن وان کەسان نەھاتینە چێکرن ئەڤێن کو خێزان پێکئینایی و ئەو دبێ پلێتا ئاھێن خوارنێ نە، بەلێ حوکمەتێ شوونا پلێتێ ھندەک پێرابوونێن دن گرتینە بەر ھەتا کو چارەسەریەک بۆ بھێتەکرن مینا دانا کاغەزەکێ بۆ ب رێڤەبرنا مامەلەیێن خوە، بەلێ دیسان ئەو ژی یا ب زەحمەتە ژ بەر کو ھەردەما پێدڤی ب پلێتا ئەرزاقی بوو، ل کیرێ بیت دڤێت سەرەدانا رێڤەبەریا ئاھێن خوارنێ ل دھۆکێ بکەت).
بریکارەکێ دن یێ ئەرزاقی ل دەڤەرێ کو نەڤیا ناڤێ خوە بێژیت دیارکر کو ل سنوورێ قەزا ئامێدیێ دڤان سێ چار سالێن بوری دا نێزیکێ ٤٠٠ خێزانێن نوو ھاتینە پێک ئینان و چو پلێتێن ئاهێن خوارنێ نینن و بۆ ئەڤرۆ نیوز گۆت: (ھەر تاکەکێ کورد بێی پلێتێن ئاهێن خوارنێ نکاریت مامەلەیێن خوە ل ھەرێمێ ب رێڤە ببەت، ئەڤە زێدەباری نکاریت چو مافان ژی دەست خوه ڤە بینیت ئەوێن کو ژ لایێ حوکمەت و رێکخراوێن خێرخوازی و کەرتێ تایبەت ژی دھێنەدان مینا گاز و ئاهێن خوارنێ و پێدڤێن دن یێن ژیانێ).
زێدەتر گۆت: (ب ھندەک رێيێن تایبەت، ھندەک بریکار مامەلەیان ب رێڤە دبەن بەلێ دیسان ژی نکاریت چو مافان دەست خوه ڤە بینیت، باشترین چارەسەری ئەوە کو حوکمەت و لایەنێن شولەژێ دەست ب رێڤەبرنا مامەلەیان بکەن ژ بەر کو ئەڤە نێزیکێ چار سالایە ھاتینە راگرتن).
ئەڤرۆ نیوز پەیوەندی ب رێڤەبەریا گشتی یا ئاھێن خوارنێ ل دھوکێ کر، بەلێ ئاماژە ب وێ یەکێ کر کو ھەتا سەرێ سالێ ئەو چو زانیاریان ل سەر تەوەری نادەن.
ئه‌ڤرۆنيوز:
ئه‌ڤرو ئێڤاری 20/12/2017 فه‌رهاد ئه‌مین پارێزگه‌رێ دهوكێ و سه‌روكێ لژنا ئه‌منی ل پارێزگه‌هێ ب ئاماده‌بونا لژنا ئه‌منی كومبونه‌كا به‌رفه‌ره دگه‌ل نوێنه‌رێن لایه‌نێن سیاسی ل سنورێ پارێزگه‌هێ گرێدا.
دكومبونێ دا گه‌نگه‌شه و دان و ستاندن ل سه‌ر ره‌وشا نوكه یا كوردستانێ ب گشتی و ره‌وشا پارێزگه‌ها سلێمانیێ ب تایبه‌تی وئه‌و كارێن تێكده‌رانه یێن دهێنه ئه‌نجام دان هاته كرن.
پشتی كومبون ب دیماهیك هات، فه‌رهاد ئه‌مین پارێزگه‌رێ دهوكێ دكونگره‌كێ روژنامه‌ڤانی دا دیار كر كو ئه‌ڤه گه‌له‌ك جار گومبون دگه‌ل لایه‌نێن سیاسی ل سنورێ پارێزگه‌هێ دهێنه گرێدان و گوت : مه‌دیت فه‌ره پێكڤه روینین دگه‌ل هه‌موو لایه‌نێن سیاسی یێن كوردستانی ل سنورێ پارێزگه‌هێ بو هندێ دا گه‌نگه‌شێ بكه‌ین كا چ بهێته كرن بو ئه‌ف ره‌وشا نوكه روودای، هه‌ر چه‌نده ل سنورێ پارێزگه‌ها دهوكێ چو تشته ك روو نه‌دایه وره‌وش نورماله، دیسان دوباره داكوكیێ دكه‌ین ئه‌و په‌یاما سه‌روكێ حوكمه‌تا هه‌رێمێ وه‌كو حوكمه‌تا هه‌رێمێ فرێكری كو خونيێشاندان مافه‌كێ ره‌وا و سروشتی یێ هاولاتیانه دده‌ستوری و قانوونێ دا و كه‌س نه‌شیت ڤی مافی راگریت، لێ دچوارچوڤێ‌قانوون و رێنمایێن هه‌ی بگره ژ ده‌ستیری وه‌رگرتنێ و تا كو تێكدان و سوتنا باره‌كا و كوشتن دڤیت ئه‌ڤه ب ئێكجاری نه‌بن دڤی چوارچوڤه‌ی حوكمه‌تا هه‌رێمێ پارێزگه‌ها دهوكێ كه‌س نه‌شیت ڤی مافی ژ خه‌لكێ وه‌رگریت لێ پا دسه‌ر هندێ را دڤێت ره‌وشا هه‌رێمێ ب گشتی و عيراقێ و روژهه‌لاتا ناڤه راست به‌رچاڤ بهێته وه‌رگرتن هه‌روه‌سا ئه‌و جوره خو نيشناندانێن دهێنه كرن دبه‌رژه‌وه‌ندا خه‌لكێ دا بن.
ل دور ئه‌و زیانێن دڤان دو روژێن بوری گه‌هه‌شتینه مولكێ لایه‌نێن سیاسی و حوكمه‌تا هه‌رێمێ گوت: دڤان دو سێ روژێن بوریدا دبیت ب ملیونێن دولاری زیان گه‌هاندینه مولكێ حوكمه‌تێ و لایه‌نێن سیاسی شوینا هندێ كو ئاریشه‌كێ چاره بكه‌ن كێشێن دی یێ دورست دبن و ره‌وش یا ئالو ز تر لێدهێت دوباره دێ بێژم خوپێشاندان مافه‌كێ ره‌وا یه لێ دچوار چوڤێ یاسای دا بیت و بره‌نگه‌كێ ئاشتیا نه ,
ده‌رباره‌ی رووشتنا دگه‌ل لایه‌نێن سیاسی هاتیه كرن پارێزگه‌رێ دهوكێ گوت : ئه‌ف رووشتنه ل سه‌ر بابه‌تێ خونيشناندانا بو و تێدا چوار خالێن هه‌فپشك دنافبه‌را هه‌موو لایه‌نان و ئیدارێ دا بیێ جوداهی هه‌بون ئه‌وژێ ئه‌ڤه بون .
1- ب هیچ ره‌نگه‌كێ پشته‌ڤانی ل ڤان جوره خونيشندانان ناهێته كرن
2- خونيشاندان ب رێكێت قانوونى و ل دووڤ رێنمایان مافه‌كێ ره‌وایێ خه‌لكێ كوردستانێ یه
3- ههه‌موو پێرابونێن قانوونى بهێنه ورگرتن دده‌رهه‌قێ هه‌ر كه‌سه‌كی دا كو ب كارێن خرابكاریێ و تێكدانی رادبن دوور ژ راگرتنا سه‌قامگیریێ و ئاشتیێ تایبه‌ت ل پارێزگه‌ها دهوكێ
4- ئه‌و لایه‌نێن سیاسی هه‌موو ئاماده‌یا خو دوپات دكه‌ن كو هاریكاریێ و هه‌فكاریێ و پشته‌ڤانیا لژنا ئه‌منی یا پارێزگه‌هێ و حوكمه‌تا خوه‌جهیا پارێزگه‌ها دهوكێ بكه‌ن داكو ره‌وشا دهوكێ یا تایبه‌تمه‌ند بهێته پاراستن .
ده‌رباره‌ی كا داخازیه‌كا ده‌ستیریێ بو خونيشاندانێ ل سنورێ پارێزگه‌هێ هاتیه كرن ..پارێزگه‌رێ دهوكێ گوت : تانوكه كه‌سێ چ داخازیا ده‌ستیریا خوپێشاندانا ل پارێزگه‌هێ نه‌كریه.
دیسا پارێزگه‌رێ دهوكێ دیار كر كو كومبون ل سه‌ر داخازیا پارێزگه‌هێ بوویه و هه‌موو لایه‌ن هه‌ف بوچون بوون دگه‌ل ئێك و پێكڤه دگه‌ل لژنا ئه‌منی و بوچونێن وان پوزه‌تیف بوون .
ئەڤرۆنيوز:
مەكتەبا سیاسی یا پارتی دیمۆكراتی كوردستان د راگەهاندنەكێ دا، خوەنیشادانان ب مافێ خەلكی دزانیت و دەنگێ خوە دئێخیتە دگەل دەنگێ هەموو وان كەسێن ب ئاشتیانە داخوازا مافێن خوە دكەن و دژی هەر رەفتارەكا شاش و دەستدرێژیەكێ یە ل سەر مال و مولكێ گشتی.
مه‌كته‌با سياسى يا پارتى ئاشكرا ژی كریە، كو كریار و رەفتارێن وان كەسێن نوكە خوەنیشادانان دكەن ب تمامی ژ جەوهەرێ خوە یێ مەدەنی دەركەفتیە و وەكو خوەنیشادانەكا چەكداری خوە دەردكەڤیت و سۆتن و ژناڤبرنا بارەگەهێن پارتی كریە ئارمانجا خوە یا سەرەكی.
مەكتەبا سیاسی یا پارتی داخواز ژ دەزگەهێن ئێمناهیێ دكەت ب ئەركێ خوە راببن و گیانێ وان كەسێن د ناڤ بارەگەهان دا بپارێزن و ژ هەموو ئالیان ژی خواستییە، نەهێلن ناڤێ كوردستانێ و ئەزموونا وێ كرێت ببیت.
ئه‌ڤرۆ نيوز، لەزگین جوقی:
رێكخراوێن جڤاكێ مه‌ده‌نى ل پارێزگه‌ها دهۆكێ دژى وان توندوتيژيێن ل پارێزگه‌هێن سلێمانى و هه‌له‌بچه و گه‌رميان به‌لاڤ كر و ئه‌ڤا ل خوارێ ژى ده‌قێ به‌ياننامێ يه:
ئەڤرۆ ئەم یێ بناڤێ سازیێن مەدەنی و لسەر بنیاتێ دیمقراسیەتی ورێزگرتنا مافێن مروڤی وبیرویان و ئازادی یا رادەربرینی دئاخفین ، ھەرێما کوردستانێ یا د قوناعەکا ھەستیار دا و دناڤبەرا پلانێن دەولەتێن ھەرێمیدا دبوریتن ودڤێتن ئێکگرێزی و ئیمناھیی بھێتە پاراستن و ھاوەلاتی خو نە کە تە قوربانیێن ڤان پیلانا .
مافێن ھاوەلاتییانە دخازا مافێن خو و باشکرنا خزمەتکوزارییان بکەن برێکێن شارستانی ورێکێن یاسایی وەک ( خوپیشاندان – مانگرتن و …. ) نەک ھەرشەکرن وسوتاندنا دام و دەزگەھێن میری و بارەگایێن پارتێن سیاسی ، وبکار ئینانا توندوتیژیێ ئەوان داخاز و ماڤان دێ ژ دەست دەن و نە رێکخراوێن چڤاکی مەدەنی و نە لایەنێن دەولی ژی پشتەڤانییا توندونیژیێ ناکەن ودفێتن دەستھەلات و دزگەھێن ئێمناھی ( بولیس – ئاسایش ) و بشیوازێن مەدەنی سەرەدەریی دگەل ھاوەلاتییان بکەن نەک توندوتیژیی بکاربینن و باردوخێن ھەرێما کوردستانێ ئالوزتر لێ بکەن .
وھەروەسا دفێتن بزیترین دەم دستھەلاتا ھەرێما کوردستانێ لدیف داخاز و ژین و ژیار و مافێن ھاوەلاتییان بجن و بجە بینن ، وچاکسازیێن راساتەقینە جێبەجێ بکەن ژبو نە ھێلانا کەندلیێ وھەر رێکاکرەک بکار بینیتن بو ڤان کاودانادا.
ئەم بناڤێ رێکخراوێن چڤاکێ مەدەنی ل دھوکێ ئەفێن نافێن وان لخاری ھەرکارەکی توندوتیژی تێدا بھێتە بکار ئینان ریسوا و مەحکوم و شەرمەزار دکەین ، چونکە ئەم وەکو جڤاکێ مەدەنی دژی ھەر کارەکێ نەرەوا و تێکدانا مافێن مروڤی نە چ ژ لایەنێ دستھەلاتێ ڤە بیتن یانژی ژلایەنێ ھاوەلاتییان ڤە بیتن .
ئەم بناڤێ رێکخراوێن چڤاکێ مەدەنی ل دھوکی سەر خوشییێ ل خانەوەادەیێن قوربانیێن فان نەرازیبونا دکەین و ھەروەسا دخازا ساخی و سەلامەتییێ بو بریندارا دخازین .
دگەل رێزگرتن
• رێکخراوا ZSVP
• رێکخراوا مەند بو یەکسانی
• رێکخراوا کەشەپێدان لاوان
• رێکخراوا ھاریکار
• رێکخراوا الند
• رێکخراوا دەنکێ پیران
• رێکخراوا کەنجینە
• رێکخراوا مافێن مەدەنی
• رێکخراوا ئاسودە
• رێکخراوا مافێن مروڤ ل کوردستانێ دھوکێ
ئه‌ڤرۆنيوز:
باليۆزا ئه‌مريكا ل نه‌ته‌وێن ئێكگرتى راگه‌هاند، پێدڤيه كار دژى ئيرانێ بهێته كرن ووه‌لاتێن جيهانى هاريكاريا هه‌ڤدو بكه‌ن بۆ ژناڤبرنا مه‌ترسيا ئيرانێ.
نيكى هايلى، باليۆزا ئه‌مريكا ل نه‌ته‌وێن ئێكگرتى، دكۆنگره‌كێ رۆژنامه‌ڤانى دا گۆت” واشنتۆن كار دكه‌ت بۆ پێكئينانا هه‌ڤپه‌يمانيه‌كێ دژى ئيرانێ” وئه‌و وه‌لاته ب پشته‌ڤانيا گرۆپێن تيرۆرستى تۆمه‌تباركر وگۆت” ئيران پشته‌ڤانيێ ل هه‌موو رێكخراوێن تيرۆرستى ل رۆژهه‌لاتا ناڤين دكه‌ت”.
گۆت ژى” وه‌زاره‌تا به‌رگريا ئه‌مريكى به‌لگه ل سه‌ر توندوتيژيا ئيرانێ ل سه‌ر بريارێن نێڤده‌وله‌تى يێن ئاشكراكرين وبه‌لگه يێن ل به‌رده‌ست كو ئيرانێ مۆشه‌ك بۆ حوسيێن يه‌مه‌نێ يێن هنارتين”.
هايلى ئاماژه دا كو ئيران سه‌رپێچيا بريارا هژمار 2231 يا جڤاتا ئاسايشا نێڤده‌وله‌تى يا كرى كو رێ ل هنارتنا چه‌كى وپشته‌ڤانيا تيرۆرێ دگريت.
ئه‌ڤرۆنيوز:
رۆژناما (ره‌ئى ئه‌ليه‌وم) به‌لاڤكر كو محه‌مه‌د كورێ سه‌لمانى شازادێ جهنشينێ سعوديێ ب برياره‌كێ شازاده به‌در كورێ عه‌بدوللا ب سه‌رۆكێ جڤاتا ب رێڤه‌برنا تۆرا كه‌نالێن MBC دامه‌زراند كو ل ده‌ستپێكا سالا نوو دێ ده‌ست بكاربيت.
رۆژناما ناڤبرى ئاماژه كر، ب باوه‌ريا گه‌له‌ك چاڤدێرێن بوارێ سياسه‌ت وراگه‌هاندنێ دا، ئه‌و برياره بۆ ده‌ست ب سه‌رداگرتنا وێ تۆرێ يه ژلايێ كورێ سه‌لمانى ڤه، به‌لێ گه‌له‌ك ژوان ژى پرسيار دكه‌ن ئايا محه‌مه‌د كورێ سه‌لمانى ب زۆرى ده‌ست ب سه‌ر وێ تۆرێ گرتيه، يان دچارچۆڤێ رێككه‌فتنه‌كێ دابوو، كو شێخ وه‌ليد ئيبراهيم خودانێ راسته‌قينه‌يێ وێ تۆرێ ئه‌وێ نوكه ده‌سته‌سه‌ركريێ بن سه‌لمانى يه ل گه‌ل چه‌ندين شازاده ومه‌زنه بازرگانێن سعودى، ل به‌رامبه‌ر ئازادكرنا خوه ده‌ست ژ وێ تۆرێ بۆ بن سه‌لمانى به‌ردايه؟
شازاده به‌در سه‌رۆكێ نوويێ جڤاتا ب رێڤه‌برنا وێ تۆرێ، ئێك ژكه‌سێن نێزيك ژ كورێ سه‌لمانى دهێته هژمارتن.
گوهۆرينێن كورێ سه‌لمانى د وێ تۆرا راگه‌هاندنێ يا ناڤدار ئه‌نجامداين، ترس خستيه دناڤ كارمه‌ند وكادرێن كه‌نالێ MBC دا ل پايته‌ختێن وه‌لاتێن عه‌ره‌بى وجيهانى ودچه‌ند رۆژێن بۆرى دا، بريارا دوورخستنا (عولا فارس) بێژه‌را ناڤدارا كه‌نالێ سه‌ره‌كيێ وێ تۆرێ، ژبه‌ر پشته‌ڤانيكرنا وێ د تويته‌رێ خوه‌دا بۆباژێرێ قودسێ وره‌خنه‌گرتنا وێ ل بريارا سه‌رۆكێ ئه‌مريكى ترامبى بۆ ڤه‌گۆهاستنا باليۆزخانا ئه‌مريكى ژته‌ل ئه‌بيب بۆ قودسێ.
ئه‌ڤرۆنيوز:
به‌رپرسێ راگه‌هاندنا رێڤه‌به‌ريا گشتى يا په‌روه‌ردێ ل پارێزگه‌ها دهۆكێ دداخۆيانيه‌كێ دا بۆ ئه‌ڤرۆ نيوز ره‌تكر بێهنڤه‌دانا قوتابخانان بۆ ده‌مێ هه‌فتيه‌كێ دخشتێ وه‌زاره‌تا په‌روه‌ردێ دا هه‌بيت.
ئه‌حمه‌د عه‌بدوللا زوبێر به‌رپرسێ راگه‌هاندنا رێڤه‌به‌ريا گشتى يا په‌روه‌ردێ ل پارێزگه‌ها دهۆكێ بۆ ئه‌ڤرۆنيوز دياركر” چو بێهنڤه‌دان بۆ ده‌مێ هه‌فت رۆژان ل دووماهيا ڤێ هه‌يڤێ دخشتێ په‌روه‌ردێ دا نينن وده‌وام دێ يا ئاسايى بيت “.
ئەڤرۆ نیۆز،زنار تۆڤی:
رێڤەبەرێ گشتی یێ بازرگانی ل وەزارەتا بازرگانیا کوردستانێ راگەهاند: ”ل دووڤ وان زانیاریێن ژ بەرپرسێن وەزارەتا بازرگانیا عێراقێ گەهشتینە مە،دێ گوهۆرین د پسوولە و كۆبۆنێن خوارنێدا هێنەکرن و بریارە ل جهێ پسوولا ئەرزاقی كارتەکا زیرەك بهێتە چێکرن.
نەوزاد ئەدهەمی ئاماژە ب هندێ ژی دایە،کو بۆ وان گوهۆرینان و دەركرنا كارتا زیرەك ل جهێ پسۆلا ئەرزاقی، پڕۆژەیاسایەك هاتیە ئامادە كرن، گوت ژی: ”هەکە ل دووڤ وی سیستەمی بیت، ئەو وەلاتیێن د چارچۆڤێ وێ پسوولا خوارنێدا هاتینە تۆمار كرن، دشێن ب وێ كارتێ بەشە ئەرزاقێ خۆ وەربگرن“.
هەروەسا گوتیە،هەر وەلاتیەك یان سەرۆك خێزانەکێ هژمارەکا تایبەت دێ ب خۆڤە هەبیت د كارتا زیرەك یا ئەلەكترۆنی دا و دڤێت وەزارەتا بازرگانی ژی گوهۆریێن ژ دایكبوونێ و مریان ب بەردەوامی ئەنجام بدەت دناڤا وێ كارتێدا.
نەوزاد ئەدهەمی ئاشكرا كر ژی،دناڤا وی سیستەمیدا جۆداهیەك هەیە ل گەل پسوولێن نوکە یێن خوارنێدا، گوت ژی: ”نوکە شەكر و برنج و روون و ئار هەنە، بۆ نموونە هەکە وەلاتیەکێ نەڤێت شەكرێ وەربگریت،دێ ل جهێ وێ شێت برنجی وەرگریت و ب برنجی هێتە قەرەبووکرن،رێک ب ڤێ گورانکاریێ هاتیەدان.
وی بەرپرسێ وەزارەتا بازرگانی یا كوردستانێ جەخت ل هندێ کریە،کو ئەڤ سیستەمێ ل جهێ پسوولا ئەرزاقی كار پێ دهێتەکرن،نوکە ل ژێر ڤەکۆلینێ دایە، گوت ژی: ”ئەڤ سیستەمە تشتەکێ باشە و دێ رێگریێ ل ساختەكاریێ کەت و كێشێن وێ كێمترن و كارپێكرن دێ ئاسانتر بیت“.
ل عێراقێ زێدەتر ژ 8 ملیۆن و 500 هزار پسوولێن خوارنێ بۆ سالانە دهێنە چاپکرن،ل سەر بریكارێن ئاهێن خوارنێ دهێنە دابەشکرن.
ب بریارا 986 یا نەتەوێن ئێكگرتی ل سالا 1997 پسۆلێن ئەرزاقی بۆ وەلاتیێن عێراقێ هاتینە چێکرن و ب رێیا بریكارێن ئاهێن خوارنێ یێن هەیڤانە ل سەر وەلاتیان دهێنە دابەشکرن.
نيشاندان