ئه‌ڤرۆنيوز:
مالپه‌ره‌كێ توركى يێ نێزيك ژ پارتا داد وگه‌شه‌پێدان يا حوكمران ئاشكراكر كو پشتى كونترۆلا له‌شكرێ سوورى وحه‌شدا شه‌عبى يا عيراقى بۆ ده‌ڤه‌رێن سنوورێ عيراقێ وسووريێ، لڤينێن له‌شكرى يێن ئيرانى ل هێلا دناڤبه‌را ته‌هران وده‌ريا ناڤه‌راست ب رێيا عيراقێ ده‌ستپێكرن.
مالپه‌رێ (يه‌نى شه‌فه‌ق) يێ توركى به‌لاڤكر، هێزێن رژێما سووريێ ل چريا دويێ 2017 باژێرێ ئه‌لبوكه‌مال كونترۆلكر كو دووماهى پێگه‌هێ داعشێ يێ مه‌زن ل سووريێ بوو، چه‌كدارێن حه‌شدا شه‌عبى يا عيراقى ژى لايێ دى يێ سنوورێ هه‌ردو وه‌لاتان كونترۆلكر.
دياركر ژى، ل دووڤ ژێده‌رێن ناڤخوه‌يى ل سووريێ، ئيرانێ يا ده‌ست بكارئينانا هێلا ئه‌ردى دناڤبه‌را عيراقێ وسووريێ دا كرى وكاروانه‌كێ له‌شكرێ پاسدارێن ئيرانێ وحه‌شدا شه‌عبى يا عيراقى ل رۆژێن بۆرى چوويه دناڤ ئاخا سووريێ دا ب رێيا باژێرێ ئه‌لبوكه‌مال و يێن به‌ر پارێزگه‌ها دێرلزۆر ل رۆژهه‌لاتا سووريێ چووين.
وى مالپه‌رێ توركى به‌لاڤكر ژى” ب ڤێ چه‌ندێ ئيرانێ ده‌ست ب بكارئينانا هێلا (ته‌هران – ديمه‌شق) بۆ كاروبارێن له‌شكرى بكارئينا وشيانێن به‌رده‌وامبوونا هه‌بوونا خوه يا له‌شكرى ل سووريێ زێده‌تر لێكرن”.
رۆهنكر”د به‌رامبه‌ر دا ئوپوزسيۆنا سوورى دووپاتيێ ل سه‌ر پێدڤيا ده‌ركه‌فتنا هه‌موو گرۆپ وميليشيێن بيانى ژ سووريێ دكه‌ت وئاماژێ دده‌ت كو ئه‌ڤ پێنگاڤه دێ پرۆسا ئاشتيێ ب ساناهى تر لێكه‌ت”.
نيشاندان