ئەڤرۆ نیۆز، سالار دۆسکی:
د. عەلی بەلۆ، ئەندامێ بەرێ یێ جڤاتا نوونه‌رێن عیراقێ بۆ مالپەرێ ئەڤرۆ نیۆز گۆت: بڕیارا حوکمەتا ھەرێما کوردستانێ ل سەر کێمکرنا موووچێن پلە بلندێن لەشکەری و ئەمنی ل ھەرێما کوردستانێ ب رێژا 30% دێ بارسڤکی کەڤیتە سەر میزانیا حوکمەتا کوردستانێ.
بەلۆی ئەو ژی گۆت: بەری نوکە ھێزێن لەشکەری نەھاتبوونە پێگیرکرن ب پاشکەفتی، نوکە ئەو پالدەرێن پێشمەرگەی و ئاسایشێ 30% بیتە پاشکەفت و ئەڤە ب وێ مەرەمێ کو بارێ حوکمەتێ بھێتە سڤكکرن و دبینم ئەڤە دێ بیتە ھاریکارەکێ باش چونکو بەری بڕیاردانێ ڤه‌كۆلين ل سه‌ر ھاتیەکرن، چونکو داھاتێ ھەرێما کوردستانێ نوکە 400 ملیار دینارن.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
بيڤه‌له‌رزه‌كێ ل هه‌له‌بجه دا
ئه‌ڤرۆنيوز:
سپێده‌يا ئه‌ڤرۆ شه‌مبيێ 16/12/2017 بيڤه‌له‌رزه‌كێ هه‌له‌بجه وده‌وروبه‌رێن وى هه‌ژاند وچو زيان ل دووڤ خوه نه‌هێلان.
رێڤه‌به‌ريا گشتى يا كه‌شناسيێ وبيڤه‌له‌رزان ل هه‌رێما كوردستانێ به‌لاڤكر” ئه‌ڤرۆ ل ده‌مژمێر 6:54 بيڤه‌له‌رزه‌ك ب دووريا 13 كيلۆمه‌تران ژ هه‌له‌بجه روودا”.
دياركر ژى” هيزا بيڤه‌له‌رزێ 3.5 بوو ل دووڤ بيڤه‌رێ ريخته‌ر يێ جيهانى وخه‌لكێ ده‌ڤه‌رێ هه‌ست پێ كر، به‌لێ چو زيان په‌يدانه‌كرن”.
نامەیا ئاراس شێخ جەنگی نەگەھشتیە پەرلەمانی
ئەڤرۆ نیوز، نەوزاد ھلۆری:
مالپەرێ فەرمیێ ئێکەتیا نیشتمانیا کوردستانێ ل سەر زارێ ئاراس شێخ جەنگی بەلاڤکریە کو ئەوی داخواز ژ پەرلەمانێ کوردستانێ کریە ل بارا دەستڤە بەردانا باژێرێ کەرکووکێ بچیتە پەرلەمانی و روونکرنەکێ بدەت، بەلێ ئاخفتنکەرێ فراکسيۆنا پارتی ل پەرلەمانێ کوردستانێ ددەتن دیارکرن کو ئەوی چو سیفەتێن فەرمی نینن کو ل پەرلەمانی روونکرنان بدەت و پەرلەمانی بڕیارا خوە ھەیە.
دکتور محەممەدعەلی یاسین ئاخفتنکەرێ ب ناڤێ فراكسيۆنا پارتی دیموکراتی کوردستان دیارکر کو چو نامەیێن ئاراس شێخ جەنگی بۆ پەرلەمانێ کوردستانێ نەھاتینە و بۆ گۆت: “خوە هه‌كه نامەیەکا وی بگەھیتە پەرلەمانی ژی، پەرلەمان نکاریت سەرەدەریێ ل گەل نامەیا وی بکەت ژ بەر کو ئەوی چو پوستێن فەرمی نینن”.
زێدەتر گۆت: “پەرلەمانێ کوردستانێ بڕیاردایە کو لژنەکێ ل سەر روودانێن 16ێ ئوکتوبەرێ پێکبینیت و ھاتیە پەسندکرن ژی، ھەر کەسێ تاوانبار بیت ب روودانێ ڤە دێ ھەموو راستیێن وی ھێنە بەرچاڤکرن”.
دھۆک دشێت به‌هرا ناڤخوه به‌رهه‌مێ خوێ دابين بكه‌ت
ئەڤرۆ نیوز ، نەوزاد ھلۆری:
سەرەرای کو ژ ئەگەرا درۆستبوونا قەیرانا دارایی و تێکچونا رەوشا سیاسی و ئابووری ل ھەرێما کوردستانێ بویە سەدەم کو وەبەرھێنانا خوێ ژی بەر ب کێمبوونێ بچت بەلێ ل گەل ڤێ یەکێ ژی کارگەھێن دھۆکدشێن تێرا پێدڤی یا نافخوە خوێ بەرھەم بینن.
سەید تەھا خودانێ ئێک ژ کارگەھێن خوێ ل پارێزگەھا دھوکێ دیارکر کو قەیرانا دارایی و تێکچونا رەوشا ئابووری ل کوردستانێ کارتێکرن لسەر وەبەرھێنانا خوێ ل دھوکێ کریە و بو ئەڤرۆ نیوز گۆت: ( ل پارێزگەھا دھۆک ھەموو جورێن خوێ دھێنە بەرھەمئینان و نێزیکێ شەش کارگەھان ھەنە و دشێن زێدەتر ژ پێدڤی یا خەلکێ دەڤەرێ بەرھەمبینن و ھەتا خوە رەوانەیێ پارێزگەھێن دن ژی بەرھەم بینن ، بەلێ قەیرانا دارایی و گیروبوونا موچەیان کارتێکرنەکا زور لسەر بەرھەم ئینانا خوێ کریە بەلێ ل گەل ڤێ یەکێ ژی دشێن بو ھەموو پارێزگەھا دھۆک خوێ بەرھەم بینین).
زێدەتر گۆت: ( ل دھوکێ خوێیا خوارنێ و خوێیا فێقی و خوێیا ماسیان و خوێیا ترشی و خوێیا مەلەڤانیان و دیسان خوێیا پەزی و زەیتوونان و خوێیا حەلاندنا بەفرێ لسەر جاددەیان و خوێیا تەحینێ و خوێیا کارەبێ دھێتە بەرھەم ئینان کو دەریا ساوا ل سەماوە دھێتە ئینان و ھندەک ژی ل ئیران و تورکیا دھێتەئینان و ئەم ل دھوکێ درۆست دەکەین ).
لگورەی زانیاریێن ناڤبری ئەو رۆژانە نێزیکێ 20 تەنێن خوێ ئەم بەرھەم دئینین کو ئەو ژی خوێیا یود کریە و لدوڤ ژینگە و ساخلەمیا دەڤەرێ ب تایبەتی دەڤەرێن چیایی ھاتیە چێکرن و گۆت ژی: ( پارێزگەھا دھۆکێ بێی پشت بەستن ب خوێیا بیانی دکاریت بەردەوام خوێیا خومالی بو پارێزگەھێ بەرھەم بینیت ، بەلێ ل گەل ڤێ یەکێ ژی رێژەیەکا زورا خوێ ل دەرڤە دھێتە ھەرێما کوردستان و پارێزگەھا دھۆک ).
خشتێ هه‌موو وه‌زاره‌تان هاته راگه‌هاندن
ئه‌ڤرۆ نيوز:
به‌رى چه‌نده‌كێ وه‌زاره‌تا دارايى د راگه‌هاندنه‌كێ دا، ب فه‌رمى مووچێ هه‌يڤا 9 يێ هه‌موو وه‌زاره‌تان راگه‌هاند و ب ڤى ره‌نگى:
به‌رى چه‌نده‌كێ وه‌زاره‌تا دارايى د راگه‌هاندنه‌كێ دا، ب فه‌رمى مووچێ هه‌يڤا 9 يێ هه‌موو وه‌زاره‌تان راگه‌هاند و ب ڤى ره‌نگى:
– رۆژا دوشه‌مبى 18 ڤێ هه‌یڤێ، یێ هه‌یڤا 9 یێ دیوانا وه‌زاره‌تا پێشمه‌رگه‌ى و لیوایێن 1 دێ هێته به‌لاڤكرن، سێ شه‌مب و چارشه‌مب 19 و 20 ڤێ هه‌یڤێ، دێ یێ یه‌كه‌یێن 80 و 70 هێته به‌لاڤكرن
21 هه‌یڤێ دێ مووچێ:
– فەرماندەیا پێشمەرگێ زێرەڤانی.
– فەرماندەیێ پۆلیسی بەرگری و فریاكەوتن.
– ئەنجوومەنێ ئاسایش.
– دەزگایێ گشتیی ئاسایش.
رۆژا 24 هه‌یڤێ دێ مووچێ خێزانێن شه‌هید و ئه‌نفالكریان و زیندانیێن سیاسى و ڤان جهان هێته به‌لاڤكرن:
– وەزارەتا دارایی و ئابووری.
– وەزارەتا شەهیدان و ئەنفالكراوان.
– وەزارەتا پلاندانان.
– دیوانا چاودێری دارایی.
– مافی مرۆڤ.
– ناوچێن كوردستانی
– دەستەیيا ژینگەهێ
– دەستەيا وەبەرهێنان.
– دەستەيا دەستپاكی.
– كۆمیسیۆنا باڵا يا هەڵبژارتنێن كوردستانێ.
26ڤێ دێ موچێ په‌روه‌ردێ و خواندنا بلند هێته به‌لاڤكرن و 27 ڤێ هه‌یڤێ دێ یێ وه‌زاره‌تا ناڤخو و ساخله‌میێ و ده‌زگه‌هێ مین هێـته به‌لاڤكرن و رۆژا 28 هه‌یڤێ دێ موچێ كێم ئه‌ندامان و ڤان جهان هێـته به‌لاڤكرن.
– وەزارەتا شارەوانی و گەشتوگوزار.
– وەزارەتا ئاوەدانكردنەوە و نیشتەجێ‌كردن.
– وەزارەتا گواستنەوە و گەیاندن.
– وەزارەتا پیشەسازی و بازرگانی.
– وەزارەتا كشتوكاڵ و سەرچاوەكانی ئاو.
– وەزارەتا ئەوقاف و كاروباری ئایینی.
– وەزارەتا رۆشنبیری و لاوان.
– وەزارەتا سامانە سرووشتییەكان.
– وەزارەتا كار و كاروباری كۆمەڵایەتی.
– وەزارەتا داد.
– ئەنجوومەنێ دادوەری.
– سەرۆكایەتییا هەرێما کوردستان.
– سەرۆكایەتییا پەرلەمانێ کوردستان.
– سەرۆكایەتییا ئەنجوومەنێ وەزیران.
فەرسەت سۆفی بۆ ئێكه‌تيێ:بێ ده‌نگى ل پيلانێن خيانه‌تكاران نيشانا هه‌ڤپشكيا خيانه‌تێ يه
ئه‌ڤرۆنيوز:
پشتى باله‌كێ ئێكه‌تى نيشتمانى كوردستان ل 16 ئوكتۆبه‌رێ، كه‌ركووك وچه‌ند ده‌ڤه‌رێن كوردستانى يێن ده‌رڤه‌ى ئيدارا هه‌رێمێ راده‌ستى حه‌شدا شه‌عبى وئيرانێ كرين، وى بالى ده‌ست ب هه‌وه‌كێ كريه دژى حوكمه‌تا هه‌رێما كوردستانێ وده‌ستكه‌فتێن كوردان، فه‌رسه‌ت سوفى ئه‌ندامێ په‌رله‌ماني كوردستانێ، نامه‌كێ ئاراسته‌ى ئێكه‌تيێ دكه‌ت وتێدا دبێژيت” بێ ده‌نگيا هه‌وه ل ئاستێ ڤێ پيلانێ، يان نيشانا بێ ده‌ستهه‌لاتيێ يه، يان هه‌ڤپشكيا خيانه‌تێ يه، ئه‌ز ب خوه يێ پشتراستم هوون چو ژ وان هه‌ردويان نينن، له‌وما ڤێجارێ هوون ب خوه سنوره‌كى بۆ ڤان دانن”.
فرسه‌ت سوفى ئه‌ندامێ په‌رله‌مانێ كوردستانێ ژليستا پارتى دناما خوه‌دا ئه‌وا ئه‌ڤرۆ ئه‌ينيێ 15/12/2017 بۆ ئێكه‌تى نيشتمانى كوردستان ئاراسته‌كرى، دبێژيت” به‌رى خيانه‌تا 16 ئوكتوبه‌رێ، چه‌ندين جاران مه ئاگه‌هداريا هه‌ڤالێن خوه دناڤ ئێكه‌تيێ دا كر كو لڤينێرن هنده‌ك كه‌سێن دناڤ حزبا هه‌وه دا دسه‌يرن وغه‌ريبن ورابگرن، مخابن هێجه‌ت بۆ دئينان وب پشت راستى ڤه دووپات دكر كو چو رووناده‌ت، به‌لێ ئه‌وا نه‌دبوو روو بده‌ت، روودا”.
ئه‌و په‌رله‌مانتاره دناما خوه‌دا دبێژيت”وى ده‌مى مه ب به‌رزه‌يى ڤه دگۆته هه‌وه وئه‌ڤرۆ ب ئاشكرا دبێژينه هه‌وه، هه‌مان وێ گرۆپا ل 16 ئوكتۆبه‌رێ خيانه‌ت كرى، نوكه ژى مژوولى پشكا دويێ يا خيانه‌تا خوه‌نه وڤێ جارێ وان دڤێت ب تمامى سه‌رێ خوه وحزبا هه‌وه وئێك پارچه‌يا ئاخا كوردستانێ بخون”.
فه‌رسه‌ت سوفى ره‌خنێ ل ئێكه‌تيێ دگريت ودبێژيت” ئه‌م ل گه‌ل هه‌وه هه‌ڤپشكين دڤێ حوكمه‌تێ دا وئه‌م ژ نوكه وداهاتيێ كوردستانێ ژى ب پلا ئێكێ دبه‌رپرسيارين، چاوا رێ دده‌نه خيانه‌تكاران ل كه‌نالێن فه‌رمى يێن هه‌وه ته‌رويجێ بۆ پلانا پارچه‌كرنا كوردستانێ بكه‌ن؟ چاوان رێ دده‌نێ ب پاره وسامانێ ئێكه‌تيێ وداموده‌زگه‌هێن ته‌ناهيێن دناڤ مالا كوردستانێ دا بهێته وێرانكرن؟ هه‌تا كه‌نگى دێ قه‌بوول كه‌ن ئاخا كوردستانێ ب په‌ترۆل وده‌ستكه‌فتێن ده‌مكى بگوهۆرن؟ هه‌وه ب خوه پشتى خيانه‌تێ، تنێ سوپاسى يا وان كر وپشتى هێنگێ كار پێ نه‌ما وهاڤێتن”.
دبێژيت ژى” بێ ده‌نگيا هه‌وه ل ئاستێ ڤێ پيلانێ، يان نيشانا بێ ده‌ستهه‌لاتيێ يه، يان هه‌ڤپشكيا خيانه‌تێ يه، ئه‌ز ب خوه يێ پشتراستم هوون چو ژ وان هه‌ردويان نينن، له‌وما ڤێجارێ هوون ب خوه سنوره‌كى بۆ ڤان دانن ونه‌هێلن ئێكه‌تى نيشتمانى كوردستان وگه‌لێ كوردستانێ باجا خيانه‌تا ڤێ تاقمێ بده‌ت كو هژمارا وان گه‌له‌ك يا كێمه وچو جاران ناهێنه به‌راوردكرن ل گه‌ل سه‌نگ ومه‌زنيا حزبا هه‌وه يا خه‌باتكه‌ر”.
وەزارەتا دەرڤە یا ئەلمانیا: نێچیرڤان بارزانی دێ سەرەدانا بەرلین کەت
ئەڤرۆ نیۆز،زنار تۆڤی:
مالپەرێ وەزارەتا دەرڤە یا ئەلمانیا بەلاڤکریە،کو رۆژا دوشەمبیا بهێت 18-12-2017 نێچیرڤان بارزانی، سەرۆک وەزیرێن کوردستانێ دێ سەرەدانا بەرلین کەت،ل وێرێ ژی دێ ل گەل زیگمار گابریێل، وەزیرێ دەرڤە یێ ئەلمانیا کۆم بیت.
ئەڤ سەرەدانا نێچیرڤان بارزانی پشتی سەرەدانا حەفتیا بوری دهێت کو بۆ پاریس کربوو،ل وێرێ ل گەل ئێمانووێل ماکرۆن، سەرۆکێ فرەنسا کۆم ببوو،ل رۆژانێن بوری دا تێرێزا مەی، سەرۆک وەزیرا بریتانیا،د پەیوەندییەکا تەلەفۆنیدا سەرۆکێ حوکمەتا کوردستانێ بۆ سەرەدانا لەندەنێ بانگهێشتکریە.
رێكخراوه‌كێ جلوبه‌رگێن زڤستانێ ل سه‌ر پێشمه‌رگه‌ى دابه‌شكرن
ئه‌ڤرۆ نیۆز ، ره‌مه‌زان هه‌رنى :
سه‌رۆكێ رێكخراوا سه‌نگه‌رێ پێشمه‌رگه‌ى SPO دیاركر، ل گه‌ل هاتنا وه‌رزێ سه‌رمایێ مه وه‌ك رێكخراوا سه‌نگه‌رى پێشمه‌رگه كو تایبه‌ته ب پشته‌ڤانى كرنا پیشمه‌رگه‌ى هه‌وه‌كا دابه‌شكرنا جلوبه‌رگێن سه‌ر بازى ده‌ستپێكریه ل میحوه‌ران تایبه‌ت ئه‌و پێشمه‌رگه‌یێن خوه‌به‌خش.
سه‌میر نزارى سه‌روكێ رێكخراوا سه‌نگه‌رى پێشمه‌رگه‌ى SPO بۆ ئه‌ڤرۆ نیۆز خویاكر , وه‌ك هه‌ست كرن ب قه‌هره‌مانى و خوراگریا پێشمه‌رگه‌ریان ل سه‌نگه‌رێن به‌راهیێ مه وه‌ك رێكخراو جلو به‌رگێن سه‌ربازى و یێن باراناوى و گه‌رمێ بسه‌ر كومه‌كا پێشمه‌رگه‌یان دابشكرن ل میحوه‌رێ باشێكێ تایبه‌ت بۆ پێشمه‌رگه‌یێن خوه به‌خش ئه‌ڤ جورێ هاریكاریێ دێ به‌رده‌وام بیت ل هه‌مى میحوه‌رێن پێشمه‌رگه‌ى.
نزارى خویاكر ، هه‌ر بۆ پێشمه‌رگه‌ى ل میحوه‌ران مه چه‌ندین فرن و هیته‌رێت گه‌رمكرنێ و موكێت و به‌تانی به‌رهه‌ڤكرن و دابه‌شكرن و بریاره ل چه‌ندین روژێن بهێت ژى ل چه‌ندین میحوه‌رێن دى ئه‌ڤ جوره هاریكاریه بهێنه دابه‌شكرن ل میحوه‌رێن پێشمه‌رگه‌ى.
رێيا شنگال – دهۆك دێ هێتە ڤەکرن
ئەڤرۆنيوز، باسم قاسم شنگالی
ژێده‌ره‌كى بۆ ئه‌ڤرۆنيوز ئاشكراكر كو رێيا سه‌ره‌كى يا دناڤبه‌را شنگالێ ودهۆكێ دێ هێته ڤه‌كرن.
لوقمان كلى فه‌رماندێ فه‌وجا هه‌شت يا هيزا پێشمه‌رگه‌ى، ئه‌ڤرۆ ئه‌ينيێ 15/12/2017 بۆ ئه‌ڤرۆنيوز گۆت” ل رۆژا ئێك شه‌مبيا بهێت 17/12/2017 دێ رێيا سه‌ره‌كى يا دناڤبه‌را قه‌زا شنگالێ ودهۆكێ هێته ڤه‌كرن”.
لوقمانى گۆت ژى”سوباهى رۆژا شه‌مبيێ 16/12/2017 دێ خاله‌كا هێزێن پێشمه‌رگه‌ى ل ناحيا زومار هێته دانان ورێ ژكومه‌لگه‌ها حه‌ردان بۆ ناحيا زومار دێ هێته ڤه‌كرن وراسته‌وخوه به‌ر ب هه‌رێما كوردستانێ”.
حه‌شدا شه‌عبى: له‌شكرێ عيراقێ بێى مه نه‌شێت شه‌رى بكه‌ت
ئه‌ڤرۆنيوز:
سه‌ركرده‌كێ حه‌شدا شه‌عبى راگه‌هاند، له‌شكرێ عيراقى بێى وان نه‌شێت شه‌رى بكه‌ت ورتكر ژى حه‌شدا شه‌عبى بهێته هه‌لوه‌شاندن.
ئه‌بو مه‌هدى ئه‌لموهه‌ندس جێگرێ سه‌رپه‌رشتێ حه‌شدا شه‌عبى بۆ مالپه‌رێ Middle East Eye گۆت ” بۆ شكاندنا تيرۆرێ، مه پێدڤى ب حه‌شدا شه‌عبى يا هه‌ى، ئه‌ركێ داهاتى يێ حه‌شدێ دێ به‌رگرى بيت ژ ئاخا عيراقێ ژهه‌ر هێرشه‌كا نێڤده‌وله‌تى يان ناڤخوه‌يى”.
گۆت ژى” ئه‌م تمامكه‌رێن له‌شكرێ عيراقێ نه، نه ئه‌و دشێن بێى مه شه‌رى بكه‌ن، نه ئه‌م ژى دشێن بێ وان شه‌رى بكه‌ين”.
ناڤبرى به‌حسێ رۆلێ ئه‌مريكا دشه‌رێ دژى داعشێ دا كر وگۆت” وان دشه‌ش هه‌يڤێن ئێكێ يێن شه‌رى دا تنێ فيشه‌كه‌ك ژى نه‌ته‌قاند، به‌لكو تنێ مه‌شق ب له‌شكرێ عيراقێ دكر”.
أمن
نيشاندان
WP Facebook Auto Publish Powered By : XYZScripts.com