ئه‌ڤرۆنيوز:
سه‌رۆكێ روسيا فلاديمير پوتين ئه‌ڤرۆ پێنج شه‌مبى 14/12/2017، راگه‌هاند، كاركرنا كۆمپانيا روسنه‌فت يا روسى ل كوردستانێ بۆ هه‌رێما كوردستانێ وئابوورێ روسيا يا ب مفايه.
فلاديمير پۆتين سه‌رۆكێ روسى، دچارچۆڤێ گۆنگرێ رۆژنامه‌ڤانى يێ خوه يێ سالانه دا گۆت” چو هوكاران نابينم بۆ برينا په‌يوه‌نديێن مه ل گه‌ل گه‌لێ كورد ودێ ئه‌و په‌يوه‌نديه دبه‌رده‌وام بن”.
پۆتينى دياركر” كاركرنا كۆمپانيا روسنه‌فت ل كوردستانێ بۆ هه‌رێمێ وبۆ ئابوورێ روسيا يا ب مفايه”.
ئه‌ڤرۆنيۆز:
يانا ريال مه‌دريد يا ئيسپانى دخوازيت ياريكه‌رێ هه‌لبژارتيێ مسرێ ويانا لێڤه‌رپۆل يا ئينگليزى محه‌مه‌د سه‌لاح بينيت بۆ ناڤ رێزێن خوه.
راهێنه‌ري هه‌لبژارتيێ مسرێ، هيكتور كوپر يێ ئه‌رجه‌نتينى ئه‌وێ شياى مسرێ بگه‌هينيته مونديالا رۆسيا 2018، دبه‌رنامه‌كێ وه‌رزشى دا گۆت” من پێزانينێن پشت راستكرى يێن هه‌ين كو ريال مه‌دريد گرنگيێ ب ئينانا محه‌مه‌د سه‌لاح بۆ ناڤ ريزێنخوه دده‌ت”.
كوپرى شيره‌ت ل محه‌مه‌د سه‌لاح كرن وگۆت ” بلا له‌زێ نهكهت، چونكى يێ دره‌وشه‌كا گه‌له‌ك باش دا ل گه‌ل لێڤه‌رپۆل.
ل دووڤ مالپه‌رێ كوره، محه‌مه‌د سه‌لاح دشێت جهێ ياريكه‌رێ ويلزى (كاريس بێل) دناڤ رێزێن ريال مه‌دريد دا بگريت كو ده‌زگه‌هێن راگه‌هاندنێ يێن ئيسپانى به‌حسێ نێزيكبوونا چوونا وى ژ ريال مه‌دريد دكه‌ن.
وى مالپه‌رى دياركر، راهێنه‌رێ ئه‌لمانى يێ لێڤه‌رپۆل (يورگۆن گلۆپ) ب زه‌حمه‌ت رازى ببيت ل سه‌ر چوونا محه‌مه‌د سه‌لاح بۆ ريال مه‌دريد ب تايبه‌تى ژبه‌ر ره‌وشا كوتينيۆ كو هێشتا به‌رشه‌لونا بزاڤێن ئينانا وى بۆ ناڤ ريزێن خوه دكه‌ت.
محه‌مه‌د سه‌لاح نوكه سه‌ركێشێ گۆلكه‌رێن خۆلا ئينگليزى يه ب 13 گۆلان د 17 ياريان دا.
ئه‌ڤرۆنيوز:
رۆژناما (العرب) دراپۆرته‌كا خوه‌دا كو دوهى ئه‌ينيێ 8/12/2017 به‌لاڤبووى، دياردكه‌ت كو گوهۆرينێن ريشه‌يى دێ دناڤ ته‌خا سياسى يا شيعى ل عيراقێ په‌يدا بن ودێ عه‌بادى جودابوونا خوه ژ حزبا ده‌عوه راگه‌هينيت ب مه‌ره‌ما رازيكرنا كوردان وشيعان ودێ نوري مالكى “زياندارێ هه‌ره مه‌زن بيت” دوان گوهۆرينان دا.
رۆژناما (العرب) كو ل له‌نده‌ن دهێته چاپكرن، دوێ راپۆرتا خوه دا زێده‌تر دبێژيت” دبيت خێزانا سياسى يا شيعى يا حوكمران ل عيراقێ، پشكداريێ دهه‌لبژارتنێن گشتى يێن داهاتى ل عيراقێ ب هه‌مان خشتێ هه‌ڤپه‌يمانيێن نوكه هه‌ى نهكهت كو ئه‌و هه‌ڤپه‌يمانيه ل به‌رێ هاتينه بكارئينان بۆ پارڤه‌كرنا ده‌ستهه‌لاتێ ژلايێ ئه‌ندامێن وان ڤه”.
ل دۆر ئه‌گه‌رێن ڤێ ژێك جودابوونا پێشبينى كرى وه‌كو ئه‌و رۆژنامه بۆ دچيت، دبێژيت” ره‌وشێن نوو وكاودانێن هه‌رێمى ونێڤده‌وله‌تى يێن نوو يێن هاتينه پێش كو پێدڤى دكه‌ت وهۆرينێن ريشه‌يى ل سه‌ر وى خشتى بهێنه ئه‌نجامدان، ب شێوه‌كى كو ل گه‌ل هێزێن دناڤ هه‌ڤدا ل عيراقێ بگونجيت”.
وێ رۆژناما له‌نده‌نى به‌لاڤكريه ژى” ل عيراقێ ده‌ستپێكێن گوهۆرينان دوێنێ سياسى دا يێن دياردبن كو په‌يوه‌نديه‌كا ب هيز وكاريگه‌ر ب هه‌لبژارتنێن گشتى كو برياره ل گۆلانا 2018 بهێنه ئه‌نجامدان ڤه هه‌يه، كو هيڤى دهێته خواستن ئه‌نجامێن وان هه‌لبژارتنان هاتنا پێشا سه‌ركردايه‌تيه‌كا سياسى يا گونجاى بيت بۆ قۆناغه‌كا وه‌سا دهێته خواستن كو يا جودا بيت ژ قۆناغێن بۆرى، كو مه‌زاجێ شيعه وره‌وشێن ناڤخوه‌يى وهه‌رێمى ونێڤده‌وله‌تى رێ ب به‌رده‌واميا وان ناده‌ت”.
رۆژنامێ ژزارده‌ڤێ هنده‌ك ژێده‌رێن ئاگه‌هدار،به‌لاڤكريه ژى” دچارچۆڤێ وان گوهۆرينان دا، هه‌ڤپه‌يمانيا دناڤبه‌را نورى مالكى سه‌رۆكێ حزبا ده‌عوه يا ئيسلامى وسه‌رۆكێ هه‌ڤالبه‌ندا ده‌وله‌تا قانوونێ ورێكخراوا به‌در ب سه‌رۆكاتيا هادى عامرى، نامينيت، ودێ عامرى ژبن عه‌بايێ مالكى ڤه ده‌ركه‌ڤيت به‌ر ب هه‌ڤركيێ ل سه‌ر پۆستێ سه‌رۆك وه‌زيران”.
ئه‌ڤرۆنيوز:
پشتى وه‌لاتيه‌ك ل گه‌ل هه‌ڤژينا خوه ب شه‌ر دچيت، ده‌ستێ زارۆكێ خوه‌يێ دو هه‌يڤى دشكێنيت.
ريڤه‌به‌ريا پۆليسێن قه‌زا رانيا دياركر كو وى كه‌سى ب ئاميرێ راديۆيێ وچه‌ندين كه‌لوپه‌لێن دى ده‌ستێ زارۆكێ خوه يێ دو هه‌يڤى شكانديه وئازار گه‌هاندينه سه‌رێ وى ژى.
دايكا وى زارۆكى بۆ كوردستان 24 گۆت كو ئه‌و وهه‌ڤژينێ خوه ب شه‌ر چوون، له‌وما وى ده‌ستێ زارۆكێ خوه شكاند.
ئه‌ڤرۆنيوز:
ل هه‌فتيا بهێت پێله‌كا بارانێ وسه‌رمايێ دێ هه‌موو پارێزگه‌هێن هه‌رێما كوردستانێ ب خوه‌ڤه گريت وبۆ ده‌مێ هه‌شت رۆژان دێ به‌رده‌وام بيت.
مالپه‌رێ (accuweather) يێ ئه‌مريكى يێ تايبه‌ت ب كه‌شناسيێ ڤه، ئاماژه ب وێ چه‌ندێ كريه كو رۆژا چارشه‌مبيا داهاتى 20/12/2017، دێ پێله‌كا بارانێ وسه‌رمايێ به‌ر ب هه‌رێما كوردستانێ ڤه هێت.
دياركريه ژى كو ل رۆژا چارشه‌مبيا داهاتى، دێ پلێن گه‌رمێ ب شێوه‌كێ به‌رچاڤ نزم بن وپێلا بارانێ وسه‌رمايێ بۆ ده‌مێ هه‌شت رۆژان دێ به‌رده‌وام بيت.
ئه‌ڤرۆنيوز:
ل دووڤ ده‌ستپێشخه‌ریا به‌رێز پارێزگه‌رێ دهوكێ بۆ هاریكاریكرنا قوتابیێن هه‌ژار وكێم ده‌رامه‌ت وسڤككرنا بارێ دارایی یێ خێزانێن وان ئه‌ڤرۆ سپێدێ 14-12-2017ب ئاماده‌بونا خالد بادی نوونه‌رێ پارێزگه‌ها دهۆكێ ورێڤه‌به‌رێ په‌روه‌ردا روژهه‌لات و دچارچۆڤێ قوناغا سیێ دا، هاریكاری ل سه‌ر پتر ژ(530) قوتابیان هاتنه به‌لافكرن.
به‌رنامێ هاریكاریكرنا قوتابیێن هه‌ژار وكێم ده‌رامه‌ت ل رۆژێن بهێت ژی دێ یێ به‌رده‌وامبیت وبریار ئه‌وه پتر ژ(1500) قوتابیان مفای ژڤی به‌رنامه‌ی وه‌رگرن.
ئەڤرۆ نیوز ، نەوزاد ھلۆری:
ئەڤرۆ پولیسێن کەنەدا دیارکر کو فروکەیەک ژ جورێATR42-500 یا کەنەدی بەری کو بفریت ب دوراتیا کیلومەترەکێ پشتی ژ فروکخانا فون دو لاکی یا سەر ب ھەرێما ساسکاتشیوانی کەفت ، و خوشبەختانە کەس تێدا نەمر.
ھێزا شاھانەیا کەنەدی دیارکر کو فروکەیەک ل دەژمێر 18:15 ل گور دەما کەنەدا و ل دەمژمێر 12:15 یا شەڤا چوار شەمب لسەر پێنجشەمبیێ ل گور دەما گرینچ رابووری و بو دەما نێزیکێ کیلومەترەکێ چوی ل لسەر ھێلا خوە دەرکەفت و کەفت.
ژلایەکێ دن ڤە پولیسێن کەنەدی د رونکرنەکێ دا دیارکر کو د وێ فروکێ دا 22 گەشتیار و سێ تیمێن فروکەڤانی د وێ فروکێ دا ھەبوون و ھەموو ژی رزگار بوینە ، بەلێ ھەموو سەرنشینێن ئەوێ فروکێ برینداربوینە و برینێن ھندەک ژ وان گرانە و ھەموو بو نەخوشخانێ ھاتینە رەوانەکرن.
ل گورەی ئەوان زانیاریێن کو ھاتینە بەلاڤکرن فروکە ب ناڤێ وێست وێند ئاڤیشنە و شیانێن ھەلگرتنا 45 کەسان ھەیە و بەر ب باژێرێ ستون رابیدس دچو ، بەلێ ھەتا نھا پولیسێن کەنەدا چوو زانیاری لسەر کەفتنا ئەوێ فروکێ نە بەلاڤکرینە و ئەوان دەست ب ڤەکولینێ کریە.
ئەڤرۆ نیوز ، نەوزاد ھلۆری:
ژنە گەنجەکا کورد کو دەما چەند سالایە ل فەرەنسا دژیت ، خوارنگەکەھا تایبەت ب خوارنێن کوردەواری ڤەکر و ددەتن دیارکرن کو 90% بکرێن وێ وەلاتیێن فەرەنسی یە و خەلکێ فەرەنسا گەلەک حەژ خوارنێن کوردەواری مینا ترشک و ئیپراخ و پاچە و بورکێن قورادێ و …. ھتد دکەن.
پێژان بەرواری ئەو ژنا کوردە بو ئەڤرۆ نیوز گۆت: ( ماوەیەکێ زۆرە من و ھەڤژینیێ خوە خارنگەھەک ل فەرەنسا ڤەکری ، بەلێ ل وی دەمی بەھرا پتریا خوارنێن وێ ، خوارنێن جوراوجوربوون ، بەلێ پشتی بورینا ماوەیەکێ ئەم رابوین مە ستایلێ خوارنگەھا خوە گوھری ژ خوارنێن تێکەل و بیانی بو خوارنێن کوردی ب تایبەتی بو خوارنێن مینا ” ترشک ، کوتلدەوک ، بریانی ، ئیپراخ ،پاچە ، بورکێن بەنیری و قورادێ و چەندان خوارنێن دن یێن کوردی” و دنھادا بکرێن مە زور بوینە بکرێن مە زێدەتر ژ 90% فەرەنسی نە و رێژەیەکا کێم یا کوردان قەستا دەڤ مە دکەن ژ بەرکو ئەو ل مالێن خوە بخوە چێدکەن)
زێدەتر گۆت: ( ھەر خوارنەک ب بھایەکێ دھێتە فروتن و ھندەک جاران ژی ب کوم واتە ب قازان دھێتە فروتن بەلێ ب شێوەیەکێ گشتی خوارنێ، کوردی دناڤبەرا سێ یورو بو 50 یوریا دھێتە فروتن ، فەرەنسی ب خوارنێ، کوردی حێبەتی بوینە و ھەتا وی رادەیی ھندەک فەرەنسی ژ بلی خوارنێن کوردی چوو خوارنێن دن ناخون و دڤێت رۆژانە ھەر سەرەدانا مە بکەن ب تایبەتی تەخا دانعەمرێن فەرەنسی )
خارنگەھا پێژانێ دکەڤیتە باژێرێ لیون ل باشوورێ فەرەنسا و دخوازیت کو خارنگەھا خوە بەرفرەھتر بکەت و گۆت ژی: ( ھەر چەندە خارنگەھا مە ل ھەموو وەرزان یا ڤەکریە ، بەلێ ل وەرزێ ھاڤینێ پتر خەلک قەستا مە دکەن و ئەڤ یەک ژی بویە سەدەم کو ئەم ژی ھرز ل گوھرینا خوارنان بکەین ل دوڤ وەرزێن ساڵی )
پێژانێ دیارکر ژی کو ل ھەردوو وەرزێن بوھار و ھاڤینێ ژبلی فەرەنسان دھەمان دەم دا وەلاتیێن ئینگلیز و وەلاتێن دن سەرەدانا خارنگەھا مە دکەن بو تامکرنا خوارنێن کوردی و گۆت ژی: (فەرەنسی ب ناڤێن کوردی داخوازا خوارنێن کوردی دکەن و ئەم ژی ھەر ب کوردی بەرسڤا وان ددەین و ئەگەر فەرەنسیەک یان بیانیەک نەزانیت کوردی تێبگەھیت بو نموونە ئیپراخ چ تشتە ئەم بو وان روون دکەین کو پێکھاتەیا وێ ئەڤەیە و ل کوردستانێ دھێتە چێکرن و کەلتورەکێ کەڤنێ کوردی یە )
ئه‌ڤرۆ نيوز:
سەروکێ فراکسیونا ھەڤپەیمانیا برایەتی و پێکڤە ژیانێ ل جڤاتا پارێزگەھا مووسل دیارکر کو رەوشا ژین و ژیارا وەلاتیان ل ناوچەیێن کوردستانی یێن دەرڤەی ئیدارەیا ھەرێما کوردستانێ گەلەک یا نەیاباشە، ئەڤە ژی ژبەر رەفتارێن چەکدارێن حەشدا شەعبی، چونکە چ خزمەت گوزاری ل ئەوان دەڤەران نینە و حەشدا شەعبی ژی رێگریێ ل خەلکی دکەت، ناھێلێن ب چو رەنگا کار بکەن.
سەیدو چەتو سەروکێ فراکسیونا ھەڤپەیمانیا برایەتی و پێکڤە ژیانێ ل جڤاتا پارێزگەھا مووسل بۆ رۆژناما ئەڤرۆ گۆت: ئەو کەسێن زڤرینە سەر مال و مولکێن خوە پشتی سێ سالێن ئاوارەیێ ژبەر چەکدارێن داعش، نوکە رەوشا ڤی خەلکی نەیاباشە، چونکو حەشدا شەعبی رێگریێ ل چوونا ھاریکاریا دکەت بۆ بھێنە ھنارتن، نە رێکخراوێن بیانی و نە نافخو نەشێن سەردانا ئەڤا دەڤەرا بکەن، خەلکێ دەڤەرێ دخازیت دەڤەرێن وا بھێنە چولکرن ژئالیێ حەشدا شەعبی ڤە، دەست ئاڤەدانکرنێ بھێتەکرن.
ھێشتا گۆت: حەشەدا شەعبی گەلەک کارێن نەقانوونی ل دەڤەرێ ئەنجام داینە، ل دووف حەزا خوە رێڤەبەر و دەڤەرداران دانیت، ل دووف گۆتنا خەلکێ دەڤەرێ مەترسی ل سەر ژیانا خەلکی دروست بوویە.
ئەڤرۆ نيوز:
پەیڤداری فراکسیونا پارتی ل پەرلەمانێ کوردستانێ دیار کر، د کۆمبوونا دوھی یا د ناڤبەرا حوکمەت و پەرلەمانی داگەنگەشە ل سەر ھندەک بابەتان ھاتە کرن.
پەیڤداری فراکسیونا پارتی ئاشکرا کر، حکومەتێ پلانەکا باش ھەیە بۆ زێدەکرنا داھاتی و باشتر کرنا رەوشا ئابووری و مووچەخورێن کوردستانێ، ل دەمەکێ نزیک دێ کار ل سەر ڤێ چەندێ ھێتە کرن ب رێیا قانوونا پەرلەمانێ کوردستانێ و حوکمەتا ھەرێما کوردستانێ دێ ب تمامی کار ل سەر وی پرۆژەی کەت.
دکتۆر محەمەد عەلی یاسین بۆ رۆژناما ئەڤرۆ خویا کر بزاڤێن بەردەوام ل گەل حکومەتا ھەرێما کوردستانێ ھەنە بۆ نەھێلانا پاشکەفتێ موچەی و دێ کۆمبوون بەردەوام بن ل سەر ڤێ بابەتەی و بڕیارە شاندەکێ پەرلەمانێ کوردستانێ سەرەدانا بەغدا بکەت و ئەڤ سەرەدانە دێ پتر گرێدایێ بابەتێ ئابووری بیت.
ناڤبری دیار کر ژی، ھەر ل سالا نوو رێکخستنەک دێ د لیستا مووچەخوران دا ھێتەکرن و بزاڤێن مەزن دھێنە کرن کو پاشکەفتێ مووچەی نەمینیت.
پشتی کۆمبوونێ ئامانج رەحیم سکرتێرێ جڤاتا وەزیران د پرێس کۆنفرانسەکی دا راگەھاند، حوکمەتێ بڕیار یا دای بەری سەرێ سالێ دێ مووچەکێ دێ بەلاڤ کەن.
نيشاندان