ئه‌ڤرۆ نيوز:
ژ ئه‌گه‌رێ بكارئينانا په‌يڤا كوردستان، د گوتاره‌كێ دا، ئه‌ڤرۆ ل په‌رله‌مانێ كوردستانێ، عوسمان بايده‌مير په‌رله‌مانتارێ هه‌ده‌پێ ژ ئاليێ ده‌سته‌يا سه‌رۆكاپه‌تيا په‌رله‌مانى ب دو رۆژان ژ په‌رله‌مانى هاته ده‌رێخستن.
پشتى ناڤێ كوردستان ئيناى، عایشەنوور باخچەکاپلی جێگرا سه‌رۆكێ په‌رله‌مانێ توركيا ژ بايده‌مير پرسى، كوردستان ل كيرى يه؟ عوسمان بايده‌مير ژى ده‌ستێ خوه ل سه‌ر دلێ خوه دانا و گۆتى: كوردستان يێ ل ڤێره.
ه‌ڤرۆ نیۆز، عه‌زیز هه‌ورامی
رێڤه‌به‌ريا كومه‌لگه‌ها نێڤده‌وله‌تيا باشماخ، د راگه‌هاندنه‌كێ دا كو كوپيه‌ك بۆ ئه‌ڤرۆ نيوز هنارتيه دياركريه كو ئه‌ڤرۆ پشتى وان پشكنين بۆ چه‌ند تانكه‌رێن پانزينێ كرى، 16 تانكه‌ر ، ل بنكا پشكنينێ ده‌رنه‌چوون و جاره‌كادى بۆ ئيرانێ هاتنه زڤراندن.
هه‌يڤا چوويى جڤاتا پارێزگه‌ها سلێمانيێ لژنه‌يه‌ك سه‌باره‌ت داخل بوونا پانزينا پيس بۆ هه‌رێمێ پێك ئينا و چه‌ندين كۆمپانى سزا دان.
ئه‌ڤرۆ نیوز ، نه‌وزاد هلۆرى:
ئێڤاره دره‌نگى یا ئه‌ڤرۆ ل گونده‌كێ سه‌ر ب ناحیا قوره‌تو یا سه‌ر ب كارگێریا گه‌رمیان زاروه‌كێ حه‌فت سالى كه‌فته‌ر سه‌ر مومبه‌كا چاندى و بومبه ب وى ڤه په‌قى و ده‌ملده‌ست گیانێ خوه ژ ده‌ست دا.
دڤى واریدا وه‌لاتیه‌كێ كه‌لار ب ناڤێ ” فاروق وفیق ” كو خه‌لكێ ده‌ڤه‌رێ یه بو ئه‌ڤرۆ نیوز گۆت: ( ئه‌ڤرۆ ئێڤارى بومبه‌كا چاندى ب زاروه‌كێ حه‌فت سالى ب ناڤێ محه‌مه‌د جه‌لال عه‌لى كو خه‌لكێ گوندێ عه‌لى ئه‌میر بوو ل نێزیك ده‌رگه‌هێ سنووریێ په‌روێزخان ل سنوورێ ناحیا قوره‌توو په‌قى و ده‌ملده‌ست گیانێ خوه ژ ده‌ست دا )
زێده‌تر گۆت: ( لدوڤ ئاخفتنێن كه‌س و كارێ وى زاروكى ، ئه‌وى زاروكى ده‌ستكارى د وێ بومبا چاندى دا دكر ، و بومبه ژى په‌قى ، و ئه‌و بومبه ژى بو سه‌رده‌مێ رژێما به‌عس و شه‌رێ دناڤبه‌را عیراق و ئیرانێ دزڤیت )
ئەڤرۆ نیۆز،زنار تۆڤی:
ژپێخه‌مه‌ت دووڤچوونا كارێی ل سه‌ر جووتسایدێ رێكا دهۆك – زاخۆ و گرشینی و دێره‌بینێ و تونێلا گه‌لیێ زاخۆ،ئەڤرۆ ئوسمان یونس ئیتیتی جێگرێ پارێزگه‌رێ دهوكێ و ل گه‌لدا رێڤه‌به‌رێ گشتی یێ رێك و پرا ل دهوكێ سه‌ره‌دانا پروژێ جووتساید كرنا رێكا دهۆك – زاخۆ دا و سه‌رحكره قوناغێن كاری دپرۆژه‌ی دا هه‌ژی گوتنێ یه كو نوكه كار ل سه‌ر دو برگا دهێته كرن ئێك ژوان برگا سێمێل باتێلێ درێژاهیا وێ 15 كم و رێژا 85% هاتیه چێكرن و كار تێدا به‌رده‌وامه و كوژمێ 36 ملیار و 237 ملیون دینار بو هاتینه ته‌رخان كرن.
برگا دویێ رێك ژ باتێلێ بو گه‌لیێ زاخو ب درێژا هیا 13 كم و كار تێدا گه‌هه‌شتیه قوناغێن دیماهیێ و كوژمێ 62 ملیار و 942 ملیون دینار بو هاتینه ته‌رخان كرن دیڤدا جێكرێ پارێزگه‌رێ دهوكێ و شاندێ دگه‌لدا سه‌را پروژێ رێكا دوریانا گرشین دیره‌بینێ دا كو ژلایێ رێڤه‌به‌ریا رێك و پرا ب پارێ سندوقا دراڤێ نێڤ ده‌وله‌تی ڤه دهێته چێكرن ب كوژمێ 53 ملیون و 648 هزار دولاران ب درێژاهیا 20 كم و ل قوناغا ده‌ستپێكێ یه و لدیف داخویانیا رێڤه‌به‌رێ گشتی یێ رێك و پرا ل دهوكێ بریاره بو هه‌یڤا سێ یا سالا بهێت هه‌می كار ل سه‌ر جوت ساید كرنا رێكا دهوك –زاخۆ و تونێلێ دێ ب دیماهیك بهێت و بكه‌ڤیته دخزمه‌تا وه‌لاتیان دا.
هه‌ژی گوتنێ یه حكومه‌تا هه‌رێما كوردستانێ كوژمێ 173 ملیار دینار بو تونێلا گه‌لیێ زاخو و هه‌ردو لایێن رێكا تونێلێ ته‌رخانكرینه و ل قوناغێن دوماهیێ دایه.
ئه‌ڤرۆنيوز:
وه‌زاره‌تا چاندنێ ل عيراقێ ئه‌ڤرۆ چارشه‌مبى راوه‌ستاندنا ئينانا پتاتا ژ ده‌رڤه‌ى عيراقێ راگه‌هاند.
وه‌زاره‌تا چاندنێ ل عيراقێ دبه‌ياننامه‌كێ دا كو ئه‌ڤرۆ چارشه‌مبى13/12/2017 ده‌ركريه، ئاماژێ دده‌ت ب مه‌ره‌ما پاراستنا به‌رهه‌مێ ناڤخوه‌يێ، بريار هاته دان ب راوه‌ستاندنا ئينانا پتاتا ژده‌رڤه‌ى عيراقێ هه‌ر ژ رۆژا 12/12/2017.
وێ وه‌زاره‌تێ داخواز ژ لايه‌نێن په‌يوه‌نديدار كريه كو پێگيريێ ب ڤێ بريارێ بكه‌ن وپشكداريێ دپاراستنا به‌رهه‌مێ چاندنێ يێ ناڤخوه‌يى دا بكه‌ن.
ئه‌ڤرۆنيوز:
به‌رچاڤكا تايبه‌ت ب خواندنێ ڤه يێن سه‌رۆك وه‌زيرێن بريتانى يێ به‌رێ “ونستۆن تشرشل” ب گوژمه‌كێ مه‌زن دسه‌رئێك زێده‌كرنه‌كێ دا هاته فرۆتن.
به‌رچاڤكا تشرشلى، كو سه‌رۆك وه‌يزرێن بريتانيا بوو ل سه‌رده‌مێ شه‌رێ جيهانيێ دويێ، ب گوژمێ 6 هزار جونه‌يهێن سترلينى (8 هزار دۆلار) هاته فرۆتن.
دوێ ئێك زێده‌كرنێ دا ئه‌وا ل تشارتويل كو خانوبه‌ره‌كێ مولكێ تشرشلى يه ل گونده‌كى ل باشوورێ رۆژهه‌لاتێ له‌نده‌ن، وئه‌و ده‌زگه‌هێ ب سه‌رئێك زێده‌كرنێ رابووى راگه‌هاند”سه‌رئێك زێده‌كرنه‌كا توند هاته كرن ب تايبه‌تى ب رێيا ته‌له‌فون و ئه‌نترنێتێ”.
سه‌رۆك وزيرێن بريتانيا يێ به‌رێ “تشرشل” ئه‌وێ ل سالا 1965 وه‌غه‌ركرى، گرنگيه‌كا تايبه‌ت ب به‌رچاڤك وكولاڤ وجگاران ددا.
ئەڤرۆ نیوز، باسم قاسم شنگالی
به‌رى ده‌مه‌كێ كێم، ل بێرسڤى ل قه‌زا زاخۆ كه‌سه‌كى پشتى خه‌سيا خوه كوشتى، ئێكسه‌ر خوه ژى دكوژيت.
چالاكڤانێ مه‌ده‌نى (ئه‌لياس عه‌بدوللا) بۆ ئه‌ڤرۆ نيوز گۆت”ئێڤاريا ئەڤرۆ چارشەمبی 13/12/2017 ، کەسەک ل کەمپا بێرسڤێ ل ناحيا ده‌ركارێ يا سه‌ر ب قه‌زا زاخۆ ڤه، ب دەمانجێ دکەڤێتە دناڤ خێزانا خووشکا خوە دا وده‌ست ب ته‌قێ دكه‌ت ودئه‌نجامدا، خەسيا خوە دکوژيت و خووشکا خوە وژنه‌كا دى بریندار دکەت وپاشى ئێكسه‌ر خوه‌ژى دكوژيت”.
دياركر” ئەو کەسێ ته‌قه كرى، خەلکێ کۆمه‌لگەها بۆرکە يا سەر ب ناحیا سنوونێ ڤە ل قەزا شنگالێ، بریندار ژى یێن هاتینە روانەکرن بۆ نەخوەشخانەيا زاخۆ یا گشتێ”.
ئه‌ڤرۆنيوز:
بێخه‌مه‌ت دووڤچونا كارێ ل سه‌ر جادا تلكه‌به‌رێ ل باژێرێ زاخۆ، ئوسمان یونس جێگرێ پارێزگه‌رێ دهوكێ و دگه‌لدا قایمقامێ قه‌زا زاخۆ و سه‌رۆكێ باژێرڤانیا زاخۆ سه‌ره‌دانا پرۆژێ چێكرنا رێيا سه‌ره‌كی یا تاخێ تلكه‌به‌رێ و گۆرستانا زاخۆ دا و سه‌حكره قوناغ و ئاسته‌نگێن كاری دپرۆژه‌ی دا.
پرۆژێ ناڤبرى ل قۆناغا دووماهیێ یه كو ئه‌وژى قوناغا قێركرنێ يه و ژدو پشكا پێك دهێت، پشكه‌ك ب فره‌هیا 20 م و درێژاهیا 900 م یه و پشكا دویێ ب فره‌هیا 10م و درێژیا 600 م و كوژمێ 755 ملیۆن دینار بۆ هاتینه ته‌رخانكرن و دێ خزمه‌تا گه‌له‌ك تاخێن باژێری و گۆرستانا باژێرێ زاخۆ كه‌ت.
ددوڤدا جێگرێ پارێزگه‌ری و شاندێ دگه‌لدا سه‌ره‌دانا پرۆژێ عمبارا كلۆری یا پرۆژێ ئاڤا باژێرێ زاخۆ دا كو پێك دهێت ژ عمباره‌كا مه‌زن بۆ كلۆرێ پرۆژێ ئاڤێ و گه‌هه‌شتیه قۆناغا دووماهیێ .
ئه‌ڤرۆنيوز:
ده‌سته‌يا پاراستنا ژينگه‌هێ ووه‌زاره‌تا په‌روه‌ردێ ل هه‌رێما كوردستانێ ل سه‌ر زێده‌كرنا هشياريا ژينگه‌هێ دپرۆگرام وناڤه‌ندێن خواندنێ دا رێككه‌فتن.
ب گۆره‌ى به‌ياننامه‌كا كۆمبوونا ده‌سته‌يا پاراستن وباشكرنا ژينگه‌هێ ووه‌زاره‌تا په‌روه‌ردێ كو دوهى سێشه‌مبى هاتيه به‌لاڤكرن، ئاماژه ب وێ چه‌ندێ هاتيه كرن كو” ب ئارمانجا به‌رفره‌هكرنا هشياريا ژينگه‌هێ ل ناڤه‌ندێن خواندنێ، وه‌زاره‌تا په‌روه‌ردێ وده‌سته‌يا پاراستن وباشكرنا ژينگه‌هێ ل هه‌رێمێ رێككه‌فتن ل سه‌ر زێده‌كرنا بابه‌تێن ژينگه‌هێ دپرۆگرام وسمينارێن ژينگه‌هێ دناڤه‌ندێن خواندنێ دا”.
ل دووڤ وێ به‌ياننامێ” د كۆمبوونه‌كا دناڤبه‌را عه‌بدولره‌حمان عه‌بدولره‌حيم وه‌زيرێ هه‌رێمێ بۆ كاروبارێن ژينگه‌هێ وپشتيوان سادق وه‌زيرێ په‌روه‌ردێ، بريار هاته دان ب زێده‌كرنا به‌رنامێ هشياريا ژينگه‌هێ دپرۆگرامێن خواندنێ يێن ب سه‌ر وه‌زاره‌تا په‌روه‌ردێ ڤه وسازكرنا سمينارێن هشياريا ژينگه‌هێ بۆ قوتابيان ل نڤه‌ندێن خواندنێ ودانانا به‌رنامێ ژينگه‌هێ ل ته‌له‌ڤزيۆنا په‌روه‌ردێ ب مه‌ره‌ما زێده‌تر گرنگيدان ب ئاستێ هشياريا ژينگه‌هێ ل پێناڤى پاراستنا ژينگه‌ها كوردستانێ”.
ئه‌ڤرۆنيوز:
جێگرێ سه‌رۆكێ په‌رله‌مانێ كوردستانێ، به‌رسڤا ناما ئاراس شێخ جه‌نگى دده‌ت كو ل دۆر به‌رهه‌ڤبوونێ ل په‌رله‌مانى ل سه‌ر روودانێن خيانه‌تا 16ئوكتوبه‌رێ ئاراسته‌ى په‌رله‌مانێ كوردستانێ كربوو.
جێگرێ سه‌رۆكێ په‌رله‌مانێ كوردستانێ، جه‌عفه‌ر ئێمينكى، دبه‌رسڤا ئاراس شێخ جه‌نگى دا دبێژيتێ” ل دۆر وێ داخوازيا ب رێيا ده‌زگه‌هێن راگه‌هاندنێ هاتيه ئاراسته‌كرن بۆ په‌رله‌مانى كو دخوازن رۆهنكرنه‌كێ سه‌باره‌ت خيانه‌تا 16 ئوكتۆبه‌رێ ل په‌رله‌مانى پێشكێش بكه‌ن، ب پێدڤى دزانين هه‌وه ئاگه‌هدار بكه‌ين كو په‌رله‌مانێكوردستانێ چارچۆڤێ كارێ قانوونى يێ خوه يێ هه‌ى وبۆ ڤێ مه‌ره‌مێ ژى لژنه‌ك يا هاتيه پێكئينان بۆ دووڤچوونا راستيان”.
جه‌عفه‌ر ئێمينكى دبه‌رسڤا خوه‌دا داخوازێ ژ ئاراس شێخ جه‌نگى دكه‌ت كو رۆهنكرن وبه‌لگێن خوه پێشكێشى داواكارێ گشتى بكه‌ت ول وێرێ وى مافێ هه‌ى دپرۆسه‌كا دادوه‌رى دا به‌رگريێ ژخوه بكه‌ت.
نيشاندان