ئه‌ڤرۆ نیوز:
هنده‌ك فڕۆکەیێن حەشد و سوپایێ ئیراقێ چەند گوندێن ناحییا “نەوجول” یا سەر ب قەزا کفری ڤه‌ ب به‌هانه‌یا ئارمانجكرنا گروپێن تیرۆریستی  بۆمبه‌باران كرن، و د ئه‌نجام دا خه‌لكێ چه‌ندین گوندێن كوردان یێن وێ ناوچه‌یێ ئاوارەبوون، رێڤه‌به‌رێ وێ ناحیێ ژی دبێژیت, ئەو بۆمبه‌بارانكرنا سوپایێ ئیراقێ یا نه‌چاڤه‌رێكری بوو.

ئه‌ڤرۆ نيوز:
په‌رله‌مانێ ئه‌لمانیا د روونشتنا خوه‌ یا ئه‌ڤرۆ دا بریارا به‌رده‌وامیا مه‌شقدانا هێزێن پێشمه‌رگه‌ی ژ ئالیێ هێزێن ئه‌لمانی ڤه‌ په‌سه‌ند كر و كوژمێ 6.9 ملیون یورو بۆ ڤێ مه‌به‌ستێ ژى ته‌رخان كرن.
په‌رله‌مانێ ئه‌لمانیا درێژكرنا ده‌ما مانا هێزێن فیدرال یێن ئه‌لمانیا د هه‌ڤپه‌یمانیا نێڤده‌وله‌تی یا شه‌رێ دژی داعشێ دا ل ئیراق و سووریێ په‌سه‌ندكر، ل گۆری بریارا په‌رله‌مانێ ئه‌لمانیا مه‌شقدان و هاریكاریكرنا هێزێن پێشمه‌رگه‌ی ژى دێ یا به‌رده‌وام بیت.
ئه‌لمانیا 150 راویژكارێن سه‌ربازى ره‌وانه‌ى هه‌رێما كوردستانێ كرینه‌ و راهێنان ب نێزیكى پێنج هزار پێشمه‌رگان كریه‌، هه‌روه‌سا پتر ژ دو هزار ته‌نێن چه‌ك و ته‌قه‌مه‌نیان ب كوژمێ زێده‌تر ژ 95 ملیون دۆلاران ره‌وانه‌ى هه‌رێما كوردستانێ كرینه‌.

ئه‌ڤرۆنيوز:

ئێڤاريا ئه‌ڤرۆ دوشه‌مبى 12/12/2017، گه‌نجه‌كى ل ناڤ بازارێ ئيسكان ل هه‌ولێرێ ب ده‌مانجێ گوله‌يه‌ك ل سه‌رێ خوه‌ دا.

هۆگر عه‌زيز، په‌يڤدارێ رێڤه‌به‌ريا پۆليسێن هه‌ولێرێ بۆ ده‌زگه‌هێن راگه‌هاندنێ گۆت” وى گه‌نجێ ل ناڤ بازارێ ئيسكان ل باژێرێ هه‌ولێرێ گوله‌يه‌ك يا ل سه‌رێ خوه‌ داى ونوكه‌ يێ ل نه‌خوه‌شخانێ ومه‌ ده‌ست ب ڤه‌كۆلينێ كريه‌ ل دۆر وێ روودانێ”.

ئه‌ڤرۆنيوز:

سوباهى چارشه‌مبى 13/12/2017، نێچيرڤان بارزانى سه‌رۆكێ حوكمه‌تا هه‌رێما كوردستانێ وجێگرێ وى چه‌ند وه‌زيرێن حوكمه‌تێ دێ ل گه‌ل ده‌سته‌يا سه‌رۆكاتيا په‌رله‌مانێ كوردستانێ ل دۆر مووچه‌ى وبه‌رهنگاريا گه‌نده‌ليێ كۆمبن.

عزه‌ت سابر، سه‌رۆكێ لژنا دارايى ل په‌رله‌مانێ كوردستانێ بۆ دوارۆژ راگه‌هاند” برياره‌ سوباهى چارشه‌مبى، سه‌رۆكێ حوكمه‌تێ وجێگرێ وى وهژماره‌كا وه‌زيران سه‌ره‌دانا په‌رله‌مانێ كوردستانێ بكه‌ن ول گه‌ل ده‌سته‌يا سه‌رۆكاتيا په‌رله‌مانى وسه‌رۆكێن لژنێن دارايى وقانوونى كۆمببن”.

ژلايێ خوه‌ڤه‌ تارق سارمه‌مى، رێڤه‌به‌رێ راگه‌هاندنا په‌رله‌مانێ كوردستانێ گۆت” شاندێ حوكمه‌تێ پێكدهێت ژ سه‌رۆك وه‌زيران وجێگرێ وى ووه‌زيرێ سامانێن سروشتى ووه‌زيرێ پلاندانانێ ووه‌زيرێ دارايى ب وه‌كاله‌ت”.

ئه‌ڤرۆنيوز:

ئه‌ندامه‌كا جڤاتا نوونه‌رێن عيراقێ ئاشكراكر كو سه‌رۆك وه‌زيرێن عيراقێ، ئه‌سمانێ كوردستانێ يێ فرۆتيه‌‌ كۆمپانيه‌كا بريتانى بۆ ده‌مێ 20 سالان.

ژلايێ خوه‌ڤه‌، به‌رپرسه‌كى ل فرۆكخانا هه‌ولێرێ يا نێڤده‌وله‌تى دياركر” سه‌ره‌راى داخستنا هه‌ردو فرۆكخانێن هه‌ولێرێ وسلێمانيێ ل به‌رامبه‌ر گه‌شتێن نێڤده‌وله‌تى، به‌لێ هاتنوچوونا گه‌شتێن ئه‌سمانى ب رێيا ئه‌سمانێ هه‌رێما كوردستانێ گه‌له‌ك يا رۆهن وبه‌رچاڤه‌”.

وى به‌رپرسى، ل دووڤ مالپه‌رێ فه‌رميێ پارتى، زێده‌تر گۆت” پشتى نه‌مانا مه‌ترسيا داعشێ ل سه‌ر عيراقێ، ئه‌م تێبينيێ دكه‌ين كو فرۆكێن وه‌لاتێن كه‌نداڤى گه‌شتێن خوه‌ بۆ ئورۆپا ب رێيا ئه‌سمانێ كوردستانێ ئه‌نجام دده‌ن، كو به‌رى نوكه‌ ئه‌سمانێ ئيرانێ بكاردئينا، به‌لێ نوكه‌ رێيا خوه‌ يا گوهۆرى ودهێنه‌ دناڤ ئه‌سمانێ عيراقێ دا ل به‌سرا ود ئه‌سمانێ كوردستانێ را دبۆريت هه‌تا ژێ ده‌ردكه‌ڤيت ل ئامێديێ بۆ وه‌لاتێن جيهانێ”.

دياركر ژى”حوكمه‌تا عيراقى گۆژمه‌كێ پاره‌ى ژوان گه‌شتێن دئه‌سمانێ وێ را، ب هه‌رێما كوردستانێ ڤه‌، دبۆريت، وه‌ردگريت”.

ئه‌ميرا كه‌ريم، ئه‌نداما لژنا خزمه‌تگوزاريان ل جڤاتا نوونه‌رين عيراقێ راگه‌هاند” به‌غدا به‌هرا هه‌رێما كوردستانێ ژوى داهاتى نا هنێريت كو مافه‌كێ دستوورى يێ هه‌رێمێ يه‌، ژبه‌ركو ئه‌و گه‌شتێن فرۆكان دئه‌سمانێ كوردستانێ ژى را دبۆرن”.

ئه‌ميرايێ ئاشكراكر” سه‌رۆك وه‌زيرێن عيراقێ، حه‌يده‌ر عه‌بادى، ئه‌سمانێ عيراقێ، ب ئه‌سمانێ هه‌ريێا كوردستانێ ڤه‌ ژى، بۆ ده‌مێ 20 سالان يێن فرۆتيه‌ كۆمپانيه‌كا بريتانى، بێ كو به‌هرا هه‌رێما كوردستانێ بده‌ت”.

خوياكر ژى كو وێ سه‌ره‌دانا وه‌زيرێ ڤه‌گۆهاستنێ وگه‌هاندنا عيراقێ كريه‌ بۆ وه‌رگرتنا رۆهنكرنێن پێدڤى ل سه‌ر ڤى بابه‌تى، وه‌زيرێ ڤه‌گۆهاستنێ ژى ب وێ راگه‌هانديه‌ كو عه‌بادى هه‌موو ده‌ستهه‌لاتێن گرێداى ب فرۆكه‌ڤانيێ ڤه‌ يێن ژێ ڤه‌كێشاين ونوكه‌  ده‌ستهه‌لاتێن گرێداى هه‌ردو فرۆكخانێن هه‌رێما كوردستانێ يێن دده‌ستێ عه‌بادى ب تنێ دا.

ئه‌ڤرۆنيوز:

پشتى ب شێوه‌كێ نه‌راسته‌وخوه‌ ب چه‌ندين تۆمه‌تان هاتيه‌ تۆمه‌تباركرن ژلايێ قوباد تاله‌بانى جێگرێ سه‌رۆك وه‌زيرێن هه‌رێما كوردستانێ، ئه‌ندامه‌كێ مه‌كته‌با سياسى يا ئێكه‌تيێ ئاشكراكر كو وى به‌رسڤ بۆ ئاخڤتنێن قوباد تاله‌بانى يێن هه‌ين.

دده‌مێ چه‌ند رۆژێن بۆرى دا، مه‌حموود سه‌نگاوى، ئه‌ندامێ مه‌كته‌با سياسى يا ئێكه‌تى نيشتمانى كوردستان وبه‌رپرسێ له‌شكرى يێ وێ حزبێ، قوباد تاله‌بانى ب نوونه‌ره‌كێ لاواز يێ ئێكه‌تيێ دناڤ حوكمه‌تا هه‌رێما كوردستانێ دا هژمارتبوو، قوباد تاله‌بانى ژى ب شێوه‌كێ نه‌راسته‌وخوه‌ وه‌كو به‌رسڤه‌ك بۆ ئاخڤتنێن سه‌نگاوى، گۆتبوو” هنده‌ك كه‌س يێن هه‌ين مژوولى بوياغكرنێ نه‌ وميحوه‌رێن به‌راهيێ بێ شه‌ر يێن چۆل كرين ورۆژنامه‌ڤان يێن كوشتين وباج وپاران ژ خه‌لكى وه‌ردگريت”.

ل دۆر وان تۆمه‌تێن قوباد تاله‌بانى ئاراسته‌ى وى كرين، مه‌حموود سه‌نگاوى بۆ باسنيۆز گۆت” دێ من به‌رسڤا خوه‌ بۆ ئاخڤتنێن وى هه‌بيت، به‌لێ نوكه‌ به‌رسڤا وى ناده‌م”.