ئه‌ڤرۆ نیۆز , ره‌مه‌زان هه‌رنى :

عامر هاولاتیه‌كێ تلسقوفە بۆ ئه‌ڤرۆنیۆز دیاركر،ل ده‌مێ ئه‌م ل ئاواره‌یێ زڤرینە تلسقوفێ جهه‌كێ وێران بۆ نوكه‌ ئه‌م دئارامین ژلایێ ئه‌منى ڤه‌ ,به‌لێ مه‌ چۆ پێدڤیێن روژانه‌ نینه‌ پشتى تلسقوف هاتیه‌ وێرانكرن ب ته‌مامى نه‌هاتیه‌ڤ ئاڤاكرن و دروستكرنه‌ڤه‌ مه‌ پێدڤى ب بنگه‌هه‌كێ ساخله‌میێ هه‌یه‌ ئه‌گه‌ر نه‌خوشه‌ك هه‌بیت ل مال نه‌چارین ب كریه‌كا زور ڤه‌گوهێزێن دهوكێ و كریا رێكێ گه‌له‌كه‌ و چۆ دكتور نینه‌ ل تلسقوف چاره‌ سه‌ریا نه‌خوشێن مه‌ بكه‌ن ئه‌گه‌ر ب شه‌ڤ مه‌ نه‌خوشه‌ك هه‌بیت و ترومبێل و ته‌كسى نه‌بیت ڤه‌گوهێزین مه‌ترسى لسه‌ر ژیانا وان په‌یدا دبیت له‌ورا دانا بنگه‌هه‌كێ ساخله‌میێ دێ مه‌ ل ئاریشا مه‌ترسیا مرنى خلاس كه‌ن.

باسم هاولاتیه‌كێ تلسقوفه‌ بۆ ئه‌ڤرۆ نیۆز گوت , ئه‌م ل ئاواره‌یێ زڤرینه‌ڤه‌ به‌لێ مه‌ چۆ تشت نه‌مایه‌ تایبه‌ت نوكه‌ وه‌رزێ سه‌رمایێ یه‌و ئه‌م پێدڤى ب گازا سپى نه‌ هێشتا مه‌وه‌نه‌گریته‌ كاره‌ب وه‌ك پێدڤى یاباش نیه‌ مه‌ دار ژى نینه‌ زاروكێن مه‌ هه‌مى نه‌خوش بۆن و چۆ بنگه‌هه‌كێ ساخله‌میێ ژى نیه‌ ل تلسقوف كو چاره‌ سه‌ریا نه‌خوشان بكه‌ت , له‌ورا ئه‌م دخوازین كو پتر هاریكاریا مه‌ بهێته‌كرن و هێشتا ژیانا مه‌ تاما ئاواره‌یێ لێ دهێت ب تنێ ئه‌م ل بن خیڤه‌تا نینه‌ ئه‌گه‌ر مه‌ گه‌له‌ك كێماسیێن رۆژانه‌ هه‌نه‌ به‌لێ یا ژ هه‌میا گرنگتر دابه‌شكرنا گازا سپى یه‌ لسه‌ر خه‌لكێ ده‌ڤه‌رێ.

ئەڤرۆ نیۆز،زنار تۆڤى:

هه‌ولدانێن به‌رده‌وام دهێنه‌ كرن ژبۆ ڤه‌كرنا په‌یمانگه‌هه‌كا چاندنێ ل ناحیا كانى ماسێ و جه ژى بۆ ڤه‌كرنا ڤێ په‌یمانگه‌هێ هاتیه‌ ده‌ست نیشانكرن و ب تنێ ئه‌ڤ پرۆژه‌ ل هیڤیا ره‌زامه‌ندیێ مایه‌ و دڤى واریدا رێڤه‌به‌رێ ناحیا كانى ماسێ سه‌ربه‌ست سه‌برى ئاكره‌یى بۆ رۆژناما ئه‌ڤرۆ دیاركر:هه‌ر چه‌نده‌ كانى ماسێ ل سالا 1928 بوویه‌ ناحیه‌،لێ هه‌تاكو نوكه‌ وه‌كو پێدڤى د لایێ چاندنێ دا خزمه‌تا ڤێ ده‌ڤه‌رێ نه‌هاتیه‌ كرن و چو په‌یمانگه‌ه و جهێن تایبه‌ت ب چاندنێ ڤه‌ ل ڤێ ده‌ڤه‌رێ نه‌هاتینه‌ ڤه‌كرن،هه‌روه‌سا ئه‌ڤ ده‌ڤه‌ره‌ ب چاندنێ و ب تایبه‌تى ب سێڤان یا بناڤوده‌نگه‌ و به‌رهه‌مه‌كێ مه‌زن یێ چاندنێ لێ هه‌یه‌،دیسا گه‌له‌ك كانى و ژێده‌رێن ئاڤێ ژى ل كانى ماسێ هه‌نه‌ و ئه‌ڤه‌ دبنه‌ هوكار كو رێژه‌یه‌كا مه‌زن یا به‌رهه‌مێ چاندنێ ل ڤێ ده‌ڤه‌رێ هه‌بیت،لێ سالانه‌ وه‌كو پێدڤى جۆتیار مفاى ژ به‌رهه‌مێ خوه‌ نابینن و سالانه‌ به‌رهه‌مێ وان ب هه‌روه‌ دچیت.

رێڤه‌به‌رێ ناحیێ دیاركر ژى:نوكه‌ ئه‌م مژۆلى ڤه‌كرنا په‌یمانگه‌هه‌كا چاندنێ نه‌ ل سنۆرێ ناحیا كانى ماسێ و مه‌ نڤێسینه‌ك دایه‌ قائیمقامیا ئامێدیێ و پارێزگه‌ها دهۆكێ ژى و دیسا مه‌ ل به‌ره‌ ڤى بابه‌تى ل گه‌ل وه‌زیرێ خواندنا بلند و زانكۆكا زاخۆ ژى دیراسه‌ت بكه‌ین،چونكى نێزیكترین خال بۆ ناحیا ناحیا كانى ماسێ زانكۆیا زاخۆ یه‌،دیسا بۆ سالا داهاتى ئه‌م دێ ب رژدى ل سه‌ر ڤى پرۆژه‌ى كاركه‌ین و ئه‌ڤه‌ دێ بیته‌ مزگینیه‌كا دلخۆشكه‌ر بۆ خه‌لكێ ڤێ ده‌ڤه‌رێ،ژبه‌ركو ده‌ڤه‌را كانى ماسێ یا ناڤداره‌ ب چاندنێ،له‌ورا مه‌ هه‌ولدایه‌ كو ئه‌م ڤێ په‌یمانگه‌هێ ڤه‌كه‌ین،ژ پێخه‌مه‌ت خه‌لكێ ڤێ ده‌ڤه‌رێ بشێت مفاى ژ به‌رهه‌مێ خوه‌ وه‌ربگرن و ب شێن باشتر به‌رهه‌مێ خوه‌ پَش بێخن،ناڤهاتى دیاركر ژى:به‌رى نوكه‌ دو عمبارێن ته‌زاندنا فێقى هاتبوونه‌ چێكرن ل سنۆرێ ناحیا كانى ماسێ كو ئێك ل كانى ماسێ و یا دى ژى ل كۆمه‌لگه‌ها بریفكا هاتیه‌ چێكرن،دیسا مه‌ هزر ل هندێ ژى كریه‌ كو وان هه‌ردو عمباران بێخینه‌ د خزمه‌تا كه‌رتێ چاندنێ دا،داكو به‌رهه‌مێ جۆتیاران بهێته‌ پاراستن و ل وه‌رزێ زڤستانێ مفا ژ وى به‌رهه‌مى بهێته‌ دیتن.