ئەڤرۆنیۆز، سالار دۆسكی:

ب مەرەما پاراستنا كەلتۆر و دابونەریتێن كوردەواری ل دەڤەرێ،‌ دوهی رێكەفتی 1/12/2007 ل دانێ‌ ئێڤاری بۆ جارا ئێكێ،‌ خەلكێ‌ بامەرنێ‌ فیستەڤالا دانیكا ل نێزیك دەرێ‌ قەشیلو گێرا.

رۆژنامەڤان و نڤیسكار عەبدولره‌حمان بامەرنی بەرهەڤبوویەكێ‌ فیستەڤالێ‌ بۆ‌ ئەڤرۆ نیۆز دياكركو بۆ جارا ئێكێ‌ یە فیستەڤال دهێـتەگێران و ئەڤ جهە هاتە دەستنیشانكرن كو دەرێ‌ قەشیلۆيه‌،چونكى دكەڤندا دانیك ل وى جهى دهاتنەچێكرن و سالانە ئه‌ڤ فسته‌ڤاله‌ دێ هيته‌گێران وبتنێ‌ بۆ خەلكێ‌ بامەرنێ نينه‌،‌ بەلكو هەر كەسەكێ‌ دڤێت دشێت سالانە پشكداریێ‌ تێدا بكەت.

ئەو ژی گۆت، زێدەتری هزار مرۆڤان بەرهەڤ فيسته‌ڤالێ بوون، دو مەنجلێن دانیكا هاتبوونە كەلاندن و ل سەر پشكداربوویان هاتبوونە بەلاڤەكرن، دیسا ژبرگێن دى يێن ڤیستەڤالێ‌ فێقيێن(هنار، كتك، مێویژ، گیز، باهیف) و چەندین خوارنێن ئاقاری و چەم و رەزێن دەڤەرێ‌ هاتبوونە نمایشكرن.

عه‌بدولره‌حمانى ئەو ژی دیاركر كو هەر دناڤا برگێن فیستەڤالێ‌ دا چەندین ده‌هوه‌تێن كوردی ب دەنگ هاتنەكرن وەكو(شامیرانێ‌، چوخوو، عودیشۆ) ل گەل چەندین برگێن هونەری يێن كەلتوری كو دەربرین ژ كەلتورێ‌ دەڤەرێ‌ یێ‌ كوردەواری دكر.

ئه‌ڤرۆ نيۆز:

به‌رى ده‌مه‌كێ كێم رێ وره‌سمێن تيرۆپشكا قۆناغا كۆمان يا مونديالا رۆسيا 2018 ده‌ستپێكرن كو تێدا دێ 32 هه‌لبژارتيێن گه‌هشتينه‌ مونديالێ ب سه‌ر هه‌شت كۆمان هێنه‌ به‌لاڤكرن.

ئه‌ڤرۆ ل ده‌مژمێر 6 ئێڤارى ل هۆلا ئاهه‌نگێن كۆچكا كرملين ب پشكداريا چه‌ندين مه‌زنه‌ كه‌سايه‌تيێن وه‌رزشى وده‌زگه‌هێن راگه‌هاندنێ ده‌ست ب رێ وره‌سمێن كێشانا تيرۆپشكا مونديالێ هاته‌ كرن كو ب شێوه‌كێ ئێكسه‌ر بۆ هه‌موو جيهانێ دهێته‌ به‌خشكرن وهه‌ر ئێك ژ گارى لينيگه‌ر ياريكه‌رێ به‌رێ يێ هه‌لبژارتيێ ئينگلته‌را ويانا ئێڤرتۆن كو گولكارێ مونديالا مه‌كسيك 1986 بوو وخانما رۆژنامه‌نڤيسا وه‌رزشى يا رۆسى ماريا كۆماندنايا  رێ وره‌سمێن كێشانا تيرۆپشكێ ب رێڤه‌دبه‌ن.

رێ وره‌سمين ناڤبرى چه‌ندين برگان ب خوه‌ڤه‌ دگريت كو دێ گرنگترين برگ كێشانا تيرۆپشكێ بيت.

دوان رێ وره‌سمان دا، هه‌ر ئێك ژ ياريكه‌ران رونالدۆ وكافۆ يێن به‌رازيلى وبۆيۆل يێ ئيسپانى و ميرۆسلاف كلۆزه‌ يێ ئه‌لمانى ولۆران بلان يێ فره‌نسى وفابيۆ كانافارۆ يێ ئيتالى وديگۆ فورلان يێ ئورگۆايى وچه‌ندين ستێرين دى دێ پشكداربن.

32 هه‌لبژارتى دێ ب سه‌ر هه‌شت كۆمان دا هێنه‌ به‌لاڤكرن وژبلى هه‌لبژارتيێن كێشوه‌رێ ئورۆپا، رێ ناهێته‌ دان دو هه‌لبژارتيێن چ كێشوه‌رێن دى د ئێك كۆم دا بن، ديسا ئه‌و 32 هه‌لبژارتيێن گه‌هشتينه‌ مونديالێ ب سه‌ر چار ئاستان دا هاتينه‌ به‌لاڤكرن كو هه‌لبژارتيێن ئاستێ ئێكێ دێ سه‌ركێشێن هه‌ر هه‌شت كۆمان كه‌ن ورۆسيا رێكخه‌را مونديالێ دێ د كۆما ئێكێ دا ياريێ كه‌ت.

ئاستێ ئێكێ:

رۆسیا، ئەلمانیا، بەرازیل، پرتۆگال، ئەرجەنتین، بەلجیکا، پۆلەندا، فرەنسا.

ئاستی دويێ:

ئیسپانیا، پیرۆ، سویسرا، ئینگلتەرا، کۆلۆمبیا، مەکسیک، ئۆرۆگوای، کرواتیا.

ئاستی سيێ:

دانیمارک، ئایسلەندا، کۆستاریکا، سوید، تونس، مسر، سەنیگال، ئیران.

ئاستی چارێ:

سڕبیا، نایجیریا، ئوسترالیا، چاپۆن، مەغرب، پەنەما، کۆریا باشوور، سعودیە.

ياريێن مونديالا رۆسيا 2018 دێ ل رۆژا 14/6/2018 ده‌ست پێ كه‌ن ول رۆژا 15/7/2018 ياريا دووماهيێ يا بده‌ستڤه‌ئينانا جاما جيهانێ هێته‌ ئه‌نجامدان.