سه‌ره‌كى نووترين نووچه

ئامينا زكرى:دێ پشكداريێ دچاڤدێريا هه‌لبژارتنێن رۆژئاڤا دا كه‌ين

29/11/2017 16:48

272

ئه‌ڤرۆنيۆز:

ل دووف داخوازنامه‌كێ برياره‌ شانده‌كێ په‌رله‌مانێ كوردستانێ پشكداريێ دپرۆسا چاڤدێريا هه‌لبژارتنان ل رۆژئاڤايێ كوردستانێ دا بكه‌ت.

ئامينا زكرى، جێگرا سه‌رۆكێ فراكسيۆنا پارتى ل په‌رله‌مانێ كوردستانێ وسه‌رۆكا شاندێ په‌رله‌مانى دچاڤدێريا هه‌لبژارتنێن رۆژئاڤا دا راگه‌هاند، داخوازنامه‌كا فه‌رمى بۆ نوونه‌رێن پارتى وئێكه‌تى وگۆرِان هاتيه‌ كو پشكداريێ دچاڤدێريا هه‌لبژارتنێن رۆژئاڤا دا بكه‌ن.

ئامينا زكرى زێده‌تر بۆ رووداو گۆت، دا خوه‌شحال بين هه‌كه‌ داخوازنامه‌ بۆ هه‌موو فراكسيۆن وپێكهاتان هاتبا، به‌لێ داخوازنامه‌ تنێ بۆ فراكسيۆنێن پارتى وئێكه‌تيێ ه‌گۆرِان يا هاتى.

شاندێ په‌رله‌مانێ كوردستانێ دێ پێكهێت ژ ئامينا زكرى ژ فراكسيۆنا پارتى و زانا عه‌بدولره‌حمان ژفراكسيۆنا ئێكه‌تيێ و شێركۆ حه‌مه‌ ئه‌مين ژ فراكسيۆنا گۆرِان.

برياره‌ ل رۆژا 1/12/2017 هه‌رسێ هه‌لبژارتنێن باژێركان، باژێرڤانيان وكانتۆنان ل رۆژئاڤايێ كوردستانێ بهێنه‌ ئه‌نجامدان، ئامينا زكرى گۆت، ئه‌ڤرۆ چار شه‌مبى دێ به‌ر ب رۆژئاڤا ڤه‌ چين بۆ پشكداريێ دچاڤدێريا وان هه‌لبژارتنان دا.

پتر ژ 4 مليار ديناران دێ بۆ هنده‌ك فه‌رمانبه‌رێن ڤێ وه‌زاره‌تێ هێنه‌ مه‌زاختن

29/11/2017 16:41

1944

ئه‌ڤرۆنيۆز:

وه‌زاره‌تا دارايى وئابوورى ل هه‌ريما كوردستانێ رازيبوون دياركر ل سه‌ر مه‌زاختنا گۆژمێ چار مليار و100 مليۆن ديناران بۆ وه‌زاره‌ته‌كا حوكمه‌تێ.

ل دووڤ نڤيسارا وه‌زاره‌تا دارايى وئابوورى يا هژمار14791 كو ئه‌ڤرۆ چارشه‌مبى 29/11/2017 هاتيه‌ ئاراسته‌كرن بۆ وه‌زاره‌تا ساخله‌ميێ، رازيبوون هاتيه‌ كرت ل سه‌ر مه‌زاختنا گۆژمێ چار مليار و100 مليۆن ديناران بۆ هاندان وئشكگريێ بۆ ديوانا وه‌زاره‌تێ ونه‌خوه‌شخانه‌ وسه‌نته‌رێن ساخله‌ميێ يێن 24 ده‌مژمێرى يێن ب سه‌ر وه‌زاره‌تا ساخله‌ميێ بۆ هه‌يڤا نيسانا 2017.

ل دووڤ وێ نڤيسارێ، ملياره‌ك و500 مليۆن دينار بۆ هه‌ولێرێ وملياره‌ك و255 مليۆن دينار بۆ سلێمانيێ و850 مليۆن دينار بۆ دهۆكێ دێ هێنه‌ مه‌زاختن وگۆژمه‌كێ دى يێ پاره‌ى بۆ ئيدارێن(گه‌رمبان، راپه‌رين، كويێ وچه‌مچه‌ما) دێ هێته‌ مه‌زاختن.

وه‌زيرێ ساخله‌ميێ ل هه‌رێما كوردستانێ، رێكه‌وت حه‌مه‌ ره‌شيد، د به‌رپه‌رێ خوه‌ ل سه‌ر تۆرا فه‌يسبووكى داخواز ژ يه‌كه‌يێن ژمێريارى كريه‌ ب زووترين ده‌م وى پارێ هاندانێ ب مه‌زێخن.

كۆمبوونه‌ك ل دۆر هه‌رێما كوردستانێ ل په‌رله‌مانێ ئسرائیلێ دهێته‌ كرن

29/11/2017 16:37

172

ئه‌ڤرۆ نیوز:
كۆمبوونه‌ك ل دۆر په‌یوه‌ندێن ئسرائیلێ و كوردان و ره‌وشا هه‌رێما كوردستانێ ل په‌رله‌مانێ ئسرائیلێ كو ب كنێسێت دهێته‌ نیاسین ده‌ست پێ كرییه‌.
كۆمبوون ب ده‌ستپێشخه‌رییا كسێنیا سڤێتلۆڤایه‌ سه‌رۆكێ لۆبیكرنێ و بهێزكرنا په‌یوه‌ندییان د ناڤبه‌را كورد و ئسرائیلێ دا.

پارێزگه‌رێ دهۆكێ ل دێره‌لۆكێ:دێ ب توندى به‌رسڤا هه‌ر كه‌س و لایه‌نه‌كى هێته‌ دان یێ ل ده‌ڤه‌رێ تێكدانێ بكه‌ت

29/11/2017 16:31

1104

ئه‌ڤرۆنيۆز،ئامێدیێ، مه‌حمود نهێلى

د سه‌ره‌دانه‌كى دا بۆ ده‌ڤه‌را ئامێدیێ، فه‌رهاد ئه‌مین پارێزگه‌رێ دهۆكێ و شانده‌كى دگه‌لدا سه‌را ناحیا دێره‌لۆكێ دا و ژلایێ به‌رپرسێن ده‌ڤه‌رێ ڤه‌ پێشوازێ لێ هاته‌ كرن و پاشى د كۆمبوونه‌كى دا ل گه‌ل قایمقامێ قه‌زا ئامێدیێ و به‌رپرسێ لقێ هه‌ژده‌ یێ پارتى دیموكراتى كوردستان و رێڤه‌به‌رێ ناحیێ وهژماره‌كا به‌رپرس و رێڤه‌به‌رێن میرى وئه‌منى ل ده‌ڤه‌رێ، به‌حسێ ره‌وشا ئه‌منى و ژیارا وه‌لاتیان وبتایبه‌تى ژى روودانا ته‌قه‌كرنا ڤان رۆژێن بۆرى و تیرۆركرنا وه‌لاتیه‌كى و ره‌ڤاندنا كه‌سه‌كى دى هاته‌ شرۆڤه‌كرن.

د كۆنگره‌كێ رۆژنامه‌ڤانى دا، پارێزگه‌رێ دهۆكێ ب توندى ئه‌و روودان شه‌رمزار كر و ته‌كه‌ز كر كو پێدڤیه‌ ئه‌نجامده‌رێن وێ روودانێ ب گه‌هنه‌ سزایێن خوه‌ ل دووڤ قانوونێ و گۆت (هیڤیدارین ئه‌ڤ كارێن ب ڤى ره‌نگى دووباره‌ نه‌بن و هه‌كه‌ ب توندى دێ ژلایێ خه‌لكێ ده‌ڤه‌رێ و ده‌سهه‌لاتێ ڤه‌ هێنه‌ به‌رس دان، ژبه‌ر كو ئه‌ڤ ده‌ڤه‌ره‌ سنورێ حوكمه‌تا هه‌رێما كوردستانێ یه‌ و سنورێ پارێزگه‌ها دهوكێ یه‌، كارێن ب ڤى ره‌نگى و دناڤه‌ندا باژیرێ دا بهێنه‌ كرن، جهێ شه‌رمزاریێ یه‌).

ئاشكرا كرژى كو ڤه‌كۆلین ل سه‌ر وێ روودانێ د به‌رده‌وامن و كه‌سوكارێن قوربانى ل دادگه‌هێ سكالا تۆمار كریه‌ و لایه‌نێن په‌یوه‌ندیدار یێن كارێن خوه‌ دكه‌ن و ب چ ره‌نگه‌كى ئه‌م قه‌بوول ناكه‌ین كادرێن مه‌ ل ناڤ باژێران بهێنه‌ تیرۆر كرن و هه‌كه‌ ئه‌گه‌ر هه‌ر چ بن و كاره‌كى گه‌له‌ك درندانه‌یه‌ و دژى هه‌ر پرنسيبه‌كێ مرۆڤاتیێ یه‌.

ل دۆر پرۆژێ هایدروپاوه‌رێ دێره‌لۆك ژى دیار ك، هێشتا كۆمپانیا ئیرانى ب فه‌رمى ده‌ست ژ كارێ خوه‌ به‌رنه‌دایه‌، به‌لێ دیاره‌ ژ به‌ر قه‌یرانا ئابوورى و ئه‌ڤ قه‌یرانا پشتى ریفراندۆمێ، ب شێوه‌كێ ده‌مكى كار تێدا هاتیه‌ راوه‌ستاندن.

ده‌رباره‌ێ به‌لاڤكرنا گازا سپى ل سه‌ر وه‌لاتیێن قه‌زا ئامێدیێ، پارێزگه‌رێ دهۆكێ دیاركر كو ل قه‌زا ئامێدیێ كارێ به‌لاڤكرنا گازێ یێ به‌رده‌وامه‌ و گۆت: به‌لاڤكرن ل ناحیه‌كێ يا تمام بووی،‌ لێ دیاره‌ شیانێن مه‌ هندن و ئه‌و پشكا بۆمه‌ دهێت یا كێمه‌ و یا ده‌ست نیشانكریه‌ و ئه‌وا ل به‌ر ده‌ستێ مه‌ هه‌ى، دێ ل سه‌ر وه‌لاتیان به‌لاڤ كه‌ین).

سه‌باره‌ت ب رێڤه‌چوونا پرۆژه‌یان ل ده‌ڤه‌رێ گۆت، بتنێ ل قه‌زا ئامێدیێ پرۆژه‌ نه‌ راوه‌ستیانه‌ و چه‌ندین پرۆژه‌ ئه‌ڤ ساله‌ ب دووماهى هاتن و هند پرۆژێن گرنگ ژى نوكه‌ كار يێ تێدا دهێته‌ كرن و ئه‌ڤ ساله‌ ژى چه‌ندین پرۆژێن بچووك ل ده‌ڤه‌رێ يێن هاتينه‌ ئه‌نجامدان.

نه‌ته‌وێن ئێكگرتى ئاخڤتنه‌كا عه‌بادى ب دره‌و ده‌ردئێخيت

29/11/2017 16:02

1057

ئه‌ڤرۆنيۆز:

حه‌يده‌ر عه‌بادى سه‌رۆك وه‌زيرێن عيراقێ چه‌ندين جاران ل سه‌ر شاشێن ته‌له‌ڤزيۆنان ول به‌رپه‌رێ خوه‌ ل سه‌ر تۆرا جڤاكى يا تويته‌رى به‌لاڤكريه‌ كو داعش ل عيراقێ يا ب دووماهى هاتى وسه‌ركه‌فتنا هيزێن عيراقى رادگه‌هاند.

به‌لێ دبه‌ياننامه‌كا نه‌ته‌وێن ئێكگرتى دا كو دوهى سێشه‌مبى هاتيه‌ ده‌ركرن ل دۆر په‌قينا شه‌ڤا دوشه‌مبيا بۆرى يا خوه‌كوژى كو ل ده‌ڤه‌را نه‌هره‌وان ل به‌غدا هاتيه‌ ئه‌نجامدان، ئاماژێ ب وێ چه‌ندێ دكه‌ت كو هێشتا داعش يا ل عيراقێ ماى ويا ب هێزه‌.

دوێ به‌يانناما نه‌ته‌وێن ئێكگرتى دا، يان كوبيش هنارتيێ تايبه‌ت يێ سكرتێرێ گشتيێ نه‌ته‌وێن ئێكگرتى ل عيراقێ وێ په‌قينا خوه‌كوژى ل نه‌هره‌وان شه‌رمزار دكه‌ت ودبێژيت، هێرشێن تيرۆرستان چو ده‌ما دسه‌ركه‌فتى نابن ودێ تووشى شكه‌ستنێ بن.

شه‌ڤا دوشه‌مبىا بۆرى، دو خوه‌كوژان ل ده‌ڤه‌را نه‌هره‌وان ل به‌غدا ته‌قه‌ ل وه‌لاتيان كر وپاشى خوه‌كوژه‌كى ژوان خوه‌ په‌قاند ودئه‌نجامدا 17 كه‌س هاتن كوشتن و18 كه‌س ژى برينداربوون.

سه‌رۆكوه‌زیرا بریتانیا د گه‌ل عه‌بادی دا كۆمبوو

29/11/2017 16:00

ئه‌ڤرۆ نیوز:
ئاژانسا رویته‌رز راگه‌هاند: ئه‌ڤرۆ ل به‌غدا تێریزا مه‌ی، سه‌رۆكوه‌زیرا بریتانیا و حه‌یده‌ر عه‌بادی، سه‌رۆكوه‌زیرێن ئیراقێ كۆم بوون.
ل گۆری گۆتنا تێله‌ڤزیۆنا ئیراقی ل ڤێ داویێ په‌یوه‌ندیێن بریتانیا و ئیراقێ پێشڤه‌چووینه‌ ب تایبه‌ت د بیاڤێ به‌رهنگاربوونا تیرۆرێ دا.

كۆمبوونا سەرۆك بارزانی و فوئاد مه‌عسووم ئه‌رێنی بوو

29/11/2017 15:46

145

ئه‌ڤرۆ نیوز:
سه‌رۆك مەسعود بارزانی، سەرۆكێ پارتی دیموكراتی كوردستان ‌و د. فوئاد مەعسووم، سەرۆككۆمارێ ئیراقێ ل پیرمام کۆمبوون، شیره‌تكاره‌كێ سەرۆككۆماری ژی دبێژیت کۆمبوون یا ئەرێنی بوو.
فەرهاد عەلائەدین، شیره‌تكارێ سەرۆككۆمارێ ئیراقی ئاشكرا كر كو كۆمبوونا هه‌ردو ئالییان پتری دو ده‌مژمێران ڤه‌كێشا، تێدا بحسێ ئاریشه‌یێن هەرێما كوردستانێ ‌و ئیراقێ هاته‌ كرن، دوپاتی هاته‌ كرن كو پێدڤییه‌ زووترین ده‌م گۆتوبێژ د ناڤبه‌را هەولێر ‌و بەغدا بۆ چارەسەركرنا ئاریشه‌یان دەستپێبكه‌ن.

فالفيردى: پێدڤيه‌ ته‌كنولوژيا ل خۆلا ئيسپانى بهێته‌ بكارئينان

29/11/2017 15:15

ئه‌ڤرۆنيۆز:

راهينه‌رێ يانا به‌رشه‌لونا يا ئيسپانى، ئه‌رنيستۆ فالفيردى، ره‌خنه‌ ل دادڤانێ ياريا به‌رشه‌لونا وڤالنسيا گرت وداخوازا بكارئينانا ته‌كنولوژيا چاڤێ بازى د ياريێن خولا ئيسپانى دا كر.

فالفيردى بۆ رۆژناما (ماركا) يا ئيسپانى گۆت، جهێ حێبه‌تيێ يه‌ دادڤانى گۆلا ميسى نه‌ديتى ب تايبه‌تى د ياريه‌كا گرنگ وه‌كو وێ ياريێ.

گۆت ژى، 40 هزار كه‌سێن دناڤ ياريگه‌هێ دا ديت چاوان ته‌پا ميسى ژ هيلا گۆلا ڤالنسيا ده‌ربازبوو. پێدڤيه‌ ژنوكه‌ ووێڤه‌ ته‌كنولوژيا بهيته‌ بكارئينان بۆ ئێكلاكرنا گرفتێن ب ڤى شێوه‌ى.

به‌رپرسه‌كێ حوكمه‌تا هه‌رێمێ مه‌ترسيا ژناڤچوونا سكره‌كێ مه‌زن ئاشكرا دكه‌ت

29/11/2017 15:03

625

ئه‌ڤرۆنيۆز:

به‌رپرسه‌كێ حوكمه‌تا هه‌رێما كوردستانێ راگه‌هاند، مه‌ترسيا ژناڤچوونا سكرێ ده‌ربه‌نديخان يا هه‌ى وئاشكراكر كو لايه‌نێن په‌يوه‌نديدار ب جدى يێن ل سه‌ر هێلێ.

ئه‌ڤرۆ چارشه‌مبى 29/11/2017 وه‌زيرێ چاندنێ وژێده‌رێن ئاڤێ ل هه‌رێما كوردستانێ، عه‌بدولستار مه‌جيد دكونگره‌كێ رۆژنامه‌ڤانى دا ئاشكراكر كو سكرێ ده‌ربه‌نديخان ژئه‌گه‌رێ بيڤه‌له‌رزا 12/11/2017 يێ تووشى چه‌ندين زيانان بووى.

عه‌بدولستار گۆت ژى، پشتى ئه‌نجامدانا ڤه‌كۆلين وڤه‌خواندنان ژلايێ تيمێن مه‌ وهنده‌ك تيمێن عيراقى وبيانى، بۆمه‌ دياربوو كو مه‌ترسى يا ل سه‌ر سكرى هه‌ى و 48 سه‌نتيمه‌تران ئه‌و سكره‌ يێ چوويه‌ خوار و10 هه‌تا 20 سه‌نتيمه‌تران ژى يێ لڤى به‌ر ب لايێ ئاڤێ ڤه‌، دده‌مه‌كى دا پێشبينى دهاته‌ كرن به‌ر ب لايى هشكاتيێ ڤه‌ ب لڤيت.

وه‌زيرێ چاندنێ وژێده‌رێن ئاڤێ نه‌ڤه‌شارت ژى كو ره‌وشا سكرێ ده‌ربه‌نديخان يا مه‌ترسيداره‌ وهه‌كه‌ سكر ژئه‌گه‌رێ بيڤه‌له‌رزى يان هه‌ر حاله‌ته‌كا دى ژناڤ بچيت، ژبلى زيانه‌كا مه‌زن ب ژێده‌رێن ئاڤێ، دێ زيانێن گيانى ژى په‌يدابن وتاكو حه‌مرين ژى دێ ئاڤ به‌ت، ل حه‌مرينێ ژى هه‌كه‌ ئاڤه‌كا مه‌زن دسكرێ حه‌مرينێ كۆمبيت كو دشياندا نينه‌ بهێته‌ زڤراندن، دێ بيته‌ كاره‌ساته‌كا دى بۆ پارێزگه‌هێن ناڤه‌راست وباشوورێ عيراقێ.

به‌حس ل وێ چه‌ندێ ژى كر كو وان ره‌وشا سكرێ ده‌ربه‌نديخان بۆ به‌نكا نێڤده‌وله‌تى وجڤاتا وه‌زيرێن هه‌ريما كوردستانێ وتيمه‌كا ئيتالى ل سكرێ مووسل وچه‌ندين لايه‌نێن دى يا رۆهنكرى.

گۆت ژى، حوكمه‌تا هه‌رێما كوردستانێ ئێك مليار دينار بۆ دروستكرن ونووژه‌نكرنا پشكا سه‌رى يا سكرى يا ته‌رخان كرى، حوكمه‌تا عيراقێ ژى گۆژمێ 3 مليار ديناران بۆ ڤه‌ديتن وڤه‌كۆلينێ دهوورده‌كاريێن روودانێ مه‌زاختين، نوكه‌ ئه‌م يێ بزاڤان دكه‌ين ئاڤێ به‌رده‌ين وچاڤه‌رێ داگرتنا سكرى ناكه‌ين.

ل ئێڤاريا رۆژا 12/11/2017 بيڤه‌له‌رزه‌كێ ب هێزا 7.4 پله‌ ل دووڤ بيڤه‌رێ ريخته‌ر يێ جيهانى كو ژ 9 پلان پێكدهێت، ده‌ڤه‌رين هه‌ريما كوردستانێ هه‌ژاند كو ل هه‌له‌بجه‌ وده‌ربه‌نديخان وده‌ڤه‌رين ئيدارا گه‌رميان پتر هه‌ست ب وێ بيڤه‌له‌رزێ هاته‌ كرن كو دئه‌نجامدا 8 كه‌سان گيانێ خوه‌ ژده‌ستدا ونێزيكى 500 كه‌سان ژى برينداربوون.

سكرێ ده‌ربه‌نديخان دكه‌ڤيته‌ نيزيك باژێرێ ده‌ربه‌نديخان ل پارێزگه‌ها سلێمانيێ، ل سالا 1956 هاتيه‌ دروستكرن ول سالا 1961 ده‌ست بكارئينانا وى هاتيه‌ كرن، بلنداهيا سكرى 128 مه‌ترن ودرێژيا وى 225 مه‌ترن وفره‌هيا وێ 17 مه‌ترن.