ئەڤرۆ، سالار دۆسکی:
شێست رۆژ بورین ل سەر ئەنجامدانا ریفراندۆما ھەرێما کوردستانێ بۆ سەربەخۆیێ دەربازبوون، حوکمەتا بەغدا بخوە ئەف کارە کریە بھانەک بۆ سنورداکرنا ھێز و شیانێن کوردان، پشتی ڤێ بویەرێ بەغدا چەندین پێنگاڤێن پراکتیتی دژی کوردان ھاڤێتی نە، وەک گرتنا فرۆکخانا وگرێدانا رێکەفتنا ل گەل وەلاتێن دراوسێ دژی کوردان و دیسا چەندین پێنگاڤێن دی، چاڤدێرێن سیاسی و مامۆستایێن زانکۆیێ بۆچوونێن جودا ل سەر بویەرێ ھەنە.
د.زێرەڤان بەرواری مامۆستایێ زانکۆیێ بۆ رۆژناما ئەڤرۆ گۆت: رەفتارێن حەیدەر عەبادی ل گەل کوردان رێژا دو ھوکارانە، عەبادی بادەکا کوردی وەکو کارتەکا سیاسی یا سەرکەفتی بکارتینت ل گەل لایەنێن عیراقی و بکارئینان د ھەلبژارتنێن داھاتی دا، دیسا عەبادی بزاڤا دکەت زێدەتر دەست ھەلاتا کوردی نەچار بکەت ل سەر رازیبوونێ ل سەر ژ دەست دانا پێگەھێ سیاسی یێ ھەرێمێ کو ئێدی کورد نەبنە ھەرەشا تێکدانا بەلانسا سیاسی ل سەر پارتا دەست ھەلاتا شیعی، ئەگەرێ دووێ ئەڤرۆ عەبادی بزاڤا دکەت ھندەک ئارمانجێن ھەرێما کوردستانێ ل گەل سیاسەتا خوە بجھبینت و تایبەتی داخازیێن ئیران و تورکیا و تایبەتی رێکەفتنا ھەرسێ لایەنی بۆ بەرھنگاریبوونا ناسیونالیزما کوردی ھەر وەسا لاوازیا کوردی و تایبەت دو بەرەکی و لێک نێزییکبوونا ھندەک پارتێن کوردی و تایبەت پشتی 16 ئێکتوبەرێ ، لێ ئارمانجێن حوکمەتا ناڤەندی ھەلویستێ کوردان لاواز دکەت بۆ نەچارکرنا عەبادی کو پێشوازیا کوردان بکەت ، یا گرنگە کورد ھەلویستەکێ دیار نیشا بدەن ب تایبەتی ڤە کێشلن ژ پرۆسێسا سیاسی ل بەغدا ، ئەگەر مەبسەت ژ پاراستنا شوناسێ کوردی یە ل عیراقێ دا.
ھەڤدەم عەلی ئورەماری، چاڤدێرێ سیاسی ل سەر نەبەرھەڤبوونا بەغدا ل پێشوازیا شاندێ کوردی بۆ دەسپێکرنا دانوستاندنا و تایبەتی پشتی ئەنجامدانا ریفراندومێَ ل بیست و پێنجی ئەیلولا بوری بۆ رۆژناما ئەڤرۆ گۆت: حەیدەر عەبادی دێ وی دەمی یێ بەرھەڤ بیت پێشوازیێ ل شاندێ کوردی بکەت دەمێ حوکمەتا کوردی نوونەراتیا ھەموو پێکھاتانکر ئانکو حوکمەتا ھەرێما کوردستانێ نە ھێـە کەزاختن و ئەگەر ھەموو تێدا دپشکدارنەبن پێشوازیێ لێ ناکەت، دیسا سەرۆک وەزێرێن عیراقێ خوە دگریت کو کورد نەچاربن کو ھەر تشتەکێ بێژیت کورد پێ رازی بن تایبەت ھەرێما کوردستانێ کو نوکە ب 28 ملیار دیناران یا دەیندارە و عەبادی خوە ل ئەوان دەینان ناکەتە خودان.
عەلی ئەو ژی گۆت: نوکە کارێ ل سەر ھەلوەشاندنا حوکمەتێ و پێکئینانا حوکمەتەکا بەروەخت دھێتەکرن، دیسا پێشبینی دکەم بۆدجا ھەرێما کوردستانێ دێ بۆ 17% زڤریت.
نيشاندان